#1  
قديم 17/08/2006, 06:10 AM
زعيــم فعــال
تاريخ التسجيل: 14/02/2002
المكان: الرياض
مشاركات: 240
الهلال ينقل مقره إلى شمال الرياض....$$

بسم الله الرحمن الرحيم

إخواني الزعماء السلام عليكم ورحمة الله وبركاته.....وبعد .

بصراحة لي فترتـ(ن) من الزمن وأنا أفكر بفكرتـ(ن) صاجتن راسي وهي تروح وتجي... وكل يوم أقول خلها تستوي وبصراحة طولت براسي إلى ما صارت طرشي وعقب ما فاحت الريحة صرت كل ما أمر عند إخوانا الصعايدة أشوف سعابيلهم تقوطر (على قولة القصبي) عقبها قلت خلاص آن الأوان إننا نفترق ...قصدي آن الأوان إني أبطح الموضوع أمام سعادتكم ونشوف رايكم .......؟

الفكرة اللي حايستن أبو مريري هي موقع نادي الهلال؟

ياجماعة الخير الزعيم نادي كبير -والكبير الله-والنادي الكبير لازم يصير متكامل في كل شيء.. وموقع النادي بصراحة ما أعجبني حالياً..يعني قبل 15 سنة 10 سنوات معقولة لكن الدنيا تغيرت والرياض كبر وتمغط إلى ما تنتف .. . هذا بالإضافة إلى أن مدينة الرياض تمتد بشكل (يركض) إلى الشمال يعني ماكان يسمى شمال الرياض قبل 15 سنة صار ألحين وسط الرياض ووسط الرياض سابقاً صار جنوب الرياض ..وهلم جرا..


وخصوصاً إني شامم ريحة خبر إن موقع النادي يمكن يتغير؟


فمن شان هيك أنا أقول ليش الزعيم بمناسبة مرور خمسين سنة"ماشاء الله " مايغير موقع النادي ويضف عفشه من العريجاء إلى شمال الرياض ( سواء شمال شرق أو شمال غرب) لأنه بصراحه ملينا من كثر المشاوير رايحين جايين للنادي زحمات وصجة ولجة وإشارات ترفع الضغط وأنتم خبركم ماشاء الله مترو الأنفاق يدهر بالرياض.. .بعدين خلونا حنا يا (أهل الشمال)نستانس بالزعيم (ياشين اللي توه ساكن هناك على طول يرفع خشمه ويحس إنه صار وزير ) يعني مهوب حكرن عليكم يا أهل العريجاء والسويدي وما جاورهما...وهلما جرا....(تصدقون إني كاتب الموضوع عشان أقولها)

هذا شي..

الشي الثاني وراه النادي مايبني له ملعبـ(ن) "سنع" يكون خاص بالفريق الأول وملاعب رديفه للفريق الأولمبي والشباب والناشئين...


وعشان أوضح الطرشي أكثر "الفكرة سابقاً "..

- يكون الملعب الرئيسي والذي يتسع لـ30 ألف هلالي على طراز عالي (مدرجات مغطاة (طبعاً مهوب بشينكو) +شاشةعرض إلكترونية +كراسي للجمهور ) خلونا ننبسط "يلعن أبو الريال قسم بالله إني أدعم النادي بـ12 ريال شهرياً...ريال يعف ريال ..

- ملعب رديف للمعسكرات ويكون مهيئ بطريقة ريفية يعني تحيط به الأشجار والخضرة والوجه الحسن من جميع الجهات (وين الأخ بلبنان مادري إن جمهورنا شهبن لهب لاعبن فيهم المشق لعب)

- ملعب للأولمبي والشباب...

- ملعب للناشئين والبراعم..."ياحبيلهم"

- نادي رياضي خاص بالجمهور الهلالي على غرار "بودي ماستر" ويكون باشتراك..

- متاجر خاصة بالنادي تبيع أطقم النادي ....آلخ

- قاعة لكبار الضيوف..

- قاعة خاصة للمؤتمرات والاجتماعات



ماتلاحظون إني طولتها .... طرار ويبي ثوب كبك...مابقى إلا أقول يبنون لنا فلل دبلكس مع تأمين السيارة والوظيفة..




ما ودي أطول عليكم لأن المضمون وصل والفهم عليكم والله يرزقنا وياكم وماتشوفون شر ومنك المال ومنها العيال وخذراحتك ترى ماحنب غريبين


وأسدحوا آرائكم نشوفها




والسلام عليكم ورحمة الله وبركاته
اضافة رد مع اقتباس
  #2  
قديم 17/08/2006, 06:14 AM
الصورة الرمزية الخاصة بـ بيكاتشو911
زعيــم مميــز
تاريخ التسجيل: 06/08/2005
مشاركات: 2,177
والله لو ينقلونه شمال المريخ

