#1  
قديم 09/03/2006, 03:58 PM
زعيــم متألــق
تاريخ التسجيل: 04/12/2001
المكان: قاره زعيمها الهلال
مشاركات: 1,456
بهدوء وعقلانيه .. هذا هو مستوى لعيبة الهلال

السلام عليكم

أول شي ابارك للأخوه العيناويين الي معنا في المنتدى والوعد الفحص ( على غرار القطاره )

الشي الثاني يا اخوان ما اتوقع في احد كثري انصدم بمستوى الهلال امس , ما اكذب عليكم كنت متحمس لها واحتريها من اسبوع كامل .

شباب خلونا واقعيين , مباراة العين كشفت لنا المستويات الحقيقه لبعض اللاعبين وعلى ما اعتقد هذه اول مباراة قويه بمعنا الكلمه من بداية الموسم الماضي ! , فأذا جينا لكامل الموسى , لاعب جيد لكن مكانة الطبيعي في رديف الهلال . مع احترامي لكامل لكن ماهو في مستوى البطولة الأسيويه , الدوري المحلي اوكي يفك ازمة الظهير الايسر لكن ابطال اسيا كبيره عليه شوي . حتى مع الهلال مبارياته تنعد على الاصابع اللاعب جاي من الوحده ماكمل معك الا كم مباراة وتجي تلعبه امام العين ! قويه شوي .

واللاعب الثاني .. تفاريس .. مباراة العين كشفت لنا انه مايصلح مدافع ابد.. لو تلاحظون كل الهدفين هو المسؤول عنها " مار الهدف الثاني ناقصه فشار وببسي ويطفي الانوار ويصير احلى تفرج على احلى فلم ! " .. تفاريس ياعالم لياقته عال العال يحرث لك الملعب حرث , اذا هاجم شكل خطوره ويا كثرها اهدافه لكن يلعب دفاع صح ممكن يفك ازمه قدام القديش الي في دورينا لكن معليش قدام مهارات فيصل علي وسرعة كيلي " يبطي " !! تفاريس انا اشوف ممكن نستفيد منه كظهير ايمن بدال المهزله الي صايره في هالمركز.

النقطة الثالثه ومابي اطول فيها لأن كلكم عارفينها ... خالد عزيز ظهير ايمن !!! لا تعليق .. العين استغل خالد عزيز احسن استغلال وكل هجماتهم كانت عن طريقه .. ما ألوم اللاعب لأنه في غير مركزه وانهبل الضعيف الين حس كاندينو انه غلط وبدله .. بصراحه تركي الصويلح صمد نوعا ما في هالمركز " على الأقل افضل من عزيز "

ما ألوم المدرب انه لعبهم في غير مراكزهم .. لان اصلا مافيه بديل !! يعني من يلعب مكان تفاريس ومن يلعب مكان عزيز ؟
عزيز و تفاريس يلعبون في غير مراكزهم فهذه هي النتيجه ... كامل الموسى المباراة كانت فوق مستوى .

عتبي على كندينيو انه طلع عزيز بينما كان يقدر يستفيد منه في المحور ويدخل تركي الصويلح على حساب احد المحاور .
بالنسبه لخروج سامي بصراحه ماادري وش كان السبب هل هو فني ام معنوي ... اذا كان خروجه بسبب ضعف اداءه فمالك حق يا كاندينيو .. سامي واقولها للمره الترليون افضل خانه له خلف المهاجمين او صانع لعب .. يعني تخيلوا معي لو ان المدرب رجع سامي صانع لعب ودخل الصويلح هجوم مع ياسر ! اتوقع ممكن نجيب قول وحيد يعيد الثقه للفريق وبالتالي يتغير مسار المباراة بالكامل . أما اذا كان طلعه المدرب بسبب نرفزته هنا ما نقدر نقول شي لان فعلا اثناء المباراة سامي كان منفعل وانا والله ما الومه لاني احس انه هو الوحيد في ال11 لاعب الي يحس بالي يحسه الجمهور وهو الوحيد الي يدري مباراة العين وش تعني للهلاليين .

