18/08/2006, 02:45 AM
|
| زعيــم فعــال | | تاريخ التسجيل: 14/02/2002 المكان: الرياض
مشاركات: 240
| |
أرفق علينا يا راعي الحوطة ترانا كلنا اخوان ولا ينحرق دمك ترى الموضوع ما يستاهل....
وإذا ما أعجبك رايي ترى موقع النادي سابقا وسط حواري الرياض القديمة (الشميسي وأنت مدحدر) اللي الحين كل سكانها أفغانيين وتكرن -الله يكفيك شرهم -  والهلال من طلع من ذيك المنطقة وهو بخير وبطولات وانتصارات يعني تغيير الموقع شي طبيعي وهذي سنة الله في خلقه بعدين مثل ماغير الهلال الشعار والملابس عادي يغير الموقع..
وأنا كل همي إن موقع النادي يكون على طرق سريعة وبمكان فسيح يسهل الوصول إليه كما يسهل إنتقال باص النادي من وإلى استاد الملك فهد ويواجه الأندية ويكون واجهة حضارية للعاصمة السعودية بحكم إن نادي الهلال (نادي الشعب) ويستحوذ على 70% من جمهور كرة القدم في العاصمة الرياض.
ويكون بعلمك إن نادي الشباب 90% من لاعبيه خصوصاً درجة الشباب والناشئين وكذلك المشتركين بالنادي الخاص المسمى(النادي الراقي) قيمة الاشتراك السنوي 5000 آلاف ريال هم هلاليين..!!!!!
بعدين يرضيك إن النادي جايبـ(ن) فالنسيا الأسباني وبورتو البرتغالي ونجوم العالم ومجرجرهم يم العريجاء يم ملعبـ(ن) تصميمه يذكرني بملعب الفيصلي والنجمة تقول ملاعب مدارس...:sad:
بعدين أنا وأناخوك يوم أطلب هالطلب تتقوقع وش كان قصدي ....
ترى كل قصدي إن الهلال يتطور ويتقدم مهوب يبتل بمكانه مثل ماتبي أنت الله يصلحك..ولا يضيق صدرك ترانا مسلمين ونشجع الهلال |
الوضع المتطور
