احببببببببببببها يا ناس والله اموت فيها كانت هذي اول كلمة قالها خالد يوم قام من النوم

يالله صباح خير يا ولدي .. عسى ماشر تعوذ من بليس يا خويلد و قم وصل خواتك للمدرسة

منهي ذي اللي تحبها ونا امك ؟؟ والله ان قلبي حاس انك تحبها قبل لا نقولك انا نبي نخطبها لك .. اصبر لين يجي ابوك و نكلمه و تروحون لبو وضحى تخطبونها منه

خويلد و فيه النوم و عيونه مغمصة (( الله يرحم حالك ياميمتي قال ايش قال وضحى .. معاد اللا احب هالشيفة .. اللي وهي واقفة كنها قاعدة .. وذا تطيبت تحط طيب بصل و ثوم يشمه اللي واقف باخر الحارة ))

ايه يا يمه هالبنت سحرتني و ماخذه قلبي من زمان بس ما بغيت اقول لكم (( ابوك يالمستحي .. ما درت انه في وادي و هي في وادي ))

لعيووون سارة .. تشرق الشمس و تغيب .. يا قلبيه يا سارة .. نبض الحياة ((بخافقي من نضرها (( خويلد يسولف على نفسه و هو يلبس ثيابه

خووويييلد يالله يخوي اتأخرت على الطابور بسرعة (( هذي نوف اخته اللي شايفة نفسها .. تقدم لها الف خاطب و كلهم ردتهم .. اخر واحد تقول -shofoo albanat wella balsh ----->عشانه ما يشجع هلال

نوفووه و وجع اصبري هذاني نازل .. كن ماحد توظف في الرياض غيرك متحمسة و مستعجلة على الطابور يالنظامية (( سلّم لي على فرج قهوجي مدير رئاسة البنات ولا كان كل صبح تداوم انت و وجهك في المزاحمية ((رايح جاي

انا قايلة لكم جيبوا سواق يوديني و يجيبني و افتك من منة خويلد .. اذا هامتكم فلوسه انا ادفع راتبه مالكم شغل فيه بس خلصوووووني (( بدينا في موال كل صبح .. هذي هي نوف .. تموت لو ما تجيب طاري السواق ثلاث مرات كل يوم بعد الأكل و قبل النوم حبة صباح و حبة مسا

يالله خلاص نزلت الحقيني على السيارة.. انتي ولسانك .. الظاهر والدينك بلسان زيادة استبنه

الشماغ على الكتف مثل كل يوم و خالد يشغل السيارة .. ركبت نوف السيارة و صكت الباب بقوة مثل العادة) شوي شوي ياختي ترا سيارتي ما ذبحت واحد من عيالك .. (( من زينك انت و سيارتك عاد .. اللي يشوفك يقول راكب شبح .. ترا حدك وانيت تسعة و ثمانين .. و مضلله من زين ((وجهك

يالله خلاص وصلنا انزلي بسرعة وراي شغل (( مهوب عاقل البزنس مان )) .. طيب ابنزل لا تاكلني .. لا تتأخر علي زي عوايدك تخليني انتظرك بالشمس و الحر

زين زين خلاص ابجي قبل لا يخلص الدوام بنص ساعة بس اخلصي روحي لطابورك فكينا ..

نزلت نوف و مشى خالد و حط شريط ابو نورة (( على باله رومانس )) .. كن اسمها عطر القلم و المكاتيب .. لا من بدت فيه القصايد شهرها .. من بعدها مالي جروحن معاطيب .. من بعدها عيني هجرها سهرها .. لعيووووووون سارة

و يصرخ باعلى صوته .. لعيووووووووووووون سارة .. يا قلبيه يا سارة .. (( مشكلة ما عنده غير هالشريط و له شهرين ما يشغل الاهو ..

