واخزيـــــــــــــــــــــــــــــــــــــــــــــــــاه - نادي الهلال السعودي - شبكة الزعيم

هلالي الظهران · #1 18/12/2005, 12:46 AM

السلام عليكم ورحمة الله وبركاته

الله لا يمسيكم ولا يصبحكم الا بكل خير

[ انتريهات ]

تهورت وانا اخوكم وقررت اكتب موضوع:p وتزاحمت المقدمات في بالي وماعرفت ايهم اختار

..

مره اقول.. ابصير رومنصي واكتب الكلام اللي دايم معجب فيه واحسه ما ينكتب الا في مذكرات البنات

.. خذوا عينه من هالكلام الكبير

..

اعزائي رواد المجلس

مساؤكم رائع وجمــــال..

يكفيني انا اضع سطري بين سطوركم ليكمل مسيره رحله قلمي.. وردي..
فانتم قادرين على احتواء التميز كــاملا..

متابعتكم وتشجيعكم بنكهه الابداع تحتضنها مشاعركم قبل اقلامكم..

^
^
اخق بصراحه مع الكلام الكبير مع اني ما ادري مين اللي اخترعه

..

ومره ثانيه اقول.. خلني ادخل عليهم بمقدمه اكبر فيها روسهم

وامدحهم هم ومجلسهم<< طلع منها

واسوي خبطة الموسم

.. بالله عليكم شوفوا ما مدحتكم

..

وااقف على بابكم ولهان ومسير ××× اسال عن اللي سال محبوبي الصغير

يومين مروا علي سنتين لو اكثر××× ماقدرت يا منيتي عن شوفكم اصبر

هذا النصيب انكتب احبه انا صغيرون ×××يحبني لكن هله يخاف لا يدرون

^
^
ركزوا بالسطرين الاوله وماعليكم بالسطر الاخير كتبته لزوم انهاء الكسرة ودقة العود ومن باب حفظ الحقوق الادبيه للشاعر

..وحبه فوق وحبه تحت

..

ومره ثالثه .. قلت بما اننا على ابواب اختبارات ومذاكره قلت اعطيهم سالفه تشد من ازرهم وتساعدهم على التفوق

..

جدتي الله يطول بعمرها قررت قبل عشرين سنه تقريبا انها تدخل محو الاميه حتى تتعلم وكانت توها شابه في الاربعينيات

.. المهم مرت السنين الى ان وصلت سادس ابتدائي واصبحت على ابواب الشهاده الاعداديه

.. وطلعت النتايج

..

جدتي راحت تستلم النتيجه وجدي وعيالها ينتظرون النتيجة بشغف

..

دخلت عليهم جدتي والابتسامه مقطعه وجهها من الفرحه

وتقول باركولي نجحت واخذت الاعداديه وازيدكم من الشعر البيت ماخذه التاسعه على العجاوز اللي بالفصل

..

طبعا باركولها وفرحوا معها

.. وفي لحظة نشوه فاجأها جدي بسؤال كم عدد الطالبات في الفصل .. جاوبت جدتي وبتشدق عشرة

..

الى اليوم وجدي الله يقلع ابليسه ماسك السالفة على جدتي

وكل مايبي يستفزها ذكرها فيها

الزبده من القصه.. ذاكروا انت وياها زين واحفظوا كوتاب الله

وبلاش شغل التزوير والنصب على اهاليكم

..

وبعد الحيره والتفكيره والوسوسه قررت اني اترك المداخيل السابقه وادخل مع الباب الرئيسي

..

[مدخل]

في موضوعين سابقين عطيتكم موقفين صاروا معي:p واليوم ابعطيكم موقف جديد صار معي انا وخويي الوسيم ابو عجب اليوم في سوق الراشد

..

يالله انت وياها سووا دائره كبيره وركزوا زين الدعوه فيها ترقيم ومن اللي الزي منو

..

واخزيــــــاه

الساعه الرابعه عصرا وانا اخذ قيلولتي << امحق قيلولة من الساعه 12

.. رن هاتفي المحمول النقال (لابارك الله في دريم

) وصحاني من احلى حلم

.. قفلت الاخلاق طبعا رديت بدون ما اشوف من المتصل .. عادها عيوني ما اشتغلت لان الغرفه ظلام

.. رديت وانا ناوي شر واابي العن ابو سادس اللي اتصل..

المتصل: الو مرحبا..

انا: نعم ..خير من انت

..

المتصل: افا والله حتى رقمي مسحته من عندك .. عموما شخبارك وعسى ما ازعجتك..