واذا بتقولي عزيز اوكي في الظهير اليمين , وتفاريس اوكي في الدفاع , الموسى تماام لكن المباراة خارج ارضنا وارتبكوا شوي .. ياخي اللاعب الي ماتستفيد منه الا في ارضك وش تبي به ؟؟ والشي الثاني من متى والهلال تفرق معه يلعب في الرياض ولا خارج المملكه ؟؟ ياما حسمنا بطولات وابدع الهلال خارج المملكه !!

وترا يا شباب المدرب بين الشوطين يجلس مع اللعيبه واذا كان مدرب خبير مثل كاندينيو راح يعرف منهو الي متنرفز وصعبه يكمل المباراة ومنهو المتوتر ومنهو الخايف ومنهو المتحمس ... الخ. يعني الي ابوصل له ان بشكل عام غالبا او دائما التغييرات الي تكون بين الشوطين تكون تغييرات غريبه بالنسبه لأي جمهور ولكن انا اشوف انها اكثر التغييرات صحة وفعاليه , لان المدرب يكون معه وقت يفكر صح . وفي النهاية المدرب يشوف شي انت ما تشوفه .

فالأخير ياشباب هالموضوع انا كاتبه والشبكه مقفله .. واشكرهم على اغلاقها لان مالها داعي نشوف مواضيع تطالب بأستقالة البواب مسكين , لكن مع ذلك اذا فتحت متأكد بنشوف سب في كاندينيو !!! حط نفسك في مكانه ياخي .. هذه اللعيبه المتوفره عندك .. دفاع ماعندك دافع ... ظهير يمين مافيه ظهير يمين ( شباب تذكرون العلم الي كان مكتوب عليه : رح مثلك ماعليه حسوفه ) ... ظهير يسار من بعد الرشيد ماشفنا ظهير يسار تعتمد عليه في المباريات الكبيره .. وعلى فكره ترا توظيف كاندينيو للاعبين تقريبا هو نفسه توظيف باكيتا وحتى نفس التكتيك .. يعني رجاءا خفوا على الرجال شوي .. وبدال ما تطالبون برحيله طالبوا بلاعبين نعتمد عليهم في خط الدفاع .


والله ياخوان من بعد مباراة اوكادا.. والعين غابني .. ماهو بسبب لعبه ولا اداءه .. لكن بسبب الأعلام الي وراه والي جعله الافضل اسيويا وخاصه في الفتره الاخيره و استفزازاته للهلال والهلاليين .

قناة دبي من الساعه 3 وهم شغالين مقابلات واغاني ... وربعنا حاطين لك " طرائف الكره " !!

لا تحكمون على المدرب من مباراة واحده رجااااااااءا انتم اكبر من كذا
اضافة رد مع اقتباس
  #2  
قديم 09/03/2006, 05:16 PM
موقوف
تاريخ التسجيل: 13/10/2005
المكان: في قلب التمياط
مشاركات: 66
صح لسانك ولكن اولا اذا المباراة اكبر من كامل المفروض يلعب الخثران ثانيا اين العنبر والجمعان هذه المباراة هي مبارياتهم لان الجمعان رجله قوية
والعين امس كان مقفل والعنبر اكثر هجمات الهلال امس رفعات
اضافة رد مع اقتباس
  #3  
قديم 09/03/2006, 05:31 PM
زعيــم مميــز
تاريخ التسجيل: 26/12/2004
المكان: الاحساء
مشاركات: 1,584
والله هزيمه اشبه بخسره بطوله ..............................
اضافة رد مع اقتباس
  #4  
قديم 09/03/2006, 05:47 PM
زعيــم جديــد
تاريخ التسجيل: 22/01/2006
مشاركات: 16
اذا كان الاعب في غير مركزة اكيد يقل مستواه وبعدين تقول الاعبين انكشفت مستوياتهم يوم لعبوا مباراة خارجية وانهم كانوا يلعبون كويس مع باكيتا لانهم يلعبون في الدوري بس كلامك غير صحيح لعبوا العام مع باكيتا في دوري ابطال العرب مباريات صعبة وفي اراضي الخصوم وفزنا بها وبمستويات رائعة مثل الافريقي التونسي و الوداد البيضاوي المغربي يعني الاعبين ممتازين بس العلة المدرب تغير
اضافة رد مع اقتباس
  #5  
قديم 09/03/2006, 05:48 PM
زعيــم جديــد
تاريخ التسجيل: 22/01/2006
مشاركات: 16
اذا كان الاعب في غير مركزة اكيد يقل مستواه وبعدين تقول الاعبين انكشفت مستوياتهم يوم لعبوا مباراة خارجية وانهم كانوا يلعبون كويس مع باكيتا لانهم يلعبون في الدوري بس كلامك غير صحيح لعبوا العام مع باكيتا في دوري ابطال العرب مباريات صعبة وفي اراضي الخصوم وفزنا بها وبمستويات رائعة مثل الافريقي التونسي و الوداد البيضاوي المغربي يعني الاعبين ممتازين بس العلة المدرب تغير
اضافة رد مع اقتباس
  #6  
قديم 09/03/2006, 06:31 PM
الصورة الرمزية الخاصة بـ JAHRAUUY
زعيــم متألــق
تاريخ التسجيل: 07/01/2006
المكان: الكــويـــت ღ الجـهــراء ღ
مشاركات: 1,104

