كيف شجعت الهلال ( لنتسلى بعيدا عن ضغط المباراة ) - نادي الهلال السعودي - شبكة الزعيم

ارسنال بوي · #1 15/04/2006, 08:44 PM

سلاااااااااام

في كثير مننا عندهم قصص حلوه و مثيره يمكن مضحكه عن تشجيع الهلال

و حبيت اطرح هذا الموضوع لـــ نتسلى شوي و نبتعد عن الضغط النفسي للمباراه

اما انا فقصتي لعشق لزعيم اكثر من عاديه فانا من يوم عرفت الدنيا و انا هلالي ( و لله الحمد )

و بانتضار قصصكم يا اخواني

اخوكم \ ارسنال بوي

ارسنال بوي · #2 15/04/2006, 09:10 PM

افا شكل الموضوع ما عجبكم

الهلالي الصغير · #3 15/04/2006, 09:17 PM

الصراحة موضوعك حلوو..

انا بداية تشجيعي للزعيم كانت غريبة شوي
ومن بعدها واسم الهلال يجري في عرووقي

في البداية في عمر 9 سنوات سمعت عماني وخيلاني يتكلمو في الكورة واحوال المنتخب وبعدها قلت لازم اشجع فريق واميل عليه

و وقتها البطولة الخليجية كانت شغالة والهلال كان يلعب وحقق البطولة ومن عدها انا شجعت الزعيم
ههههه

Arsenal.FC · #4 15/04/2006, 09:27 PM

مشكور اخوي على الموضوع الجميل انا من أول ماعرفت نفسي وأنا هلالي لأن كل اهلي واقاربي هلاليه يعني ((هلالي بالفطرة))

I'm In The Dark · #5 15/04/2006, 09:34 PM

انا بصراحه كنت اتفاقي ومتعصب للاتفاق

وكنت اكره الهلال .. كره مايعلم فيه الا الله

بس يوم من الايام مادري وش صار ماصارلي يوم كذا الا انا هلالي ولين الحين وانا هلالي

هلاااااااااالية · #6 15/04/2006, 09:46 PM

انا بصراحة كان ابوي وأمي وخالاتي وعماتي نصراويات وخوالي هلاليين

أنا اول ما كنت بزر مدري وين ربي حاطني فيه

كنت مع الخيل يا شقراء

إذا فاز الهلال شجعته وإذا فاز النصر شجعته

وفي يوم من الأيام جا ابوي ومسكني رغم انه نصراوي ويكره الهلال

لكن خاف علي ان يجيني ما جاه من ظيقات صدر من الهزايم

وقال لي وانا ابوك شجعي الهلال

عاد انا من عقبها وانا مدمنة هلاااااااال حتى ابوي زاد كرهه للهلال يوم شافني احبه هالحب

وهذي القصة وما فيها

تصدقون ان ابوي ما يقدر يشوف مباراة كاملة قولوا ليش؟؟

لأنه يكتأب

وخصوصاً في مباريات الهلال والنصر

يخلص البنزين وهو دوران بالسيارة في الشوارع لين تخلص المباراة

وسلامتكم

بايوووووووووو

killer life · #7 15/04/2006, 09:55 PM

انا في بطن امي

هلالي القرعاء · #8 15/04/2006, 10:06 PM

أنا يوم كنت في بطن أمي كان شعار الهلال حاطه على راسي

من يوم ماوعيت على الدنيا هلالــي

كل العائله هلاليه الا أثنين مقاريد..:نصراويين<<عمي وخالي

مشكوووووور على الموضوع..

يعطيكـ العافيه

إمبراطور الهلال · #9 15/04/2006, 10:08 PM

واللــــه ،،، موضـــوع جميــل جـــــــداً

أما أنــــا ":،/(هلالــــــي بالفطـــرة)\،:"

تحياتي...

شليويح الهلالي · #10 15/04/2006, 10:11 PM

انا عروقي زرقاء وشلون ماتبوني اشجع الهلال

تشيلساوي · #11 15/04/2006, 10:13 PM

اما انا كنت اهلاوي فقلبت هلالي

والصراحه قصه طويله المهم

حسيت بالفرق وحسيت ان الهلال عز

فتى الروغ · #12 15/04/2006, 10:17 PM

هلالي بالفطرة

{vip} · #13 15/04/2006, 10:25 PM

والله الواحد يحمد ربه انه هلالي

ونا من يوم ونا صغير ونا هلالي

احب الهلال واموووووووووووووووووووووت فيه

وما في شي يبعدني عن الهلال الا الموت

صميم الازرق · #14 15/04/2006, 10:39 PM

أنا من قبل ماأطلع على الدنيا وأخوي عضو شرف في الهلال !!
وبعد ماكبرت كنت أموت بشئ أسمة يوسف الثنيان وهذي قصة طريفة صارت لي
يوم انا صغير بثالث متوسط قال أخوي العضو أذا جبت أخر السنة تقدير ممتاز
أبوديك معي لبيت يوسف الثنيان , درست بكل ماأوتيت من عقل وجبت بالنهاية
تقدير ممتاز وقبل ماأعلم أهلي علمت أخوي العضو بالتقدير وقلت له متى تبينا نروح لبيت
يوسف , بدء أخوي يتهرب , وانا مصر انا نروح وقالي بعطيك خمسمية ريال
وأنسى موضوع الروحه !!!
قلت له أبعطيك ألف وتكفى ودني !!
عاد عطاني الف نجاحتي ووداني لبيت ابو يعقوب وقال كنت أبختبر ردة فعلك !!
رحنا ليوسف وما قصر ابو يعقوب كل فنايل مباريات الهلال والمنتخب عطاني منها
تذكارات !!
عاد يوم طلعنا قلت لأخوي السنه الجايه على مين الدور ؟؟ خخخخخخخ

مع تحياتي للجميع 000

ابـــــو خــــالـــد · #15 15/04/2006, 10:40 PM

اللهم لك الحمد هلالي من نعومة اظفاري << لاتتقطع