انا: لحظه لحظه اخوي .. طبعا بعد ماحسيت اني بجيح

.. هلا والله عبدالهادي (ابو عجب) اعذرني ابو عجب والله بس كنت نايم:p ..

المتصل( عبدالهادي ): عسى ما ازعجتك وصحيتك من نومك

..

انا: ابد والله .. بس لو انك قدامي كان اعلقك بالمروحه وانغزها على رقم واحد

..

كلام مشفر

..

عبدالهادي: والله يابو عبدالرحمن (احم ;) ) من زمان عنك وابي اطلع انا وياك للراشد..

قبل لا اقولكم ردي ناخذ فاصل لاني باعطيكم نبذه عن عبدالهادي..اللي يبي يطير شراب

عنده متسع من الوقت ..واللي ماعنده دي اس إل يقطع الاتصال عشان لاتوصل فاتورته الحد الائتماني

..

ابو عجب زميل عرفته من السنه الدراسيه الاولى بالجامعه.. انسان خلوق لابعد الحدود .. ماعنده من شغل الخمبقه..لديه روح الدعابه وصاحب ظل خفيف.. فتيت كوره درجه اولى .. واللي يهمنا في السالفه انه ماشاء الله يطيح الطير من السما من وسامته

..

عدنا

..

انا: ابشر ان شاء الله الوعد الساعه ثمانيه..

بصراحه انا انحرجت من الرجال كم مره اتصل واعتذرت واليوم ما كان عندي شي والا لو علي ما عتبت الراشد

.. ع فكره اخر مره دخلت الراشد الصيف قبل الماضي برغبتي والاسبوع قبل الماضي يوم جونا لاعبين الفريق الاولمبي ومشيناهم بالراشد..

الحين هدوووووووء وتركيز ..جينا للعلوم السنعه

..

دخلت انا وابو عجب الراشد بدينا في الدور الارضي لان الرجال ناوي يشتريله كم بنطلون على كم تيشيرت على كم بلوفر ومحدثكم ناوي يطقله جزمه- يكرم السامعين- وهالمحلات اغلبها بالدور الارضي..

السوق ماكان مزحوم لانه يوم السبت لكن فيه عدد لا بأس به من الشباب والشابات

.. وفي احد المحلات كان ابو عجب منهمك في البحث بين الملابس وياخذ رايي.. وهو يقلب بين الملابس الا تجي عينه بعين وحده .. هالوحده ريحة العطر صاكه سبع كيلو قدامها وطاقه ذيك اللثمه والعبايه المخصره نسال الله السلامه.. ابو عجب ياحبي له نزل عينه من الحيا لكن هالوحده عيت تشيل عيونها وقامت تتفحصه من فوق الى تحت وتعطيه من ذيك النظرات

.. ومن هنا بدا الحماس

..

من زود احراجه الولد سحبني وطلعنا من المحل.. الى هنا والوضع عادي والولد متعود على هالنظرات

..

فاصل اخر..

تخيلوا ان فيه دعاية احسن عشان اخشن

حتى لايجيني واحد ماشي سنكليون ويقول انت فيك ومافيك.. انا شاب وبين قوسين سعودي

.. وكلنا يعرف بحركات الترقيم والمغازل;) .. انا ما ادعي الصلاح ولكن اروي لكم ماحدث..

عدنا

طلعنا من المحل ورحنا لمحل ثاني وفي تفكيرنا ان النظرات عابره ولكن .. وجدنا نفس البنت خلفنا في المحل وتناظر ابو عجب بنفس النظرات

.. رحنا للمحل المجاور وهالادميه ورانا

.. صرنا زي توم وجيري

من مكان لمكان ومن محل لمحل وهي ورانا

..

ابو عجب يقولي وشفيها هذي تلاحقنا وشوي وتاكلني بعيونها.. قلتله وانا واثق وملئ وجهي ابتسامه ياخي عطها الرقم ودعها تذهب الى الجحيم وفكنا من شرها

.. قالي انهبلت انت هذا الناقص والله

.. في نفسي اقول ياخي اذا ماتبيها حولها علي

..

المهم..بنت الذين ماخلتنا نشتري شي وقلنا خلنا نطلع الدور الثالث نتعشى ثمن نطلع

..

طلعنا من الدرج وتركنا السلم الكهربائي على بالنا اننا ذيابه ونبي نضيعها

.. بدينا نلف على المحلات في الدور الثالث ونسيناها ..معروف ان الراشد ممراته ودهاليسه كثيره..

