إقتباس الرسالة الأصلية كتبت بواسطة Gunner4Ever فياريال مين ؟؟!! أزعجتونا فيه !! في كل المنتديات أغلب الردود تقول حظ ؟! ياخي عندك 90 دقيقة وانت مغلوب بـ هدف في الذهاب وترتيبك العاشر ما عندك شيء تخسره .. في الشوط الأول الفياريال يدافع انتهى الشوط الأول الحين عندك أهم 45 دقيقة في الموسم !! وانت مغلوب بهدف .. يعني ظنكم وش بيسوي ؟ بيدافع مثلاً أكيد بيهاجم بكل قوته وأكيد بتجي فرص خطرة وأكيد الآرسنال بيدافع وفينجر قالها قبل المباراة .. حتى هنري يرجع يدافع في مرات كثيرة آخرتها كم هجمة ضايعه وبلنتي خرافي غير صحيح وقالوا حظ ؟!! يعني ظنكم اذا جات هجمة لـ فياريال حقت فورلان مثلاً ودخلت هدف ؟ هل فياريال بيواصل نفس الضغط ولا بيحاول يؤمن النتيجة ولا يدخل عليه هدف ؟ وهل الآرسنال بيظل بنفس عقمه الهجومي ولا بيبحث عن هدف ؟ الأمور في المباراة كانت كلها ماشية تمام للآرسنال فـ ليش يهاجم ويتعب نفسه وهو مرررررررررررررررهق من ضغط المباريات ( بورتسموث , ويست بروم , فياريال الذهاب , توتنهام ) أما فياريال فـ لعب مباراة ضد برشلونة الجمعة !! ومريح كل اللاعبين لان ما عنده شيء يخسره .. ترتيبه كان التاسع صار العاشر وش الفرق ؟ أما مركز الارسنال الخامس يعني ما يتأهل للأبطال فهو يحتاج للنقاط يعني يلعب على جبهتين !! اللي يقول 9 هجمات لـ فياريال في هذه المباراة .. تراها 9 هجمات في 180 دقيقة يعني هجماته في الذهاب صفرررررررر !! ----------------------------- مشوار الآرسنال : فاز على الريال في البرنابيو (( وعلى فكرة في تلك المباراة الارسنال لازال يقدم مستويات سيئة حتى انه انهزم من بلاكبيرن )) يعني ما دخل في صحوتة حتى الآن فاز على اليوفي 2 - 0 ما اهتزت شباك ليمان أبداً محطماً الرقم القياسي لـ فان دار سار .. اما مشوار فياريال : التأهل من رينجرز ( صاحب المركز الثالث في الدوري الأسكتلندي ) ياليته فاز عليه .. تأهل بالتعادلات : الذهاب 2 -2 الإياب : 1-1 يعني 3 - 3 بس الهدف بـ هدفين ولعب ضد الإنتر السيء وفاز بعامل ( الهدف بهدفين ) الذهاب : 2-1 الإياب : 1- 0 لفياريال يعني :2 - 2 بس الهدف بـ هدفين في الأخير البعض يقول هذا الفريق يستاهل التأهل على حساب القنرز عشان مباراة واحد فقط سيئة للآرسنال بعد مباريات خيالية ضد اليوفي و الريال ؟؟!! معليييييييييييييش !!

قلة خبرة الفيا هيا من أهل الارسنال فعلا كلام كبير من زعيم كبير خبرة الفيا كانت معدومة كم كبير من الفرص الضائعة و الله اشفق على الريكي على تقدمه للتسديد و على العموم مبروك للفريقين للقنرز للتأهل و الذهاب الى باريس و فيا ريال على الاداء القوي و الله فكروني ليون و ما فعله بالميلان0 و شكرا ابو كريستان

نعم الأرسنال سيئ أمس .. وأعترف بها الشيء

وأعترف أيضاً إنه لو سجل الهدف في الوقت الضيق كان راح يكون لها تأثير سلبي كثير على الأرسنال وراح ترفع من معنوية الفيا كثير رغم إني متأكد أن الأرسنال بيغير لعبه ساعتها .

لكن اللي يبط كبدك اللي يجيك يقول الأرسنال تأهل بالحظ وإنه ما يستاهل التأهل !

Abo Crestan

ماعندي اعتراض على أغلب اللي قلته باستثناء بعض الأمور ..

إقتباس اكثر من عشر هجمات جميها اهداف تضيع ..معقول

صحيح لهم عشر تسديدات لكن تقول كلها أهداف فيها مبالغة ..

