السلام عليكم ورحمة الله وبركاته


..



..



..



أصدقائي صديقاتي .. الهلاليين والهلاليات ... مندسين ومندسات ...

طاقم الاشراف وإدارة الموقع الأفاضل


اعذروني مزكم وحالتي حالة وصوتي تقل صوت عبدالحليم حافظ ( ماوده يقول كنداسة مشقوقة )

لأني بصراحة توي طالعن من وعكة صحية <=== يمديكم على وعكة


بصراحة بما اني كنت غائب عن الوعي هالايام اللي راحت .. موب غايب عن الوعي بس مريض حيل

ولا حد أرسل لي ورد وزهر وقالي يابوساري سلامات سلامات سلامات يابوساري يابلديات <===





أقولكم ماكنت متوقع إن الأخبار عن باكيتا صدز .. وأنوه بيدرب المنتخب ...

طبعا كل أبوكم بيقول باكيتا ممتاز للهلال .. باكيتا خسارة ... باكيتا وباكيتا ... أبي أمي أبي أمي ألا فاحفظها ربي


بت .. Lakin


باكيتا مع احترامي الشديد لشعره الأشهب شوي و يضيع الهلال بأسلوبه الدفاعي بوجود اخطر مهاجمي الخليج ...

طبعا قبل لايطبون ببطني حقين خامس / ب ... بقول ويت أمينيت ..

على أي أساس تقول باكيتا خسارة ؟؟؟....

حقق خمس بطولات ... ؟

أقول لك حقق 4 بطولات فقط ...

البطولة الخامسة أعتقد الكسندر هو اللي حققها ...


باكيتا قاد الهلال لتحقيق مستويات كبيرة الموسم اللي راح ...

بس هالموسم باكيتا يمشي على بركة وموهبة لاعبي الهلال ...


بالله عليك ...

الدعيع والعتيبي وتفاريز وخليل والخثران والمفرج وعزيز والغنام والتمياط والشلهوب وكماتشو وسامي والعنبر والصويلح والغامدي والجمعان

تملك هالكوكبة من اللاعبين ... وتتوقع تخسر من فريق عادي ؟؟

خلونا نكون واقعيين شوي ..

باكيتا صار يلعب بأسلوب دفاعي بثلاث محاور ... ومهاجم واحد

يجامل لاعبين على حساب لاعبين ...

التغيير يطلع بعد طلعت الروح ... تحلف يدفع تغييرات من جيبه

الهلال قدم مستويات كبيرة بالطعشات هجرية <== ... بـ 4 4 2

اعتماد جميع المدربين على مهارات لاعبي الأطراف ... وسط ودفاع

وبوجود مهاجمين ( 2 مهاجم لغير الناطقين باللغة العربية ) بشكل دائم .. ولاعب خلف المهاجمين ...


خطة باكيتا للفريق اللي مافيه لاعب بارز ...


باكيتا رحمة انه ترك الهلال ... وأتمنى احضار بلاتشي لأن هالمدرب يقدر حجم الزعيم

ويعرف ان خصوم الزعيم هم فقط اللي يلعبون بخطة دفاعية وعلى الهجمات المرتدة

ويعرف ان اسم الزعيم يدب الرعب بقلوب المنافسين لذلك مايحتاج يلعب دفاع ...

يوردنيسكو شوفوا مستوياته مع الهلال ومع الاتحاد ...

لانه يعرف حجم النادي اللي يدربه ...


باكيتا تخبط مع بداية هالموسم ..

وماشفت نتيجة كبيرة للزعيم مع مستوى كبير الا بمباراة أبها ...

أبها صعب على أرضه وبين جمهوره ... صحيح فريق امكانياته صغيرة .. لكن الهلال قدم مستوى كبير

الهلال بعد باكيتا راح يكون قوة ضاربة .... من وجهة نظري ...

في حالة لعب الهلال بمهاجمين ولاعب خلف المهاجمين ...

بوجود هالامكانيات العالمية .. صدقوني الهلال بإذن الله راح يحقق بطولة آسيا

مع اني أرى إن الهلال بحاجة لجهد كبير ... وترميم صفوفه

كالظهير الأيمن باسلام الشاطر ... ومحمد بركات بديل لجيلسون اللي اعتبر الأصدار المطور لديسلفا



لذلك ...

باكيتا صفحة وطويناها وأتمنى احضار مدرب يعرف الملاعب الخليجية لاتجيبون مدرب يجرب علينا ..