شريت معطر جسم من واحد من المحلات وطلعنا من المحل وانا اعطيه عبدالهادي يشمه.. والا هالادميه في وجهنا

.. انا وعبدالهادي وهي في ممر من ممرات الراشد لحالنا

.. طلعت جوالها المزود بكاميره وقامت تقلبه .. يعني افهم ياحمار انت وياها وهاتوا الرقم:p ..

عبدالهادي احس انه قفلت معه

وقام يخزها بعينه ومحدثكم في عالم ثاااااااااااااني

..

فجأه وبدون مقدمات..

قربت مننا وقالت لعبدالهادي ممكن جوالك لحظه

..والله الذي لا اله الا هو هذا اللي صار.. بصراحه ماني عارف اوصف لكم الموقف في هاللحظه .. عبدالهادي وفي لحظة انعدام للجاذبيه(يعني فهاوه

) عطاها الجوال.. دقت على رقمها من جوال عبدالهادي وعطته الجوال ومشت

..

عبدالهادي من هول الصدمه يقول.. ثكلتني امي ويحي البنت رقمتني ..وانا من زود الفهاوه صاير اقرا الرقم والجوال ماسكه بالمقلوب

..

تعشينا وطلعنا من السوق والى توقيت كتابة هذه الاسطر وانا مو مصدق اللي صار!!!

الى هالدرجه وصلت البجاحه والجرأه!!!

ما اقول الا ياخزيــــــــــــــــــــــــــــــــــــــــــــــــــــــاه!!!

ابي كل واحد يعطيني رايه بهالموقف الحلو البايخ

وعلى فكره ما ادري وش صار على ابو عجب وخويته

ومن الحين اقولها ماني معرف احد على ابو عجب

..

ليش؟؟

هذا واحد طاقتن عنده الغيره من بعض الناس ويبي يسأل ليش؟؟

1- ليش الأم يوم تاكل ولدها ولا يهون الاب لازم يغصبونه يكمل الصحن كله حتى ولو شبع

واذا طلع الاكل بعدها ياخذله ذيك العلقه المحترمه

.. صوره مع النيجاتيف لكل أم تكرر هذا الموقف يوميا

..

2- ليش حنا اذا جينا نبي ننام الواحد يحس كذا ان عيونه تتصكر

؟؟

[مخرج]

تعددت المداخيل في البدايه لكن المخرج واحد ومافي غيره;) ..

اسمحوا لي يكون المخرج عن شخص علاقتي فيه كانت قويه جدا, وبعدها تركني نهائيا وبصورة مفاجأه ,وبعد فتره من الزمن رجعلي مره ثانيه ويسالني عن اخباري !! اهديه الابيات التالية..

وش أخباري؟؟ وش أخباري؟؟!!

وش اللي جابني على البال .. وش الطاري !!

من اللي شاغل اللي شاغلك عني؟!

عسى ماشر وش خلاك تذكرني؟!

بعد ما اعتدت هجراني ليه تجدد أحزاني!!

بعدها تروح وتنساني وترجعلي في عمر ثاني!!

تسألني عن اخباري.. وش أخباري؟؟

ابد على حطة يدك ان كان هذا يسعدك!!

ماشي تغير للاسف لليوم كلي في دبرتك!!

صدقني لو كان بيدي انا تركتك من زمان!!

تسالني وش اللي حدني شلي جبرني على الهوان!!

اللي جبرني اني احبك .. اللي خذاني مني حبك!!

رجعني ليك ارجوك ارجوك حلفت بربك!!

وش اخباري.. هذي اخباري لكن باسئلك بالله وش الطاري؟؟

من اللي شاغل اللي شاغلك عني؟!

عسى ماشر وش خلاك تذكرني؟!

بعد ما اعتدت هجراني ليه تجدد أحزاني!!

بعدها تروح وتنساني وترجعلي في عمر ثاني!!

تسألني عن اخباري.. وش أخباري؟؟

[قفلة]

لا تنظر الى الناس من قمة الجبل فتراهم صغارا ويرونك صغيرا!!

abu_riman · #2 18/12/2005, 01:13 AM

هلالي الظهران المبدع دوماً ..

لا أعلم على أي الأجزاء أعلق فكلها تستحق تعليقاً أفضل من تعليقي مهما كان ..
بدايتك المرحة أم نهايتك المرهفة أم قفلتك الملهمة ؟!

هلالي دعني أتجاوز الآن فلا شك أن المشاركة سيزداد بريقها بحضور البقية و لعل لي عودة ..
دمت كما أحببناك ..

وردة الهـلال · #3 18/12/2005, 04:18 AM

أهب عليك ياللوقي

مواقف نتمنى الا نعيشها .. و لا يعيشها احبابنا .. لأن فيها جرح للذوق العام و للمشاعر ...

