اناء مشكلتي ان فصيلت دمي ( هلالي + )
وين تبيني اروح

بصراحة انا ماكنت اشجع احد يوم عرفت الكورة كنت اتابع بس مادري عن مواعيد المباريات و الاندية الي تلعب
فتحت ذاك اليوم التلفزيون وكنت اتابع المباراة وكان الهلال خسران ويحاول يجيب التعادل وكان ضاغط
وانا من ذاك اليوم شجعت الهلال والى لأبد إنشاء الله

السبب الرئيسي في عشقي للهلال هـــــــــــــــو :-



















































































































يوســــف بن ناصــــر الثنيــــان


والحمدلله ان ابويعقوب كان هلالي...ولو كان يلعب في اي ناد اخر لشجعته وبقوة بعد!!!!!!

أما أنا يوم كنت صغير كنت اتحادي ..

لكن الحمدلله يوم صرت بالغ وعاقل اتجهت للفريق الطبيعي ..

قصتي في تشجيع الزعيم يعود الفضل فيها بعد الله للنجم الكبير والخلوق فهد المصيبيح ..

كنت أتابع مباريات المنتخب واعتقدت أن المنتخب فريق زي باقي الفرق في الدوري ..

كنت أموت في شي اسمه فهد المصيبيح رغم أني اتحادي بحكم الانتماء الكامل للعائلة للاتحاد ..

وما كنت أعرف أي لاعب وقتها من الاتحاد غير ( راعي البقوس ) جمال فرحان ..

ولكن بعد ما عرفت ان فهد المصيبيح يلعب في الهلال هو وبقية النجوم اللي ما عرفت غيرهم ذاك الوقت مثل صالح النعيمة وعبادي الهذلول ويوسف الثنيان وعبدالرحمن التخيفي وسعد مبارك و و و ..... إلخ ...

بدأت أميل للهلال ولكن كنت خايف من أهلي أنهم يخاصموني على التحول ( الطبيعي ) , لكن ما هون الأمر هو تشجيعي للهلال وليس للأهلي ( العدو اللدود ) للاتحاد في ذلك الوقت ...

أما بداية الإعلان لتشجيع الزعيم كانت في نهائي كأس الملك عام 1409هـ أمام النصر اللي انتهت 3/0 للهلال ..

فبعدها تحول دمي للون الأزرق أنا ونصف أخواني , فأصبح بيتنا الآن يتواجد به أربعة من الهلال وأربعة من الاتحاد ..

وتعال شوف التراشق الإعلامي بين بعضنا عند كل مباراة تجمع الفريقين ...

الشيء الجميل ان أغلب الشباب اللي في سني في تلك الأيام ودعوا تشجيع الاتحاد والأهلي وتوجهوا بفطرتهم للزعيم ...

طبعاً جميع الأحداث هذه من المنطقة الغربية التي أسكنها , والزعماء في المنطقة الغربية كثيييييييييييييييييييييير ...

تحياتي لكم / الهيال

ابوي هلالي متعصب ،و 95% من اقاربي هلاليين، و الهلال لعبه الاجمل و فنه الاروع ، ولونه أزرق و ابيض في منتهى الذوق ، فاوش رايكم وش بأشجع أكيد الـهــــــــــــــــــلال.

وأول مبارات شفتها للهلال كانت امام الاهلي 3-1 سجل للهلال ( على ما اذكر) سامي و النعيمه و محمد التمياط. (وكنت في ثالث ابتدائي) طبعا انا كنت هلالي من قبل هذي المبارات ولكن أنا اعتبرها البدايه الفعليه لتشجيعي للهلال فمن بعدها اذا خسر الهلال يضيق صدري،ولا اقدر انام من ضيقت الصدر بالذات اذا كان مظلوم من الحكم.

انا من طلعت على الدنيا هلالي

يمكن عشان العائله كلهم هلاليه

هلاييي هلاليي بالفطره
ولدت ولقو فوق راسي شعار الهلال

أبوي قص عليه الشيطان وشجع النصر ومن يوم ولدت وابوي نصراوي


لكن أنا شجعت الهلال ولله الحمد بفضل عمي وولد عمي (( سبحان الله توجهت للهلال رغم نصراوية أبي * فطرة *))


وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه


ياااااااااا يووووووسف ياااااااااااابوووو يعقووووووب


وإلى الأمــــــــــــــــــــــــــــــــام ولا ترحـــــــــــــــــــــــــــــــــــــــل


يااااااااااااااا موهووووووب ياااااااا شلهوووووووووب

رحت اتبرع بالدم قالوا ما يصير ياخي دمك ازرق ههههههههههههههههه

إقتباس الرسالة الأصلية كتبت بواسطة هلاااااااااالية انا بصراحة كان ابوي وأمي وخالاتي وعماتي نصراويات وخوالي هلاليين أنا اول ما كنت بزر مدري وين ربي حاطني فيه كنت مع الخيل يا شقراء إذا فاز الهلال شجعته وإذا فاز النصر شجعته وفي يوم من الأيام جا ابوي ومسكني رغم انه نصراوي ويكره الهلال لكن خاف علي ان يجيني ما جاه من ظيقات صدر من الهزايم وقال لي وانا ابوك شجعي الهلال عاد انا من عقبها وانا مدمنة هلاااااااال حتى ابوي زاد كرهه للهلال يوم شافني احبه هالحب وهذي القصة وما فيها تصدقون ان ابوي ما يقدر يشوف مباراة كاملة قولوا ليش؟؟ لأنه يكتأب وخصوصاً في مباريات الهلال والنصر يخلص البنزين وهو دوران بالسيارة في الشوارع لين تخلص المباراة وسلامتكم بايوووووووووو

ههههههههههههههههه

كككككككككككككك

الله يرجك والله اني مسكت بطني من الضحك

حلوة مرة مع الهلال ومرة مع النصر..... مع الفايز

أما أنا فاسمحوا لي كي أتحدث عن قصة عشقي للعميد عفواً الزعيم <<< مندس
" أذكر في عام 1415 وبعد أحداث كأس العالم بدأ الكثير من الشباب اللي في مثل
سني الحديث عن الكرة والاندية وعن أقوى فريقين آنذاك: الهلال والنصر...
المهم أنا كنت مثل الأطرش في الزفة.. ما أدري وين الله حاطني أسمعهم يقولون ماجد
وأحمد جميل والخليوي والثنيان وسامي الجابر وغيرهم....... المهم اني كنت معطي
اللاعبين ذولا أشكل ما أعطيهم وجه
لمين جانا في يوم من الأيام أستاذ الرياضة.... وسألنا أسئلة وكنا في صف رابع على ما أظن.....
المهم سألنا من تشجعون: فقلت أنا أشجع الاسلام.... أحسبه بيستانس ويعطيني درجة
لكنه قال لي: كلنا نشجع الاسلام وكلنا مسلمين بس من تشجع؟ فقلت: أشجع المنتخب...
(لأن أغلب الطلاب قالوا نفس الكلام وقلت مع الخيل يا شقراء )......
بعدها رحت البيت وقلت لازم أقرر مصيري المحتوم... كل ما سألني أحد قمت أنصب عليه
وأكذب كل يوم نادي
المهم قلت للوالدة المشكلة اللي تتكرر معي.. فكرت الوالدة الله يحفظها وقالت لازم
أستشير جارتنا أم محمد هي أدرى بالكورة المهم دقينا عليها انا وامي وطلعت
أم محمد في زيارة لمخطط 71 بالدمام
بعدها ماصار معنا حل الا اننا نجتمع اجتماع عايلي ونستشير كبير العايلة الوالد الله
يحفظه علشان يختار لي أقوى فريق بالدوري واللي دايم يفوز;)
بعد كذا وأثناء اجتماعي بالوالد مع أخي الأكبر والأصغر... وبحكم ميول والدي الاتفاقية
أيام ماكان الاتفاق يصول ويجول في الملاعب... أرادنا الوالد أن نكون اتفاقيين....
ولكنا قلنا: والله لا ويطير الاتفاق ويحط ما نشجعه لأنه مهوب معروف... أخوي الأكبر
كان نصراوي صميم فاقترح ان نشجع النصر ولكن والدي قال لنا: النصر أكبر نادي
فاشل كل اللي فيه لحوج وتكارنة فأزين لكم اتركوه ... ثم تكلم لي أنا واخي الصغير
عن الاتحاد وانه فريق ممتاز واستدل لنا بغراش الموية اللي كان مكتوب فيها اتي..... فقرر
أخوي الصغير تشجيعهم... أما أنا فرفضت لأن أخوي الكبير قال ان الاتحاديين دايما مهزومين
وانهزموا امس من النصر.... فصدقته وسألته وش الفريق اللي ما ينهزم فقال النصر وقال شجعه
وبعطيك 10 ريال لكني قلت له: معصي ما نيب مشجع شلة لحوج:p ...
حينها قال لي الوالد: طيب ما فيك أمل إلا انك تشجع الهلال وهو منافس النصر وهزمه في آخر
مباراة بينهم.... وعلشان يقنعني قال: ترى الملك فهد والامراء يشجعون الهلال قلت خلاص
أنا هلالي باذن الله من اليوم....
لكن بعدها بيوم أو يومين جات مباراة للهلال مع الاتحاد في البطولة العربية وكنت أشجع الهلال
إلا والوالد الله يطول بعمره قالب علي 180 درجة وقام يشجع الاتحاد ويقول يانيفيا يالنادي
المدلل قلت سلامات يبه وش فيك على الهلال؟ مو أنت قايل لي شجع الهلال؟
قال: إلا بس الهلال دايما يهزم الاتفاق فانا ما احب الهلال.. لكني قلت خل بيتنا يكون كوكتيل مشكل
المهم فاز الهلال بالبلنتيات على الاتحاد وقمت فرحان جدا جدا اني انتصرت على الوالد وعلى اخوي
الاتحادي المسكين..... وحسيت بطعم للفوز وقمت ازعجهم عدة ايام ان الهلال اقوى فريق بالعالم

شكرا على موضوعك الحلو.................
أنا بصراحة شجعت الهلال بسبب الوالد الله يغفر له لأنه كان هلالي عاشق للهلال ويحب لعب المصيبيح والنعيمة
وهو اللي خلاني أشجع الهلال منذ الصغر والحمدلله على ذلك مع أن إخواني 3 ما فيهم هلالي
تحياتي للجميع

والله الموضوع كله وناسه..........


اول ما عرفت انه فيه حاجه اسمها كورة<<<<<<<اختراع يمدحونه زمان

كان عام 94 وعمري 8 سنوات بس...


وكان المنتخب يلعب في كاس العالم<<<<<وجهي خير عليهم

وكنت ابي اشجع فريق بعد الكاس بس ماني داريه وش اشجع

واختي اللي اكبر مني مجنونه في حاجة اسمها..




















يوسف الثنيان...

عاد هي قدوتي ذيك الايام

قلت ما يبيلها.....

قلبنا زرق ...

وماني ناوية اغير طووووووووووووووول العمر

أنا كانت بدياتي نصراوي من صف 2 أبتدائي والسبب ولد عمي كان يأخذني للسوق كل فتره ويطقم لي نصراوي ويحط ورى رقم تسعه

وأستمريت على هالحال 11 سنه الى ثالث ثانوي بعد كأس العالم للأنديه بعد ماقرر الراحل عبدالرحمن بن سعود الرجوع للأداره النصراويه قفلت معي وقلت بقلب هلالي لو رجع وفعلاً رجع وطرد الهريفي اللي كنت أشوفه أفضل لاعب في العالم

في الشهر الاول كنت أخذ الرياضيه وأول أخبار أقراها عن النصر بس قدام الشباب كنت أقراء الاخبار الهلاليه
وفي يوم من الأيام لاحظ ذلك وأحد من أعز أصدقائي وهو هلالي متعصب وقال تعال معي

رحت أنا وياه للسوق وأشترى طقمين للهلال وأحد له وواحد لي وحط على قميصي رقم 15 وقالي أنت البسها كل يوم وماعليك وفعلاً ماتعدى أسبوعين الا وأنا هلالي ومتعصب بعد

والحين صار لي ست سنوات ولا أحلى .

اللي لاحظته في هالقلبه أني مع يوك كنت نصراوي وخلال 11 سنه حققوا 5 بطولات بينما في ست سنوات مع الزعيم تعديت العشر بطولات

سبحان اللي خلق وفرق