بسم الله الرحمن الرحيم
سلاااااااااااااااام
صباح النور للي عندهم نور وصباح الليل للي عندهم ليل
نعم
ولاول مرة في هذا المنتدى الشامخ طبعا وبعد حوار طويل بيننا (وحيد الجزيره وبنية نجد) فكرنا في أننا نسوي حركة جديدة علينا حنا مع انه سبق وان سواها ناس قبلنا علشان تزيد من النشاط وتغير من الروتين اللي في الساحة وتتمازج (<====صفقونا ان عرفتوا معناتها) العقول والافكار
فقررنا بعدها اجتماع طارئ هالشي..و راح ننقل لكم الحوار الشهير واللي تقرر فيه اختيار هذا اليوزر
وحيد الجزيره: بنية عمي،، وش رايتس نفجرها بالساحة ونسوي حركة بطرانة؟؟
بنية نجد: قداااااااام (<====عربجية) عربجية والا تريلا هههههههه
وحيد الجزيره: طيب وش الشور؟؟؟!!!
بنية نجد: ههههههههه وش علمك يالقروي الشور يعني تتروش..يوووووه ياربيه نسيت اني مذيعة المفروض مااتميلح
بس الصراحة حركة حلوة هي وممتعة بنفس الوقت
وحيد الجزيره: ( رسم ابتسامة صفراء وقام سنّه يلمع )
بنية نجد: هاه بشّر وش طلعتا به؟؟
وحيد الجزيره: يلزمنا يوزر فوراااا
بنية نجد: طيب من وين نجيب يوزر لنا؟؟!! تهقاهم يطيعون؟؟
وحيد الجزيره: شوفي فكرة يطيعون ،، ان شاء الله مهوب مقصرين،، بس خل اشوف فرعون قبل,, يمكن انه ماخذه قبلنا

ومن هذا الحوار كان انطلاق هذا اليوزر اللي ما راح يستمر الا بمساعدتكم وتعاونكم معنا
ولكم منا كل الحب والتقدير
بنية نجد..وحيد الجزيره
مقلعون شقراويون متميلحون
حنا بنمحط باللقاء قدامكم والكلام اللي تقوله هي صدقونا صحيح ومنقول حرفيا اما من من لقاءات قديمة
او من مواقع معينة ....وبما اننا وكثير زينا ماهضمنا اغلبية كلامها
عاد ماندري عنكم وانتم حرين<====تعيش الديموقراطية

برنامج: خليك بالأسرة
اعداد وتقديم : وحيد وهبي & بنية عبدالله ضيفة البرنامج: مريم نور

اخراج: دحيم حداد

وحيد: طبعا بدنا نعرفكن على ضيفتنا مريم نور بانها حاصلة على الدكتورة في التغذية
والاجازة والعطلة في الطب البديل

بنية: خلاص عاد دوري...وكمين ضيفتنا تدرس علم الذبذبات والنور<<<<شكله من جماعتها
وعلم الطبيعة والتامل والنوايا
@@الله من الفضاوه والله@@




وحيد: د0مريم هالحين ارسي لتس على بر مرة تقولين انا مسلمة ومرة تقولين انا مسيحية
وش الهدف من عدم المصارحة ورى ماتقولين لنا وتريحينا...؟؟

مريم: شوف خيي وحيد...انا مسيحية بالاصل...بس بعرف كتير اشياء عن الاسلام...وقرأت القرآن كامل
والاسلام فيه اشياء كتيرة ركزت على ناحية الغذاء..

بنية: اقول ماكنها بدت تصرف من اولها؟؟


وحيد:خليهاحاجرهاحاجرها

بنية:انتي تقولين انك بمرة من المرات جلستي صايمة لمدة40 يوم


وحيد: اهببببببببببب


بنية :هالحين ورى ماتسكت...لاحظ اني مذيعة ..وه منك بس الله يعظم اجري عليكم
بكمل..فأقولك صمتي40 يوم وكان اكلك عبارة عن هواء وماء فقط +استرخاء على قولتك

مريموه: شوفي حبيبة ألبي..أي والله صحيح انا 40يوم ماكلت غير هواء ومي وبس


وحيد: ماكلتن مي؟؟؟وندى وش سويتي بها؟؟؟



مريم: بالعكس حبيباتي تجربة كتير رائعة لمن تجلسوا كم يوم بدون ماتتعبوا معدتكن
مجرد استرخااااااااء وانتم ماراح تحسوا بالجوع ابدا...وكتار اجوا لعنا وجربوها في المصحة هونيك

وحيد:قصدتس شهار

بنية: والله وناسة صراحة..يصير اذا اعرست وجاء رجلي يبي غداء اقول له كل هواء هذا هو قدامك
والله يالرفلات بينبسطووووووووووووووون<=====سنعة تراها

وحيد: اقصري صوتس ترى المنتدى ملغم بالحريم لايوحونا همن نبلش مع رجالهم ...
بس انتي من المحاربين للماكولات البحرية وتقولين ان مالها فائدة..كيف؟؟

العجووز: شوف ياخيي...شو هالفائدة ياللي بدك ياها من اكل البحر؟؟؟
اكل البحر كلوه زبالة
((تكرمووووووووووووووووووون))
ومابيعطي لاطاقة ولاشي

وحيد:مع العلم ان اكثر الاطباء يقولون
ان اكثر الماكولات افادة هي البحرية ....ومواد وعناصر مهمة جدا ماتتوفر الا فيها؟؟

بنية: يعني معاد ناكل تونة والله ياهي تفك ازمات

عجوز الجن: كلوا أمح....هيك كمشة أمح كتير مفيدة بدل هالسموم ياللي عم تيكلوها

بنية: وش يدريني كل المذيعات يقولونها وش زودي انا
الو الو :اهلين مساء النور..
معنا بنت الاجاويد على الخط..تفضلي ازا بتريدي سؤالك..
السلام عليكم...لو سمحتي يادكتورة بسألك بالنسبة للحمل..وشو البرنامج الغذائي المناسب خلاله؟؟؟

وحيد: شكرا لاتصالك ..والله الله بالمميزة والا ترى بقطع الخط((وشو عقبه))
مريم: شوفي لك يابنت الاجاويد ...تتجيبي طفل سليم لازم تبتعدي عن كل شي اسمه حليب ولبن ...لانها ماحتفيدك اصلا
خدي لك شي كاسة امح على الصبح ...اسلقي وكلي..أد مافيكي...


بنية: يقولون ان الاكل له دخل بالحالة النفسية والمزاجية ...وان مرضى الاكتئاب النفسي لازم يكون لهم اكل خاص...هو صدق؟؟


مريم قريح:طبعا....و أول شي لازم ما يأكل الألبان و الأجبان، هيدي أول شي يشيلوا الألبان والأجبان بيعمل إحباط ...

وحيد: الله العالم من يبي يجيب لي الاحباط والله...


بنية: هذانا منول ناكل فسحة الى قبل وكلها جبنة سايلة والى يومنا ولا ضرنا!!!!...مافينا الا العافية ...



وحيد: ماوتدس تطمرين يابنية عمي وتجيبين لي خبيزة

بنية: ياحر بطنك ياوليد عمي اصبر نقضي وكل اللي تبيه

وحيد: معنا اتصال...الوو هلاااااااااااااااااااااااا ابوعبدالله يالله ان تحييييييييييييه .... هيدا الصمرئع رئيس تحرير مجلة الاقلاع....
الصمرقع: منيب مطول بس بقول انتي يامريم ودنا نحطك غلاف للعدد الجديد وش قلتي؟؟ترى مهوب من ملحتس يعني ..بس ودنا هيالعيارين يلقون لهم شي يذبون عليه

مريم: أدااااااااااام <=====مسرع تاثرت بس ليزم تحط الخلفية صور امح ...

بنية:اقول وحيد خل نقهرها ونحط دعايات برنجلز وبيبسي وحلاو ههههه ودي اشوف وش تسوي

وحيد: ياذهنتس ذهناه بس...تبي تهج ..وتطيح خششنا عاد قدام هالخلق اللي مسوين لهم دعايات للبرنامج ...
الا صحيح ..فيه علم سمعنا عنه اسمه علم الالوان......وبما انتس كلش مدخلة روحك فيه فوش رايك بهالعلم؟



عجوز بليس: ايه صحيح...كتير مهم هالعلم ...من والست حامل لازم تلبس الوان محددة متل الوان قوس قزح
واستعملوا صابون بلدي كمين ...بظن هون بتسموه ابو نعجه أصدي ابو عنز...يعني مو أي لون بينلبس...مو منيح هيك ابدا...

بنية: والله اكثر من خلاقين بزرانا مافيه ولا ضرهم....كني اشوفني اذا حملت اشاور جنيني جايز له اللون والالا؟؟
اكبر همي والله هو وخلاقينه...


وحيد: وصلنا فاكس من مها من الحوطة عم بتئول: انا حامل عم بتحرى ...وفيني حموضة شديدة بالمعدة
كمان يجيني مرات ((مر)) وش اسوي؟؟
مريم: جيبي لك سمسم يامها واطحنيه وكلي منه بكل وقت وبتروح الحموضه...

بنية: انا اللي اعرفه بما اني خبيرة بالحموضة للاسف ان اللي يعاني منها يشرب حليب مغنيسيا او الريوبان اوحليب بارد على الاقل



مريم :
حليب عم ألكن ماتشربووووووووووووو

بنية :لاطقيني احسن ...

وحيد: انتن هيه اهجدن ..
هذا ايميل هالمملوحة Mariam nour @ hotmail.com هههههههه اللي ودها يضيفها عنده

بنية: والله لو احذف مسنجري بكبره ماأضفتها عندي .....كان تحط ((قامت كلوا امح بتسجيل الدخول ))
على فكرة تراه ايميلها من جد ...لانوصيكم الله الله بالفيروسات تكفون


وحيد: أقول هالحين زد قريت لتس انتس مولدة وحدة في الماء؟؟؟ ماغرق الولد؟؟


مريم: يييييييييييييييييييي ياحبيبة ألبي ياهيفاء ..هيدي هلأ عمرا شي 9شهور...وانا ولدتها جوا المي...والبنت غير عن كل الباقين ... وشها كتيــــــــــــر صحي ....


وحيد: هماهم يقولون ان المي على قولتس مضره بالطفل ويمكن تسبب له الاختناق ...وانتي الله يبطش بتس تبي تولدين الحريم في المي..؟؟


مريموه: شوف وحيد بدي فرجيك منشان تسدء ...هيدي المراجع كلها بتحكي لك عن فوائد الولادة في المي...شوف شوف

بنية: ههههههههههههههه تصدقون من كثر مراجعها خامة معها دليل التليفونات ذاك الكبير تحسبه مرجع
000000000
معنا هلأ اتيسال من قطرة ندى...هلااااااااااا وغلاااااااا
قطرة ندى :السلام عليكم....بسألكم عن المخامير هل هي ضارة بالصحة والالا؟؟ خصوصا اني من المدمنين عليها بكل وجباتي حتى السلطة احط فيها مخيمرررررراية <<<<<<وااااااااااااو ياصعبها بس كثار نصحوني اني اقلع عنها خصوصا بعد ماتم اكتشاف حقنها بالهرمونات ؟؟؟ وهل الاكثار من تناولها يؤثر على البشرة؟؟
بنية: @@برايفت لقطرة ندى بس@@ وسام والمعالي يمتنعون عشان موضوع الشات حق الجادة دريت انتس من عشاق المخامير ..

وحيد: ماعرف المخامير الا ذي تكفين


بنية: انا سبق وعرفت المخامير في موضوع قديم وارجع اقولكم انها ((اكله شقراوية عبارة عن كائنات دائرية الشكل تطافش في الحليب والطماط وتنتمي الى سلالة المراصيع والمصابيب ))

مريم : أي نعم ..كنت عم اول كلوا امح ....وهلأ بقول : كلوا مخامير....بس لاترئلوها بحليب وهيدا اهم شي..حليب نووووو بروهيبتيد...

وحيد: وانا اقول ليت من يشبع من طقتس <====<مل منها يبيها تروووووح

اعزائي ولضيق الوقت راح نقرا لكم بعض الفاكسات اللي وصلت للبرنامج ...لضيق الوقت...:
فاكس من مرقوق يقول فيه : محجوووووز ولي عودة ان شاء الله عل وعسى يقلع عن هالعادة السيئة
فاكس من كورن فليكس: يقول انا محدن يبيني كل مارحت لاخوياي في الاستراحة طردوني يقولون انتس تقولين مافيني خير وكلي اضرار وانا خايف ان ام كورن تعافني من كثر ماتقولين اني خطرعلى الصحة
فاكس من شينة بس مو مرة : تبي برنامج غذائي يخليها مهيب شينة مرة
فاكس من فنيلة علاقي يقول:اخلص علينا ياوحيد ترى الشباب حول مايحطون العشايحترونك ...

