أنا قالي عقلي يا واد شوف الموضوع ما دام اللي كاتبو الرائع يا قاهرهم يا سامي لانه بصراحه مواضيعه جدا غير على وزن(جده غير)
ولما قريتوه قلت في نفسي هيا رد على الراجل لان موضوعه يستاهل با المره عشان الجماعه اللي بيحللو المباريات بقياده أبو خالد ومدني رحيمي
وايش كمان يا ربي نسيته الصحفي هادا اللي كان رئيس تحرير الرياضييه ايو أفتكرت عبد العزيز شرقي والكابتن محمد عبده صالح الوحش,والله العظيم ماني عارف ارد عليك يا قاهرهم يا سامي لانك اديت الموضوع حقه وزياده كمان لكن خد المداخله هادي ان شاء الله تعجبك,,,,,
ابو خالد يوجه سؤال لمدني رحيمي
س- ايوه يا كابتن ايش رائيك في الكابتن سامي
ج-والله انا بأقول من زمان يا جماعه سامي لاعب يصنع اللعب مو رأس حربه يعني يلعب خلف المهاجمين..وير ابو خالد كلامك جميل ومتفقين عليه طيب ايش رائيك في الدفاع وخاصه المنتخب بيطبق خطه اللعب 5-3-2 يا جماعه الخطه هادي تكون دفاعيه لما تكون الكوره في حوزه الخصم وتكون هجوميه لما تكون معانا بيتقدمو الادهره يقصد الاظهره لكن الطريقه هادي
اللاعبين ماهم متعوديين عليها لأنه بصراحه دفاعنا شلش وكلوه بسبب محمد نو بيحتفظ با الكوره كتير وعشان كدا لازم نخرج لاعب برا ونزود شويا الدفاع. ويرد أبو خالد مين في رائيك من اللاعبين يخرج ... طبعا ما فيه غيره سامي لأنه بصراحه ربنا مهو رأس حربه
والله العضيم جايب لهم الضغط سامي وعلشان كذا يحاربونه حسبنا الله ونعم الوكيل فيهم
س-واحد نصرواي يسأل أبو خالد ويقول(حرام عليكم الى متى وسامي يلعب مع المنتخب ليش ما حطو على يزيد وين الوطنيه الله يرحم ايام ماجد)
شف أخوي يا قاهرهم يا سامي الى اين وصل التخلف الرياضي والوطنيه عندهم فقط أخراج سامي من المنتخب فقط لاغير,,,
ج-ابو خالد يرد والله العظيم كلامك جميل لكن ايش نسوي هدا الله وهاذي حكمته لازم المسؤلين
ياخدو بالهم من النقطه هادي.ويتداخل الشرقي ويقول يا جماعه المشكله ماهي في سامي لوحده
المدرب كمانه ماهو عارف يوظف اللاعبيه ولا كمان عارف يختار التشكيله اللي المفروض يلعب بها طيب فين حمزه ليش ما أختاروه وايش قاعد يسوي في فتره الاعداد ولا حاجه المنتخب هوهو وسامي جا لس على قلوبنا لكن ان شاء امير الشباب يشوف لنا حل.سامي
فعلا جالس على قلوبكم واذا سامي ما يلعب اجل مين اللي يلعب.
***
&&&وتخيل يا قاهرهم يا سامي أن محمد الدويش معهم في الاستوديو التحليلي قصدي
(استوديو حش في سامي ولا يهمك أحد)
س-كابتن محمد ايش رائيك اليوم في المنتخب
لاحظ يسأله عن المنتخب,والله سامي لاعب جيد لكن فيه منهو أفضل منه,يتداخل ابو خالد مين هوا كابتن محمد ويرد الدويش طبعا اللاعب على يزيد أفضل منه وحمزه ادريس وخالد السويلم
واللاعب الشاب عبد الرحمن البيشي
;) :p
لكن سامي مفروض على المنتخب وحتى الان ماني عارف اصلا ليش ضموه ولا بعد حاطينه كابتن ...... ويرد ابو خالد والله كلامك جميل لكن ايش نسوي ما بيدنا حاجه نعملها ننتظر ونشوف امير الشباب ايش يسوي لانه بصراحه ربنا لازم يخرج سامي من المنتخب ويعطو الفرصه للشباب الواعد مثل علي يزيد وغيره كتير. طيب كابتن محمد قولي بصراحه ليش معظم الجماهير النصراويه والاتحاديه والاهلاويه بيكرهو سامي ,يرد الدويش يا ابو خالد اللاعب هذا الاعلام صنع اللاعب واعطاه اكبر من حجمه وهذا اللي خلى الجماهير تكره سامي,
والجواب الصحيح لأنه رافع ضغطهم ولأنه السبب بعد الله في تأهلنا لكأس العالم في أمريكا وهو الذي افتتح التسجيل في مباراه المنتخب مع ايران ولأن معظم بطولات التي حققها الهلال بفضل الله ثم هو ولأن أنجازاته مع الهلال والمنتخب لاتقارن مع نجمهم المحنط,
*** معليش يا قاهرهم يا سامي طولت ولكن لا زال لدي المزيد وعذرا,,,,,,والسلام
جنتل مان
ياقاهرهم ياسامي ليتك تنظم للثلاثي المبدع 
الشرهه على اللي يتابعهم 
الوضع العادي
