شقـــــة للأيجار...!! - نادي الهلال السعودي - شبكة الزعيم

برق الزعيم · #1 16/07/2006, 12:57 AM

الله لا يمسيكم ولا يصبحكم الا بكل خير

;)
اول شي

مبروك للناجحين

والله يوفق المتزوجين

والله يسهل اموراللي توهم متعينيين ومتوظفين

والله واحشني موت هالمنتدى واللي فيه من اعضاء

كيف الاخبار ان شاءالله كل شي تمام

اليوم موضوعي عن الشقق والأيجاربشكل عام

غرفتين وصاله ب ( 22000 )

دورعلوي ب ( 26000 )

دورارضي ب ( 30000 )

اسعارخيالية للمواطن السعودي الشاب واللي مقبل على الزواج واللي اتوقع ان 70% منهم دخلهم لا يزيدعن ( 6000 )ريال....!!

وطبعاكل واحد يبي يصيرقريب من مقرعمله اوعلى الأقل قريب من اهله اواهلها..!!

واذاراح هم الايجارجاك هم التأثيث وياقلب لاتحزن

على العموم اناماأبي اتطرق الى جوانب كثيره عن الموضوع

اترك التعليق لكم اخواني واخواتي

واتمنى الموضوع ينال ولوعلى جزءبسيط من رضاكم

تقبلواتحياتي

اخوكم

ابودانـــــــــــــــــــه

;)

[IMG]

[/IMG]

فتى المدينه · #2 16/07/2006, 02:26 AM

يازين الملك ياابو دانه .. والله تو ماحسيت بالراحه ..

اف نسيت اقول اشوا اني مكنتك حيّ عشان اقول : صباح الخير

يارجال مابقى شي بجيب المواطن ماغير شغالين شفط ههههه

اقول تعال :::::

اشوفك اليوم ختمت بـتقبلواتحياتي

وين (تحياتي وانا اخوك) ههههههه قسم بالله ترفع ضغطي هالعبارة ههههههه(فيه تطور) هههههههه

بلغ تحياتي للأموره دانه

عاشق الفيلسوف 15 · #3 16/07/2006, 03:07 AM

إقتباس


	اول شي

وطيب وثاني شي وشو

إقتباس


	مبروك للناجحين

اكيد تقصد
الناجحين بالدور الثاني

إقتباس


	والله يوفق المتزوجين

وطيب والي خاطب

ولا تزوج

إقتباس


	والله واحشني موت هالمنتدى واللي فيه من اعضاء

ومواضيعك واحشتنا اكثر يا ابو دانه ، (( ترى انا مثلك مغبر بالمنتدى ، من شيابهم ))

إقتباس


	كيف الاخبار ان شاءالله كل شي تمام

الاخبار العربيه :
الاخبار إسرائيل انواع الصورايخ على بيروت خربوا اجازتنا الله يلعنهم .

أما الاخبار السعوديه :

في بيروت قصف منازل ، والسعوديه قصف دراهم (( سوق الاسهم ))

إقتباس


	اليوم موضوعي عن الشقق والأيجاربشكل عام غرفتين وصاله ب ( 22000 ) دورعلوي ب ( 26000 ) دورارضي ب ( 30000 )

اخوي ابو دانه كان الاسعر مبالغ فيها شوي ، اذا كان الاسعر تقصدها بالعليا والواحه انا أقولك اوكي

تعال عندنا بشرق الرياض (( الريان ، الروضه ، الربوه ، الروابي )) بتلقى شقه ولا أروع

غرفة نوم + مجلس حريم + صاله + مطبخ + مقلط + مجلس رجال + دورتين مياه

تلقاها 20 الى 22 الف ريال ،

أو أنك تقصد الاسعر خارج الرياض يمكن أقولك كلامك معقول ، والله يعينكم .

الي برى الرياض وخاصه جده او الشرقيه أسعارهم نار وبقوه .

إقتباس


	تقبلواتحياتي اخوكم ابودانـــــــــــــــــــه

لله تعجبني ابو دانه انسان متفهم ، طيب وش رأيك تزوجني بنتك دانه الزوجه الثانيه بعد 20 سنه يكون عمري 44 سنه

وبنتك وزوجتي المستقبليه دانه بحدود 21 سنه .

قل تم .

