يعيطك ألف عافية ...

ولله إني أعجب لحال منتخبنا!! كلما قلنا هانت جاء علم جديد!!
بعيدا عن جلد الذات وتأنيب الضمير. علة المنتخب الأساسية هي تذبذب المستوى!
فزنا على كوريا عقب نكسة الثمانية وتصدرنا مجموعتنا وقلنا ماعاد على المنتخب خوف!
وتفاجأنا في المباريات الودية إنه ينهزم من لبنان ويالله يفوز على سوريا.
ثم قلنا لازم نباري المنتخبات القوية عشان يظهر المستوى. ولعبنا مع التشيك وقدمنا مستوى ولا أحلى.
وأطمأنينا على المستوى يوم شفنا مباراة تونس. ثم رجعنا على طمام المرحوم وانصكينا بأربعة!!
عندنا مواهب وعندنا فريق ممتاز بس المشكلة الوحيدة فينا هي إنعدام التفاهم وتذبذب المستوى.
وأكبر دليل على هذا مباراتنا مع أوكرانيا.
أوكرانيا كانوا مطبقين تبادل المراكز بشكل كبير حتى إنهم يهجمون كلهم مرة وحدة ويدافعون مرة وحدة.
وعشان كذا ما أستطاع منتخبنا إنه يخترق دفاعهم بسبب كثافتهم الدفاعية ولا إنه يرد هجومهم بسبب الكثافة الهجومية وأكبر دليل على هذا هو عدد الفاولات والركنيات المحتسبة لهم واللي سجلوا منها الأهداف.
ومع إن وصولنا إلى منطقتهم كان أكثر إلا إن تصويباتهم على المرمى كانت أكثر منا أو بالأحرى ما صوبنا على مرماهم ولا مرة مع إنه المفروض دام اللاعبين فهموا هالشي إنهم يعتمدون على التصويب من برا الثمنطعش خصوصا إن حارسهم مو ذاك الزود.
ومع إن حنا مدعمين الدفاع بأكبر عدد ممكن إلا إن أوكرانيا لقت المساحة الكافية عشان تخترق دفاعنا. وين راح دفاعنا! الله أعلم!
في النهاية صدقوني لو ثبت المنتخب على مستوى التشيك وتونس ما كان حصل اللي حصل!!
لكن مانقول إلا عسى أن تكرهوا شيئا وهو خير لكم!! والحمدلله الذي لا يشكر على مكروه سواه!!

لـي رجـعـة بإذن الله مواضيعك ما تتفوت

,,,

تسلم يمينك ..

ونسيت شي وهوه اهم شي

يجب تغير الاتحاد السعودي ومن فيه
وعلى راسهم سلطان الرياضه وابن اخوه نواف
اسير الشوك

لك كل التحية والتقدير أخوي
فعلا كتبت في موضوعك كل شي وياليت فيه من يسمعك
تسلم أناملك

وين الي يسمعك ياشيخ بس !!!

بصراحة جبتها على الجرح !! ولكن ؟؟

هناك اناس مستفيدون.. وبقراراتك هذه تجعلهم في الجانب المظلم !!

كلامك روووووووعة والله يسمع منك

إقتباس الرسالة الأصلية كتبت بواسطة هلالي من ارض اليمن أمنينا أنفسنا ان الأسبان سيتعلمون أدب اللقاءات وهم الذين وضعوا على عاتقهم وعد ان ينسوا العالم نتيجة الثمانية أهداف لأن لديهم الرغبه في كسر هذه النتيجة !!

اخوي اولا احييك على كلامك ... و اريد اضافة بعض المعلومات لكي نستطيع ان نكون منتخب سعودي حقيقي يستحق التأهل للنهائيات و مقارعة الكبار ...
المشكله قبل ان تكون فنيه المشكله بتحضير اللاعب السعودي .. معروف ان اللاعب السعودي لاعب مهاري و لاعب جيد لكن يفتقر للعقل الكروي او العقل اللي يكون (( كيف نقدر ننهي المباراه خلال ال 90 دقيقه )) بسبب عدم الاحتكاك بالخارج ... اختاري اسوء فريق بالمونديال غيرنا حاليا و شوف لعيبته وين يلعبون ؟؟ مافي لاعب غير محترف بنادي خارجي .. هذا يعكس احتكاك و ثقافة كروية .. اما احنا مين عنده احتكاك .. عام 2006 ولسه امنيه عندنا ان لاعب واحد يحترف .. هذا مو كلام الناس تعدت هذي المرحله قبل عشرات السنوات .. انظر على منتخب اليابان هل كان يقارن بالمنتخب السعودي ؟؟ لكن قبل سنوااااات وضعت خطة للمنتخب و احترف اللاعبون و اصبح الان مثل الكبار مثل كوريا ايضا .. اللي كانوا بالنسبه لنا تسليه الحين يهزموننا بالاربعه ...
ثاني شي اداريا نحتاج خبراء .. نحتاج الى مدرب يقدر يحضر فريق , باكيتا جيد وياريت ما يطلع لانه مدرب طويل الاجل .. مثال ذلك ريكرد مدرب برشلونه .. قبل 4 سنوات ايش كان و الحين ايش كان .. عنده فريقين يقدر يدخل فيهم اي بطوله ...
ثالثا على المستوى المحلي و على مستوى الانديه .. معروف لدينا كشعب حبنا للكرة .. الطفل اول لعبه يلعبها الكورة ... تقريبا مشكلة اي مراهقين حاليا يلعبون كره وجود ملعب مزروع ( شخصيا لمن كنت بالثانوي كان حلمي العب بملعب مزروع ) ما كنا نلعب الا بالشوارع .. وين المشات الرياضيه اللي تنمي هذي الاشياء ؟؟ مافي الا قليل اغلبها استراحات ...
الانديه مافي مدارس قادره تطلع اجيال كرة قدم غير لاعب ولا لاعبين ... مافي بدائل , نادي الهلال الموسم اللي فات كان عنده مشكله الجهه اليمين .. لان ما في بدائل .. مافي مدارس كروية تنشئ تبرز لاعبين .. الاعب عندنا يبرز على الفطرة ..ما عندنا لاعب يجهز . ( على فكره كلنا نعرف باولو مالديني قائد ميلان , و منتخب ايطاليا سابقا .. عنده ولد صغير ...يجهز حاليا لكي يكون قائد ايطاليا بعد 15 عام !! ... هنا التجهيز .
تصفيات كاس العالم الجاي مين بيلعب ؟؟؟ مافي بدائل . للاسف
مبروك .... حصول المنتخب على المركز الثالث بكاس العالم عام 2014 .. لو كان في خطط مدروسة وجميع لاعبين المنتخب محترفين بالخارج .
اسف على الاطاله
وشكرا .

وش نقول وش نخلي..لاحياة لمن تنادي
ومشكور

صادق وخاصة النقطة رقم واحد تنطبق مليون بالمية على الدفاع
الليس ما يعرف يحتك إلا مع الحارس حقهم

كلام سليم
واهم نقطة هي الاحتراف الخارجي

مشكور على الموضوع الاكثر من رائع

مشكووووووووررررررررررررر تسلم يدينك لكن على نقطة تجنيس اللأعبين مالمانع ان نعلمهم الأسلام وبالعكس كثير منهم بأذن الله يدخلون في الأسلام لأنهم ماخذين فكره خطأ عن الأسلام وذلك لأسباب عديده منها تصرفات بعض المسلمين التي لاتمت للأسلأم بشيء وبسبب الأعلام الغربي