السلام عليكم

أول شي ابارك للأخوه العيناويين الي معنا في المنتدى والوعد الفحص ( على غرار القطاره )

الشي الثاني يا اخوان ما اتوقع في احد كثري انصدم بمستوى الهلال امس , ما اكذب عليكم كنت متحمس لها واحتريها من اسبوع كامل .

شباب خلونا واقعيين , مباراة العين كشفت لنا المستويات الحقيقه لبعض اللاعبين وعلى ما اعتقد هذه اول مباراة قويه بمعنا الكلمه من بداية الموسم الماضي ! , فأذا جينا لكامل الموسى , لاعب جيد لكن مكانة الطبيعي في رديف الهلال . مع احترامي لكامل لكن ماهو في مستوى البطولة الأسيويه , الدوري المحلي اوكي يفك ازمة الظهير الايسر لكن ابطال اسيا كبيره عليه شوي . حتى مع الهلال مبارياته تنعد على الاصابع اللاعب جاي من الوحده ماكمل معك الا كم مباراة وتجي تلعبه امام العين ! قويه شوي .

واللاعب الثاني .. تفاريس .. مباراة العين كشفت لنا انه مايصلح مدافع ابد.. لو تلاحظون كل الهدفين هو المسؤول عنها " مار الهدف الثاني ناقصه فشار وببسي ويطفي الانوار ويصير احلى تفرج على احلى فلم ! " .. تفاريس ياعالم لياقته عال العال يحرث لك الملعب حرث , اذا هاجم شكل خطوره ويا كثرها اهدافه لكن يلعب دفاع صح ممكن يفك ازمه قدام القديش الي في دورينا لكن معليش قدام مهارات فيصل علي وسرعة كيلي " يبطي " !! تفاريس انا اشوف ممكن نستفيد منه كظهير ايمن بدال المهزله الي صايره في هالمركز.

النقطة الثالثه ومابي اطول فيها لأن كلكم عارفينها ... خالد عزيز ظهير ايمن !!! لا تعليق .. العين استغل خالد عزيز احسن استغلال وكل هجماتهم كانت عن طريقه .. ما ألوم اللاعب لأنه في غير مركزه وانهبل الضعيف الين حس كاندينو انه غلط وبدله .. بصراحه تركي الصويلح صمد نوعا ما في هالمركز " على الأقل افضل من عزيز "

ما ألوم المدرب انه لعبهم في غير مراكزهم .. لان اصلا مافيه بديل !! يعني من يلعب مكان تفاريس ومن يلعب مكان عزيز ؟
عزيز و تفاريس يلعبون في غير مراكزهم فهذه هي النتيجه ... كامل الموسى المباراة كانت فوق مستوى .

عتبي على كندينيو انه طلع عزيز بينما كان يقدر يستفيد منه في المحور ويدخل تركي الصويلح على حساب احد المحاور .
بالنسبه لخروج سامي بصراحه ماادري وش كان السبب هل هو فني ام معنوي ... اذا كان خروجه بسبب ضعف اداءه فمالك حق يا كاندينيو .. سامي واقولها للمره الترليون افضل خانه له خلف المهاجمين او صانع لعب .. يعني تخيلوا معي لو ان المدرب رجع سامي صانع لعب ودخل الصويلح هجوم مع ياسر ! اتوقع ممكن نجيب قول وحيد يعيد الثقه للفريق وبالتالي يتغير مسار المباراة بالكامل . أما اذا كان طلعه المدرب بسبب نرفزته هنا ما نقدر نقول شي لان فعلا اثناء المباراة سامي كان منفعل وانا والله ما الومه لاني احس انه هو الوحيد في ال11 لاعب الي يحس بالي يحسه الجمهور وهو الوحيد الي يدري مباراة العين وش تعني للهلاليين .

واذا بتقولي عزيز اوكي في الظهير اليمين , وتفاريس اوكي في الدفاع , الموسى تماام لكن المباراة خارج ارضنا وارتبكوا شوي .. ياخي اللاعب الي ماتستفيد منه الا في ارضك وش تبي به ؟؟ والشي الثاني من متى والهلال تفرق معه يلعب في الرياض ولا خارج المملكه ؟؟ ياما حسمنا بطولات وابدع الهلال خارج المملكه !!

وترا يا شباب المدرب بين الشوطين يجلس مع اللعيبه واذا كان مدرب خبير مثل كاندينيو راح يعرف منهو الي متنرفز وصعبه يكمل المباراة ومنهو المتوتر ومنهو الخايف ومنهو المتحمس ... الخ. يعني الي ابوصل له ان بشكل عام غالبا او دائما التغييرات الي تكون بين الشوطين تكون تغييرات غريبه بالنسبه لأي جمهور ولكن انا اشوف انها اكثر التغييرات صحة وفعاليه , لان المدرب يكون معه وقت يفكر صح . وفي النهاية المدرب يشوف شي انت ما تشوفه .

فالأخير ياشباب هالموضوع انا كاتبه والشبكه مقفله .. واشكرهم على اغلاقها لان مالها داعي نشوف مواضيع تطالب بأستقالة البواب مسكين , لكن مع ذلك اذا فتحت متأكد بنشوف سب في كاندينيو !!! حط نفسك في مكانه ياخي .. هذه اللعيبه المتوفره عندك .. دفاع ماعندك دافع ... ظهير يمين مافيه ظهير يمين ( شباب تذكرون العلم الي كان مكتوب عليه : رح مثلك ماعليه حسوفه ) ... ظهير يسار من بعد الرشيد ماشفنا ظهير يسار تعتمد عليه في المباريات الكبيره .. وعلى فكره ترا توظيف كاندينيو للاعبين تقريبا هو نفسه توظيف باكيتا وحتى نفس التكتيك .. يعني رجاءا خفوا على الرجال شوي .. وبدال ما تطالبون برحيله طالبوا بلاعبين نعتمد عليهم في خط الدفاع .


والله ياخوان من بعد مباراة اوكادا.. والعين غابني .. ماهو بسبب لعبه ولا اداءه .. لكن بسبب الأعلام الي وراه والي جعله الافضل اسيويا وخاصه في الفتره الاخيره و استفزازاته للهلال والهلاليين .

قناة دبي من الساعه 3 وهم شغالين مقابلات واغاني ... وربعنا حاطين لك " طرائف الكره " !!

لا تحكمون على المدرب من مباراة واحده رجااااااااءا انتم اكبر من كذا

صح لسانك ولكن اولا اذا المباراة اكبر من كامل المفروض يلعب الخثران ثانيا اين العنبر والجمعان هذه المباراة هي مبارياتهم لان الجمعان رجله قوية
والعين امس كان مقفل والعنبر اكثر هجمات الهلال امس رفعات

والله هزيمه اشبه بخسره بطوله ..............................

اذا كان الاعب في غير مركزة اكيد يقل مستواه وبعدين تقول الاعبين انكشفت مستوياتهم يوم لعبوا مباراة خارجية وانهم كانوا يلعبون كويس مع باكيتا لانهم يلعبون في الدوري بس كلامك غير صحيح لعبوا العام مع باكيتا في دوري ابطال العرب مباريات صعبة وفي اراضي الخصوم وفزنا بها وبمستويات رائعة مثل الافريقي التونسي و الوداد البيضاوي المغربي يعني الاعبين ممتازين بس العلة المدرب تغير

اذا كان الاعب في غير مركزة اكيد يقل مستواه وبعدين تقول الاعبين انكشفت مستوياتهم يوم لعبوا مباراة خارجية وانهم كانوا يلعبون كويس مع باكيتا لانهم يلعبون في الدوري بس كلامك غير صحيح لعبوا العام مع باكيتا في دوري ابطال العرب مباريات صعبة وفي اراضي الخصوم وفزنا بها وبمستويات رائعة مثل الافريقي التونسي و الوداد البيضاوي المغربي يعني الاعبين ممتازين بس العلة المدرب تغير

كلامك صحيح عن عزيز
حرام عليك تفاريس لاعب كبير بس ماكان في يوم وهو الوحيد بالدفاع محاور مافيه
وكان مفروض يلعب الخثران ظهير ايمن ويرجع عزيز محور
واه يامفرج وينك ؟ اشتقنالك افضل من خليل ..

اخوي انا مااتفق معك في نص كلامك

عزيزي ღزعيـ الأنـديـة ـمـღ


ما تتخيل كم اتمنى يكون كلامي غير صحيح عن تفاريس اتمنى انها مجرد كبوة جواد, لكن ... غالبا اللاعب المدافع تميزه عن غيره من خلال البنية الجسمانيه , وحتى حركته في التمارين غير لاعب جناح مثلا او هجوم . تفاريس رائع واتمنى الهلال يشتري عقده لكن نستغله في مركز ثاني وفي رأيي انسب خانه له الظهير .. طلعاته الهجوميه خطيره وتمريراته الطويله حلوه ولاعب سريع وهذا تحتاجه في الظهير بالأضافه الي شي بسيط من المهارات الدفاعيه .

عزيزي .. الحين انت شايف اني ظلمت كامل الموسى ؟ مع احترامي لك يمكن اكون غلطان بخصوص تفاريس , لكن اسمحلي كامل ماهو في مستوى نادي الهلال ... انا ما بغيت اقول كذا من الأول لكن هذا الواقع

اما عزيز ما قلت شي ضده عشان اظلمه بالعكس ... لاعب لعب في غير مركزه ما تقدر تحكم عليه ... وعزيز معروف انه في مركزه ابداع.

واشكرك على تشريفك للموضوع .. نورت الصفحه والله ... والهدف من المنتدى مناقشة وضع الفريق وكل واحد يبدي رايه ونطلع بنتيجه .. المنتدى ما فتح عشان ردود زي : "شكرا اخوي على الموضوع " .. " تسلم ياغالي " ...الخ.

تحياتي للجميع

اولشي هارد لك ولكل الهلاليين ونعوضها ان شا الله في الاياب

بس انت تقول ما فيه احد يشغل الظهير الايمن طيب وين راح (( ياسر الياس)) ليه حاطه حتى في الدوري احتياطي

ومن نا حية تفاريس والله انه امس لعب كويس حتى فيه نزعه هجوميه وبغى يسجل هدفين بس ما له حظ

وبسراحه ما نبغى هذا المدرب نبغى الكسندر يدرب الهلال درب فريق تحت سن ثلاث وعشرين ووصل لنهائي كاس الامير فيصل حتى المرشدي اللي بدا يتالق مع الهلال اعطوه الوحده وجايبين لنا لاعب له عن الكور اكثر من سنتين

بسراحه اذا استمر هذا المدرب فالهلال رايح فيها لا محاله ويمكن حتى كاس ولي العهد يروح منا


الله يوفق الهلا ل ان شا الله ويبعد كا ندينو عنه

واسع الخيال ..قلت قبل كذا .. المدرب ما اقتنع بألياس .. وكثيرين الي ما اقتنعوا فيه ... المباراة كبيره ولاهي بسهله ... انا لو اني مدرب الهلال .. واحترت بين الياس وعزيز في مباراة في حجم العين ... راح اختار لاعب الخبره ولا اكلفه الا بالي يقدر عليه .. وفي هالحاله راح اخليه يلزم مكانه ولا يهاجم . انت شفت عديم الخبره وش سوا في الظهير الايسر ( اقصد كامل ) اتوقع اشراكه في المباراة كان لمجرد " تحليل قيمته "

بالنسله لتفاريس انت قلتها ... له نزعه هجوميه ... يعني حرام تحجره في قلب الدفاع .. لو لعب ظهير ايمن راح نستفيد من نزعته الهجوميه ومنها تخلص من مشكلة الظهير الايمن .

اما قولتك نبي الكسندر .. هذي ما توقعتها منك .. وجاب لجاب ... وبعدين وشهي بطولة الامير فيصل !!!!

ونسيت اشكر الاخوان الي شاركوا بالموضوع

الفذ الازرق : حل معقول .. لكن لو المدرب له نيه يلعب الخثران .. كان لعبه يسار .. وفعلا المفروض عزيز لعب محور و الصويلح اساسي يمين

جشاوي : من جد مثل خسارة بطولة .

انا اكيد هلالي : ظروف مباراتي الوداد كانت غير

الجواد الازرق : فعلا المفرج له فقده ... لكن يلعب بجانب خليل الي ما قصر امس ... وتفاريس ظهير

الذهبي : ليلتي كانت اخيس

ياخوي صحن قلابه انا عتبي على المدرب ليش ياسر الياس من اول الدوري وهو احتياط لو لعب كل مباريات الدوري راح تشوف ياسر منها يكسب زيادة خبره ولاعب صغير في السن ويوم كان باكيتا يدرب الهلال لعب ياسر في المربع قدام الاتحاد والاتحاد اقوى من العين وولعب في النهائي بس هذاك باكيتا ما راح جاب لا عب له سنتين ما لمس الكوره ولا لعب محور وحطه في الظهير

الكسندر انا قلت الكسندر لانه كان مساعد لباكيتا واقل شي يمكن يستفيد من خبرته مع باكيتا


وتحياتي لك


الله يوفق الهلال ان شا الله