لو راح أتكلم بها المنطق معناه إني راح أقول إن الأرسنال ضيع في لندن 12 هجمه جميعها أهداف ..

إقتباس ريكي .. مع كل كوره يلمسها .. عشرة لاعبين عليه .. ولا بعض الاحيان لازم يكسرونه ..

فعلاً كلامك صحيح ... جيلبيرتو سيلفا أمس كان عن عشرة لاعبين

إقتباس لكان الحمدلله على كل حال .. ومبروك للارسنال هذا الانجاز والرقم القياسي

الله يبارك فيك

إقتباس فينجر عندما قام بأدخال بيريس في ذاك التوقيت ربما ينسينا بعض هفواته بالمباراه ..

فعلاً ... دخول بيريس كان المفروض من بداية الشوط الثاني .


G E R R A R D

تقول :

إقتباس عذبهم ريكي

وأنا أقول لولا الفاولات اللي كل شوي شايتها والبلنتي كان مادريت أنه في الملعب والبركة في جيلبيرتو اللي أخفاه نهائياً !

إقتباس فورلان تحرك واشغلهم

بالعكس كامبل و توريه كانوا قمة في الدفاع , دفاع الأرسنال وليهمان هم نجوم المباراة (الحقيقيين)

إقتباس استغرب الارسناليه الذين يقولون ان ضربه الجزاء غير صحيحه الا صحيحه 100 بالــ 100 واللي مايعرف يشوف كوع كليشي ونشب بظهر المهاجم ايضا لاتنسون البلنتي اللي على جلبرتو بمباراة الهايبري ولو النتيجه خاله -1 هناك كان كلام ثاني

تتكلم عن التحكيم وكأن الحكم تغاظى عن ضربة جزاء لفياريال بس .

في مباراة الذهاب الحكم ماحسب ضربة جزاء لفياريال لكن هل كانت غلطة حكم المباراة الوحيدة ؟

الأرسنال تضرر من التحكيم أكثر من فياريال , لكن من ينظر للتحكيم بنظرة عوراء ينكر هالشيء .. هدف صحيح 100% لهنري ما حسبه الحكم و هجمة صحيحة لبيريس في الشوط الثاني سجل منها هدف لكن الحكم أوقف اللعب بداعي التسلل والإعادة للمرة الثانية أثبتت انه لايوجد تسلل .. زد على هذا لمسة يد واضحة على مدافع فياريال ولم يحتسبها الحكم بلنتي .

يعني النتيجة الطبيعية في لندن كانت ثلاثة أهداف للأرسنال مو هدف واحد فقط ..

البعض يأتي هنا و يتباكى على بلنتي فياريال و يتجاهل كل هذه الأخطاء ... عجب !

ولا أنسى أيضاً تضييع الوقت الواضح من لاعبي فياريال في لندن .. كل شوي ولاعب طايح ( فريق مهزوم ويضيع وقت هذي أول مرة اشوفها ) !

ولا حظوا الفرق فياريال مهزوم في لندن ويضيع وقت ! .. والأرسنال فايز في إسبانيا وما استخدم هالأساليب نهائياً .

أما على ضربة الجزاء (الخيالية) فلا أدري كيف يرجع لاعب بظهره على كليشيه المرتقي للحصول على الكرة ثم يسقط نفسه و تحتسب بلنتي !

عموماً يكفي رد هنري عليها عندما قال :

( لو كانت كل ضربات الجزاء ستحتسب بهذه الطريقة لرأينا ضربة جزاء في كل يوم من الأسبوع )

أما البطل ليهمان فقال عنها " هي هدية من الحكم , وصدها هو أنصاف لمجهود للفريق ."

إقتباس على العموم الكورة في ذاك اليوم اعطت من لم يعطيها والارسنال جاه شي مايستحقه ولا يستاهله ..عطفا على اداءه في هذه المباراة

! look who's talking

ليفربول مر بحالة مشابهة العام الماضي أمام يوفنتوس .. بل أسوأ منها ..

فاز في الذهاب على ارضه ... وفي الديلي ألبي اختفى تماماً وكانت المباراة على مرمى واحد .

على الأقل البارحة كانت نسبة السيطرة 58% لفياريال مقابل 42% للأرسنال .

بينما اليوفي كان مسيطر على الكرة بنسبة 60% مقابل 40 % للليفر ! والتسديد على مرمى بوفون في تلك المباراة كان = صـفــر !

لم يأتي أحد ويشكك في إنجاز ليفربول وجدارته بالتأهل ... أليس كذلك ؟

نصيحة أخيرة عبارة عن مثل قديييم : إذا كان بيتك من زجاج لا ترجم الناس بالحجارة

هلا والله بمجنون ارسنال ..كنت بانتظار ردك ..

