|
يـخـرب بـيـتـك يا إيـاد مـدنـي شـوي شـوي علـيـنـا !! تلفـزيـونـكـم إنهـبـل يا رجـالـه صبحهم بالنور والسرور .. الله حيهم كل واحدن باسمه .. واللي ماعنده اسم الله يحييه باسم أخوه (( بدت المصاله )) ! والله من زمان عن المجلس العام .. لي عنه فوق السنتين يمكن .. شكل المشرفين يقولون من هالبثر اللي دلّـه على مكاننا من جديد .؟:d .. يا إخوان يا أخوات والله اني جاي أحط راسي وأرقد .. مافي راسي نية لكتابة موضوع .. بس الشكوى لله .. فيه حدث مدوي خلاني أقتحم المنتدى عشان اكتب لكم عنه .. يا جماعة الخير يالمسلمين يا النشامى .. تلفزيوننا العزيز من تالي مهوب صاحي أبد .. قسم بالله فيه بلاوي قاعده تصير من تالي بس مااحد طق لها خبر مدري ليه .. أذكر في السابق .. كانت الاعلانات التجارية يجيبون حريم متسترات محتشمات شوي قسم بالله ويلبسن دسوس .. ويقعدن يسولفن ويتميصلن ثم تقول وحده لخويتها : ماجربتي المنتج الفلاني ؟ تقول خويتها : لا واللهي ماجربتهوش .. تقوم خويتها تعطيها المنتج اللي يتكلم عنه الاعلان ثم بعدين تجي تشكرها وتقول فعلاً منتج مهوب صاحي فادني كثير وينتهي الاعلان ويا دار مادخلك شر .. الحين لا .. الحين الوضع اختلف .. إياد مدني اكبر من هالاعلانات السطحيه :d إذا ما طقت الحرمه الجنز .. وفلت الشعر .. وقامت تتدلع وتمشي باالكريم أو الشامبو وتهز عمرها .. مايعتبر هذا إعلان عند أبو مدني :biggrin2: أنا أذكر أن تلفزيوننا في السابق ينقلون مباراة أوروبية أو كأس عالم .. يقوم المخرج ياخذ فرة على الجمهور الحاضر للمباراة أو يتابع الأمواج اللي يسويها الجمهور.. ومن أول ظهور لمرأة متبرجه تنحاس الشاشه فوق حدر و النقل يتوقف ويحطون صورة ثابته على برج التلفزيون على بالهم منظر .. ثم تسمع محمد خيري يقول بصوت مقتضب : عذراُ للخلل الفني وسنعود لمواصلة البث بعد قليل <<< شكلهم راحوا يطقون المخرج الأوروبي ههههههه لااااااااا الحين الوضع اختلف عند إياد باشا .. :- من كان يصدق يا جماعة الخير أننا راح نشوف في يوم من الايام نور الشريف او أحمد زكي في أحد أفلامهم السينمائية على شاشة قناتنا الأولى ؟ نوووور ! نور الشريف يا أبو مدني ؟ نور الشريف اللي ماخلا حرمه في أفلامه الا وغمرها بحنانه تقوم ترزه في قناتنا يامدني ؟ أنهبلت يا ابو الشباب :d أجحدوا اللي فوق كله .. وكلموني عن مشهد اليوم .. يا هو مشهد .. هبال يا مدني قسم بالله هبال : جالس أنا والوالد في جو مفعم بالروحانية الأسرية .. في جو تملأه السكينة والوقار والحنان الأبوي .. وقاعدين نتفرج على القناة الأولى :- "يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه :lol1: المهم ..شوي إلا وجابوا فلم أمريكي .. طبعاً أنا ما تدخلت ولا غيرت القناة من باب تجديد الثقه في إياد مدني وانه ماراح يخذلني قدام الوالد بمشاهد ساخنه .. بدأ الفلم .. البطلة ممثلة شقراء كل الزين فيها . . مرة بنطلون مرة برمودا مرة تنورة قصيرة وانا مازلت صامد ولا أفكر أغير القناة .. يخرب بيتك يا مدني على بيت اللي يثق فيك شوفوا اللي حصل : البطلة دخلت الحمام أكرمكم الله .. أنا اللي في راسي أن المشهد راح ينقطع .. لكن للأسف أستمر المشهد والكاميرا لحقت الحرمة وسط الحمام وأبو الشباب مدني لحقهم بعد ولا قطع الصورة :d :wacko: موقفي الأن ضعيف لو غيرت القناة راح يشك الوالد إني ألعب عليه وان هالقناة مهيب مظبوطة وعلى باله قافطني .. خليت الأمور وانا أرجي خير واقول ماراح يطول المشهد أكثر .. البطلة مصختها يا جماعة الخير .. قامت وترست البانيو مويه ورغوة صابون .. ومازال إبااد مدني وتلفزيونه العزيز حاضرين وحالفين الا يورونا البطلة وهي تتروش:naughty: دخل عليها في الحمام رجال :fear: .. قامت تضحك هي وياه والكاميرا ثابته على رقبة البطلة وطبعاً اللي تحت الرقبة من غير هدوم وما طلعه المخرج بس الرجال اللي قاعد يكلمها أكيد يشوف !! جاء الرجال وعطاها سماعة التلفون وهي في البيانو .. قصدي البانيو ! لعنبو دارك يا مدني انت وأفلامك خليتني أخربط في الحتسي :wacko: :d المهم أنتهى المشهد الحميم في قناتنا الأولى ! هنا الوالد ألتفت علي وقد فقد أعصابه وقال :وش هالخنبقة الله يجزر عمر الظالم مانيب قايل عمرك .. وبحركة من حركات الكونغفو حقت الأولين صكني بالملعقة في خشتي ! واستطرد قائلاً : يالخسيس ياالهيس الأربد والله اني داري ان الدش اللي مركبه انت واخوانك يجيب قنوات فرنسا وتكذبون علي تقولون بس يجيب مباريات ! ..قلت: يبه الله يجزاك خير والله انك تسمع بفرنسا وش جاب فرنسا وقنواتها والله ان هذا تلفزيون دولتك انا وش دخل أهلي في الموضوع .. قال يا التسذوب أبو متعب لو درى ان التلفزيون فيه هالمراجة ماقعده دقيقه بس أنت تسذوبن أبقع وسمرمدي طالع على خالك محمد ! تدخلت كتيبة المشاة اللي هي أميمتي وقالت وش دخل خاله محمد هااه ؟! خاله محمد عيذه بالله مصلي مسمي مايدوس العيب.. ماجذبه والله الا انت واخوانك ,, الوالد طقته أم الركب وقام يبولع ريقه .. المهم يوم شفتها قبست بين الوالد والوالده وانا اللي أحط رجلي وأطلع غرفتي وأجلس اكتب لكم هالموضوع .. يا عيال منتداي .. والله اني مانيب أدّعي الخير أو أقول اني ما أناظر أفلام .. لكن قسم بالله قوية ان تلفزيون المملكة العربية السعودية اللي ينقل الصلوات الخمس والتراويح والقيام يصير فيه هالتطور السخيف ! الله يذكر الفارسي بالخير .. كان رجالن أجودي ومنظبط وماله في هالأمور .. أذكر أنه قد جاب فيلم كنت قد شفته على الفيديو وكان فيلم مليء بالمشاهد الساخنه .. لكن الفارسي أذكر أنه قصقص الفلم وقطع فيه تقطيعن مهوب صاحي وأختصره من ساعه ونصف إلى 23 دقيقه بس .. :d صح ان القصة أندمرت والبطلة ماشفناها أبد والمشاهد تخش في بعض وصار الفلم غير مترابط وغير مفهوم لكن يحسب للفارسي انه جاب فلم حلو وجديد ولم يخدش الذوق العام :d الله يذكرك بالخير ياابو فارسي. أرجع للحبيب اللي بايع أمها بريال إياد مدني :biggrin2: أشوفه مكثف البرامج الحوارية النسائيه .. وساحب على محمد خيري والسليمان وعوني كنانه والشباب .. مدري هو بزعمه الحين انه يناصر حقوق المرأة ؟ أو على باله شوفونا ياعالم ترانا تحررنا والمرأة السعودية تقدمت وصارت تطلع كاشفه ! مدري هو عنده خبر أن نصفهن فلسطينيات والنصف الآخر من مصر أو مايدري أبو الشباب.. واحد يقول لي قسم بالله يابو سارة ان في القناة الأولى من فترة جايبين نادية الجندي في فيلم وطالعه بقميص نوم يظهر أكثر مما يخفي ! هههههههههههههههه لعنبو بليسك يا إياد صاقع في باب الوزارة قبل تدخلها ؟ من جد أنواع اللحسة وقاااااضي هالوزير :d رسالة لأبو مدني : ترانا نفهم وفينا مثقفين ويجي منا .. مدري من لاعب عليك وقال ان مشاهدينكم دلوخ !! عمر التطوير ماكان بالتعري والتحرر وجيبوا فلانه خلوها تقدم وأفلام مدري وش تبي وتجميع هالساقطين والساقطات .. أفلام وما أفلام هذي عادية في أي قنوات ثانيه .. لكن قناتنا قوية.. ترانا شعب له خصوصيته أو ماتدري ؟ البرامج الثقافيه في تلفزيونك دمار وقديمه شفناها مليون مرة من يوم اننا صغار.. وينك عنها وعن تطويرها؟ .. في الرياضه تلفزيونك دمار ومافيه بطولة كبرى نلقتوها لنا ومنتخبنا ماشفناه من سنة ونصف ولا أدري وش قاعد تسوي؟ ! في تلفزيونك أنواع الركاكة في الإخراج والتصوير ولا انت داري ! في تلفزيونك يعك المقدم ويلت ويعجن مليون مرة ولا عنده ثقه في نفسه مثل غيره من المقدمين في القنوات الاخرى.. أعتقد أن كل ماتقدم تطويره أهم وأبدى من مشهد البانيو وأخواته ولاّ إيه يا مقلع :d رساله للمسؤؤلين (( أقول لاتتحمس واجد :biggrin2: )) والله إن كان الوضع جايز لكم .. فالله يخلف .. وان كان الوضع مايرضيكم فشوفوا لكم صرفة في هالوزير .. أقروا عليه ..عالجوه.. ودوه الصمعاني يتسويه أي شيء .. تراه مهوب جايبها لـ بر ولا تتفاجئون بكرة ان شفتوا في قناتنا راشد الماجد يغني مشكلني هو ودرزن الفرافير اللي معه :vertag: ختاماً .. آسف للإطالة وأدري أن بعض التقدميين ماراح يجوز لهم رأيي وطرحي فلا أقول لهم سوى : والله هذي الساعه المباركة انت وياه<<< حقيير ههههههه :d المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع s45s وكان معكم الناقد الفضائي أبو سارتن الهلالي وإلى اللقاء مع حكاية نقد جديدة وكشف حساب وزير آخر (( حطوا رجلينكم جاب العيد :kicking: :d )) بس قبل لا أطلع :- برايفت إلى والدي العزيز :- أمووت وأعرف ليش ماطقيتني الا يوم أنتهى المشهد ؟ :vertag: :naughty: كان بإمكانك تدبغني في منتصفه أو في بدايته لكن مدري وش سالفتك يا أبو عبدالله :d s45s .. آآآآخ منك يامفتري ههههه هـمـسـة الـعـدد :- (( s17s )) <<<< أمووووت وأعرف : ذا وش يبي :d |
http://www.la7odood.com/vb/upload/0106/1914_w6w2.jpg هلا والله باخونــا الغائب الحاضــر يالله ان تحيـــة ابو سارة عندنا اليوم اسفرت ونورت وامطرت المهم :D عاد لايكثر مجلسنــا سعيد بعودة احد كتابة المميز وكيف عاد اذا صار ابو سارة بحد ذاته >>>>>>الاسلوب عندي يشبة اسلوب مقدمي القناة الي تو تقولونها الصراحــة مسويتن سنعــة واول من بيضيفك هنــا http://images.google.com.sa/images?q.../184442_g4.jpg ترى هالدلات مهيب مثل منول صار فيها زبرقه :D حالفة ان تشرب فنجال ثاني >>>>>>>>>>لاتكفى قول لا ........بنات هاليومين اذا صبو يقولونها:D خبرك عجازات >>>مهيب منهم :D بس من قريت الموضوع وقمت اتنافض قلت وش ذا النشبة يالها من مشكلتن حاجزة الاول :D :D وانا خوافتن مانيب احب السياسية ابدااا ومايندرى عن ابوسارة رجعته فيه شي ما اكيد انــة يبينا نحتسي ويروح يناديهم يعتقلووني مثل حميدان الا على طاري حميدان التركي اللهم عجل باســرة تاركين ولدنــا هناك ولاكن وراه شعب وحكومه خلنا ساكتين بس لاتوهقني بس :D على طاري القناة الاولى ان اشهد انهم ماهوب صاحين...مابقى حرمتن ماجابوها يعني قالهم بيجذبون الشباب السعودي :d وياكثر برامجهم صبح وعصر وليل وتضيق الصدر بعد .مدري وش عنه اصلااا ماغير يبربرون لهم ساعه بدون فايدة :p ويقولون مع السلامه وتراني حاقدة عليهم اجل مبارات ماينقلونها :mad: بطولتن كاملة ماشفتها الي هي الخليجيه بس خيرة :d ..واتوقع من اسباب الهزيمة ان ماشفتها بعد :p القنــاة الاولى حالها يرثى له افلام كرتون مهيب مثل اول يعيدون الوحدة مليون الف مرة :D والله من غيروة ذاك الي اول مدري وش يقالهم :D سمح بالاغاني ومدري وشووو والافلام الي لالها سنع :D للاسف يحاول جلب المشاهدين بالخرابيط والحريم والاغاني ...... اتمنــى ان ينظر في حال قنواتنــا ...وجلب المشاهدين بشي صاحي مهو خرابيط :mad: وان نراعي ديننا وقيمنــا اولا واخيراا اقــول ماودي اكثر الحتسي بشوف كان احد بيطلع كل شي :D جيت احتسي واكمل علشان اصير مطمئنه خبرك ورانا اشغال وناس يحترونا :D ياهلا بعــودتك اخي اسعدنا تواجدك فلاتحرمنــــا من طلتــك s60s الهنوووف كانت هنا ورحلت |
جيت ابحجز رقم وراجع لك ملاحق دجاج شطف من هنا |
الشاشه الفضية عندنا تعاني من هشــاشه:d فعلاً القنوات عندنا لاتتطور أبداً ممكن أنها تقلد:yes: لكن يستحيل أنها تبتـكر!!!:confused: مثلاً في القناة الرياضية مقدم البرنامج !!هو نفسه مذيع الأخبار !! ينتقلون من طاولة لأخرى لا والمشكله وحنا نشوف:laugh: ركاكة في التقديم الجرأة في طرح الرأي معدومة الواسطات على افا من يشيل لدرجة ان اللي يتصلون على نفس البرنامج احيانا يكون ثلاثة ارباعهم من نفس عائلة المخرج أوم المعد أو المسؤل عن الاتصالات الهاتفيه:yes: التطور اللي نطالب فيه مانقصد فيه التخلي عن الذوق العام والأدب التطور اللي نطالب فيه هو التغيير نبغى شي اسمه نقلة ينتشل هالوضع المزري كل شي عندنا مستنسخ من قنوات ثانيه وبطريقه بدائيه افكارنا مانبرمجها لواقع نستنى احد يبداء فيها عشان نتأكد من نجاحها مستحيل احنا نغامر :yes: يعدون على الأصابع من يشاهدون القناة الأولى:yes: الله يعطيك العافية الهلالي أبو سارة |
الغالي ابو ساره قد ابهرتني باسلوبك وبكتاباتك وانا من المتابعين لك واتذكر موضوعك الاخير في هذا المجلس واتذكر المقطع(حلوه مقطع مسوي صوت) الي يقول فيه ابوك شام ريحه بلوت انت شخص فله خل اكتب الموضوع بالعامي ليش انا جايك ومسوي فصحى؟؟ اهنيك على طرحك الخفيف على النفس ومعك حق والله معقول الي يصير هذا في قناتنا وقالها والدكم حفظه الله لو يدري ابو متعب هذا اياد اصبر عليه بيجيب الطعه وبياكلها على راسه اصلا يابن الحلال قنوات السعوديه فاشله فاشله فاشله مع احترامي لبعض البرامج تشكر لموضوعك وانا اصفك لك مره ثانيه على موضوعك وطرحك وخل نشوف لك مواضيع في المجلس تشــــــــــــــــــــــاو |
حيـــاك الله ابو ساره .. :) للأسف معاك حق بكل الي قلته.... إقتباس:
على بالهم تمويه يمكن:d إقتباس:
والي يقهر اكثر يتكلمون باسم السعوديات مصدقين اعمارهم:mad: إقتباس:
إقتباس:
مانتمنى تلفزيونا يوصل لهالمستوى زي القنوات الثانيه:confused: لكن ... الله يستر... :) |
هلا والله أخوي أبو ساره..:) نورت المنتدى العام بطلتك اسفرت وأنورت..:) .. ايه والله صدقت القناه الاولى اول ماكانوا يحطون شي :razz: حتى المسلسلات الكويتيه كانوا يقطعونها تقطيه من 30 حلقه يخلونها 15 حلقه:d ويمكن تزيد شوي:d اما الحين صار تناقض كبير بين اول والحين يعني يحسبون هذا تطور اي تطور يااشيييخ هذي مصاخه وقلت حياااا وانصحهم اذا كانوا حاطين فكره ان يسوون القنوات السعوديه بدش لحاله يشيلونها من بالهم مافيش احسن من المجد وربي مدري كيف صار كذا بالقناه الاولى حتى القناه الثانيه بعد عليها الله يصلحهم بس..:) تسلم خيوو على موضوعك :) |
ابو سارتن قدس الله سره موجود يامرحبا يامرحبا المهم يابو سارة وراك مطول الغيبه .. ولا اعجبك الوضع هناك :) اجل اطخم دقرت الظروف بوجهه :D كلش يهون عند الكتاب اللي خبري خبرك :D s60s الشايب هو ووجه يقول تفسير الكريم المنان :D المهم وراي طلعت من الموضوع ... تعال هالحين وش تعوه كل هالانتقاد لـ الشيخ اياد مدني << اسمه مار علي ... اممممم ايه صح تذكرت مطعم بخاري :D ياخي نبي نتطور اماهم يقولون التطور بالحريم والافلام ... وش جايك علينا نبي نساير الركب الحضاري وبعدين ماسوى شي اياد اللهم كم لقطة رومانسية وكم مشهد فيه × بطل × يعني كلها اشياء خفيفة لا تصجونن تراني اتسذب ... اجل اذا هذولي الاشياء اللي عادي .. اجل وش اللي ممنوع !!! :cry: اياد مدني .. كفاك عبثا ً فلا يزال بيننا رجال :nono: المهم يابو سارة لاتطول ... انا حاس انك بترجع من قبل ماتكتب الموضوع اللي بالجمهور الهلالي ... وصدق احساسي لاتقطعنا يا الغالي ابو سارة .. سلم لي على ابو فهيد واكمخلي راسه على الطاير :d <<< كم مرة قال المهم :d |
هلا وغلا بأبو سارهـ والله تو ما أنور المجلس حرااااااااام عليك سنتين والله أنك ما تعرف حتى تقطع :d ما علينا خلنا في أبو مدني فعلا مثل ما قلت ما له إلا أبو صمعاني وإلا حسن كرّاني يطب في بطنه :d برايفت إلى والدي العزيز :- أمووت وأعرف ليش ماطقيتني الا يوم أنتهى المشهد ؟ كان بإمكانك تدبغني في منتصفه أو في بدايته لكن مدري وش سالفتك يا أبو عبدالله .. آآآآخ منك يامفتري ههههه & & & هههههههههههههههههههههههههههههههه أنا توقعت يقول لك صب الشاهي ياوليدي :d الله يطول بعمره يارب على طاري همسة العدد :d : s85s <<<< حتى ذا رافع ظغطي :d عالعموم أبو ساره لا تقطعنا مره سيّر علينا في الملجس لو تجي وتصك اللطمه وتقعد بالزاويه :d وهذي رعصه على إرسال الرد << ما يقلد أبد :d باااايوو ... |
هلا والله أبو سارة ... أحييك على هذا الموضوع و كم أتمنى أن تلامس جميع مواضيعك مواضع الجروح أياً كان نوعها .. غازي و إياد و العنقري و المانع على اختلاف الأخير و العبيد و إن كان منقذاً مؤقتاً تطلبته ظروف مرحلية أجزم بأن قرارات إبعادهم بناءً على طلبهم أو لناءً على عدم طلبهم تنتظر فقط إحاطة أبو متعب بما يجري . شكراً لك . |
<<<<< فاطسه من الضحك :d :d (( بدت المصاله )) ! يازين المصاله بعد اذا صارت منك :D البطلة دخلت الحمام أكرمكم الله .. أنا اللي في راسي أن المشهد راح ينقطع .. لكن للأسف أستمر المشهد والكاميرا لحقت الحرمة وسط الحمام وأبو الشباب مدني لحقهم بعد ولا قطع الصورة :d :wacko: منسجم ومتحمس عمنا لا تلومه :eek: "يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه :lol1: هههههههههههههه والله ياانت نشبه بعد المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع s45s :clap: :clap: :clap: من اللي يتجرأ ويتطاول على كاتب الموضوع والله كلامك صحيح 100% ,أنا مايقهرني إلا المذيعات المصريات,والله ياهن غثيثات بالحيل بس الحمد لله أنا منذ مبطي مافتحت التلفزيون .. والله انك فله وقلت لك قبل هالمره أسلوبك يجنننننننننن ..رووووووووعه لا تحرمنا من ابداعاتك ..الله يعطيك العافيه s60s |
تصدقون عاد ؟ واحد من شوي يسألني متى ينعاد الفلم ! متى يعاد ؟ ياخي استغفر ربك بس ؟ عموماً راح يعيدونه بكرة العصر << كل تراب ههههههههه نعنبو بليسكم ما أمداني أنشر الموضوع الا وناطين لي خمسطعشر واحد ؟ والله ماهوب حب فيني لكن البطلة الشقراء جابتكم على براطمكم واحد واحد هههههه راجع لكم أيها الشعب الزلابة , أيها الشعب العربي المعوق .. يا أمة ضحكت من جهلها الأمم << أنت أولهم عموماً لي عودة معكم بعدين لكن الحين بألقط نفسي وعلى المرقد كود أنام ساعتين وألحق الصلاة جزاني الله خير .. وتراني كاتبه في صبحية هالجمعه لسبب وحيد , كنت خايف أكتبه بالليل ويطلع لي مسقط العماني هههههههه يالله برب ومشكورين جميع , |
^^^^^^^^^^^^^^^^^^^^^ هههههههههههههههههههههههههه:D :D :D الله يرجك وتوقيعك..:clap: :clap: :clap: اياد مدني اوسخ منه مافيه...وهو علماني بحت:upset: :upset: :upset: :upset: والا وش الهدف من برنامج سؤال اليوم ولقاء مع الحريم والفتيات وكل وحدة واسمها..!!!!:laugh: :laugh: والحين القناة الرياضية اللي يقدم الأخبار مذيعه..!!!!:eek: :eek: :eek: :eek: الله لايوفقه هالنجس :mad: :mad: :mad: مشكور ابو سارة يامنسسسسسسسسسسسسسسسم.....:thumbup: :thumbup: |
يا هلا والله بأبو سارة في المجلس العام :yes: نوووور المجلس بطلتك وموضوعك ,, إقتباس:
إقتباس:
إقتباس:
كلها هذا يصير فيها وإحنا ما ندري :D إقتباس:
إقتباس:
و إن شاء الله ينتبه إياد مدني للسلبيات إلي طلعت على القناة في عهده ويصححها ,, أو يقدم استقالته , ويعطي اِلفرصة لأشخاص يمكن يكونون أكفأ منه , لأن القنوات الرسمية هي إلي تمثل هوية الشعب ,, ويعطيك ربي العافية يا ابو سارة على تسليطك الضوء على قناتنا إلي فلتت من تالي ,, :dead: |