وحيد: شووووووووووفي تكفين وش تسوي...


بنية: هههاااااااي عقوبة والله الله لايبلانا...انهبلت الحرمة

مريم نور: مخامير ياقلب العنااااااااا مخامير وش ذنبي اناااااا


وحيد وبنية: اخواني واخواتي ...كل هالبرنامج اللي تو كان خيالي....لكن مضمونه صحيح ومن كلام مريم نور نفسها.....مدري انتم مصدقين اللي تقوله والالا؟؟؟ حنا ماننكر ان بعض كلامها صحيح خصوصا من ناحية الهرمونات اللي تعطى للدجاج وغيرها...وان الجنك فوود مضر اذا كثرنا منه...والخضروات والفواكه مفيدة جدا....لكن صيام 40 يوم بدون اكل ...وكل داء دواءه السمسم او القمح....وكلام واجد والله ماله سنع ابد...
وحنا وش اللي دفعنا لكتابة هالموضوع...انه كثار مصدقين كلامها ويطبقونه...وفعلا مريم نور اشتهرت فترة قصيرة بسبب غموض كلامها...اللي اعجب به البعض جدا....واعتبره البعض الاخر هبال.....
فهل عندكم استعداد تطاوعون كلامها .....والا بتمشون على قاعدة (كل ماتشتهي والبس مايشتهون الناس)+ (محد ميت قبل يومه)
وتقبلوا منا خالص الشكر والتقدير
هاه بشروا جاز لكم البرنامج والالا تبون حلقات ثانية والا بتشفرونا حالنا حال السوادن واليمن

((شي ماشفتووه))


·* مالقينا موسيقى تصويريه ترى وحطينا لكم موسيقى الزير سالم عاد تخيلوا وانتم تقرون الموضوع ((هاااااهاااااااهااااااااااههههااااااااااا.....هههههاااااهاااااااااههههااااااا يقووول الزيـــر <<<<<خشوا جو ))
*ودكم تشوفون رقبة وحيد يوم لف عليه سلك المايك وبغى يفطس
*مريم نور بغت تنهبل يوم قرت توقيع فنيلة علاقي وقالت انها بتعطيع جائزة افضل توقيع صحي
نفس يرضيها مد شعير ** ياويش تزعلها له
لاحظ يافنيلة مهوب حبا فيك ترى الا بلا محطوط كلمة ((شعير))....مع انها قالت من زود التميلح اللي على غير سنع ان الـ((ياويش)) مهوب مفيد ابد للصحة...

*ترى بوقت الفواصل الاعلانية كنا نقشم حب ..الصراحة زينة عاد نقولها لكم والا تسمعونها من غيرنا

**كلمة اخيرة**
*شكر خاص جدا للاخ العزيز الساهرواللي قام مشكورا بتصميم التوقيع الاعلاني لهالموضوع..الله يعطيه العافيه..
*هذا البرنامج برعاية ام صالح لبيع الاجلة ..الفروع((هارفي نيكلز +اوشيقر))+
الخطابة ام سعود ..((اتصل نصل))


*للحصول على نسخة من هذا البرنامج يمدحون النسخ واللصق <====قراوا ترى

*يعطيكم العافية ..وتقبلوا منا نحن وحيد الجزيرة وبنية نجد اكبر واحلى تحية


*غيرت بنية نجد ملابسها 24 مرة والسبب انها متوترة بعض الشئ كونه اول ظهور تليفزيوني لها....أيـــــــــــــــــه وش علم القراوا
*وحيد الجزيرة تعهد بدفع تكاليف تعويضية لادارة المنتدى لانه مكبكب عصير واجد في الاستديوهات ....أيـــــــــه هين ان شفتوا شي ولاقرش
*وصلتنا دعوة من الخيالة يقول ثلاثتكم مالكم محل الا منتداي

ملاحظه:
الموضوع منقول من منتدى الاقلاع