والى شمال عطااااااااااااااارد

اني هلالي وهلالي

الين الموت انشااااااااااااااء الله
اضافة رد مع اقتباس
  #3  
قديم 17/08/2006, 06:18 AM
الصورة الرمزية الخاصة بـ Z3EEM ASIA9
زعيــم مميــز
تاريخ التسجيل: 21/08/2005
المكان: بين لاعبين الهلال
مشاركات: 3,308
اقولك
خذ لك
صرت(ن) بصل
وصرت(ن) طماط
وروح بيعهن جنب المسجد
::::::::::::::::::::::::::::
امزح معك
انا اقول لو يجيبونه الشرقيه لنا احسن
ترا احنا مشجعين
مانقول الارضيه تعور
ههههههههههههههههه
والذكي الي فهم
اضافة رد مع اقتباس
  #4  
قديم 17/08/2006, 06:36 AM
الصورة الرمزية الخاصة بـ عــشــق الــكــتــابـه
زعيــم مميــز
تاريخ التسجيل: 25/02/2005
المكان: aL DaMMaM CiTy
مشاركات: 3,947
المشكله مو في مكان النادي وموقعه

بكثر ماهي مشكلة تطوير شكل النادي والملعب الرئيسي

نادي عالمي وكبير كالهلال يجب ان يكون لديه مبنى عالمي ومتطور وملعب ومدرجات جديده

اتمنى ان تصل الفكره للمسؤولين

شكراً لك اخي عبدالأله

::

عــشــق الـكـتـابـه
اضافة رد مع اقتباس
  #5  
قديم 17/08/2006, 06:37 AM
زعيــم نشيــط
تاريخ التسجيل: 11/07/2006
المكان: معسكر نادي الهلال
مشاركات: 838
والله صاااادق لو يغيرون موقع النادي لاني كل مااروح النااادي اضيع الطررريق مشورا طريقه........
اضافة رد مع اقتباس
  #6  
قديم 17/08/2006, 06:41 AM
موقوف
تاريخ التسجيل: 14/05/2005
المكان: تبى اقامه اييه هيين
مشاركات: 1,840
والله مادرى
اضافة رد مع اقتباس
  #7  
قديم 17/08/2006, 07:51 AM
زعيــم متواصــل
تاريخ التسجيل: 14/08/2005
المكان: الرياض
مشاركات: 129
سيبقى الهلال شامخا في عريجائه برغم انوف حساده ومبغضيه
اضافة رد مع اقتباس
  #8  
قديم 17/08/2006, 07:54 AM
زعيــم نشيــط
تاريخ التسجيل: 17/04/2006
مشاركات: 647
اهـــــم شــــس يفكــــونا من الدخل ينـــاس<<<مايدلل فيه
والملعب اتمنــــى ((يغطي على ملعب الارسناااال))
((((والله الجمهــــور مايقصر لو يقطـــون من ريااال جاابو ملعب برلين ))
اضافة رد مع اقتباس
  #9  
قديم 17/08/2006, 07:58 AM
موقوف
تاريخ التسجيل: 10/04/2006
مشاركات: 1,002
كل اقتراحك معقولة
مو زي بعض الاعضاء الله يهديهم يطلب ملعب يوسع سبعين الف متفرج
انشاء الله اقتراحك يشوف النور قريب بس لازم الاتحاد السعودي يطلع من الاندية ويبقى عليه مهمة الاشراف فقط
اضافة رد مع اقتباس
  #10  
قديم 17/08/2006, 08:07 AM
زعيــم جديــد
تاريخ التسجيل: 07/08/2005
مشاركات: 44
أقول أول شي يفكونا من المضمار اللي حول الملعب ويخلون الجمهور قريبين أقرب مثال ملعب السد القطري قهر والله أقوى دوري عربي وبطولات خارجية للمنتخبات والأندية السعودية........ الى متى وهم بهاالحاله اللي يشوف ملاعبنا يقول بس هذولا أبطال العالم في ألعاب القوى
اضافة رد مع اقتباس
  #11  
قديم 17/08/2006, 08:21 AM
موقوف
تاريخ التسجيل: 21/10/2005
مشاركات: 619
ياخي ماكفتكم الفيصليه والمملكه ياخي خلونا نفتخر بحّينا شوي خخخخخخخخخخ
اضافة رد مع اقتباس
  #12  
قديم 17/08/2006, 08:25 AM
زعيــم نشيــط
تاريخ التسجيل: 09/06/2004
المكان: المجمعة مدينة المليون نخلة
مشاركات: 640
والله انا معك بكل اللي قلته


خصوصا النادي الرياضي
اضافة رد مع اقتباس
  #13  
قديم 17/08/2006, 08:41 AM
زعيــم متألــق
تاريخ التسجيل: 23/04/2006
المكان: ضآيع .. !
مشاركات: 1,220
صدقت وأنا أخوك
اضافة رد مع اقتباس
  #14  
قديم 17/08/2006, 10:11 AM
زعيــم فعــال
تاريخ التسجيل: 20/09/2005
المكان: في ممرات نادي الهـــــــلال
مشاركات: 257
ما في مشكلة ينقل من العريجاء لشمال الرياض

بس بشرط يا خذوني معهم ههههههههههههه
اضافة رد مع اقتباس
  #15  
قديم 17/08/2006, 10:16 AM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
شف
ترا فيه قدام بيتنا أرض فاضيه

لو يحطونه في ذاك كان وناسه أخاوي السكرتي يدخلني بدون الخمسه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:59 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube