السلام عليكم ورحمة الله وبركاته


..



..



..



أصدقائي صديقاتي .. الهلاليين والهلاليات ... مندسين ومندسات ...

طاقم الاشراف وإدارة الموقع الأفاضل


اعذروني مزكم وحالتي حالة وصوتي تقل صوت عبدالحليم حافظ ( ماوده يقول كنداسة مشقوقة )

لأني بصراحة توي طالعن من وعكة صحية <=== يمديكم على وعكة


بصراحة بما اني كنت غائب عن الوعي هالايام اللي راحت .. موب غايب عن الوعي بس مريض حيل

ولا حد أرسل لي ورد وزهر وقالي يابوساري سلامات سلامات سلامات يابوساري يابلديات <===





أقولكم ماكنت متوقع إن الأخبار عن باكيتا صدز .. وأنوه بيدرب المنتخب ...

طبعا كل أبوكم بيقول باكيتا ممتاز للهلال .. باكيتا خسارة ... باكيتا وباكيتا ... أبي أمي أبي أمي ألا فاحفظها ربي


بت .. Lakin


باكيتا مع احترامي الشديد لشعره الأشهب شوي و يضيع الهلال بأسلوبه الدفاعي بوجود اخطر مهاجمي الخليج ...

طبعا قبل لايطبون ببطني حقين خامس / ب ... بقول ويت أمينيت ..

على أي أساس تقول باكيتا خسارة ؟؟؟....

حقق خمس بطولات ... ؟

أقول لك حقق 4 بطولات فقط ...

البطولة الخامسة أعتقد الكسندر هو اللي حققها ...


باكيتا قاد الهلال لتحقيق مستويات كبيرة الموسم اللي راح ...

بس هالموسم باكيتا يمشي على بركة وموهبة لاعبي الهلال ...


بالله عليك ...

الدعيع والعتيبي وتفاريز وخليل والخثران والمفرج وعزيز والغنام والتمياط والشلهوب وكماتشو وسامي والعنبر والصويلح والغامدي والجمعان

تملك هالكوكبة من اللاعبين ... وتتوقع تخسر من فريق عادي ؟؟

خلونا نكون واقعيين شوي ..

باكيتا صار يلعب بأسلوب دفاعي بثلاث محاور ... ومهاجم واحد

يجامل لاعبين على حساب لاعبين ...

التغيير يطلع بعد طلعت الروح ... تحلف يدفع تغييرات من جيبه

الهلال قدم مستويات كبيرة بالطعشات هجرية <== ... بـ 4 4 2

اعتماد جميع المدربين على مهارات لاعبي الأطراف ... وسط ودفاع

وبوجود مهاجمين ( 2 مهاجم لغير الناطقين باللغة العربية ) بشكل دائم .. ولاعب خلف المهاجمين ...


خطة باكيتا للفريق اللي مافيه لاعب بارز ...


باكيتا رحمة انه ترك الهلال ... وأتمنى احضار بلاتشي لأن هالمدرب يقدر حجم الزعيم

ويعرف ان خصوم الزعيم هم فقط اللي يلعبون بخطة دفاعية وعلى الهجمات المرتدة

ويعرف ان اسم الزعيم يدب الرعب بقلوب المنافسين لذلك مايحتاج يلعب دفاع ...

يوردنيسكو شوفوا مستوياته مع الهلال ومع الاتحاد ...

لانه يعرف حجم النادي اللي يدربه ...


باكيتا تخبط مع بداية هالموسم ..

وماشفت نتيجة كبيرة للزعيم مع مستوى كبير الا بمباراة أبها ...

أبها صعب على أرضه وبين جمهوره ... صحيح فريق امكانياته صغيرة .. لكن الهلال قدم مستوى كبير

الهلال بعد باكيتا راح يكون قوة ضاربة .... من وجهة نظري ...

في حالة لعب الهلال بمهاجمين ولاعب خلف المهاجمين ...

بوجود هالامكانيات العالمية .. صدقوني الهلال بإذن الله راح يحقق بطولة آسيا

مع اني أرى إن الهلال بحاجة لجهد كبير ... وترميم صفوفه

كالظهير الأيمن باسلام الشاطر ... ومحمد بركات بديل لجيلسون اللي اعتبر الأصدار المطور لديسلفا



لذلك ...

باكيتا صفحة وطويناها وأتمنى احضار مدرب يعرف الملاعب الخليجية لاتجيبون مدرب يجرب علينا ..

أتمنى بلاتشي بصراحة .. ليته يجي مايصلح الا هو بالاسيوية .. ممتاز بلاتشي



شي أخير ... بقول شي لطالما قرقع في راسي كل أبو دايم ودي أقوله بس أهون

تذكروووووووون يوم أقول لكم ترى الجمعان يسوى مهاجمين أبو قرش حقينكم مهاجم مهاجم

وأنتم ماغير شتم .. وناس تطالب باحترافه بالنصر .. وناس تطالب بتنسيقه ...

الحين وينهم طويلين الألسن أصحاب النظرة الثاقبة

او بس بالهواش والسب والنقد اللي مثل وجيههم يطلعون دكاترة عندنا

اللاعب النادر والذهبي معروف مايحتاج ناس تقيمه .. هو يجبرك غصبن عليك تعترف به

لذلك مرة ثانية أخواني أصحاب النظرة الثاقبة أكرمنا بسكوتك ووفر نظراتك الثاقبة لعيال حارتكم لاصرتوا قاعدين تحت الماصورة اللي بجنب البقالة

واترك اللاعبين بحالهم




بالأخير كلمة أحب اوجهها لصديقيني الأعضاء

وقبل كل شي الأخلاق ياشباب <=== حس انه بيجيه بلى

وترى التفاهم ممتاز يمدحونه



تحياتي لكم

أبوساري - غراس