أتمنى بلاتشي بصراحة .. ليته يجي مايصلح الا هو بالاسيوية .. ممتاز بلاتشي



شي أخير ... بقول شي لطالما قرقع في راسي كل أبو دايم ودي أقوله بس أهون

تذكروووووووون يوم أقول لكم ترى الجمعان يسوى مهاجمين أبو قرش حقينكم مهاجم مهاجم

وأنتم ماغير شتم .. وناس تطالب باحترافه بالنصر .. وناس تطالب بتنسيقه ...

الحين وينهم طويلين الألسن أصحاب النظرة الثاقبة

او بس بالهواش والسب والنقد اللي مثل وجيههم يطلعون دكاترة عندنا

اللاعب النادر والذهبي معروف مايحتاج ناس تقيمه .. هو يجبرك غصبن عليك تعترف به

لذلك مرة ثانية أخواني أصحاب النظرة الثاقبة أكرمنا بسكوتك ووفر نظراتك الثاقبة لعيال حارتكم لاصرتوا قاعدين تحت الماصورة اللي بجنب البقالة

واترك اللاعبين بحالهم




بالأخير كلمة أحب اوجهها لصديقيني الأعضاء

وقبل كل شي الأخلاق ياشباب <=== حس انه بيجيه بلى

وترى التفاهم ممتاز يمدحونه



تحياتي لكم

أبوساري - غراس

يسلمــــو على الموضوع


أما من ناحية باكيتــا فأنا معــاك والله معانا


هلااالي الماااسي ...

سلامتك ابو ساري فاقدك والله


لاكن حتى لو وش يصير باكيتا افضل من الكسندر لانه مدرب خبير

وكل كلامك صحيح

اخوي ابو ساري اتفق معك بأشياء كثيره اهمها القادم واستقدام بلاتشي لأنه الأنسب واتفق معك على الجمعان واختلف معك بأسلوب الطرح والأستهزاء بأراء الأعضاء بأسلوب لك عليه ..... وسامحني

لك وحشة يالغالي حمد لله على سلامتك وماتشوف شر على الوعكة التي ألّمت بك


بداية كل واحد له رأيه وانا ارى باكيتا حقق ماعجز عنه جميع المدربين الذين مروا على

الهلال ومن ضمنهم بلاتشي الذي حقق بطولاته على دفعتين اما باكيتا في سنة وحدة

ولو كنت ترى انه مااضاف للفريق فأنا اقولك قارن الفريق الموسم الماض والموسم الذي قبله

نفس اللاعبين مع اضافة عبداللطيف الغنام وبتعرف هل اضاف باكيتا للفريق ام لا ؟؟

انت تشوف انها جهود لاعبين وانا اقولك وين جهود اللاعبين الموسم قبل الماضي مهما كان

لانقدر اغفال مافعله باكيتا مع الفريق من تطوير . .


بالنسبة للهجوم هل تريد ان يهاجم الفريق ولايحقق البطولات ام تريده ان يدافع وفي المقابل نراه

حاصدا للبطولات ؟؟ اعتقد ان خيار البطولات افضل من خيار الهجوم وهو الذي اعتقد ان معظم الهلاليين

يوافقوني فيه . .


انت تقول الهلال فقد اللعب الهجومي وانه مافاز بنتائج كبيرة الا امام ابها وانا اقولك لو كل الفرق الي

بتقابل الهلال بتلعب بنفس طريقة ابها والاهلي سوف يلاقون مالاقاه الفريقان من امطار شباكهم بالاهداف

لابد ان تتذكر ان الفرق التي تقابلك تلعب بخطة 8 - 1 - 1 يعني دفاع في دفاع ويالله ناخذ منهم هدف

والحمد لله النتائج كانت رائعة فالفريق هذا الموسم فاز في الدور الاول في 7 مباريات وتعادل في

مبارتين وخسر مباراة وهذا ان دل على شئ يدل على ان الفريق مع باكيتا كان في الوضع السليم

وان شاء الله سيستمر هذا الابداع مع ألكسندر الذي اراه حاليا هو الاقرب للفريق من غيره فهو مع

اللاعبين منذ بداية الموسم ويعرفهم فردا فردا ويعرف امكاناتهم على عكس المدرب الجديد الذي

سيأتي فيبدأ بالتعرف على اللاعبين وهذا مماسيضر بالفريق خصوصا وانه في الصدارة حاليا

ومقبل على بطولة اسيوية وبطولة كأس ولي العهد لذلك ارى ان استمرار ألكسندر هو الافضل

في الوقت الحالي . .