فما أصعب أن تجد الخطأ يرتكب أمامك و بكل بجاحة .. حتى لتظنه الصواب ..!!

وين ما القى هالموضوع راح ارد عليه .. حتى لو القاه في قناة السودان الوطنية

من جد مميز .. عاد ما لك بالطويلة ,, تحياتي

تيماوي · #4 18/12/2005, 06:16 AM

@ عضو مميز لا بد ان يكون له نصيب من التميز عندما يكتب فـيبدع .

@ لم اجد رداً احسن من تثبيت الموضوع ...;) فليكن بمثابة العذر منك .

@ يعطيك الف عافية .

Inter Mania · #5 18/12/2005, 06:17 AM

مشكور وانت ووجهك ماتتعب من الكتابه
انا تعبت انا واقرا
ماشاء الله

تغريد · #6 18/12/2005, 11:21 AM

من جــــــــــد واخزياااااااااااااااااه

بنات اخر زمن مايستحون

قوة وووجه

بس ابو عجب غلطان >> تمون:p

يعني لو مفشلها ولا قايلها انقلعي

خخخخخخخخخخخ
جزاءا لها وردعا لامثالها

نجي للـــليش

إقتباس


	1- ليش الأم يوم تاكل ولدها ولا يهون الاب لازم يغصبونه يكمل الصحن كله حتى ولو شبع واذا طلع الاكل بعدها ياخذله ذيك العلقه المحترمه .. صوره مع النيجاتيف لكل أم تكرر هذا الموقف يوميا ..

يقلبي عليها مسكينه تبغاه يصير دبدوب ومكلبز

هذي جزاتها

:p

إقتباس


	2- ليش حنا اذا جينا نبي ننام الواحد يحس كذا ان عيونه تتصكر ؟؟

من جد؟
طب انا ليش العكس
اذا جيت انام احس عيوني تنفتح
خخخخخخخخخ

حيالله هلالي الظهران

>>>نسيت فقرات موضوعك من كثر المداخل مشاءالله ضعت

سلملي على جدتك يحليلها بس

وبالتوفيق لك ولكل الطلاب في الاختبارات........

دبــل كيــك · #7 18/12/2005, 02:23 PM

وعـلـيـكـم الـسـلاااام .. ورحـمـتن مـن اللـه وبـركـاااتــه ..

والـلـه لااا يصبـحـك إلا بالـنـوور .. والرضـااا .. والـسـرووور ...

تـلقـااائيـاً ...أصـبـح سـهـم الـمـاااوس ...يـسـتـهـوي الـتـبـنـيــط عـلـى أيـقـووونـة إرسـااال الـرد ... ولااا ينـلاااام ..!!

بـهـذلتنـااا بـذي التـحـويـلاااات والصبـااات قـبـل المـدخـل ..ذكـرتنـي بـمـداااخـل الـدمـااام .. صـاااروا يـتـفـنـووون حتـى بالتحـويـلاااات .. يحطـوون لهـاا عيـووون قـطط .. ويخططـوونهـااا باصـفـر ...اووول مـرة اشـووف مـحـطـة تـحـت الإنشــاااء صـووب تحـوويلـة (قـويـة ذي

) ...اقـووول .. مـع فـااارق التشبيــه .. تحـويـلاااتـك خفيفــة .. ظـريـفــة .. بـس لـحـظـااات هـلاااالي الـظـهـرااان .. اقـرااا معـي العبـااارة ذي ..
v
v
v

إقتباس


	اعزائي رواد المجلس مساؤكم رائع وجمــــال.. يكفيني انا اضع سطري بين سطوركم ليكمل مسيره رحله قلمي.. وردي.. فانتم قادرين على احتواء التميز كــاملا.. متابعتكم وتشجيعكم بنكهه الابداع تحتضنها مشاعركم قبل اقلامكم..

رواااد .. احتـوااء .. نكـهـة الإبـدااع .. تحـتضنـهـااا .. ياهـوووه ...
بـسـك يـااهـلاااالي الـظـهـرااان .. اتـكـرفـس .. انـااا عـلـى ذي المـفـرداات ..
انـااا الحـيـن ابصـمـلـك ... وأقـرّ وأعـتـرف منتـب هيــن يـافـااارووق شــووشـة .. :p

إقتباس


	وااقف على بابكم ولهان ومسير ××× اسال عن اللي سال محبوبي الصغير يومين مروا علي سنتين لو اكثر××× ماقدرت يا منيتي عن شوفكم اصبر هذا النصيب انكتب احبه انا صغيرون ×××يحبني لكن هله يخاف لا يدرون

حـسـبـك .. حسـبـك .. ياهـلاااالـي الـظهـرااان .. ذكـرتنـي بأبـوسـااامـي .. عـبـداللـه الســااالـم ... وذكـرتنـي بالأيــااام (اخــوااان أمـي) ... لا عـااادهـاااا اللـه إلااا بكـل خـيــر ..