إقتباس صحيح لهم عشر تسديدات لكن تقول كلها أهداف فيها مبالغة ..

لاياخوي صدقني مافيها اي مبالغه .. بس بذكرك بكورات فرانكو كم تتوقع اللي ضايعه منه . وجميعها اهداف واعتقد انك وقتها مع كل كوره قلبك طايح عندي رجليك .. بالفعل هجمات مدري كيف تضيع ..بالهبل ..من غير هجمات فورلان والبلنتي .. يبعني اسألك بالله ماهي كلها اقوال مضمونه لولا بعض الرعونه ..

واعيد واكرر ياشباب ترى انا ماتكلمت الا عن هذي المباراه فقط ... صدقوني لو وحده من الهجمات او البلنتي قوول

كــان والله الارسنال في الباي باي.

اما ضربة الجزاء فكثر الكلام حولها .. وانا اقول انها تقديريه للحكم يعني سواء احتسبها او لم يحتسبها فقراره صحيح في كلتا الحاليتن ..

من وجهة نظري انا ريكلمي اثبت بانه فاشل .. لم يقدم أي شي في المباراة .. واستسلم للرقابة .. بل كان عليه ان يرجع لاستلام الكرة مثل مافعل البرازيلي سينا ...

وضيع ركلة الجزاء دون ان يتحسر على ضياعها .. بكل برود واقف .. لو انا منه ادور الملعب وانا اتقلب على الارض

كذلك سورين لم يفعل شي .. وفورلان مثلهم .. وهذه عادة النجوم .. يخذلون الجماهير في المباريات الكبيره ..

ويظهر لاعبون متواضعون يثبتون جدارتهم مثل مافعل فرانكو

ريكلمي أضاع ضربة جزاء .. وفورلان أضاع كرة أمام المرمى وامام ليمان انفراد تام .. وسورين ناقل كرة لا اكثر ولا اقل .. ماعدا تسديدته في الشوط الأول ..

مع اني مانشستراوي إلا ان فياريال لا يستحق اللعب على نهائي دوري الأبطال .. وكان ارسنال أفضل منه .. كلمة حق

وشكراً ،،

إقتباس الرسالة الأصلية كتبت بواسطة G E R R A R D خخخخخخخخخخخخخ... اضحكتني الله يهديك اجل نفس الحاله ياناس استغرب كلام ناس ماشافوا المباراة ... لمعلوميتك ترا ستيفن جيرارد قلب ليفربول مالعب هذيك المباراة للاصابه لو يجي من ليفربول النهائي بس كان استحق البطوله لو يجيب بكم البرشا 2 موب 3 والله ماتحلمون بشي اسمه فوز انت وفريقك المحلي نسيت ابارك لك بالتأهل اول مرة لنهائي دوري ابطال اوربا قصدي قبل ابارك لك بالتأهل لدور الاربعه للمرة الاولى اصلحك اللــــه :p

ليفربول يستاهل الكأس العام وارسنال يستاهل النهائي والمشكله انه بقابل البرشا

طحياتي

إقتباس Gunner4Ever

اخوي هلابك بس عندي كم سؤال لك ..

بيريس لاعب الارسنال وفرانكو لاعب الفيا .جميعهم اعمارهم متسوايه .. بس تلاحظ الغلبه لمن في الخبره ..

الارسنال وضعه بالبريمر كيف .. ووضع الفيا بالليقا كيف .. الاتعتقد انها تفرق بالخبره ..

الخبره ليست على الاعمار ياحبيبي .. فهي تقاس بكل شيء .

إقتباس ايمانويل إيبوي : 21 سنة << أول مرة يلعب في دوري الأبطال

طيب الفيا لأول مره يشارك بالبطوله ووصل هالدور مع قلة خبرتهم الاوربيه من أول مشاركه ..

القانر تقريبا كل بطوله يشارك فيها .. وأول مره يوصل لدور الاربعه .. تفرق ولا لا .. لوكان خبرة الارسنال موجوده عند الفيا ووصلوا لها الدور هل تعتقد انهم بيفرطون فيه ولا لا ..

تحيـ تي ..

إقتباس ومشكور مرة اخرى على الموضوع الرائع وللاسف البعض ما فهم موضوعك زين طحياتي

ابو سلطان يلبى بس ..

تصدق اني استانس اذا شافتك ترد بمواضيعي ..

لاخــلا ولاعــدم .