بالنسبة لجيلسون فأنا ماادري على اي اساس العالم مو عاجبها جيلسون ؟؟ الفريق منذ مجئ

هذا اللاعب وهو متطور بداية من مباراة الوحدة وبعدها الاهلي وانا اراه من افضل من يطبق خطة

باكيتا 4 - 5 - 1 بحذافيرها كذلك هو متحرك يمينا تجده ويسارا تجده صاحب تسديدات مفاجئة

وقوية واضف الى ذلك محرزا في الاهداف لماذا نلغي عقده ؟؟ بركات لاعب قدير ولكن بمبلغه

نستطيع الاتيان من البرازيل ب 5 من طراز جيلسون وهذا هو الفرق . .


تحياتي وآسف على ازعاجك بكلامي هذا واكررها مرة اخرى الاختلاف في الرأي لايفسد للود

قضية



سلااااااااااااااااااااااااااااااااااااام

يعطيك العافيه كلااام سليم جداً
وبالتوفيق للزعيم

هلا وغلا بالعوده من ناحية والله فقدتك حتى اني رحت للملف الشخصي بشوف اخر تواجد
لكن باكيتا واليكسندر رائعان كلاهما اتمنا لاكسندر التوفيق وهو مبدع صراحه من مسابقة كاس الامير فيصل بن فهد

بلاتشي لاينفع الكل عارف وش صار بينه وبين سامي ايام عبدالله كوني اما باقي كلامك صحيح وماتشوف شر يابلديات

كلامك سليمـ خيو00
والجمعاان إنشاللهـ بيثبت بالهجوومـ، وبيمزّق الشباكـ00
واللــه يوفقـ بـ1كــيـتَــ1 مع الأخْـضًــرٍ00
مشكوٍوٍوٍرٍ عالموٍوٍضوٍوٍعــْ00

تصدق يوم قريت اسم الموضوع قلت اكيد مهمد نور الي كاتبه

سلامات من الوعكه الصحيه

كلامك صحيح بس اخالفك في المدرب

ثانكس

يا شباب كونوا واقعيين باكيتا من أفضل المدربين اللي مروا على الهلال مو عشان حقق خمس بطولات لكن عشان خططه الرائعة كم هدف دخل مرمى الهلال من اول مباراة له مع الفريق صح يلعب بخطة دفاعية بس مو زي وصفكم هو مؤمن الدفاع وتغييراته في محلها صحيح متأخرة لكنها تغير النتيجة شوفوا تشلسي مع مورينهو خسر مبارتين في الموسم السابق مع هذا الموسم وهو يلعب بخطة دفاعية ومهاجم واحد 4-5-1 بس انه يغيرها وقت الحاجة و باكيتا بالمثل وبصراحة خسرنا باكيتا
ومشكوووووووورييييييين

قبل كل شي شباب أنتم فهمتوني غلط قسم قسمات

أنا ماقلت باكيتا فاشل ...؟؟

واعترف ان من أفضل المدربين الموسم اللي راح ...

لكن اللي قلته مع بداية هالموسم ... كان الهلال تحت رحمة الفرق الصغيرة ...

ماقابل الا الأهلي والشباب

الأهلي كان حاله لايسر صديق ولا عدو ...

والشباب طلع بتعادل ...

اللي قصده تخبطات باكيتا .. هالموسم ...


عاد أرد عليكم


هلااالي الماااسي

تسلم لي ويسلم لي مرورك القميل يالمااسي ..

مشكلة بعض اللي ردوا للحين موب فاهمين وش قصدي ...!!!

لكن دامنا هلاليين نصلح يا ألماسي وزين انك فاهم


هلال 9 ساميو 9 هلال

هلا والله هلال ساميو ... والله لكم وحشة وربي

من ناحية أفضل .. للحين ماشفنا ألكسندر .. مع ان الخبرة مع باكيتا ...

بس زاجالو خبرته تفوقهم ... ليت كل شي بالخبرة
أتمنى التوفيق للزعيم بغض النظر عن المدرب ... بس أسلوب باكيتا هالموسم لازلت اقول انه متدني عن الموسم اللي راح

مشكور هلالي ساميو وألف مليون شكر على المرور ..


لاعب محور


هلا أخوي وسديقي لاعب محور ..

أول شي أخوي فعلا فيه أعضاء مثل ماقلت لك عندهم أسلوب ردود تقراها يرتفع ضغطك ...

