ياسلام والله قصصكم ولا اروع..

اما بالنسبة لي أخوي الكبير كان نصراوي وقال لي شجع النصر وكنت اذا قعدت لحالي اقعد (اهيجن) يعني اغني اهازيج للنصر وكان عمري وقتها 5 سنواتعام 1407 مابعد دخلت المدرسة.. واخوي الثاني اصغر من اخوي الكبير هلالي موت سمعني مره اغني للنصر ونشب في حلقي وهاوشني وقال لي عيب تشجع النصر مايشجع النصر الا التكارنه خخخخخخ ورحت قعدت معه شغل لي اشرطة اهداف الهلال وابداعاته. وقال لي باخذك معي للملعب المباراة الجايه بس اوعدني تشجع الهلال ولا تشجع النصر ابدا.. ووعدته من يومها ووفيت بوعدي وادمنت على الهلال ادمان ولا صرت افوت اي مباراة من بعد مباراة الرائد اللي حضرتها معه في عام 1410 لما اخذنا الدوري بفوزنا 8-صفر.

واحمد الله الي ارسله لي ذاك اليوم والا كنت رحت كديش.