تغريد · #4 16/07/2006, 03:46 AM

تفرق من منطقه لمنطقه

في مناطق الدور ب18
ومناطق الدور ب40

وكمان الاثاث

كل واحد يمد رجله على قد لحافه صح ولالا

مالها داعي الفشخره والواحد مطفر

والله يعين الجميع

سندريلا الهلال · #5 16/07/2006, 04:08 AM

آمييين يارب الله يوفق الناجحين واللي بيتزوجون والله يوفقهم ان شاء الله

الان المشكله مو مشكلة الغلا لان الاسعار حسب المناطق المشكله متفرعه غير الغلا تصاميمها جداً سيئه كأن اللي بيسكنها مو آوادم بصراحه اللي عندنا مو شقق الا قواطي صلصه تصميمها زفت ومساحتها صغيره يعني بجد مافيه لا ذمه ولاضمير من ناحية التصميم يبون أكبر قدر ممكن من الشقق في عماره وحده يستغلون اي شبر لصالحهم تاركين مصالح المستأجر لأنه مايهمهم مايهمهم الا اللي يكسبونه نهاية السنه

والمشكله الان كبرت وصارت مشكلة ان الواحد ماصار يلقى سكن أصبحت هناك أزمه سكانيه رهيبه

اول كان الواحد يتشرط يبي بقرب أهله الان يتمنى في اي مكان بس يلقى سكن مناسب لان من جد هالازمه متداوله بين اغلب الناس

والله يوفق الجميع ويسعدهم ان شاء الله

الهلالي النايم · #6 16/07/2006, 05:28 AM

يسلمووووووووووووووو ابوو ندى

الفيروسه الزرقاء · #7 16/07/2006, 09:01 AM

هلا وغلا بـ برق الزعيم .

إقتباس


	والله واحشني موت هالمنتدى واللي فيه من اعضاء

حتى أنت واحشنا ومشتاقين لـ سوالفك وتعليقاتك

إقتباس


	كيف الاخبار ان شاءالله كل شي تمام

الحمدلله كل شي تمام

، أنت بشرنا عنك وش أخبارك وأخبار دنو

كم صار عمرها

! عساها مشت وتكلمت

.

إقتباس


	اليوم موضوعي عن الشقق والأيجاربشكل عام

ليه ناوي تنقل من بيتك

:p

إقتباس


	غرفتين وصاله ب ( 22000 ) دورعلوي ب ( 26000 ) دورارضي ب ( 30000 ) اسعارخيالية للمواطن السعودي الشاب واللي مقبل على الزواج واللي اتوقع ان 70% منهم دخلهم لا يزيدعن ( 6000 )ريال....!! وطبعاكل واحد يبي يصيرقريب من مقرعمله اوعلى الأقل قريب من اهله اواهلها..!!

: أتوقع أن كل حي سعره يختلف عن الحي الثاني

.

ع العموم الله يعين هـ الشباب

يـ مال العوافي ع هـ الطرح وع جيتك للمجلس

نشوف جديدك يـ بطل

الفيروسه الزرقاء

الكلاسيكي · #8 16/07/2006, 10:13 AM

صبـــاح النور والســـرور اخوي أبــو دانه ..

واللـــــــــه انكـ صادق .. أسعـــار الأجـــار هاليومين نــار .. هذا غير الماء والكهرب
والاثاث مثل ماقلت ..

الواحد مايدري يسدد للأجار
والا للمصاريف اليوميه .. والا للبنزين .. والا للفواتير اللي قاصمه ظهورنا ..
مايجي نص الشهر .. الا الواحد ينتظر 25 على أحر من الجمر ..

وبعضهم قالوا أن الأسعار تختلف من حي لحي .. كم تختلف 5 الاف والا 10 ..
كل الفرق 1000 او 2000بالكثير
الله يكون في عون المستأجرين .. والله مافيه شي أحلى وأريح من لملك من جميع النواحي ..

عموماً .. الله يكون في عونك اخوي ابو دانه ..
بالتوفيق لك .. عقبال المنزل الملك ..

دمت بخير

ســــ 9 ـــــام · #9 16/07/2006, 01:13 PM

إقتباس


	صبـــاح النور والســـرور اخوي أبــو دانه .. واللـــــــــه انكـ صادق .. أسعـــار الأجـــار هاليومين نــار .. هذا غير الماء والكهرب والاثاث مثل ماقلت .. الواحد مايدري يسدد للأجار والا للمصاريف اليوميه .. والا للبنزين .. والا للفواتير اللي قاصمه ظهورنا .. مايجي نص الشهر .. الا الواحد ينتظر 25 على أحر من الجمر .. وبعضهم قالوا أن الأسعار تختلف من حي لحي .. كم تختلف 5 الاف والا 10 .. كل الفرق 1000 او 2000بالكثير الله يكون في عون المستأجرين .. والله مافيه شي أحلى وأريح من لملك من جميع النواحي .. عموماً .. الله يكون في عونك اخوي ابو دانه .. بالتوفيق لك .. عقبال المنزل الملك .. دمت بخير