وصل البيت و بسرعة سحب الشريط من المسجل و حطه في جيبه (( انواع الخياس )) متأخر ربع دقيقة عن موعده مع حبيبة قلبه سارة .. دخل غرفته و قفلها و سكر الستاير و طفى اللمبات (( اللي يشوفه يقول هذا وراه علم )) و نقز على الكمبيوتر .. يالله بسرعة تكفى يرحم امك كمبيوتر اليوم ماله داعي تستهبل .. اشتغل بسرعة (( متأخر الحين دقيقة و ثلاث ثواني

اشتغل الكمبيوتر و شبك الانترنت (( يعني الحين صار متأخر نص ساعة .. عادي الشبكة سياحية مثل منتو خابرين

المسنجر .. ووووووويييين المسنجر ؟؟ انا كنت حاط المسنجر هنا مين غير مكانه ؟؟ (( وين حاطه هنا .. صينية فناجيل هو ؟)) و اخيران لقى المسنجر .. يالله بسرعة بسرعة ..

خالد : الو

سارة : لا تكلمني .. انا زعلانة

خالد : ((((((((((( .. ليه بس ؟؟ ازعلي و ارضي على كيفك انا

سارة : وشو اللي ليه .. مواعدني و مصحيني من الصبح و اخرتها تخليني انتظرك نص ساعة يا ظالم .. ما عندك احساس في غيرك ما عندك احترام للوقت .. قول انك ما تحبني .. قول انك ما تغليني

خالد: و الله يا سارة اني احبك و اغليك اكثر من حياتي .. اكثر من عمري .. اكثر من دنياي كلها بس والله مهوب بيدي .. نوف الله ياخذها اخرتني ما قامت من النوم الا متأخرة (( يا نصاب

سارة : ايه قول كذا .. قول ان نوف اختك اغلى مني .. خلاص انا زعلانه لا تكلمني .. ابحطك على الاقنور .. هذا اخر شي اتوقعه منك يا خالد .. اعتقدت ان لي مكانه في قلبك بس وش نقول .. مالنا في الطيب نصيب (( ايه خير .. اذا خالد طيب .. الله يخلف على امن جابتكم اثنينكم و يخلف على حبن تعرفونه انتم و وجيهكم

خالد : والله يا عيوني انتي اغلى من عيوني و من روحي و قلبي .. بس قولي لي وش اللي يرضيك وابشري

سارة : خلاص انا ابسامحك .. بس عطني بوسة

خالد : غالي و الطلب رخيص .. امممممممممواااححووووه يا بعد خالد و اهل خالد انتي

سارة : تسلم لي عيونه .. اقول لحظه حبيبي عندي مكالمة لا تروح انا جايتك دقيقة بس اصرفهم (( يا نصابة

خالد: اوكي عيوني على راحتك .. انا منتظرك يا بعد اهلي و ربعي

بعد عشر دقايق اتّصل فهد صديق خالد .. الوووو خويلد

خالد : هااه وش تبي .. مانيب فاضي لك اكلمك اذا فضيت

فهد : وين يا حلو .. انثبر بس اقول .. ترا لك شهرين ما دفعت القطة يا حلو .. احسن لك ادفع ولا شوف لك شلة ثانية .. ترا الشباب طفارى ما حناب فاضين ندفع عنك الشهر هذا بعد

خالد : خلاص خلاص اذا خلصت جيتك و دفعت حق اربع شهور بعد ... وش تبي اكثر من كذا ؟

فهد : ايه حبيبي هذا كلامك كل شهر ما يمشي هالشهر .. يا تجيني البيت و تنقدني بقريشاتك يا ضف وجهك

خالد: خلاص طيب فهمت يالله فمان الله .. طووط طووط طووط

فهد (( بعد ما سكر في وجهه )): زين يا ولد الشقحا .. شغلك عندي انا اعرف كيف اربيك و اجيب قروش الشباب

على المسنجر :

سارة : سوري عيوني معليش هذي كانت امي على التلفون تبيني اجيب لها اغراض من فوق .. معليش والله اسفه اتأخرت عليك حياتي

خالد : عادي عيوني خوذي راحتك انا كم عندي من سارة

سارة: الله يسلمك يا قلبي .. اقول خلّّللوود ابرسل لك كم صورة صورتها يوم رحت في الصيف للبنان قل لي وش رايك فيهم

خالد : الله .. يا زينك يا سارة يا بعد قلبي انتي .. صورك ياخذون العقل .. بس منهو اللي واقف جنبك في الصورة الرابعة ؟؟ (( على باله يغار

