ابي رأيكم بها القصيدة - نادي الهلال السعودي - شبكة الزعيم

المتفائلة · #1 15/07/2006, 01:31 AM

ابي رأيكم بها القصيدة ...هذي المحاولة الاولى لزوج اختي
وولد اختي طلب مني أنقلها لكم...

ضاقت الدنيا عليه من تصاريف الزمان
وزادت جروحي قصيدة(قصة العصر الحزين)
هذي الدنيا حقيرة مالها والله أمـــان
وقت فيها الشاب يشيب يابن خالي والجنـين
والليالي في غثاها غربلتني بشتكيها لعنان
لا..لربي اشتكيــها منزل الحــق المبـين
جارت الدنيا علينا قبلنا فرحت فـلان
نغصـتها الله يعيـنه وأصبـح لوحده حزين
لا ذكرت العصر الأول صار بعيوني يرقان
والدمع يغشى عيوني وقلبي يطواهاالحنــين
الحزن أصبح بقلبي بحجم أم(السيســبان)
لولا ربي ماأشيله هو معـين الصـابريــن
لالفاني العيد افرح وبين أهلي فرحتـــان
ناسي ارجع للورى من حلا ذيكـ السنـين
عمرنا والكون يفنى للرحيـــل آّن الأوان
قدر الله واسبقونا وحنـــا فيهم لاحقين
غـــاب أبــويه نجم ســـاطع بالعنان
وأيضا ربعه ابـــسمانا مثل نجوم ساطعين
لاأمر بالشي ينفذ ينفذ أمره ابثــــــوان
نحمد الله مسلمين وعلى حكمـــه صابرين
أطلبكـ يارب تجعل من توفوا ابشعبــــان
كل ربعي وكل مسلم في رياض الصالحـــين
بالختام اعداد ماقفا الليل والصبح بـــــان
صل يـــامسلم وسلم على محمد الأمين

بقلم : (أبو باسل)

قوي الباس · #2 15/07/2006, 02:00 AM

كــ بداية ,, رائعة ..
و مع الاستمرار في كتابة القصائد .. سيرتقي الى "شاعر مميز" ..

شكرا لكِ
قوي الباس

المتفائلة · #3 15/07/2006, 02:04 AM

الف شكر لك عالمرور

بس ترى هو مايدري اننا بننشر القصيدة

الله يعين ولده

سوسوالهلاليه · #4 15/07/2006, 02:05 AM

إقتباس


	لالفاني العيد افرح وبين أهلي فرحتـــان ناسي ارجع للورى من حلا ذيكـ السنـين عمرنا والكون يفنى للرحيـــل آّن الأوان قدر الله واسبقونا وحنـــا فيهم لاحقين

صح لسانه
قصيده رائعه

المتفائلة · #5 15/07/2006, 02:10 AM

مشكورة اختي عالمرور

سندريلا الهلال · #6 15/07/2006, 03:39 AM

صح لسانه

والله يحفظه لعياله يارب

وان شاء الله قصائد فرح قادمه باءذن الله يكتبها في اولاده واحبابه

الله يعطيك العافيه

هلالي و مانشستراوي · #7 15/07/2006, 04:40 AM

صح لسانكـ ؛؛

الكلاسيكي · #8 15/07/2006, 09:59 AM

قصيده رائعه .. اتوقع انه راح يبدع اكثر ..
وصح لسانه .. بالتوفيق له ....
دمتي بخير

المتفائلة · #9 15/07/2006, 02:07 PM

الف شكر لكم عالمرور

][ عيون الزعيم ][ · #10 16/07/2006, 12:06 AM

قصيده رائعه
عجبتني مرررررررررررره ------------ متحمسه

فتى المدينه · #11 16/07/2006, 02:17 AM

ماعليك المره هذي بالعارضه ثم للمدرجات

الثانيه تبنط بالعارضه وتقف على خط المرمى

الثالثه ان شاءالله تهز الشباك

الكناري الأزرق · #12 16/07/2006, 04:19 AM

ابــــداااااااااااااااااااااااااااع

,,, !! ,,,

صح لسانـه

,,, !! ,,,

هلال برشا · #13 16/07/2006, 05:41 AM

جيده

بدايه تنم عن فكر شاعري

المتفائلة · #14 16/07/2006, 08:45 PM

الأخت عيون الزعيم :

شكرا لك عالمرور وان شاء الله دايم تكونين متحمسة

الأخ فتى المدينة :

ايش دعوى ياخوك حنا نبي ضربة جزاء عالمرمى على طول
شكرا لمرورك

الاخ الكناري الأزرق:

الابداع سببه مرورك الكريم

الاخ هلال برشا:

شكرا لهذا المدح الرائع

شكرا لمرورك

الخفاق الأزرق · #15 16/07/2006, 09:24 PM

إقتباس

الرسالة الأصلية كتبت بواسطة المتفائلة


	هذي الدنيا حقيرة مالها والله أمـــان وقت فيها الشاب يشيب يابن خالي والجنـين والليالي في غثاها غربلتني بشتكيها لعنان لا..لربي اشتكيــها منزل الحــق المبـين بقلم : (أبو باسل)

كلام بهالعفوية وبهالصدق في المعاني معناته انه كان طالع من قلب,,

صح لسانه على هالأبيات اللي هي لسان حال الكثير,,

وما يشوف شر ولا ضيقة صدر ان شالله,,
عزيزتي المتفائلة,, قولي لأختك تقول لزوجها ان الدنيا ما تسوى,,

ومشكورة على الموضوع الجميل,,