عـلـى طـاااري جــدتـك

.. مـن جــد وجــد .. ومـن ســااار عـلـى الـدرب وصـل .. وجـدتـك تهـووون .. انـااا جـدتـي نجـحـت مـن صـف اوول .. لصـف ثـاااني .. وتهـاااوشـت مـع الأبـلـه .. ورجعـت لمدرستـهـااا اللي بـصـف اول .. يـااجـدة .. تكـفيـن .. رووحي صـف ثـااني .. تستـفيـديـن .. تتعلـمـيـن قـرآآآن زيـااادة عـن اللي تعـلمتيـه .. يااا بـنـت الـحـلاااال .. يميـن .. شمــااال .. بــدل .. غـيــر .. ابــد .. للـه للـه .. وقـعـدت سنـتـيـن بصـف اول .. وانتـهـى مشـواارهـااا الحـااافـل بالعـطـاااء بعنـااااد وتجيـيــم ...

إقتباس


	وبعد الحيره والتفكيره والوسوسه قررت اني اترك المداخيل السابقه وادخل مع الباب الرئيسي

الـلـه يهـداااك .. كـل السـوااالـف ذي ولااا دخـلـت بـالـمـوضـوووع .. كـل ذي الـهـجـوولـة وتـووك تـدرررعـم .. هـلاااالـي الظـهـرااان .. بـينـي وبينـك .. غـيـّـر الـصـنـف ..!!

تـحـيـاااتـي .. وســلاااامـي .. لابـووعـجـب .. الـمـطـنـوووخ .. أمـااا رأيـي حيـاال هـذااا الـمـصفـط ...
سـبحـااان اللـه .. تـلااااقـي اللـي وجـهـه خيشــة .. وحـزاات تـحـس اللي محـل الخشـم ركبــة .. انـواااع التميـلـح .. والتمـيـر بهـاا الأســواااق ... سبـحـاااانـه .. يـاااخـذ ويـعـطـي ..

صـدقـت والـلـه يـاااهـلاااالـي الـظهـرااان .. واااخـزيـاااه .. عـلـى هيـك بنـااات .. مـاااتـواا الـحـريــم ..

الـسـااالفـة ذي .. هـذا وانـت مـع ابـوعجـب .. اجـل لــحـااالـه وش يـصـيــر ؟؟!! علــوووم ..!!
واللـه يستـر .. بـكـرة وابوعـجـب يـهـووجـس لحـااالـه .. يمكـن تـلااااقـي بـاااص البنـااات الأصـفـر يحـده .. وعـلـى الـرصيـف المـرتفــع :p .. عـاااد مـن يـفـكـه حـزتهـااا ..؟

نـعـرّّّج عـلـى اللشـلشـة ..

إقتباس


	ليش الأم يوم تاكل ولدها ولا يهون الاب لازم يغصبونه يكمل الصحن كله حتى ولو شبع واذا طلع الاكل بعدها ياخذله ذيك العلقه المحترمه .. صوره مع النيجاتيف لكل أم تكرر هذا الموقف يوميا ..

وصــوورة مـع النيـجـاااتيـف .. لـكـل ضـفـااائـر مخيـخـاااتـك المسـبـكــة ...!!

إقتباس


	2- ليش حنا اذا جينا نبي ننام الواحد يحس كذا ان عيونه تتصكر

يـااااللــه .. سـبـحــااان اللـه .. عيــووونـه تـتـصـكـر مــرة وحــدة ..!!

أجــل تـبيــه ينـااام وهــو مـبـحـّــر ..؟؟

مخـرج الـظـهـرااان ...

وهنـااا صـحصـح اللـه لســااانـك ..

عـلـى هـذه القصـيـدة المـعـبــررررة ...

بمـااا انـك صـدمـت مـن خـوويــك .. وفـااضت قريـحـتـك بهـذه الأبيـااات ..

خـذهـاا مـني نصيحـة .. وهـي قـووول الشــاااعـر :
فـل الحـجـااج وخـل عـنـك التفـاااكيـر .. كلـن يمـووت وحـاااجتـه ماقضـااهـااا ..

المـقصـووود .. لااا تـدقق .. ووسـع صـدرك .. ومـن البـدااايــة .. حـدد خـويــك .. ولا تـأمٍّـل !!

وإن كـااان الـعـيـش والـمـلـح هـو اللـي يحـز بالخــااااطــر .. بـس مـن تغـلـى تخـلـى ..

قفـلـتـك .. احكمتـهـااا بـزرفــااال ...

خـتــااامــاً ..

هــلاااالـي الظـهـراان ..

اتـحـفــتـنـااا .. وأبـهـرتنـااا ..

بـمـدخـــل .. ومـخــرج ... وقفــلـــة ...

تـتـنـاااطــح ... لـتـنثـر إبـــداعـاً ... وجمـالاً ....

لـك مـن التحيــااات فااائقـهـااا .. أخــووك // دبــل كيــك ..

Mr.GoaL · #8 18/12/2005, 02:36 PM

هذه علامات اخر الزمان
لا اعلم ماذا اقول الا كما قلت انت واخــــــــــــــــــــــــــــزياه

تحياتي لك

صدى الامس · #9 18/12/2005, 03:05 PM

[align=center]

هلا هلالي الظهران

..

[[ مقدمة ]]

قبل كل شئ أرحب بقلمك المعطر بـ رائحة الحب والتقدير .. وأهلا بك بين اخوانك وبين محبيك في هذا المجلس العامر .. وها نحن في وقفة مع قلمك وإبداعك .. ها نحن نقف مع قلم طالما أبدعنا وأمتعنا .. قلم طال إنتظارنا لـ حروفه ..

[[ فاصل ]]

قسم بالله تعبت ومفروض أعتزل عقب هـ المقدمة انت وخشتك

..

[[ مقدمة 2

]]

ايه اقول هلا بك انت وهـ الخشة اللي تقطر عسل<< كثر منها عسل

.. يا الشين

!!
<<< طراه ان البنت خقت مع خويك وسحبت عليك

[[ مقدمة 3 ]]

أهلا هلا بك يا بعد كل ملي .. يا أغلى من الغالي يا روح روحي ..

يفز لك قلبي وأرحب وأهلي .. نسيت الباقي يا الظهران الهلالي

..

[[ خطمه ]]

وبما أن جدتك نجحت عساكم صلحتوا لها بارتي بمناسبة النجاح

يقولون جايبين حنيني

ومرقوق

..

[[ مصارحه ]]

والله يا أنت تسمع بالمقدمات

!!

[[ واخزياااااااااااااااه

]]

يا بعدي هالمواقف كثير تحصلي

بما اني شاب حلو وكلي ملح وقبله دايم اعاني من هالنوعية من البنات وغيرها

.. حتى آخر شئ صرت ما أروح لأي محل في بنات وإلا حريم .. ما ودي أعلق بنات الناس ولا ودي أخرب بيوت

.. حتى ملابسي صرت أشتريها من النت

<< يا كبرها

..
بعدين يا خلفهم أنت أول مره تشوف هالشئ لأنك شين ما قد أحد خق معك

[[ أعذرني هذي الحقيقة

]] بس اللي مثلي يعانون منها كثير

..
ياخي مهوب ذنبي أن ربي خلقني حلو وزين

(( صورة وجه مستحي )) .. ولو بكتب مثلك كل ما صارت سالفه لي تسان امتلى المنتدى كله مواضيع من هالنمونة

..

<< الله من التسذب

[[ الزبدة ]]

زبدة لورباك

لا جد تراك غثيتنا كل شوي تكذب علينا وتجيب لنا قصص من رأسك

!!
هالمرة نبي نمشيها لك عشان بطل السالفة خويك مهوب انت بس ان كررتها بخلي أذانك وأذاني 4

!!

[[ قفلة ]]

لا تقول ليش مره ثانية لأن لشلشتك مثل وجهك

!!

ياخي وش لك شغل خلهم يلزمون على ولدهم لين يخلص الأكل هو ولدهم وإلا ولدك

!!

[[ مخرج 13

]]

ماانساك لو يمشون حولي عيالي ×× ببقى اذكرك لو راحت سنين وسنين

[/align]

الهلالي- ابوسارة · #10 18/12/2005, 04:34 PM

في قراءة نقدية أولية مبدئية اتضح لي الآتي :

أن خويّك وسيم والبنت خزّت ام مرسوله بذيك النظره

وبعد التدقيق في ثنايا القصة أكثر، اتضح لنا - نحن الهلالي ابو سارة - أن:-

عبدالهادي هو خويّك وانّك ويّاه في سوق الراشد والبنت حولكم ;)

وبعد قراءة نقدية بحثية متعمقة اتضح لمعالينا وسعادتنا نحن ابا سارة التالي:

أن البنت تناظر عبدالهادي اللي جنبك .. وخويّك يناظرها مبلّم . وانت طالع منها ولسان حالك يقول:

الشين عندنا والزين حوالينا

أفاااا يا الظهراني أحسبك مثلي من النوع اللي يسبّل رموشه للمرأة فتخر كالقرد الوديع.:p .