طبعا تصفح المواضيع انت وبتشوف إن كلامي مداعبة بس

والغرض من كتابة الموضوع بهالطريقة إننا نكون أسدقاء .. <=-= مثل كذا

ومشكور لاعب محور على ردك وصدقني رايك على راسي وان شاء الله بحاول المرات الجاية أكون أفضل من كذا


عزوووزي

هلا والله عزوزي .. الشر مايجيك يالغلا ..

من ناحية باكيتا وتحقيقه للبطولات الموسم اللي راح .. أنا قلت إن باكيتا مدرب كبير

لكن هالموسم يتخبط ...

وين العنبر ؟؟ ... وين الصويلح ...؟؟ ... وين الجمعان ...؟؟ .. والتمياط ..؟؟ والموري ..؟؟ وذياب ...؟؟

كل هاللاعبين احتياط .. ليه ..؟؟ ..

يعني لاعبين بهالمهارات والأمكانيات .. يعجز مدرب كبير وعالمي إنه يستغلها بتشكيل غير 4 - 5 - 1 اللي تعتمد على ثلاث محاور ؟

باكيتا الموسم اللي راح قدم مستويات خرافية مع الهلال .... لكن هالموسم كثير اللي انتقدوه ..

هذا قصدي ..

بالنسبة لجيسلون ..

جيسلون لاعب يمشي الحال ... لكن إذا تبي تنافس على كاس آسيا يلزمك لاعبين أجانب بمعنى الكلمة ..

وجيلسون ماتوقع لاعب تحمل عليه آمالك كمشجع ..

مشكور عزوزي على مرورك ورأيك ... والحوار يقرب وجهات النظر




وردة الهـلال

والله دام الدعوى وصلت للحدسات ماقول شي

قسم قسمات بقولك شي .. أنا ماقلت باكيتا فاشل ...

أنا قلت باكيتا أول ماجاء للهلال قدم مستويات منتازة .. بس مشكلته هالسنة صار يقشر بصل

واذا على الشعر الناعم انصح باكيتا بزيت دابر عشان يغطي على الكسندر

وانا اقول نخلي الكسندر مساعد مدرب .. ونجيب مدرب على سبيل المثال بلاتشي لأن له خبرة بالخليج وبالهلال

مشكورة على المرور القميل ... ونبي رأي أهل الكوفة ضروري



هلالي...حتى المووووت

يعطيك العافية على المرور ...

ماقصرت



اموت بحبك يالزعيم

هلا بك والله أموت بحبك .. مشكور أخوي على تذكرك لي

أنا أتمنى وضع ألكسندر مساعد للمدرب الجديد لأنه على دراية بمستويات اللاعبين

ماتوقع ان الكسندر يملك خبرة تخليه يقود الفريق ..

عالعموم بالتوفيق للزعيم مع الكسندر ومع غيره ..

ألف شكر أموت على مرورك ...




بركان ثائر

تسلم الشر مايجيك ياسديقي ...

والكلام اللي صار بين سامي وبلاتشي أذكر كل واحد اعتذر ..

عالموم موب شرط بلاتشي لكن اقترحت بلاتشي لأنه يعرف الهلال ويعرف الخليج ...

وبيفيد الهلال بالآسيوية أكثر من أي مدرب عالمي غيره

مشكور بركان عالمرور



الكوماندوزالهلالي

ان شاء الله الجمعان في المونديال بإذن الله يستاهل والله أبوعابد ...

وبالتوفيق للأخضر وللهلال ...

مشكور الكوماندوز على المرور



بلو هارت

الله يسامحك أجل محمد نور

الله يسلمك ان شاء الله ..

مشكور بلو على المرور وماقصرت



الـمـسـتـبـد ..

المستبد أنا وضحت أول الرد .. وعلى كم عضو اني ماجردت باكيتا من قدراته أبدا

اللي قلته ان قدم مستوى خرافي مع الزعيم الموسم اللي راح ..

والموسم هذا بدأ يخربط ... مستقعد لنواف وراكن العنبر والصويلح جنبه ...

المواهب اللي طلعت بكاس الامير فيصل ماشفنا ولا واحد بالدوري ... ولا احتياط

وين ذياب ومضواح ومازن الفرج ؟؟

يلعب بمهاجم واحد وبثلاث محاور ...

صارت مراقبة هالمهاجم سهلة ..

مع ان هذا اسلوبه الموسم اللي راح بس الفرق ان سامي كان يلعب السنة اللي راحت مع الفريق وهذي بحد ذاته قوة

مشكور أخوي المستبد على المرور ...




شكرن على مروركم كل أبوكم

أبوساري

يسلمووو على الموضوع.

كلك ذوق ... يابوساري