أول شي ياهلا وغلا ومسهلا .. زاد النور نورًا بـ طلتك ياأبو سارهـ .. والمجلس مجلسك ومتى مابغيت تكتب موضوع تعال هنــا .. شف .. منعًا للخبطه .. أنا اللون الأسود وأنت الأزرق .. :p بسم الله نبـــــدأ .. صبحهم بالنور والسرور .. الله حيهم كل واحدن باسمه .. واللي ماعنده اسم الله يحييه باسم أخوه (( بدت المصاله )) ! صبح صبح يابو سارهـ .. والله من زمان عن المجلس العام .. لي عنه فوق السنتين يمكن .. شكل المشرفين يقولون من هالبثر اللي دلّـه على مكاننا من جديد .؟:d .. أول شي .. ليش ماتجي المجلس .. هاهـ <<<مسوي يمون :p أنا شفــت إسمك من المتواجدين أمس وعلى ماأظن قبل أمس .. قلت أكيد أبو سارهـ عندهـ شي .. الا تعال .. مب أنت اللي كاتب موضوع عن الإجازهـ اللي كنا ننتظرهـ بـ 16 رمضان ومكرمه ومدري أيش وآخر شي صارت بـ 23 ! تقل أذكر أنك أنت كتبت موضوع عن الإجازهـ الـ(خميس وجمعه) .. :D عمومًا اسعدتنا بتواجدك هنـــا .. وإن شاء الله تكون بداية التواصل الدائم بينك وبين المجلس .. يا إخوان يا أخوات والله اني جاي أحط راسي وأرقد .. مافي راسي نية لكتابة موضوع .. بس الشكوى لله .. فيه حدث مدوي خلاني أقتحم المنتدى عشان اكتب لكم عنه .. كثر من الإقتحامات الله لا يهينك .. يا جماعة الخير يالمسلمين يا النشامى .. تلفزيوننا العزيز من تالي مهوب صاحي أبد .. قسم بالله فيه بلاوي قاعده تصير من تالي بس مااحد طق لها خبر مدري ليه .. والله أنا من تالي صايرن ماأفتح قنوات السعوديه (موليّه) .. إذا جيت أفتح التلفزيون أبدا من 5 وفوق أو 4 وفوق إذا بغيت أشوف الرياضيه بتاعتنا عندهـ شي ولا لا :p أذكر في السابق .. كانت الاعلانات التجارية يجيبون حريم متسترات محتشمات شوي قسم بالله ويلبسن دسوس .. ويقعدن يسولفن ويتميصلن ثم تقول وحده لخويتها : ماجربتي المنتج الفلاني ؟ تقول خويتها : لا واللهي ماجربتهوش .. تقوم خويتها تعطيها المنتج اللي يتكلم عنه الاعلان ثم بعدين تجي تشكرها وتقول فعلاً منتج مهوب صاحي فادني كثير وينتهي الاعلان ويا دار مادخلك شر .. أذكر بعد بالإم بي سي بدون حجاب وبالسعوديه بـ حجاب :p الحين لا .. الحين الوضع اختلف .. إياد مدني اكبر من هالاعلانات السطحيه :d إذا ما طقت الحرمه الجنز .. وفلت الشعر .. وقامت تتدلع وتمشي باالكريم أو الشامبو وتهز عمرها .. مايعتبر هذا إعلان عند أبو مدني :biggrin2: :eek: يعني يبي يحاول ينافس الـ mbc وطقته ..! أنا أذكر أن تلفزيوننا في السابق ينقلون مباراة أوروبية أو كأس عالم .. يقوم المخرج ياخذ فرة على الجمهور الحاضر للمباراة أو يتابع الأمواج اللي يسويها الجمهور.. ومن أول ظهور لمرأة متبرجه تنحاس الشاشه فوق حدر و النقل يتوقف ويحطون صورة ثابته على برج التلفزيون على بالهم منظر .. ثم تسمع محمد خيري يقول بصوت مقتضب : عذراُ للخلل الفني وسنعود لمواصلة البث بعد قليل <<< شكلهم راحوا يطقون المخرج الأوروبي ههههههه :laugh: :laugh: :laugh: :laugh: جالس أنا والوالد في جو مفعم بالروحانية الأسرية .. في جو تملأه السكينة والوقار والحنان الأبوي .. وقاعدين نتفرج على القناة الأولى :- جعله دوم هالإمفعام .. إفمعام .. إمعفام .. عيّـت تطلع الله يصلحه :D جعله دوم هاللي أنت قلته .. <<<< ريح نفسك من الأول .. ;) "يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه :lol1: :D لا تلزّم كثير منعًا للإحـــراج .. .......... الله يصلحه ولد مدني .. أجل مسوي فيها تطور بـ هالخرابيط .. ذكرتن بـ فلم كنا نشوفه على غصب 2 .. وحدهـ تصفر للشرطي وتعطيه ذيك الإشارهـ اللي طارت عيوني معه :eek: والله مب تبلي على مدني لكن المشهد هذا مر مرور الكرام .. ... الحمد لله أنه جت على ملعقه ماجت على بياله ولا إحدى الأدوات الحادة .. طيب ياأبو سارهـ عشان ماتشكك أبوك كان حطيت نغمة جوالك (تسنه) أحد يدق عليك .. بعدين قل والله .. على أي قناة .. طيب طيب مع السلامه :D وغير القناة ويادار مادخلك شر .. أنا عارف آن ذاك ماكنت تدري وش تسوي .. :p أجل الله يحفظه يحسب غصب 2 قناة فرنســـا .. :p أيه عاد تصدق لا فتح أبوي سيرة خوالي وأستلم واحد منهم حش تنط أمي وترد .. آخر شي تنهي الوالدهـ الحوار بـ (بس ولو) <<<تصريفه نستخدمه كثير عند اللزوم .. يا عيال منتداي .. والله اني مانيب أدّعي الخير أو أقول اني ما أناظر أفلام .. لكن قسم بالله قوية ان تلفزيون المملكة العربية السعودية اللي ينقل الصلوات الخمس والتراويح والقيام يصير فيه هالتطور السخيف ! للأســف العين ترى والقلب يحزن لما هي ترى .. لكن العين بصيرهـ واليد قصيرهـ .. الله يذكر الفارسي بالخير .. كان رجالن أجودي ومنظبط وماله في هالأمور .. أذكر أنه قد جاب فيلم كنت قد شفته على الفيديو وكان فيلم مليء بالمشاهد الساخنه .. لكن الفارسي أذكر أنه قصقص الفلم وقطع فيه تقطيعن مهوب صاحي وأختصره من ساعه ونصف إلى 23 دقيقه بس .. :d صح ان القصة أندمرت والبطلة ماشفناها أبد والمشاهد تخش في بعض وصار الفلم غير مترابط وغير مفهوم لكن يحسب للفارسي انه جاب فلم حلو وجديد ولم يخدش الذوق العام :d الله يذكرك بالخير ياابو فارسي. هههههههههههههههههه الله يذكرهـ بالخير ويكثر من أمثاله .. واحد يقول لي قسم بالله يابو سارة ان في القناة الأولى من فترة جايبين نادية الجندي في فيلم وطالعه بقميص نوم يظهر أكثر مما يخفي ! هههههههههههههههه لعنبو بليسك يا إياد صاقع في باب الوزارة قبل تدخلها ؟ من جد أنواع اللحسة وقاااااضي هالوزير :d مدري أحس أن أياد مدني يسمع بالتطور بس مايدري وشو هو .. :p الله يهديك جايبن بنت الجندي على قنواتنا الموقرهـ .. ليت من يحذرهـ عشان مانشوفه باتسر جايبن لي يسرا وعادل إمام وفيلم كامل وبدون تقطيع .. :upset: رسالة لأبو مدني : ترانا نفهم وفينا مثقفين ويجي منا .. مدري من لاعب عليك وقال ان مشاهدينكم دلوخ !! عمر التطوير ماكان بالتعري والتحرر وجيبوا فلانه خلوها تقدم وأفلام مدري وش تبي وتجميع هالساقطين والساقطات .. أفلام وما أفلام هذي عادية في أي قنوات ثانيه .. لكن قناتنا قوية.. ترانا شعب له خصوصيته أو ماتدري ؟ البرامج الثقافيه في تلفزيونك دمار وقديمه شفناها مليون مرة من يوم اننا صغار.. وينك عنها وعن تطويرها؟ .. في الرياضه تلفزيونك دمار ومافيه بطولة كبرى نلقتوها لنا ومنتخبنا ماشفناه من سنة ونصف ولا أدري وش قاعد تسوي؟ ! في تلفزيونك أنواع الركاكة في الإخراج والتصوير ولا انت داري ! في تلفزيونك يعك المقدم ويلت ويعجن مليون مرة ولا عنده ثقه في نفسه مثل غيره من المقدمين في القنوات الاخرى.. أعتقد أن كل ماتقدم تطويره أهم وأبدى من مشهد البانيو وأخواته ولاّ إيه يا مقلع :d :thumbup: :thumbup: أروح كشنه ياأبو سارهـ على الدرر اللي قلته .. وياليت تاصل له رساله للمسؤؤلين (( أقول لاتتحمس واجد :biggrin2: )) والله إن كان الوضع جايز لكم .. فالله يخلف .. وان كان الوضع مايرضيكم فشوفوا لكم صرفة في هالوزير .. أقروا عليه ..عالجوه.. ودوه الصمعاني يتسويه أي شيء .. تراه مهوب جايبها لـ بر ولا تتفاجئون بكرة ان شفتوا في قناتنا راشد الماجد يغني مشكلني هو ودرزن الفرافير اللي معه :vertag: أنا مالي دخل :D ختاماً .. آسف للإطالة وأدري أن بعض التقدميين ماراح يجوز لهم رأيي وطرحي فلا أقول لهم سوى : والله هذي الساعه المباركة انت وياه<<< حقيير ههههههه :d طول ياأبو سارهـ وخذ راحتك ع الآخــر .. وأعتقد رأيك يبي يعجبنا ويعجبهم رضوا أم أبوا <<<أسمع به بـ قسم الجمهور :smilewink المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع s45s وهو حد يأدر ..! بس قبل لا أطلع :- برايفت إلى والدي العزيز :- أمووت وأعرف ليش ماطقيتني الا يوم أنتهى المشهد ؟ :vertag: :naughty: كان بإمكانك تدبغني في منتصفه أو في بدايته لكن مدري وش سالفتك يا أبو عبدالله :d s45s .. آآآآخ منك يامفتري ههههه :D :d :d :d كان منشغل شوي بعدين تفرغ لك :p أنا اللي أبي أعرفه صدق هـذا وش يبي s15s أحسه جاي غلط بين الكتيبة الزرقاء .. أبو سارهـ .. أسفرت وأنورت وأمطرت بـ طلتك الـ غييييييير .. ولا تحرمنا من جديدك ونقدك ومدحك .. ..... بالمناسبه .. في صورهـ بـ توقيعك كل ماشفته أضحك .. :D |
يؤيؤيؤيؤيؤيؤ .... الهلالي ابو سارة بشحمه ولحمه ... الله حيوه اخوي الغالي .... وسلمت اناملك ولي عودة انشاء الله :) |
مبدع دائما يابوسارة والله المفروض نشتريلك عمود تكتب فيه بالوس أنجلس تايمز جنب توماس فريدمان وتصيرون مثل الشمراني ونجس النية وترى محد أشوفه بيحلق شنب فريدمان ذا مثل أبوسارة , وبالنسبة "للضرب بعد انتهاء المشاهد من قبل الآباء" فهذه لها نظير ببيتنا العامر خخخخ , بس عذر إنك تبي تكمل المشهد عشان أبوك مايشك فيك هذا عذر استراتيجي مايمشي علينا كثرررر يامعلم , تحياتي لك وعساك دوم على القوة ياغالي |
والله اني من زمان عن السعوديه حدي الرياضيه والمجد والنت ولا انسى اي ار تي سبورت بس!! بس سمعت عن قصه مثل ذي!! وتقطعت من الضحك...اجل السعوديه تجيب مثل ذي احسها مي لايقه!! وانت بعد قطعتني من الضحك يا ابوساره والحمد لله على السلامه متى الوصول؟؟<<بدى التكليج |
يا أخي و الله أنا لا أدري لِم لا يفطن إياد مدني و غيره أن لهذا البلد خصوصية ليست لغيره. فهو مهبط الوحي و فيه الحرمين الشريفين و نعلن دوماً أن و يشكل رسمي أننا دولة تحكم بشرع الله - مثل ما صرح بشار الأسد أن دولته علمانية قومية في قناة دبي. نحن نحزن أن يأتي وليد الإبراهيم بقنواته المتعددة و فيها ما فيها و هو يمثل هذا البلد ، و يأتي الوليد بقنواته الغنائية المتعددة و هو يمثل الأسرة الحاكمة ، و يأتي صالح كامل بقنوات فيها ما فيها و هو يمثل هذا البلد. لكن حزننا يشتد و يتعاظم عندما يتم السطو على القناة الرسمية لهذا الوطن و بدلاً من أن نجعلها أكثر استقامة و رزانة و تجديداً في طرح الخبر نجد تقليداً فجاً للقنوات الأخرى. لو أردت أن أشاهد فيلماً هل أبحث عنه في القناة الأولى فلماذا يا وزير الثقافة - و لا أدري هل تصلك كلماتي أم لا - تأبى إلا أن تحول بوصلة واجهة البلد الإعلامية لتكون مجرد تابعة للقتوات الأخرى بدلاً أن يعمل فريق عملك لتطوير القناة فتتميز أكثر. أبا سارة أحسنت في طرق هذا الموضوع بطريقتك الخاصة. |
هههههههههههههههههههههههههههههههههههههههه ماني من متابعين القناه الاولى خخخخخخخخخخخ << يعلمكم ان عنده دش .. بس ماشاء الله تطور مفاجئ وسريع .. أجل نور الشريف .. واحمد زكي الله يرحمه .. اول يجيبون الدعايه فيها بنات متحجبات ويقطعونها .. الحين الشكوى لله .. ابو ساره بيني وبينك : تنصحني احطها مع القنوات الي بالمفضله لووووووووووووووووووووول اي صح نسيت ارحب بك بالمجلس العام تعرف بطله الفلم نستني اسمي ... ياهلا وغلا فيك .. ونور المجلس ولاتحرمنا طلتك .. تحياتي لك وللجميع أحمد |
السلام عليكم و رحمة الله و بركاتـــــــــــــه ؛؛ يـاله حي ابو سـارة القـاطع ,, اجـل سنتين .. ؟! و الله شكلك ما تصل رحمـك :d .. سؤال على الطاير .. مـتى اخـر مـرة زرت خـالك محـمد :d .. ؟! لا تقـولي هو زارني يوم كنت بالمهد :d .. ؟! إقتباس:
لا تقـولي باسم ولد الجيران :d !! إقتباس:
إقتباس:
لان اعلاناتنا نفس ما قلت الفكرة ما تتغير .. ! و نفس الكلام عند الـهنوود .. تجي عصابة لم بزر و ابوه و يذبحون ابوه و بعدين يكبر و يجي سوبر مان و يمسح بهم البلاط و يقاله انتقم لابوووه :d .. إقتباس:
برايفت إلى والدي العزيز :- إقتباس:
الله يرجك يابو سوير :d .. تلقاه دخــــل جـــو :d .. *** الله مير يعطيك العافية على هالموزوع الزريـف ,, يعجبني فيك انتقاء المواضيع الممتازة باسلوب فــُــكاهي s60s .. مـا شـاء الله عـليك ,, و اخر دعوانا ان الحمد لله رب العالمين :d .. و الصلاة و السلام على اشرف الانبياء و المرسلين ,, و اقم الصلاة !! << متأثر بصلاة الجمـعة :d .. *** السلام عليكم و رحمة الله و بركاتــــــــــه ؛؛ *** |
أياد وما ادراك ما اياد ناصحه الشيخ ابن باز عليه رحمة الله عندما لاحظ عليه بعض االانزلاقات الخطيره ابان عمله في جريدة عكاظ ولكن لا حياة لمن تنادي |
ياهلااااااااااااااوغلاااااااااا ابوسارة نور المجلس بهالطله ياغالي والله لا يحرمنا من مواضيعك الرووووعه لاهنت خيوووووو |