المووهم ترى بحق ومن جد حيل بالجد مرة قوييية :

تجي من الظهران خميس و جمعه ولا تعلمني

----> اشوا انك يابوسارة محوّل جوالك على موجود ومعطي الأمة أشكل

أما الجارة اللي غمزتها هونيييك فتقول لك :

باقين ياشوق حنا عالوفا باقين ... ياشوق وش هي حياتنا الدنيا بلاكم

أكتب لك هذا الرد والنوم قااط معي وسط الشاشه ..

مرة أقرأ سطر ويداهمني .. ومراات يقرأ هو سطرين وأداهمه ---> يعني قريت نصف الموضوع

موضوع ظريف كظرافة صاحبه .. خفيف كخفة دم كاتبه .. ثقيل كثقالة دم كاتب هذا الرد:p

لي عودة بعد أن أخمد فوالله وبالله وتالله ان موضوعاَ يكتبه الظهراني ليستحق منا أن نزوره ونشبعه طرحا ونقدا ونقلبه شات

أنتظرني انا وبقية المشتشتون وبقية الاخوان في البقاع المنطلقون في درب الكفاح المسلح والنصر لنا وليخشأ الخاسئون

بس نقطتين هامتين:

1- بتجيك رساله خاصه من دبل كيك يطلب رقم عبدالهادي حداد خويّك فأرجوك طنشه ااذا تعز هادي

2- الحين البنت تخزك بعين وتقعد تناظر الجزمه

الله يقلع اللي مخه جزمة

لي عودة فالآن النوم دحجني بكتفه وجعلني أتخيل موضوعك سرير وايقونة الرد مخدة

رساله من ويندوز:

هذا المستخدم ابوسارة نام قبل لحظات ّ

برايفت :

لولا غلاتك يا ظهراني بيه ما أعدت الرد لكن لعيونك الناعسه نمحط بالرد ولا ننشد عن الحال

وش رايك فيني واانا لوقي وأحرر وأعدّل مثلك

الـنـادر · #11 18/12/2005, 05:17 PM

والله انك راعي طويله

ارجع لك بعدين اخوي هلالي

هلالي أبد الدهر · #12 18/12/2005, 06:04 PM

هلا والله يهلالي الظهران ....

لي رجعه .....بس حبيت أسجل حظور....(موضة هالأيام

)

وراي كويز

ومباراة الهلال

هلالي الظهران · #13 18/12/2005, 06:06 PM

هذي تكية وتربيعه وافصل الدي اس ال ياولد:p .. خذوا ردودكم وانحاشوا لاني شوي واقوم اطق اصبع

..

كل واحد يعيد المقعد للوضع الطبيعي

ويربط حزام الامان ولا تنسون دعاء التعوذ من ابليس وعيال عمه

..

.
.
.
.
.
.
.
.
.

بعد ما استمعنا للدعاء .. نتوكل على الله..

abu_riman

يالله حيه راعي الجيتس كي

.. وانا اقول وشفيها الصفحه تشعشع من النور

..

شرفتني بوجودك يا الغالي واعطيت للموضوع بعد اخر كون ردك اتى في المقدمه ..

ابا ريمان شاكر اطرائك الجميل وتاكد باني بانتظار مداخلاتك القادمه

دمت لي موجها ..>>>> بعد شد ومخابط طلعوا معي هالسطرين

..

وردة الهـلال

يامرحبا يامرحبا

.. حياك اختي اشوف هاليوزر بدا ياخذ وضعه في المجلس

.. بالتوفيق;) ..

إقتباس


	أهب عليك ياللوقي

عليك الله تعلميني وش لوقي هزا .. إزم الله عليكي

..

مع اني مادريت وش هاللوقي يعني لكن ومن شر حاسدن اذا حسد

فاصل سعبولي

هذا من طيب اصلك:p .. اذا طلعت ذبه لي تفاهم ثاني

إقتباس


	مواقف نتمنى الا نعيشها .. و لا يعيشها احبابنا .. لأن فيها جرح للذوق العام و للمشاعر ...

خلي عنك زود البربسة والهرج الفاضي والله انها توسع الصدر

..

إقتباس


	وين ما القى هالموضوع راح ارد عليه .. حتى لو القاه في قناة السودان الوطنية

يا ناس اشم ريحة شروخه (وجه واحد يشمشم بخبث

)..

إقتباس


	من جد مميز .. عاد ما لك بالطويلة ,, تحياتي

من جد من جد شرفتيني بمرورك.. وبقولك سر انا دايم معجب بالطويلات امثال بنت مشعلاني

..

حبي تيماوي

مشرفنا الكبير وواحد من عاصر الراشد واهله

.. اهلا وسهلا..

إقتباس


	@ عضو مميز لا بد ان يكون له نصيب من التميز عندما يكتب فـيبدع .

هذا من طيب اصلك وحسن ذوقك يا الغالي..

إقتباس


	@ لم اجد رداً احسن من تثبيت الموضوع ... فليكن بمثابة العذر منك .

ياخي انت احسن واحد والله كنت حاط في بالي ان الموضوع مؤهل للحذف بدرجة ماجستير

والقاه مثبت

<< من الفرحه لاتدقق..

خلاص ان شاء الله اذا جووا عيالي << اول جيب امهم

.. باحكيهم واسولفلهم ان لي موضوع تثبت في المجلس العام والفضل بعد الله لعمهم حبي تيماوي << ياشيخ بطل نصب الا قل جدهم

..

مسموح يا الغالي والف شكر لك على المسمار اللي كانه خشم صدى وهو مصدي

..

((ادر 10 يانو))

إقتباس


	مشكور وانت ووجهك ماتتعب من الكتابه انا تعبت انا واقرا ماشاء الله

ياولد هاتوا كاسة ماء لادريانو مسيكين الرجال تعبان:p .. ع فكره لوماقلت ما شاء الله كان لي تفاهم اخر معك;) ..

شاكر مرورك وتحملك مشوار الموضوع والرد عليه

..

تغريد

هلا بتغريدوه اللي حاذفه سمستر <<<< فضيحه محد يقوله شي

..

إقتباس


	من جــــــــــد واخزياااااااااااااااااه بنات اخر زمن مايستحون قوة وووجه

هلا بحياويتنا

.. اكيد اللي مثلك وتربيته مثل تربيتك بيستحي ويستغرب لكن وش نقول عن هالزمن

<< في نفسه يقول احلى زمن

..

إقتباس


	بس ابو عجب غلطان >> تمون

اكيد تمونين لو اني قايل سعد خضر ولا خالد الملا ماشفنا رقعة وجهك هنا

..

إقتباس


	يعني لو مفشلها ولا قايلها انقلعي خخخخخخخخخخخ جزاءا لها وردعا لامثالها

ياتغريد تري في الامور امور

وماكل يعرف يقال ;) ..خليها مستوره وانا اخوك

..

إقتباس


	يقلبي عليها مسكينه تبغاه يصير دبدوب ومكلبز هذي جزاتها

والله المسكين اللي في يدها تحصلينه يقول يقلع ابو الساعه اللي صرتي فيها امي

.. بس خلي عنك (مكلبز) هذي كلمة ملعوبه واحبها كثير تفكرني بنفسي وانا ولد الــ4 شهور;) ..

إقتباس


	من جد؟ طب انا ليش العكس اذا جيت انام احس عيوني تنفتح خخخخخخخخخ

انا اقولك ليه;) .. هذا كله من تاثير الماما لانك وانتي زغيره مافيه الا تدغيس بهالاكل ومن يومها وانتي حالفه ماتغمضلك عين الين ينقص وزنك 30 كيلو يا الدبه

إقتباس


	حيالله هلالي الظهران >>>نسيت فقرات موضوعك من كثر المداخل مشاءالله ضعت سلملي على جدتك يحليلها بس وبالتوفيق لك ولكل الطلاب في الاختبارات........

عسى ماضيعتي المخرج بس ثمن اتوهق فيك

.. وابشري بقول لجدتي تغريد تسلم عليك وتقولك تعالي اخطبيني لحفيدك

..<<< تري امزح والله العظيم امزح بصلاة امي وابوي امزح .. احس وجه تغريد تقلب وصار علبة الوان

..

شاكر مرورك الجميل وتعليقك الظريف وبالتوفيق للجميع..

فاصل ونواصل

راجعلكم يا حلوين وراجع لردودكم .. ابتداءا بصديقي في الشبكه دبل المنسم مرورا بـ يا سلام ياهلال والمهوي صدى الدجه انتهاءا بحبيب قلبي وزيزفونه المهايط الاكبر ابو ساره مخاوري راعي البعارين

..وبانتظار البقيه..

كملوا الفاصل