نـــــــ15ــــــمر · #10 16/07/2006, 01:25 PM

والله الاسعار نار
لو اباخذ لي شقه ورى الراشد راح تكلفني 2500 ريال على االقليل شهريا ولا والشقه وصخه
لاكن اعرف واحد ماخذ شقه عزروبي غرقه وصاله وحمام ب 11 الف ريال
ويا حليله الاثاث حقه جايب زوليه ابو عشره وحاطها فوق السراميك

على فكره الصوره حلوه بس
بس المشكله اني قاعد ادوره شقه خويي والي الحين ما لقيتها

وتشــــــــــــــــــــــــــــــــــــــــــــاو

برق الزعيم · #11 16/07/2006, 01:54 PM

فتى المدينه

إقتباس


	يازين الملك ياابو دانه

مافيه ااااامل

انت وينك

منذمبطي وانت ماتجي للمنتدى عسى المانع خير..!!

على العموم الف شكرعلى مشاركتك يالغالي

عاشق الفيلسوف 15

إقتباس


	وطيب والي خاطب ولا تزوج

وش اللي يخليك تتأخر أعقلهاوتوكل واول شهرالأيجارعلي

إقتباس


	ترى انا مثلك مغبر بالمنتدى ، من شيابهم

مايمديك تتنكر يالله حسن الخاتمة

إقتباس


	اخوي ابو دانه كان الاسعر مبالغ فيها شوي

والله شوف عيني محدقالي

اذاكان مقرالعمل بالشمال واهلك بالشمال معقول تروح تسكن بالجنوب والا الغرب والاالشرق..!!

إقتباس


	تزوجني بنتك دانه الزوجه الثانيه

ماعندي مانع بس كثرالدراهم

الف شكريالغالي على المشاركة

تغريد

إقتباس


	تفرق من منطقه لمنطقه

ومن حي لحي اوافقك الراي..!! بس عادمهوب يفرق خمسة اواربعة الاف مهوب منطق

إقتباس


	كل واحد يمد رجله على قد لحافه صح ولالا مالها داعي الفشخره والواحد مطفر

لقداسمعت ولوناديت حيا

الف شكريالغاليه على المشاركه

سندريلا الهلال

إقتباس


	تصاميمها جداً سيئه كأن اللي بيسكنها مو آوادم بصراحه اللي عندنا مو شقق الا قواطي صلصه تصميمها زفت ومساحتها صغيره يعني بجد مافيه لا ذمه ولاضمير من ناحية التصميم يبون أكبر قدر ممكن من الشقق في عماره وحده يستغلون اي شبر لصالحهم تاركين مصالح المستأجر لأنه مايهمهم مايهمهم الا اللي يكسبونه نهاية السنه

وكلهاعلى قولتك علشان يكسب مساحه واكره مافيهالاجاك المطبخ مفتوح مع الصاله

الف شكريالغاليه على المشاركه

الهلالي النايم

إقتباس


	يسلمووووووووووووووو ابوو ندى

لاتشوفهاام دانه وتقول من هي ندى

الف شكريالغالي على المشاركه

الفيروسه الزرقاء

ياهلا وغلا

إقتباس


	أتوقع أن كل حي سعره يختلف عن الحي الثاني

يعني تتوقعين السعركم يختلف..!!اقل شي الفين الف موب خمسةو اكثر..لكن وش يقول الواحدغيرالله يعين..!!

إقتباس


	يـ مال العوافي ع هـ الطرح وع جيتك للمجلس

الله ميريعافيس وخيتي فيو..!!

الاماقلتيلي وش صارعليك تخرجتي والاتوظفتي والاربة منزل حلوة ربة منزل

الف شكريالغلاعلى المشاركة

الكــلاسيكي

إقتباس


	.. والله مافيه شي أحلى وأريح من الملك من جميع النواحي

الله يسمع منك ونلحق علية

الف شكريالغالي على المشاركة

ســــ 9 ـــــام

الف شكر السام على المشاركة

نـــــ15ـــــمر

الف شكريالغالي على المشاركة

تحياتي وانااخوكم

ابودانـــــه

alhawey · #12 16/07/2006, 01:56 PM

هلا اخوي برق الزعيم،،

تصدق وجهك مهوب غريب علي

انت متأكد اني ما كد تهاوشت أنا وياك

أو تقهوينا مع بعض؟؟;)

ما علينا، بصراحه موضوعك يلامس الواقع، ويتطرق لوحده من اهم المشاكل عندنا لو نظرنا لها من جميع الزوايا...