هلا و الغلا أبو سارة الخالدي ××××× نورت المجلس العام بطلتك الحلوة يا قمر s60s http://www.asharqalawsat.com/2005/08...dia.316295.jpg أياد مدني ×××× الشيخ الدكتور سعد البريك ينتقد وزير الإعلام و الثقافة اياد مدني http://www.alyaum.com.sa/images/11/11975/372427_3.jpg بعد أن شهد التلفزيون السعودي في الفترة الأخيرة تغيرات كثيرة سمحت بإدخال الأغاني والفيديو كليب والأفلام الأجنبية كعناصر أساسية في البرامج التلفزيونية - وهي ما تسمى بالبرامج الترفيهية قام الشيخ الدكتور سعد البريك بانتقاد علني ومباشر للتلفزيون السعودي ولوزير الإعلام الجديد الدكتور إياد مدني وتوجه الشيخ الدكتور سعد البريك بانتقاد الممارسات الجديدة لوزارة الإعلام حيث قلص وبشكل لافت توقيت البرامج الدينية والثقافية وتم إيقاف بعضها الآخر دون ذكر للأسباب ومنها برنامج نبض شباب والذي كان يبث على القناة الرياضية وكان الشيخ ضيفه المتواجد فيه بصفة مستمرة . وأكد الدكتور سعد في حديثه المباشر على الهواء أن القناة الأولى إذا كانت تضيق بالعلماء وأهل الدعوة فسوف نبحث عن قناة أخرى واستغرب صدور هذا التغيير المفاجئ في الإعلام بعد أن استلم زمام الأمر فيها الوزير الجديد لا سيما وأن الإعلام السعودي يمثل واجهة العالم الإسلامي لما للمملكة من مكانة لدى المسلمين عموماً وأبدى استغرابه من إيقاف برنامج نبض الشباب ومنع عرضه . هذا وقد شهد التلفزيون السعودي في الفترة الأخيرة تغيرات كثيرة سمحت بإدخال الأغاني والفيديو كليب والأفلام الأجنبية كعناصر أساسية في البرامج التلفزيونية وهي ما تسمى بالبرامج الترفيهية - بالإضافة إلى إخراج النساء كاشفات الرؤوس في البرامج الإعلانية بعد أن كان ذلك ممنوعاً في الماضي مما يشكل تغيراً وسابقة خطيرة لأن هذه التغييرات قد تم استقطاعها من أوقات البرامج الأخرى ومنها برامج دينية واجتماعية وثقافية وفي لقاء ماض مع وزير الإعلام السابق الدكتور عبد السلام فارسي ذكر أن نسبة البرامج الدينية والاجتماعية في التلفزيون السعودي تشكّل 40% من مجموع البرامج . وجميع التغييرات السابقة تعارض نظام الإعلام ومواده والتي يجب أن تراعي فيما تبثه أمور الشريعة الإسلامية لأنها النظام الحاكم في البلاد . المصدر : شبكة القلم الفكرية و شكراً |
هلا وغلا باابو سارة شف يااخوي تلفزيوننا من جرف لدحديرة على قولة الاخوان قبل فاهمين التطور غلط مابقى الا تلقى تحت الشاشة شريط رسائل حب وغرام مثل القنوات الماصلة :d الله يصلح الحال بس :yes: نورتنا ياابوسارة ماننحرم من هالطلة ;) |
والله انا ما قهرني الا الرياضية :nono: والا الباقيات ما من حرص :D اجل ما ينقلون مبارايات المنتخب :wallbash: |
يعطيك العافيه ........انت ومواضيعك الطوييييييييييله بس انها من جد فله وانا ماقهرني الا شي واحد ان هااااالي اسمه اياد مدني كان في يوم من الايام وزيراً للحج] ومثلكم يعرف الحج ومكانته في الإسلام لكن الله يخلف وبس ولاحول ولا قوة الا بالله |
يعطيك العافيه والرياضيه هي كل القهر أجل منتخبنا ماينقلون مبارياته |
عدنا ...:d يابعد قلبي يابو سارة الحين إياد مدني هو وزير الحج .. وش دخله في الاعلاااام == >>> يستهبل :thumbup: كلامك يالغالي في محله وبما أنني إعلامي متمرس :d أقولك أن الدجة في إعلامنا وقنواتنا معشعشة وهذا مدني على قولة دكتور عندنا في قسم الإعلام انه قلب التلفزيون مشغل نسائي .. :laugh: وبعدين تعال هنا ياحبيبي ...:razz: انت وش تبي بذولا كنانة والعيسى وريري وابو جلمبو...:D ياخي ذولا اللي من ايام جدي الله يرحمه وهم في الاعلام معشعشين والوزارة فيها البيروقراطية حتى النخاع من ايام غازي القصيبي == >>يمكنه كان وزير إعلام ...:razz: يعني نبي تجديد في الوزارة وبث الدماء الشابة في عروقها == >>> الاخ يبي وظيفة :d ياخي حنا يوم نروح ندرب في التلفزيون شوي ويبون ياكلونا اللي يشوف يقول انا جينا نقطع أرزاقهم .. ؟؟ والله يوجد عندنا كفاءات عالية ولكنهم محاربين ؟؟ وليس لديهم دعم .. المهم ... مالك بالطويلة .. :thumbup: شكر لك على هذا الطرح الجريء والجميل ... بالفعل أبو سارة أنت ماركة مسجلة ...:clap: سلاااامي ... دمت بخير وعافية ,,, الهلالي الثقفي ....:clap: ماشاء الله عليك .... رد مع الصور ...:D |
.. حي الله أبو سارة .. إقتباس:
:tvhappy: <<<<< هذا شكلي وأنا أنتظر الفيلم.. مولمة عدت الفيلم من بوشار(فشار) وبيبسي (صار سينما) بس قهرررررر ماعادوة جابو الفروسية.. ( أحس أني كشخة وبنت تجّار يوم قلت بوشار) خخخخخخخخخخخخخخخخ.. أنرحم.. :cry: :laugh: <<<<<<<< تراي أمزح لاتصدقون ما أنتظرت الفيلم ولاشيء :D تدري ليش قناتنا ماتقطع هالمشاهد..لانها داريه ان هالقناة داجة محد يناظرها قال وشوله نقطّع .. أشر الفلم وأعرض وبس.. ههههههههههههه <<<<< مايعوق معي العذر.. مقنع.. بس نصيحة يا أبو سارة أنتبة لأبوك لاينحرف وتصيدة قناتنا.. ويرتز عندها كل خميس في الليل.. خخخخخخخخخخخ إقتباس:
أنا أقولك وش يبي .. هذا الوجه طاير من الفرحة لانه شايف الفيلم...خخخخخخخخخ .. سلاااااااااااموووووووووو.. |
هلا بابو سوير بالمجلس :thumbup: موضوع نأمل ان يصل للمسئولين حتى تعود لنا القناة الاولى كما عهدناها ليس لدي اضافه فقد شرحت وابدعت بس ودي اعرف انت طالعن على خوالك والا عمانك :D |
يا هلا والله با بو ساره :) والله انك جبتها يبو ساره .. تلفزيونا هالايام .. مهوب التلفزيون اللي قبل .. ,, أجل من متى نسمع ان نور الشريف يطلع عندنا :eek: ولا مشهد البانيو ع قولتك :D .. انا متأكد ان ابو متعب ما درا عنه < < ليه جالسِ معه :D ولا لوه داري كان شفته متشوت ع اقرب رحله :p اللي ما هضمته شلون كان هو وزير الحج ؟؟ :p شرفتنا يبو ساره .. ولا تحرمنآ من هـ الطله :) ..+نَآيِفُ+.. |
يا مسكين يا اياد مدني والله وطحت وما احد سما عليك انتم بتدخووون الجنه بس |
هلا ابو سارة .. يالله انك تحييه .. اقول ماقلت قصيدة جديدة :d << والله يا انت نشبه بعد :d يا بعدي تلفزيوننا لازم يواكب التطور ؟؟ والا تبي الناس يقولون عنا اننا متخلفين !! لازم نشوف البانيو ولازم نشوف القصير وشوي شوي نشوف اللي من غير هدوم :( !! إقتباس:
إقتباس:
يعني ترى غصب واحد اللي على الأوروبي تختلف عن اللي في عرب سات :d << ابو مدني متطلم وهو يحاول يصرف :d إقتباس:
إقتباس:
يا ابو سارة التطوير مايصير الا تسذا ؟؟ اجل تبي تتطور وانت ماتجيب هالحركات !! تبي تتطور وانت صاك على الحريم مايقدمون !! تبي تتطور وانت ماتخلي عندك مذيعات !! تبي تتطور وانت ماتجيب خمخمه وتبويس وحركات !! تبي تتطور وانت كل شي تسوي له قطع !! وإلخ ... إقتباس:
يا بعدي هم مايدرون عن هالخصوصية اللي انت تقول :( !! والا لو دروا تسان ماشفت هالأمور :( !! ابو سارة مهوب ازين لي اكمل :( .. إقتباس:
تحياتي لك ابو سارة ولا تقطعنا انت من اخذت الترقية ;) وانت متغلي علينا :d |
ياهلا ومرحبتين فيك يابو ساره الصراحة انا لاحظت القناة في الاخير (( خربوها)) شكلهم فاهمين ان تطور القناة باخراج الإغراءات الله يهديك يابو مدني وفي الاخير الف شكر لك على الملاحظة الدقيقة ((والله من الفضاوة يابو ساره )) |
وصلني قبل قليل أن أياد مدني يبث الآن على الهواء فيلم للفنانة : نبيلة عبيد ! دون أي مراعاة للذوق العام وضارباً بمقال أبوسارة عرض الحائط :D .. يخرب بيته وش أنا قاعد أكتب من الصبح ؟ يعني المسألة عناد يا إياد ؟ هههههههههههه الله يلعن الشيطان نسيت أشكركم وأقول يعطيكم العافية على مروركم ولي عوده مع كل رد وأشكر الجميع على ترحيبهم ومجاملاتهم الرقيقة , سهل يعطيك العافية على الترحيب وش رايك بس فيني وانا أعود إليكم من جديد :d هاه ماتحس ان أشباهي تغيرت ؟ :d برايفت صدى الأمس : لعنبو بليسك كامخ(ن) لك زقارة قبل ترد :d ضاربه فيوزاتك ؟ وش اللي جحدتكم من عقب الترقية ؟ يابو الشباب ترانا في شبكة الزعيم مو فيذاك <<< يسمع بالتمويه :d منور صدى منورين الجميع وإن قاله الله لي عوده , |
إقتباس:
ابوساره وصلك الخبر والا انت مسنتر عند الشاشه :d :d |
حيا الله ابو سارة الظاهر لازم واسطه عشان تكتب لنا وتوسع صدورنا :d اما موضوعك اليوم غييييييييييييييييييييير اكتشفت مو اياد مدني لحاله اللي منسم !! فيه غيره زاد تنسيمهم:d مشكووووووووووور ولا تحرمنا من تنسيمك:d :d <<<< ياحبي لذا الوجه معبررر |
احس موضوعك هذا سوى دعايه قويه للقنوات السعوديه:d الي ماكان يفتحها بيصير يفتحها:razz: :rolleyes: |
إقتباس:
ههههههههههههههههههههههههههههههههههههههههههههه أقول يا غالي وش رايك في مستوى هلالنا هالموسم ؟ <<< يغير الموضوع يوم أحرجه كنترول :D |
ههههههههههههههههه اذكرك ايام الثانوي كنت اتابع التلفزوين السعودي بس اللحين ما عاد اشوف اصلا خربان من هالمدني وبصراحه الشغله اللحين بتصير عناد بنك وبين مدني راح يكثف من الافلام والذي منه اهئ يبغى يقهرك طيب اظن لو تمدحه يبقفل القناو جرب وووشف مشكور حبيبيبي على المووضع تحياتي لك |
هلا بـ ابو ساره نور المقلط :d :cool: .. إقتباس:
المهم وصلني وانا جالسه فـ البلكونه :d وماجلسنا إلا بعد ماهجدنا هـ البزارين :mad: قمنا نسولف ونضحك ونسترجع الذكريات :yes: ، عاد جاء هـ المسج وقطع الجو :d ، جلست افكر ياربية وش منزل موضوع تعرف الفضول لاعب فيني لعب :d ، سالتها وردت ع بـ رد بااااارد :upset: " توني مادخلت موضوعه :wallbash: " .. انقسم عقلي قسمين :d قسم مع السواليف وقسم وشو موضوعك :d . بعدين دريت وشو موضوعك عقب ماتعب عقلي :d ---> مانامت الا وهي عارفه وشو موضوعك :d وافكورس اتصلت بـ الغلا وقالت لي موضوعك :d ادري بـ تقولي فضولية عاد انت تعرف طبعي زين :d ملقوفه نمبر تو :razz: .. عاد منهو ينافسني الله أعلم :rolleyes: ! إقتباس:
إقتباس:
دامها خربت خل نشوف وش سوى ولد مدني ، شكله مسوي بلااااوي :razz: . إقتباس:
حلوووووووووووووه منتج مهوب صاحي فادني كثير :d لووووووووووووووووووووووووووووو:d وووووووووووووووووووووووووووووووووووووووول:d إقتباس:
فللللللللللللللله وقااا انه بيدخل مزاجي :d وبـ وصيك تسلمني عليه اخذ حقي منك :razz: :d . إقتباس:
إقتباس:
قلت كل أشكال الملابس عندهم :d ! وش تبي اجل بطله تلبس لك تنوره طويلة ! والله ماقد خبرت حتى لو ماهيب بطله ! يمكن تلاقي بطله لابسه لك ساري :d بس ذي هندية موب امريكية :razz: ! إقتباس:
أه بس عن النصب يـ بوساره قال أيش قال علشان الوالد لا يشك إلا مبسوط ع هـ المشهد وفـ نفسك تقول الله يـ أخذه هـ التلفزيون إن قطع هـ اللقطة :razz: .. إقتباس:
وبعدين وش لك بـ اللي جالس يكلمها :d ، هو وياها يصلحون :eek: كفار فـ كفار وش لك فيهم :d و بعدين هذا ماراده المخرج :d يعني كل ابو المصورين ع المخرج ع المؤلف مستانسين :d . إقتباس:
إقتباس:
ياحليله والله شايبكم :eek: :d حلوووه الكونغفو :d مووب هين ابوك :razz: إقتباس:
ياحبيلها أمك :d ... ع طول ردتها له وجابت طاري اخوانه :clapping: سجلت هدف يهبببببببل :d . إقتباس:
إقتباس:
إقتباس:
إقتباس:
إقتباس:
وش فيها إذا حطوا افلام:rolleyes: ! خلهم يتطورون ويجذبون المشاهدين:eek: :mad: خلهم بـ كيفهم وش عليك من إياد يصلح اللي يبي :razz: لقافه فيك :razz: صاجنا فـ ولد مدني :mad: :d امزح :d بس حبيت اجرب شوي اسبك والعب فـ اعصابك :d . إقتباس:
إقتباس:
الفيروسه الزرقاء |
والله انك من أفضل الكتاب وقناتنا فيها أكثر الحريم أكثر من الرجال |
هههههههههههههههههه له فتره وهوو منفره تلفزيووننا .. اما الحريم اللي يطلعن بالدعايات انا اوول استغرب ليش تلبس حجاب بالدعايه وفي المسلسل تطلع كاشفه الشعر ..؟؟ وش الحكمه ؟؟ الله يرحم ايام حسن كراني ماعاد فيه مع احلى الاماني :) يعطيك العافيه اخوووي ابو ساره على الاسلووب الممتع والرائع .. دمت بخير ..,, |
تسلم أبو ساره على هالكلام الرائع ما انهبل التلفزيون الا بعد ما حطوا وزير الحج هذا اللي فاقع قلبي أنه كان وزير الحج بالحب والإشراق |
إقتباس:
|
الله ياخذه اخذ عزيز مقتدر .... مشكور يابوسارة |
@ موضوع في غاية الروعه والأهميه أتمنى ان يجد من يستمع له من ولاة الأمر .. @ ابو ساره بلا شك تواجدك بيننا أسعدنا كثيراً ... |
إقتباس:
أقول ترانا نحبك وتدري انا نحبك ويازينها من شقراء ردتك لنا ترانا موب احسن من قهوة الاقلاع سير علينا >>>>>>>هذه نتيجة الرد الصباح حوسه افكار اخوي بقول لك شغله كنت بكتب فيها من رمضان الماضي ليلة ختم القرآن كنا انا والوالده الله يحفظها نتابع الصلاة وختم القرآن معروف ان الحرم فيها قسم في الساحة مخصص للنساء وطبعا الكميرا كانت ما توطوط حوله الا من بعيد ولكن في تلك الليله ما ندري حنا والوالده الا والكاميرا تقرب صوب الحريم اكثر فاكثر فأكثر وتتنقل بالصورة من قرب للحريم وهن يؤدين الصلاة بصراحة لا تعليق ابو سارة لا عدمنا وجودك بيننا |
ابـوسارتـن عـاد الينـا من جـديـد !!! مـوضوع مفيـدن جـدن و يبـيلـه نقـاااش مطـّووول إقتباس:
إقتباس:
..... نتـمنـى استمـرارك وحضـورك الـدائم ..... |