الَسَـــــــلاَم عَلَيــْــكُمُ ُ وَرَحْمَةُ اللهِ وَبَرَكـَـاتُه

الغالي : صحن قلابه احترم وجهة نظرك قبل كل شي ....

بكل صراحه انا قريت موضوعك لحد النقطة الثانيه التي تمثل

اللاعب تفاريس بعد ان اجبرت نفسي على متابعه كلامك عن كامل الموسى

بصراحه مع احترامي لك كلامك غير منطقي وهناك من اللاعبين يصادف ان لايكون

في يومه .. ويكون عدم توفيق من الله في ذلك اليوم ..

مهما كان حسب اطلاعي اللاعبين الذين قرأت ماطرحته عنهم فيه ظلم

وعدم تقدير وهنا اكتفيت من قراءة موضوعك ومن اجل جهدك كتبت الرد

لكي لااخرج من غير ان ابدي وجهة نظري الخاصة ..

(الاختلاف بالرأي لايفسد للود قضيه )

ونبقى في حب زعيمنا نتواصل

تقبل تحياتي مع الشكر والتقدير لشخصك


سلااااااااااااااااااام
اضافة رد مع اقتباس
  #7  
قديم 09/03/2006, 06:44 PM
عضو استشاري سابق بمنتدى الرياضة العالمية
تاريخ التسجيل: 24/05/2002
المكان: الـخبر
مشاركات: 6,139
كلامك صحيح عن عزيز
حرام عليك تفاريس لاعب كبير بس ماكان في يوم وهو الوحيد بالدفاع محاور مافيه
وكان مفروض يلعب الخثران ظهير ايمن ويرجع عزيز محور
واه يامفرج وينك ؟ اشتقنالك افضل من خليل ..
اضافة رد مع اقتباس
  #8  
قديم 09/03/2006, 07:11 PM
زعيــم مميــز
تاريخ التسجيل: 06/03/2005
المكان: عـبـدالـعـزيــز
مشاركات: 5,478
اخوي انا مااتفق معك في نص كلامك
اضافة رد مع اقتباس
  #9  
قديم 09/03/2006, 07:42 PM
الصورة الرمزية الخاصة بـ الـذهـبـي
زعيــم مميــز
تاريخ التسجيل: 22/03/2005
المكان: طـــيــــبــة الطيبة
مشاركات: 3,672
ما اقول غير لا حول ولا قوة الا بالله

ليلة امس ليلة الاكتئاب وليلة الحزن والطفش

لكن انا لله وانا اليه راجعون
اضافة رد مع اقتباس
  #10  
قديم 09/03/2006, 08:20 PM
زعيــم متألــق
تاريخ التسجيل: 04/12/2001
المكان: قاره زعيمها الهلال
مشاركات: 1,456
عزيزي ღزعيـ الأنـديـة ـمـღ


ما تتخيل كم اتمنى يكون كلامي غير صحيح عن تفاريس اتمنى انها مجرد كبوة جواد, لكن ... غالبا اللاعب المدافع تميزه عن غيره من خلال البنية الجسمانيه , وحتى حركته في التمارين غير لاعب جناح مثلا او هجوم . تفاريس رائع واتمنى الهلال يشتري عقده لكن نستغله في مركز ثاني وفي رأيي انسب خانه له الظهير .. طلعاته الهجوميه خطيره وتمريراته الطويله حلوه ولاعب سريع وهذا تحتاجه في الظهير بالأضافه الي شي بسيط من المهارات الدفاعيه .

عزيزي .. الحين انت شايف اني ظلمت كامل الموسى ؟ مع احترامي لك يمكن اكون غلطان بخصوص تفاريس , لكن اسمحلي كامل ماهو في مستوى نادي الهلال ... انا ما بغيت اقول كذا من الأول لكن هذا الواقع

اما عزيز ما قلت شي ضده عشان اظلمه بالعكس ... لاعب لعب في غير مركزه ما تقدر تحكم عليه ... وعزيز معروف انه في مركزه ابداع.

واشكرك على تشريفك للموضوع .. نورت الصفحه والله ... والهدف من المنتدى مناقشة وضع الفريق وكل واحد يبدي رايه ونطلع بنتيجه .. المنتدى ما فتح عشان ردود زي : "شكرا اخوي على الموضوع " .. " تسلم ياغالي " ...الخ.

تحياتي للجميع
اضافة رد مع اقتباس
  #11  
قديم 09/03/2006, 08:45 PM
زعيــم نشيــط
تاريخ التسجيل: 23/12/2004
المكان: فوق هام السحب
مشاركات: 644
اولشي هارد لك ولكل الهلاليين ونعوضها ان شا الله في الاياب

بس انت تقول ما فيه احد يشغل الظهير الايمن طيب وين راح (( ياسر الياس)) ليه حاطه حتى في الدوري احتياطي

ومن نا حية تفاريس والله انه امس لعب كويس حتى فيه نزعه هجوميه وبغى يسجل هدفين بس ما له حظ

وبسراحه ما نبغى هذا المدرب نبغى الكسندر يدرب الهلال درب فريق تحت سن ثلاث وعشرين ووصل لنهائي كاس الامير فيصل حتى المرشدي اللي بدا يتالق مع الهلال اعطوه الوحده وجايبين لنا لاعب له عن الكور اكثر من سنتين

بسراحه اذا استمر هذا المدرب فالهلال رايح فيها لا محاله ويمكن حتى كاس ولي العهد يروح منا


الله يوفق الهلا ل ان شا الله ويبعد كا ندينو عنه
اضافة رد مع اقتباس
  #12  
قديم 09/03/2006, 09:01 PM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
الايام الجايهـ احلى انشاء الله...
اضافة رد مع اقتباس
  #13  
قديم 09/03/2006, 09:03 PM
الصورة الرمزية الخاصة بـ JAHRAUUY
زعيــم متألــق
تاريخ التسجيل: 07/01/2006
المكان: الكــويـــت ღ الجـهــراء ღ
مشاركات: 1,104

الَسَـــــــلاَم عَلَيــْــكُمُ ُ وَرَحْمَةُ اللهِ وَبَرَكـَـاتُه

الغالي : صحن قلابة

اعلم اخي ان ردي او تعقيبي في موضوعك ماهو الا دليل على احترامي لجهدك

وتقدير مني لوجهة نظرك وصدقني لااقول غلطان لانها .. تبقى وجهات نظر وكما اسلفت

( ان الاختلاف بالرأي لايفسد للود قضيه )

بالنسبه لي انا قرأت فقرتين كامل وتفاريس وعزيز لم اتطرق له لاني توقفت عند تفاريس

كامل الموسى : اتوقع اخي من وجهة نظري انه ظهير مميز

ويحمل كل مقومات الظهير ابرزها :

( السرعه في التقدم والعوده , العرضيات القاتله والموزونه )

ولكن ينقصه القليل من الخبرة في مثل هذه المباريات الخارجية وكلنا اشدنا

به عندما شاهدناه في اول مباريتين له مع الهلال ولم تكن مجامله بل كانت اشادة

مستحقهمن الجميع لما قدمة من ابداع وهنا اختلف معك ..

ان الموسى تنقصه فقط القليل من الخبرة في المباريات الخارجيه ..... (وجهة نظر خاصة )

تفاريس : شاهدت تفاريس في مباراة العين يتقدم وهي اكثر مباراة رأيته يتقدم فيها لاحساسه

بإن الوسط والهجوم تم فصلهم وكانوا خارج منطقة التغطية

ولكن كونه مدافع وبقليل فقط (انتبه )

بقليل فقط من التركيز والانسجام والتفاهم مع المدافعين سوف نجد درع قوي لدفاع الزعيمـ ..