إقتباس


	اليوم موضوعي عن الشقق والأيجاربشكل عام غرفتين وصاله ب ( 22000 ) دورعلوي ب ( 26000 ) دورارضي ب ( 30000 )

والله يابن الحلال ما نقول الا الشكوى لله ، مادام المسؤلين عن مراقبة العقار في الدوله تاركين أصحاب العقارات يرفعون بالاسعار على كيفهم ، لدرجة ان بعضهم يزيد عليك سعر الشقه 500ريال كل سنة!!، مع انه المفروض كل مازاد عمر العقار يقل سعره!!!

أما المواطنين وخصوصا الشباب منهم مساكين مغلوب على أمرهم ماعندهم حل غير الايجار ، لان مجرد التفكير في امتلاك بيت أو حتى امتلاك شقه راح يعجل بدخول الشباب الى قسم أمراض السكر والضغط

، وعشان كذا الطلب على هالشقق راح يستمر حتى لو يوصل سعر الشقه 30.000 متأكد انه في ناس تبي تستأجر

، لان فئة الشباب تبي تتزوج وتستقر وتعيش حتى لوكان الثمن قروض من البنوك تستمر الى ما لانهاية..

وبهالمناسبه ودي أسأل سؤال بريئ جداااا:

عماير اسكان المعذر ، في الاساس كانت لمن؟؟

ماودي اكثر الهرج لان عندي الكثير حول هالموضوع، خصوصا وانه من المواضيع اللي دايم نتناقش فيها..

تحياتي لك

abu_riman · #13 16/07/2006, 02:27 PM

و إن تفاوتت الأسعار تظل تكلفة السكن عالية جداً ..
ثم هل فعلاً الرواتب في بحر 6000 الآلاف ريال ؟! أبو دانة هناك من يستلم أقل !
كم يستلم المعلم عند بداية التعيين ؟!

إحدى المدارس الخاصة التي أعرفها جيداً دون تحديد لديها معلم شاب يستلم 1400 ريال ويأتي بسيارة ليموزين !
و في نفس المدرسة قسم البنات معلمة راتبها 1500 ريال يأتي أبوها بها كل يوم مع ليموزين و ينتظرها حتى الظهر ليوفر تكلفة المواصلات !!

هناك أزمة قادمة في السكن أعتقد أن المسؤولون استوعبوها مؤخراً فهل يسبقون الزمن للتغلب عليها ؟!

الحمدلله على سلامتك يا الغالي ..
و عسى حضورك يستمر ..

برق الزعيم · #14 17/07/2006, 01:30 PM

alhawey 11

إقتباس


	تصدق وجهك مهوب غريب علي انت متأكد اني ما كد تهاوشت أنا وياك أو تقهوينا مع بعض؟؟

اشوى ان المنتدى مايحط وجيه كان رحنافيها

إقتباس


	بعضهم يزيد عليك سعر الشقه 500ريال كل سنة

قال وش حادك يامسمارقال المطرقه..زين اذاجت على 500 ريال لاتزودبس ..!!

إقتباس


	عماير اسكان المعذر ، في الاساس كانت لمن؟؟

الله اعلم

الف شكريالغالي على المشاركه

abu_riman

إقتباس


	أبو دانة هناك من يستلم أقل

خل الطابق مستور

إقتباس


	الحمدلله على سلامتك يا الغالي .. و عسى حضورك يستمر ..

الله يسلم عمرك والف شكريالغالي على المشاركه

هلالي الظهران · #15 17/07/2006, 01:53 PM

يالله انك تحييه ابو دانه .. بشرنا عنك وين هالقطعه ماعاد شفناك من يوم سويت حفلة دانا بمناسبة مرور سنه

..

شخبار الاموره عساها تارسه الدنيا عليكم

,,

والله يابو دانا انت اخذت الشباب اللي مقبلين على زواج والله يعينهم ..

طيب والشباب العزوبيه امثالي اللي بديره بعيد عن اهلهم وش يسوون

,,

شف وانا اخوك انا لي تجربه اربع سنين ماغير مطامر فيها هالشقق .. وتدري ان المعاناه مع العزوبيه اضعاف مضاعفه ..

كتجربه شخصيه .. الخبر تبي تستاجر لعزوبيه عندك ثلاث اماكن .. الثقبه والخبر الشماليه والخبر الجنوبيه .. وبصراحه الثقبه هذي تخوف كانها خنشليله عندكم بالرياض ومايخارج فيها الوضع ابد

,,

الحين لي اربع سنين تنقلت بين اربع شقق وفي كل مره نبحث عن الافضل .. تخيل هالشقق اللي نؤجرهم انا وولد خالي غالبا ماتكوت غرفتين وصاله وحمام ومطبخ والايجار يتراوح بين الــ 18 و22 الف في الــ 12 شهر

..

يارجال خذ وخل وعيش حياتك

,,