طيب قبل نبدأ في الرودود ممكن أسألكم سؤال ثاني :- ليش التلفزيون السعودي ما فيه برامج عن القصيد والشعر النبطي , معروف ان نصف السعوديين شعار والنصف الثاني رواة للشعر .. لما أشوف قنوات الكويت وقطر وابو ظبي يظيق صدري , عندهم برامج حلوة عن القصيد والشعر وحنا لا :( مع اننا حنا يالسعوديين حنا أساس الشعر ولا ينكر هالمعلومه أحد , حتى فن المحاورة ( القلطة ) صدرناه للخليج :D أنا اللي أعرفه ان التلفزيون لازم يواكب مشاهديه ورغباتهم , لكن المشاهدين سحبوا على القناة الأولى وعسكروا في قناة الكويت وقطر وابوظبي لأنها للأسف هي من أصبحت تلبي رغباتهم ! وتلفزيوننا مافيه الا وفاء بكر يونس وانت جاي خخخخخ وزراء الاعلام بشكل عام اللي مروا على التلفزيون السعودي اغفلوا هالنقطه , كان فقط فيه برنامج واحد عن الشعر والقصيد يقدمه شلاح شليويح المطيري الله يرحمه , بس شكلهم يحسبون الشعر انتهى بوفاة شليويح ..! :d عموماً هذي دردشة دام انكم طبيتوا في التلفزيون وقلت أطب فيه بعد أنا ,, وش زودكم عني خخخخ " إلا بالله يا جماعة الخير دام ان إياد مدني فيه كل هالسلبيات ورى مانغتاله وهو طالع من الوزارة ؟ " 8 8 8 8 الجانب الشيطاني فيني يتحدث s121s s121s ---------------- الجميع : إن شاء الله لي عوده مطولة مع ردودكم اللي مهيب صاحيه , حتى ذلك الحين أبيكم تطبون في إياد طبت(ن) قشراء :vertag: :D |
هلا والله أبو ساره ,, نور المنتدى العام بوجودك وش دعوة عاد سنتين ياقاطع يلله لا عاد تعيده << لا الصراحة خوفتيه خخخخخخخخخخخخخ يخرب بيتك يابو ساره شوي شوي علينا موتنا من الضحك وتلفزيوننا السعودي سلم لنا عليه ,, أنا مره فتحته لقيت شلة حريم قاعدات ولا عباية ولا شي تقل قاعدات ببيوتهن انا انهبلت قلت وين أيام زمان << تكفين يللي كنتي تتابعينه اللي حتى الذبانات إذا طلعن بدعايات مبيد بفباف تلقاهن متحجبات خخخخخخخخخ وهالحين أفلام أجنبيه وبرامج نسائيه صرت أشك إنه قناة السعوديه ,, وإياد مدني يحسب إنه هذا التطور وين التطور يابو الشباب انت ووجهك ,, مشكوووووووووووور أبو ساره على الموضوع بس نسيت اقول لك الصراحة رحمتك يوم أبوك كفخك خخخخخخخخخخخخخخخخخخخ ههههههههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههه تسلم خيوووووووووو ,, |
يالله ان تحيي ابو سارة بس بقولك شي تلفزيوننا من عرفته وهو مضحكه للعالم ..... ازين مافيه طاش ماطاش ... انا عندي اقتراح لهم ... انه يسكرونه <<<<< قسم بالله اني جاد بالكلام ... ياخي يوم كان ماسكه الفارسي وهو مصخرة كان يجيب برامج من عهد ابو لهب والشباب هذولاك ... والحين مصخرة من مسكه وزير الحج السابق اعوذ بالله زين ماخلا الحج فيه بنات يخدمن الحجاج ... نسأل الله ان يقوم ياسر القحطاني بالسلامة ويرجعه للملاعب بأسرع وقت <<<وش تبي انت بالضبط بالاخير نقول مشكور يبو سارة على هالموضوع .... |
خخخخخخخخخخخخخخخخخخخخخخ الله يقطع إبليسك |
يخرب بيتك يا ابو ساره,,,:yes: :yes: تبي توهقنا أنت,,,:razz: بس تدري شلون,,, دامها خربانه خربانه,, والله انك صادق,,,:yes: أنا أقول لو يروح لألمانيا يخرف لنا من نخلتنا اللي هناك أصرف,,,:razz: يسلمووووووو خيوووو ع هيك موزووووووع ,,,s60s |
إقتباس:
:d :bluesky: :d :bluesky: وش أخبارك صدى :razz: :d :razz: ! إقتباس:
الفيروسه الزرقاء |
أخوي أبو ساره هلا بك والله موضوعك رائع وطرح جيد .. أذكر أن لأبو متعب الله يطول عمره على طاعه كان مسوي أجتماع لـ صحفيين <<مدري صح ولا غلط لتمنى أن نشروا لا خبار الجيد والصدق ..وما تطلع صور بناتنا في الجريد أو من ها الكلام .. أتمنى لو يعرف وش يصير في القناة .. أكيد راح يغير الوضع أنت بس تكلمة عن القناة الاولى شف الثانيه ورياضيه والله أنواع حركات .. حسافه أنها تحمل أسم أغلى بلد وهي السعوديه |
المشكله تناقض غريـــ ! ــــب وزير الحج .. ! ( دين واسلام ..ألخ ) يحطونه للإعلام .. ! والأغرب الدجـه والفسقه إللي مسويها ! :D أجل وشلون يمشي ركن من أركان الاسلام يالربع ! مدامه بهالحركات ! ؟ :D قسم بالله نعيش في عالم مدري وش يبي :D بس والله لو قارنّاها بالمجد ومتابعينها لـ تفوقت المجد .. ليس بالتعري والتبرج وقلة الأدب .. ولكن بجذب المشاهد المسلم العربي والسعودي الذي لم يرى الذي يعجبه في قناة وطنه .. فـ فضل المجد .. آســف ع الإطاله .. وياليتك ماتقطعنا ياخلفهم :D أفضل كاتب شفته من عرفت شبكة الزعيم <<يعني من 3 سنين وشوي ! :d الله يسعدك مثل ماوسعت صدري ع هالصبحيه :D فمان الله :D |
أضحكتني حد الثمالة ياأبا سارة .. وشر البلية مايُضحك !!!! :no: أضحك الله ضروسك :D فعلا هالصوفي المهجن .. يعبث في تلفاز بلاد الحرمين الرسمي !!! ويبدو أنه قد حظي بضوء أخضر من أحد كبار البطانة الفاسدين !!! :no: أبو سارة .. أنا .. أنا الموقع أدناه .. الغريب .. أنا .. ما أحد قال لي .. وأقسم بالله العظيم .. أني شاهدت في القناة الأولى .. مشهدا سينمائيا فيه رجل وامرأة في فراش الرذيلة ولا يسترهما إلا .. الشرشف !!!! :eek: ألا لعنة الله على المفسدين !!! وكلامك ياأبو سارة مية .. مية .. التطوير في الأدوات .. في مساحة الحرية .. في تأهيل المذيعين والمعدين والمخرجين .. في البرامج الراقية .. التي تجمع بين الترفيه والثقافة واحترام المشاهد !!! ماهوب التطوير .. في التفصخ !! :upset: لكن .. لأن عقل الوزير .. فاصخ .. فهذا هو كل مايعرفه عن التطوير !!! :upset: أنت تدري يابو سارة .. إن هالصوفي مستدعي رئيس تحرير جريدة الجزيرة ومجتمع فيه 4 ساعات كلها تقريع وتوبيخ على نشر تعقيب الشيخ صالح الفوزان على قليل الأدب حماد السالمي ... وتم التعميم على جميع الصحف بعدم نشر أي تعقيب للشيخ !!! هين .. ياولد مدني .. والله الذي لاإله إلا هو ... إن الخير في هذا المجتمع الطاهر باق رغم أنفك وأنف من ورائك .. وقريبا بإذن الله سيتم اقتلاعك ومن ( يتشدد لك ) ورميكم في أقرب زبالة .. للتاريخ !! :mad: بس ياأبو سارة ... سلم لي على أبوك وحب راسه وقل له : أبو متعب الله يطول بعمره ويرزقه البطانة الصالحة المؤمنة .. مايدري عن هالأشياء .. وعندما يتم كشف الخونة .. الذين استغلوا طيبة وثقة أبو متعب ... فسيكون لأبي متعب كلمة قوية تعيد الأمور إلى نصابها !!! :mad: وبعدين لاتظلم أبوك .. تراه كمل المشهد لين انتهى .. علشان مايستعجل بحكمه .. ولا تنسى بدايات باكيتا السيئة .. وبعدين انطلق الفريق وجاب خماسية <==== ماسكه معه كورة يحسبه بمنتدى الجمهور :D |
ههههههههههههههههههههههههههههههههههههههههههههه كفو والله يابو عبدالله يوم قضا المشهد العاطفي المليئ بالجاذبية حستيت..,,خخخخخخخخخخخخخخخخخخخ والله انك وسعت صدري يابوسارة الله لايحرمنا من شوفتك ياشيخ ايه كثف المواضيع الي على هذي الشاكلة..,, والله ان المدني ذا صدز منطلدز الله يعين ويوفق..,, تحياتي |
| الوقت المعتمد في المنتدى بتوقيت جرينتش +3.
الوقت الان » 10:02 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd