كما اسعدني الليفــر الموسم المـاضي .. هاهو يسعدني الفيا هذا الموسم .. انتظــر روما ..

الجميع شاهد مباراة الامس .. كيف كان التفوق واضح للغواصــه ..باعتقادي ان مشجعي

القانرر لم يتوقعواالتأهل بالامس ..لكن جاهم على طبق من ذهب ....

آه يالحظ آه.. فعلا كان هو من ابرز لاعبي الارسنال مع الحائط البشري ليمان حسبي عليــه ..

مباراه من باب واحد .. الفيا اتضح عنده نقص الخبره فقط .والارسنال استفاد من خبرتـــه...

اكثر من عشر هجمات جميها اهداف تضيع ..معقول .فرانكو فعل كل شيء يمكن فعله ..



الاالتسجيل ..يقول متى بتدخلين في الباب ..

بينما فينجر اكتفى بانتظار الفيا للصعود للنهائي وشاهدت اسواء مباراه في الشامبيون له ..

الارسنال بصراحه في هذه المباراه لم يستحق الصعود .لم يفعل اي شيء يذكر غير الدفـاع...

ليمان حسبي عليك ..هذا اللي اقدر اقوله .. اكـد ان كلينزمان احسن الاختيار ..

ريكي .. مع كل كوره يلمسها .. عشرة لاعبين عليه .. ولا بعض الاحيان لازم يكسرونه ..

خرجنا مرفوعي الرأس ..لسان حال جماهير الفيا ..

اصبح امثال ريكي .. يؤكدون لنـا ان ضربات الجزاء نقمه ..في مثل هذا التوقيت بالذات.

ياركي والله ماعاد ادري وش اقوول .. الا انكم وحوش ابطال استحقيتم التأهل في هذا المباراه ..

باعتقادي لوكانت هناك اللمسه الاخيره .. لربما ندم اشد الندم فينجر على تخبطه الغريب جدا في مباراة الامس ..



لاتحــزن ..فأنت من القلائل ..

قم جعلني ماابكيك .ماسمعنا بالفياريال الاعلى عهدك.

ريكي لوكان اسمك ريكليمنهو ..صدقني لا مااحد استطاع ان ينافسك على الافضليه .. ولكانك من التانجو ..

والتانجو اعداء مين .. هذا السبب ..

قسم بالله انه ضاق خاطري .. اكثر من خسارة النهائي الاسبوع اللي راح .. وفقدان روما بصيص من امل المركز الرابع ..

يوم ضيعت البلنتي ياريكي ..

واه يوم شفت فرانكو يبكي بحراراه ..

لكان الحمدلله على كل حال .. ومبروك للارسنال هذا الانجاز والرقم القياسي ..اتمنى ان يستغل فينجر هذه الفتره قبل النهائي للإراحة اللاعبين فقد ظهر عليهم الارهاق جليا..

فينجر عندما قام بأدخال بيريس في ذاك التوقيت ربما ينسينا بعض هفواته بالمباراه ..

آه يالمجنونه جننتي العالم ..الى متى ..

ينتظرنا لقاء هام ومصيري مساء اليوم اتمنى مشاهدة متعه حقيقيه .. والفائز الارسنال ينتظره ..

فمان الله ..

مشكور يا ريكي <----= الدلع حق راكان

بداية .. ليمان كان نجم اللقاء !! فهو أقرب إلى جدار برلين إن شبهناه .. وقد أحسن كلينسمان الاختيار

الفياريال .. كان الأحق بالتأهل .. وبدى عامل الإرهاق كابوسا على القانرز وعلى فينقر !!!

الخبرة فقط هي التي اخرجت الفياريال وأهلت القانرز .. وليس الحظ !!!

على العموم .. ننتظر مباراه رائعه اليوم .. وكرنفال جميل بالنوكامب

قفله .. تصدق حسبت موضوعك عن اليوفي ;)

لك مني أحلى تحية .,.,

الف مبروك للأرسنال وبأذن الله أنهم يكملون الخطوه الأخيره في باريس
رغم مستواهم السيء أمس.

تحياتي لك راكان

إقتباس اصبح امثال ريكي .. يؤكدون لنـا ان ضربات الجزاء نقمه ..في مثل هذا التوقيت بالذات.

إقتباس ريكي لوكان اسمك ريكليمنهو ..صدقني لا مااحد استطاع ان ينافسك على الافضليه .. ولكانك من التانجو .. والتانجو اعداء مين .. هذا السبب ..

شي يقهر والله العظيم
وكنت اتمنى مايلعبها

تمنيت فورلان لكن صار الي صااار

المحزن أكثر ان اضاعته ضربة الجزاااء ستكون نهاية حزينة جدا مع الفريق كونه سينتقل للمان يونايتد كما تشير وسائل الاعلام

و عندها ربما يعطيه الاعلام شي قليل من حقه

كما قال مدرب التانجو ّ( لو كان ريكي برازيليا لحصل على أفضل لاعب في العالم )

إقتباس الرسالة الأصلية كتبت بواسطة Gunner4Ever فياريال مين ؟؟!! أزعجتونا فيه !! في كل المنتديات أغلب الردود تقول حظ ؟! ياخي عندك 90 دقيقة وانت مغلوب بـ هدف في الذهاب وترتيبك العاشر ما عندك شيء تخسره .. في الشوط الأول الفياريال يدافع انتهى الشوط الأول الحين عندك أهم 45 دقيقة في الموسم !! وانت مغلوب بهدف .. يعني ظنكم وش بيسوي ؟ بيدافع مثلاً أكيد بيهاجم بكل قوته وأكيد بتجي فرص خطرة وأكيد الآرسنال بيدافع وفينجر قالها قبل المباراة .. حتى هنري يرجع يدافع في مرات كثيرة آخرتها كم هجمة ضايعه وبلنتي خرافي غير صحيح وقالوا حظ ؟!! يعني ظنكم اذا جات هجمة لـ فياريال حقت فورلان مثلاً ودخلت هدف ؟ هل فياريال بيواصل نفس الضغط ولا بيحاول يؤمن النتيجة ولا يدخل عليه هدف ؟ وهل الآرسنال بيظل بنفس عقمه الهجومي ولا بيبحث عن هدف ؟ الأمور في المباراة كانت كلها ماشية تمام للآرسنال فـ ليش يهاجم ويتعب نفسه وهو مرررررررررررررررهق من ضغط المباريات ( بورتسموث , ويست بروم , فياريال الذهاب , توتنهام ) أما فياريال فـ لعب مباراة ضد برشلونة الجمعة !! ومريح كل اللاعبين لان ما عنده شيء يخسره .. ترتيبه كان التاسع صار العاشر وش الفرق ؟ أما مركز الارسنال الخامس يعني ما يتأهل للأبطال فهو يحتاج للنقاط يعني يلعب على جبهتين !! اللي يقول 9 هجمات لـ فياريال في هذه المباراة .. تراها 9 هجمات في 180 دقيقة يعني هجماته في الذهاب صفرررررررر !! ----------------------------- مشوار الآرسنال : فاز على الريال في البرنابيو (( وعلى فكرة في تلك المباراة الارسنال لازال يقدم مستويات سيئة حتى انه انهزم من بلاكبيرن )) يعني ما دخل في صحوتة حتى الآن فاز على اليوفي 2 - 0 ما اهتزت شباك ليمان أبداً محطماً الرقم القياسي لـ فان دار سار .. اما مشوار فياريال : التأهل من رينجرز ( صاحب المركز الثالث في الدوري الأسكتلندي ) ياليته فاز عليه .. تأهل بالتعادلات : الذهاب 2 -2 الإياب : 1-1 يعني 3 - 3 بس الهدف بـ هدفين ولعب ضد الإنتر السيء وفاز بعامل ( الهدف بهدفين ) الذهاب : 2-1 الإياب : 1- 0 لفياريال يعني :2 - 2 بس الهدف بـ هدفين في الأخير البعض يقول هذا الفريق يستاهل التأهل على حساب القنرز عشان مباراة واحد فقط سيئة للآرسنال بعد مباريات خيالية ضد اليوفي و الريال ؟؟!! معليييييييييييييش !!

مبروك للقنرز

مبروك الأرسنال التأهل ويستاهل هنري وفابريغاس وليمان

إقتباس ياركي والله ماعاد ادري وش اقوول .. الا انكم وحوش ابطال استحقيتم التأهل في هذا المباراه ..

فعلوا الفيا كل شي ولا قدر الله وما شاء فعل
حسب مباراة البارح لايستحق التأهل الا الفيا
شكرا لك يالغالي Abo Crestan وما شفناك هذا الأسبوع

والله قهر بس يستحقون القنرز

الارسنـال فريق منطقي .. يهاجم بالمباراة الاولى ويلزخك .. وبعدها تبطي تجيب فيه هدف ..

بإنضبـاط تكتيكي ممتـاز مهوب قوة عنـاصريه كثر ماهو انضبـاط تكتيكي ..

ما ادري وشهو الهجوم اللي يملكه بلجريني يومه يدافع في مباراة الهايبري ..

ضد الارسنـال لازم تستغل الفرصـه .. لأنها ماتجيك الا مرة وحده .. بس في المباراة الاولى .. ;)

بالنسبة للحكم الحقيـر .. .. توي ادري ان خليل جلال حكم ممتـاز وكبير .. يوم شفتك تحسب هالبلنتي ..
مالي بالتحكيم .. بس ماقد شفت حكم يحسب بلنتي بهالشكل .. !!

لكن كـ العـاده الكبيـر كبيـر يا ليمـان ..

طبعا البعض وده يستنقصمن انجـاز الارسنال بطريقه غريبه .. جل حظ ..

اذا جتك ضربة جزاء خياليـه وضاعت .. يصير حظ ,, ولا أن العداله اخذت مجراهـا .. ؟

وما ادري وش الاسبـاب اللي تخلي الارسنـال يهاجم .. والنتيجـه تخدمـه .. !!

فرصـة بلجريني كـانت مباراة الهـايبري .. لكنه رضى بالهزيمـة .. وبدرجـه اصح رضى بالخروج ..

ما ادري وين هـ المستنقصين من انجـاز الارسنال .. في مباراة الهـايبري .. !!
يوم مابقى الا بلجريني يصف دفـاع معهم ..

الارسنـال احـق فريـق بالتأهل للنهـائي .. عمـر التأهل ما صـار باللي يهـاجم اكثـر ..
وما اعتقـد ان الارسنـال مهـزوم ولا متعـادل حتى تلومونـه بالدفـاع .. !

اعجبني " جلبرتو " .. لازم يكـون في تشكيلة الشامبينـز هالجولة .. قدم اداء استثنـائي كعـادته في الشامبينز ..

سيسك و توريـه .. ما قصـروا واحد شال الدفـاع .. والثاني شايل الوسط النـايم ..

من طـرف الفيا .. سينـا اثبت انه بطل بقوة .. ولايهونون فرانكـو و سوريـن ..

والحمد لله اولا ً واخيـراً ع التأهل لـ بـاريس وعقبـال البطولة يا ابطـال ..

نعم الأرسنال سيئ أمس .. وأعترف بها الشيء

وأعترف أيضاً إنه لو سجل الهدف في الوقت الضيق كان راح يكون لها تأثير سلبي كثير على الأرسنال وراح ترفع من معنوية الفيا كثير رغم إني متأكد أن الأرسنال بيغير لعبه ساعتها .

لكن اللي يبط كبدك اللي يجيك يقول الأرسنال تأهل بالحظ وإنه ما يستاهل التأهل !

Abo Crestan

ماعندي اعتراض على أغلب اللي قلته باستثناء بعض الأمور ..

إقتباس اكثر من عشر هجمات جميها اهداف تضيع ..معقول

صحيح لهم عشر تسديدات لكن تقول كلها أهداف فيها مبالغة ..

لو راح أتكلم بها المنطق معناه إني راح أقول إن الأرسنال ضيع في لندن 12 هجمه جميعها أهداف ..

إقتباس ريكي .. مع كل كوره يلمسها .. عشرة لاعبين عليه .. ولا بعض الاحيان لازم يكسرونه ..

فعلاً كلامك صحيح ... جيلبيرتو سيلفا أمس كان عن عشرة لاعبين

إقتباس لكان الحمدلله على كل حال .. ومبروك للارسنال هذا الانجاز والرقم القياسي

الله يبارك فيك

إقتباس فينجر عندما قام بأدخال بيريس في ذاك التوقيت ربما ينسينا بعض هفواته بالمباراه ..

فعلاً ... دخول بيريس كان المفروض من بداية الشوط الثاني .


G E R R A R D

تقول :

إقتباس عذبهم ريكي

وأنا أقول لولا الفاولات اللي كل شوي شايتها والبلنتي كان مادريت أنه في الملعب والبركة في جيلبيرتو اللي أخفاه نهائياً !

إقتباس فورلان تحرك واشغلهم

بالعكس كامبل و توريه كانوا قمة في الدفاع , دفاع الأرسنال وليهمان هم نجوم المباراة (الحقيقيين)

إقتباس استغرب الارسناليه الذين يقولون ان ضربه الجزاء غير صحيحه الا صحيحه 100 بالــ 100 واللي مايعرف يشوف كوع كليشي ونشب بظهر المهاجم ايضا لاتنسون البلنتي اللي على جلبرتو بمباراة الهايبري ولو النتيجه خاله -1 هناك كان كلام ثاني

تتكلم عن التحكيم وكأن الحكم تغاظى عن ضربة جزاء لفياريال بس .

في مباراة الذهاب الحكم ماحسب ضربة جزاء لفياريال لكن هل كانت غلطة حكم المباراة الوحيدة ؟

الأرسنال تضرر من التحكيم أكثر من فياريال , لكن من ينظر للتحكيم بنظرة عوراء ينكر هالشيء .. هدف صحيح 100% لهنري ما حسبه الحكم و هجمة صحيحة لبيريس في الشوط الثاني سجل منها هدف لكن الحكم أوقف اللعب بداعي التسلل والإعادة للمرة الثانية أثبتت انه لايوجد تسلل .. زد على هذا لمسة يد واضحة على مدافع فياريال ولم يحتسبها الحكم بلنتي .

يعني النتيجة الطبيعية في لندن كانت ثلاثة أهداف للأرسنال مو هدف واحد فقط ..

البعض يأتي هنا و يتباكى على بلنتي فياريال و يتجاهل كل هذه الأخطاء ... عجب !

ولا أنسى أيضاً تضييع الوقت الواضح من لاعبي فياريال في لندن .. كل شوي ولاعب طايح ( فريق مهزوم ويضيع وقت هذي أول مرة اشوفها ) !

ولا حظوا الفرق فياريال مهزوم في لندن ويضيع وقت ! .. والأرسنال فايز في إسبانيا وما استخدم هالأساليب نهائياً .

أما على ضربة الجزاء (الخيالية) فلا أدري كيف يرجع لاعب بظهره على كليشيه المرتقي للحصول على الكرة ثم يسقط نفسه و تحتسب بلنتي !

عموماً يكفي رد هنري عليها عندما قال :

( لو كانت كل ضربات الجزاء ستحتسب بهذه الطريقة لرأينا ضربة جزاء في كل يوم من الأسبوع )

أما البطل ليهمان فقال عنها " هي هدية من الحكم , وصدها هو أنصاف لمجهود للفريق ."

إقتباس على العموم الكورة في ذاك اليوم اعطت من لم يعطيها والارسنال جاه شي مايستحقه ولا يستاهله ..عطفا على اداءه في هذه المباراة

! look who's talking

ليفربول مر بحالة مشابهة العام الماضي أمام يوفنتوس .. بل أسوأ منها ..

فاز في الذهاب على ارضه ... وفي الديلي ألبي اختفى تماماً وكانت المباراة على مرمى واحد .

على الأقل البارحة كانت نسبة السيطرة 58% لفياريال مقابل 42% للأرسنال .

بينما اليوفي كان مسيطر على الكرة بنسبة 60% مقابل 40 % للليفر ! والتسديد على مرمى بوفون في تلك المباراة كان = صـفــر !

لم يأتي أحد ويشكك في إنجاز ليفربول وجدارته بالتأهل ... أليس كذلك ؟

نصيحة أخيرة عبارة عن مثل قديييم : إذا كان بيتك من زجاج لا ترجم الناس بالحجارة