سارة : ايه ماعليك منه هذا سهيل العبدول ازعجني يبي صورة معي .. قل خلاص صورة وحدة بس فكني من ازعاجك

خالد : يا حظك مشالله سهيل العبدول يبي يتصور معك ؟ (( ما يدري وش الطبخة .. يحسب سهيل العبدول هذا رئيس وزراء لبنان

سارة : شمس بيني و بينك .. ولا هذا جبينك .. احبك يا قلبي

خالد : يا زين هالكلمات و يا زين كلامك يا حبيبة عمري انتي

سارة : هذي اغنية جديدة ما بعد نزلت السوق .. ارسلها لي اصيل ابو بكر عشان اعطيه رايي فيها قبل لا ينزلها (( مسكين خالد ما يعرف من الطرب الا اغنية لعيون سارة لمحمد عبده و اغنية السح الدح امبو لأحمد عدوية و شوية اغاني لبشير و فهد بن سعيد

سارة: خالد ودي اقول لك شي بس اخاف تقول مصلحجية .. صراحة انا محتاجة خمس مية ريال .. والله ضروري اغراض المدرسة .. تكفى يا قلبي لو تقدر تساعدني في اللي تقدر عليه .. اذا ما تقدر ولا فيها احراج ولا مانيب غالية في قلبك ولا تثق فيني .. ما يحتاج و انسى السالفة من الاساس .. ادبر نفسي والله يعين

خالد (( و هو متردد )) : اقول سارة .. وش رايك لو نتقابل .. يعني نشوف بعض على الطبيعة .. ودي اشوف سارة حبيبتي و نور عيني و مستقبل عمري (( امحق مستقبل وراك انت و وجهك )) و اجيب معي الفلوس اللي تبين .. خمس مية بس ؟؟ ابجيب الف و خمس مية .. انا كم عندي من سارة ؟؟ لو تطلبين عيوني ما قلت لك لا ..

سارة : خلاص يا قلبي .. وش رايك اليوم الساعة تسعة الليل القاك في ذاك الكوفي شوب .. تراه مكان محترم و ما يجيه الا ناس محترمين .. اسلم عليك و نتقهوى و نروح للي تبي

خالد : الله عليك يا قلبي .. صراحة هذا اسعد يوم في حياتي كلها .. اخيران راح اشوف سارة حبيبة قلبي .. ما تتصورين قد ايش انا مستانس و فرحان .. بس على العموم انا لازم امشي الحين اجيب نوف اختي من المدرسة لا ترتكب فيني جريمة الحين .. و انشالله اشوفك اليوم بالليل في المكان اللي اتفقنا عليه .. احبك يا قلبي يالله باي باي اممممممممواحححح

سارة : خلاص يا عيوني انا بعد لازم انزل الاغراض اللي تبيها امي .. احبك اكثر و اكثر .. باي باي الله لا يحرمني منك ولا من عيونك ..

خويلد يقفل الكمبيوتر و هو مهوب مصدق .. يدينه ترتجف و وجهه صار ((ازرق و قام يصب عرق و ينتفض (( ما تعود على مواقف زي كذا

المهم .. راح و جاب نوف و صادر منها الفين ريال .. بزعمه رسوم توصيل عشان يعطيها سارة حبيبته .. ورجع للبيت و هو يفكر في الموضوع .. و يعد الدقايق لين جات الساعة سبع .. و هو يكشخ و يتطيب و يلبس العقال الجديد اللي توه شاريه عشان الخطبة و يطمر للمغسلة و يلقط الاطياب كلها و يخلطها عليه .. ما بقى الا يشرب طيب .. ريحته تعجعج اطياب مغاسل (( على باله كاشخ الحين

و يروح للكوفي شوب .. و يسنتر هناك من الساعة سبع و نص ينظر سارة نور عينه و حبيبته ..

بعد ساعة .. شاف ذاك اللي يمشي من بعيد .. كنه فهد راعي القطة .. يا دين الله .. وش جابه ذا .. وش يبي .. ما معي فلوس القطة و يبي يذبحني لو يشوفني .. و سارة ممكن تجي في اي لحظة .. كيف اتصرف

ما امداه يفكر في شي .. الا فهيدان لاقط الكرسي اللي جنبه و جالس .. يا هلا والله بخويلد .. وش هالصدف السعيدة اللي جابتك هنا الليلة .. والله تطورت و صرت تروح اماكن محترمة .. مهوب ابو هيثم و الدانة مثل عوايدك اذا بغيت تكشخ

رد عليه خالد " ياخي وش جابك انت هالوقت .. من جد مهوب وقتك .. انا مواعد ناس هنا ضروري .. فـ لو سمحت يعني صرف عمرك .. ارجوك يا فهد روح .. فيه ناس يبي يجون "

قال له فهد " الله وكبر يابو دمجة .. صاير تديّت من ورانا ؟؟ لا حبيبي وين اروح .. مانيب متحرك من هنا لين تدفع قطتنا... والله لو يجي سهيل العبدول بكبره ما تحركت (( يا ذالسهيل .. في كل مكان طاريه )) .. من انت مواعد يبو ريحة ؟؟ من هالبنت المسكينة اللي امها داعية عليها .. لا تكون سارة بس ؟؟ "

خالد (( و هو في حالة انتفاضة رعب شديدة )) : وش عرفك في سارة انت ؟؟ كيف دريت ؟؟ هي تعرفك ؟؟ انت تعرفها من قبل ؟؟ انا والله شكيت انها خويتك بس ما حبيت اقول لها .. قلت يمكن انكم متزاعلين

ضحكة مدوية تهز ارجاء الكوفي شوب اصدرها فهد من اعماق اعماق صدره .. ههههههاهاهاها .. يا حليلك انت و سارة .. اجل شمس بيني و بينك .. ولا هذا جبينك ؟؟ تكفى يالجبهه اللي تخمّس فيها اربع تريلات و توقع فيها طيارتين ميراج ..

(( خالد لونه انقلب اصفر قرمزي من الروعة ))

يا حبيبي مافيه سارة ولا بطيخ .. انا سارة يالدلخ يالمخفة .. لعنبو بليسك لنا اربع شهور نطرد في فلوسنا ولا جانا منها ولا قرش .. و تجيك سارة تعطيها الف و خمس مية ريال بارده مبرده ؟؟ (( خالد انقلب لونه عنابي فات : مستحيل انت تصير سارة .. طيب والصور اللي ارسلتها سارة لي .. لا لا .. ما اصدق .. يالله تكفى انقلع بعدين نتفاهم في الفلوس .. سارة ((تبي تجي الحييييييييييين (( لسا ما استوعب المسكين ))

فحر فهد ضحكة العن من الضحكة اللي قبلها .. يا حليلك يا خويلد .. هذيك صور ديانا حداد يالقروي .. انا خابرك .. ما تعرف من المغنيات الا عتاب و زبيدة .. يالله يا حلو .. الشباب ينتظرون في السيارة .. اخلص علي عطني فلوسي خلني امشي .. قال ايش .. قال شمس بيني و بينك .. ههههههااهههي يا حليلك يا ولد الشقحا ..

انا قايل لك راح اربيك و اطلع فلوسي من عيونك

خمس ثواني صمت .. و صوت كاسات و كراسي طايحة ..

خويلد على الارض مغمى عليه .. يقول ..

شمس .. شمس .. شمس .. شمس .. شمس ..

فهد يضحك .. يا حليلك يا خويلد شمس ولا قمر ..

يحط يده في جيب خويلد و يلقط الفلوس اللي لقاها .. و شريط ابو نورة الوحيد اللي عنده ..

هذا غلاها له بالأعماق تجريب .. انشد و تلقى بالمحاني خبرها

هي مطلبي لا جيت اعد المطاليب .. هي بسمة ايامي و غالي قدرها .. و لعيووووون سارة .. لعيوون سارة .. ترجع القطة لفهيدان و شلته

و شمس بيني و بينك .. ولا قطتي طلعتها من عيونك .. فلوس نوف راحت بيدّي .. من زمااان انت وينك ..

صورة مع التحية لمستشفى الامراض النفسية اللي قعد فيه خويلد اربع شهور يتعالج

صورة مع التحية لشباب و شبابات التشات و المسنجر

بدون اعتذار لأحد (( بزعمي امون على ديانا حداد ))

و توته توته خلصت الحدوته ..