وهذه النقطة طرحتها في موضوع لي قبل لقاء العين بااربع ايام او خمس تقريباً .. ( وجهة نظر خاصة )

بالنسبه لعزيز اطلعت على ماطرحته واوافقك الرأي

وسوف تجد في الرابط التالي مايدعم كلامي

وهذه النقطة ايضاً طرحت بنفس الموضوع الذي طرحت فيه نقطة تفاريس ...

تفضل الموضوع : اضغط هنا

هذا الرابط يحمل موضوع اوسع كتبتة بعد مباراة العين اتمنى ان تطلع عليه وتبدي وجهة نظرك

وبنفس الموضوع سوف تجد رابط للموضوع الذي طرحته قبل خمس ايام تقريباً قبل مباراة العين

اخي الكريم اعلم ان وجهة نظرك محل احترام وتقدير مهما كانت ..

ولم اقل انك غلطت وانت محشوم ان شاءالله.....

وتبقى جميعها وجهات نظر نتمنى ان تكون في صالح زعيمنا ان شاءالله والله يوفقه يارب

الشرف لنا يالغالي والنور نورك ونور الزعماا جميعاً والله يسلمك يارب

(ونبقى في حب زعيمنا نتواصل )

تقبل تحياتي مع الشكر والتقدير لشخصك الكريم

سلااااااااااااااااااام
اضافة رد مع اقتباس
  #14  
قديم 09/03/2006, 09:09 PM
زعيــم متألــق
تاريخ التسجيل: 04/12/2001
المكان: قاره زعيمها الهلال
مشاركات: 1,456
واسع الخيال ..قلت قبل كذا .. المدرب ما اقتنع بألياس .. وكثيرين الي ما اقتنعوا فيه ... المباراة كبيره ولاهي بسهله ... انا لو اني مدرب الهلال .. واحترت بين الياس وعزيز في مباراة في حجم العين ... راح اختار لاعب الخبره ولا اكلفه الا بالي يقدر عليه .. وفي هالحاله راح اخليه يلزم مكانه ولا يهاجم . انت شفت عديم الخبره وش سوا في الظهير الايسر ( اقصد كامل ) اتوقع اشراكه في المباراة كان لمجرد " تحليل قيمته "

بالنسله لتفاريس انت قلتها ... له نزعه هجوميه ... يعني حرام تحجره في قلب الدفاع .. لو لعب ظهير ايمن راح نستفيد من نزعته الهجوميه ومنها تخلص من مشكلة الظهير الايمن .

اما قولتك نبي الكسندر .. هذي ما توقعتها منك .. وجاب لجاب ... وبعدين وشهي بطولة الامير فيصل !!!!

ونسيت اشكر الاخوان الي شاركوا بالموضوع

الفذ الازرق : حل معقول .. لكن لو المدرب له نيه يلعب الخثران .. كان لعبه يسار .. وفعلا المفروض عزيز لعب محور و الصويلح اساسي يمين

جشاوي : من جد مثل خسارة بطولة .

انا اكيد هلالي : ظروف مباراتي الوداد كانت غير

الجواد الازرق : فعلا المفرج له فقده ... لكن يلعب بجانب خليل الي ما قصر امس ... وتفاريس ظهير

الذهبي : ليلتي كانت اخيس
اضافة رد مع اقتباس
  #15  
قديم 09/03/2006, 09:21 PM
زعيــم نشيــط
تاريخ التسجيل: 23/12/2004
المكان: فوق هام السحب
مشاركات: 644
ياخوي صحن قلابه انا عتبي على المدرب ليش ياسر الياس من اول الدوري وهو احتياط لو لعب كل مباريات الدوري راح تشوف ياسر منها يكسب زيادة خبره ولاعب صغير في السن ويوم كان باكيتا يدرب الهلال لعب ياسر في المربع قدام الاتحاد والاتحاد اقوى من العين وولعب في النهائي بس هذاك باكيتا ما راح جاب لا عب له سنتين ما لمس الكوره ولا لعب محور وحطه في الظهير

الكسندر انا قلت الكسندر لانه كان مساعد لباكيتا واقل شي يمكن يستفيد من خبرته مع باكيتا


وتحياتي لك


الله يوفق الهلال ان شا الله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube