سامي استعد استرح !!!
 

@@ بروفة للاستوديو التحليلي ! @@

تنطلق يوم الجمعة بعد القادمة التصفيات النهائية لكأس العالم 2002م .. وننتظر جميعاً ان يتصدر
منتخبنا بأذن الله مجموعته ويتأهل للمرة الثالثة على التوالي الى المونديال الكبير ..

كعادة القنوات الفضائية ستحرص على التميز وبعضها سيحرص على مواصلة (التخلف) .. سنكون على موعد
دبي الرياضية .. وسنتابع اوربت الرياضية .. في أوربت ودبي سنتابع تحليل الخبراء سنستمتع بتحليل
كروي مميز .. وعلى الجهة الاخرى سنكون على موعد مع مسرحية ( أستوديو الضربات الركنية) بطولة أبو
خالد ( صاحب اجمل سكسوكه فضائية) .. ومدني ( ........ ) .. وابو شرقي (المثير .. خبير الاندية
الاوروبية) وصديق رئيس نادي برشلونة الفرنسي !!! :)

تعالوا معي .. لنستمتع بما نتوقع سماعه ومشاهدته ..انتهت مباراة السعودية الاولى مع البحرين ..

المباراة تعادل صفر / صفر ..

أبو سكسوكة .. يقول :

وهكزا انتهى لقاء منتخب السعودية وشقيقه البحريني بالتعادل السلبي .. استاز شرقي هل تعتقد ان
النتيجة مقنعة للمنتخبين خصوصا انها تلعب لقاءها الاول في التصفيات !؟

###### ضعوا في الاعتبار سامي يغيب عن اللقاء بسبب الاصابة.. واللقاء يقام في الرياض #####

ابو شرقي .. يجيب :

والله بالنسبة للمنتخب السعودي اعتقد نتيجة جيدة .. المنتخب قدم لقاء جميل .. كلنا شوفنا
اداء جماعي مميز من لاعبي منتخبنا .. نقصنا الاهداف بس .. والاهداف تجي قدام تايلند وايران والعراق
.. بس مباراة اليوم انا اعتبر اننا كسبنا منتخب (((جديد))) و(( شاب)) .. ما شفنا فردية .. ولم
يتم اضاعة غير ( 378) فرصة بس .. وهي نسبة جيدة ..
بعدين المنتخب البحريني لعب بخشونة زايدة اثرت على اداء منتخبنا كتير ( كتير مرة) .. وهزي عادة
المنتخب البحرين التقفيل والخشونة ..

ابو سكسوكة.. يقاطع :

يعني النتيجة مقنعة استاز عبدالعزيز ..

استاز عبدالعزيز يجيب :

نعم مقنعة جدا .. وبعدين الفوز ماهو مطلوب في كل لقاء .. وهزا اللقاء الاول .. والفرق (كولها) تطمح للتأهل ..


ابو سكسوكة .. استاز مدني كيف شفت اللقاء:
والله لقاء متكافئ جدا جدا .. والدليل اننا لو حسبنا الزربات الركنية للمنتخب السعودي والمنتخب
البحريني نشوف النتيجة 4/4 .. يعني المنتخبين تعادلوا بعدد الزربات الركنية .. وهذا يدل على ان اللقاء
متكافئ .. بس السؤال اللي اننا اكرروه منز ان بدأت التحليل الريازي .. هو :
الـــى مــــتـــى لا يتم استغلال الضربات الركنية ؟؟؟؟

ياليت المخرج يعيد لنا الضربات الركنية (كولها) علشان نشوف كيف يتم اهدار الفرص (هادي) !!

انا اوجه سؤالي لسلوبدان .. انت عسكرت في ماليزيا وبعدين في الرياض .. هل صحيح انك ما تلاقي
وقت لتدريب اللاعبين على الزربات الركنية ؟؟

انا اوجه رجائي لامير الشباب الامير سلطان الله يحفزوه ( يعني يحفظه ) .. افتتاح مدرسة للزربات
الركنية .. لاننا منز بداية تصفيات كأس العالم فقدنا ( 276) زربة ركنية .. وهدا كتير ( كتير مرة)

ابو سكسوكة .. يعني استاز مدني ما عندك الا الزربات الركنية بس .. ههههههههه يضحك ابو سكسوكة وبعدين يقعد
يتلفت ويشوف كل ضيوف الاستوديو وكانه احد الفرقة اللي غنت ( تقدر تدخل داراً ظلمى .. تقدر تقدر )

_
_
_
_
_
_
_
_

مرت الايام وسافر منتخبنا الوطني للقاء البحرين بالمنامة ..

انتهى اللقاء بالفوز السعودي 1/صفر ..

ابو سكسوكة يقول :

وهكزا انتهى اللقاء بفوز المنتخب السعودي بهدف لاشئ .. وخطوة كبيرة للتأهل .. رأيك استاز عبدالعزيز؟

استاز عبدالعزيز يجيب :

والله الفوز ماهو اهم شئ .. احنا شفنا منتخب فردي .. احنا فزنا بكاس اسيا 3 مرات .. وتأهلنا لكاس العالم مرتين ..
وعيب كبير اننا نفوز بصعوبة على منتخب زي البحرين ..

ماهي انجازات منتخب البحرين علشان يحرج منتخبنا ؟؟!!

ابو سكسوكة ( بعد ماحس ان الاستاز منضغط من قائد المنتخب وحس انه مصخها ) .. بس الفوز جميل وهو المطلوب ؟؟

استاز عبدالعزيز .. يقاطع :

انا ابحس ( يعني ابحث ) عن منتخب له هيبة .. منتخبنا اليوم عادي جداً .. والفوز ما يعني انهم كويسين !!

ابو سكسوكة .. رأيك استاز مدني ؟

شوف المباراة كانت واضحة من اول 20 دقيقة ..

منتخبنا حصل على ثلاث زربات ركنية في اول ثلث ساعة يعني كان مسيطر .. بس (هزولا) البحرينين مقفلين مرة ..
ويكفينا اننا انهينا اللقاء بالفوز وكنا اكتر منهم زربات ركنية .. لنا 6 زربات وهم لهم زربة وحدة بس ..

ابو سكسوكة .. طيب علشان ما نعطل المتصلين اللي معنا على الخط ناخذ كم اتصال :

الو .. من معانا .
الو .. معك ( مرتفع ضغطه من الرياض) ..
هلا اخوي (مرتفع ضغطه ) .. مبروك فوز المنتخب السعودي ..
الله يبارك فيك ..
بس انا عندي سؤال للشرقي .. وش رايك اليوم بسامي ؟؟ ما تحس انه عالة على منتخبنا ؟؟ الى متى والواسطات
هي اللي تتحكم بالتشكيلة ؟؟ طيب تذكرون يوم يضيع بلنتي ضد جنوب افريقيا ؟؟ ويوم ما يباصي فؤاد انور في لقاء المكسيك
في القارات الشوط الثاني الدقيقة 18 ؟؟
وش يبون فيه هذا ؟؟
هذا مريض .. خبل .. اناني ..

ابو سكسوكة .. سؤالك واضح و(((((( جميل))))))) .. مداخلة مهذبة جداً .. عندك اي اضافة ..

لا شكرا بس جاوبوني ..

ابو سكسوكة اكيد بنجاوبك .. ما اتصلنا عليك وطلبنا منك تسأل الا اننا بنجاوبك !!!

استاز عبدالعزيز الاخ يقول سامي كان عالة على المنتخب .. كيف شوفت سامي
اليوم؟

استاز عبدالعزيز .. يجيب :

صراحة وبدون تحفز يعني ( تحفظ) .. حتى لو زعلوا عشاق سامي .. انا (احوب) سامي واقدروه .. بس صراحة (( بعدين يضحك
ضحة صفراء ..وانت بذاك الوقت ما ودك الا بزبيرية على براطمه )) سامي اليوم كان نقطة ضعف .. صح المنتخب البحريني خشن
ومقفل بس ايش دورك كلاعب هجومي ..
المفروض يخلق مساحات فاضية .. يتحرك بدال ما يستسلم للرقابة .. انا ماني متحامل على سامي بس شوف المباراة تلاقي سامي
ما صنع اي خطورة بالعكس كان مدافع بحريني ..

ابو سكسوكة : نأخذ اتصال ثاني ..
الو مين معنا ..
الو .. انا ( قافلة معي ) ..
اهلاً بك اخوي قافلة معي .. من وين تكلم ؟؟
اكلمكم من امريكا ..
من وين باميركا ؟؟
فلوريدا ..
ابو سكسوكة .. يعني قريب لميامي .. انا كنت في ميامي (( بشر امك )) !! .. فين شفت المبارة ..؟؟
والله بالبيت .. انا والربع ..

ممتاز .. سؤالك او مداخلتك ..

بالنسبة لسامي يا ابو خالد .. الى متى وهو لاعب في المنتخب .. ؟؟ ومعطينه الكابتنية بعد ؟؟ ما تخافون الله فينا ؟؟
ياخي كلموا الاتحاد السعودي .. قولوا له والله اننا نصيح من القهر وشلون يصير هذا كبتنا .. هذا وحنا ماخلينا شئ ما قلناه
عنه .. وما خلينا سب ولا شتم .. وش يبون منا .. نغتاله يعني علشان يرتاحون ؟؟

ابو سكسوكة .. (( فضفض ونسى نفسه )) .. صادق .. حتى احنا من 5 سنوات وحنا طالعين نازلين تقطيع في سامي بس ما نفع والله ..

المتصل .. تكفى يابو خالد شوفوا حل لنا .. والله لو يوصل منتخبنا لكاس العالم وسامي كابتن .. تلاقي كل المتسشفيات بالسعودية
تخصصت لعلاج الضغط .. وازاله المرارة !!

ابو سكسوكة .. ابشر كلامك يوصل للمسئولين ان شاء الله .. شئ ثاني تبغى تقوله ...

سلامتك .. خلني اروح اقيس ضغطي بس .. مع السلامة ..

ابوسكسوكة .. والله الاتصالات كتيره ..مرة .. هذا اخر اتصال :

الو من معنا ..
معك ( المسفهل ) من الرياض ..
ابو سكسكوكة .. تفضل .. اخوي ..

انا ابسأل شرقي .. الحين هو يقول بعد المباراة الاولى ان المنتخب ممتاز ومبسوط .. والمنتخب متعادل .. والحين المنتخب فايز ..
ومع هذا ما اعجبه..

ابو سكسكوكة يقاطع .... لا لا لا لا هذا ماهو اسلوب نقاش .. انا كان ممكن اخليك تكمل .. بس باسلوبك هذا لا غير مقبول !!! ( الرجال
ما بعد قال شئ) .. ارجو من الاخوان يلتزمون بالادب والاحترام ..

وانت استاز عبدالعزيز لا تجيب على السؤال ( علشان ما يحرجه ) !!

اخواني .. انتهى الوقت المخصص لنا ..

اللقاء القادم ابقوا معنا ومع ( الاستديو التقطيعي بسامي الجابر ) .. واتصلوا اتصالات مهذبة زي اول وثاني اتصال .. علشان ما نقطع
الاتصال بوجيهكم !!

ومع احلى المونا !!

@@@@@@@@@@@@@@@@

@@ فكونا من ارثر @@

بدأ العد التنازلي لانطلاق المسابقات المحلية .. والوضع الازرق كما نسمع ونقرأ لا بأس به .. ولعل ما يقلق عشاق الزعيم هو وضع اللاعبين
الاجانب .. فالقريق كما يبدو سيخوض اولى المسابقات دون اي لاعب اجنبي ..
الحكام
ولعل التأخر في التعاقد من اجانب في ((( بداية ))) الموسم .. قد يعود بالنفع ..فشباب النادي سيجدون فرصة لاثبات وجودتهم .. كما ان التروي في
مسألة التعاقد أفضل بكثير من الاندفاع بتعاقدات لا تسمن ولا تغني من حوع ..

فالهلال وفي مسابقة بحجم كأس الامير فيصل لا اعتقد انه يحتاج لشحذ الطاقات والهمم .. بل ان التجريب والاختبار يجب ان يكون شعار الزعيم في اولى
المسابقات ..

شئ مهم .. يجب ان نعي له .. وهو (((تقييم)) ارثر ..

فالهلال سيغيب عنه كوكبة دولية .. بالاضافة الى غياب عدد من النجوم يتقدمهم الجمعان لداعي الاصابة .. وكلها امور حتماً ستؤثر على جمالية
الهلال .. يجب ان نمنح ارثر الفرصة للبناء والاختبار ..
ويجب ان نمنح الهلال فرصة الاكتمال ..

بالمختصر المفيد .. الهلال مع بداية الموسم .. وبعد صيف عاصف بالغبار (الهلالي) يجب ان نمنح زعيمنا الفرصة للعمل بهدوء ودون غضب وتشنج ..
يجب ان نقبل الخسارة من الشعلة كما نتقبلها من الاتحاد ..

يجب ان نثق بان ارثر هو الانسب .. والامير سعود هو الافضل .. والمصيبيح هو الاهم ..

اذا كنا نريد للزعيم ان يتألق ..

@@@@@@@@@@@@@

@@ خذ و خل ! @@


@@ اختلف مع من علق خسارة المنتخب بغياب سامي .. فمشكلة المنتخب كانت تتمثل بحارس ( الفريرة) الذي وقف بين الخشبات في الشوط الاول !!

@@ منتخبنا للشباب اثبت ان انديتنا اصبح فقيرة بالمواهب .. ولكن البعض يريد ان نفهم ان كل شئ بسبب المصيبيح !!!!

@@ يقام معسكر تدريبي للحكام في التشيك .. قمة الدلال من لجنة الحكام .. بصراحة اصولها ... اضطهاد و وقرارت تعسفية في منتصف الموسم لعيون
فلان وعلان .. وفي الصيف ترفية ودلع !! يعني فيه توازن :)

@@ لولا معزة وغلا شبكة الزعيم .. لكتبنا عن بعض الاعضاء ما يستحقونه .. بس يقول المثل من اجل عين الزعيم تكرم اسماء الحريم !!


@@@@@@@@@@@@@@@@@@@@@@

تحياتي لكم وآسف على الاطالة ..:D

الله يعطيك الف عافيه أخوي ياقاهرهم ياسامي

بالنسبة لشلة المركاز تعودنا على السخافه والسقامه بالطرح خصوصا عندما يتطرقون بالكلام عن المنتخب و عن الكابتن سامي الجابر

ونتمى فعلا التوفيق للمنتخب في المباريات القادمه بإذن الله

فعلاً((((( يجب ان نثق بان ارثر هو الانسب .. والامير سعود هو الافضل .. والمصيبيح هو الاهم .. )))))

الله يعطيك الف الف عافيه أخوي ياقارهم على التمييز وربي يسلم قلبك

هههههههههههههههههههههه
:D :D :D :D
الله يقلع ابليسك توني ابروح أنام الا يطلع هالموضوع الرايق..
بس تصدق وانا اقراء الموضوع كني قاعد اشوف التخليل الرياضي ..
مانيب زايد شي على هالموضوع لأنك ما عطيتنا فرصه نقول شي !!
بس أعجبتني:ابو سكسوكة اكيد بنجاوبك .. ما اتصلنا عليك وطلبنا منك تسأل الا اننا بنجاوبك !!!

مشكور يالغالي وتصبح على خير
الله يعين سهرتنا
:D :D :D

دااااااايم مبدع,,,, .
وبالنسبه للأستيديو التقطيعي بسامي وكل شيء يمس الهلال هذولي غاسلين يدينا منهم بس البلاء الى يومنا محد قدر يوقفهم عند حدهم:confused: !!!!.. .
ومثل ماقلت خلونا نعتبر الخسارة من الشعله مثل خسارتنا من الاتحاد وغيره...,,
ويعطيك العافيه ويستر عليك,,, ,
وياخوي طووووووووووووووووول طووووووووووووووووول لاتوقف
;) مانمل.. .

سلام هلا واخوي ياقهرهم ياسامي بصراحه ماقصرت مبدع لاجديد
كل يوم موضوع شيق وحوار راقي لكن ماتشوف اخوي ياقهرهم
انك طيب مررره مع الحمله التى راح تشن على الذيب مع بداية
التصفيات النهائيه يعني بوصفك للحداث التى راح نسمعا ونشاهدها
من استديو اتصل وسب (يعني الاستدتيو التحليل) انا اتوقع انهم
وخصوصا المرحله القادمه رح يشنون حملة الله يستر على الذيب
منها الله يستر بس والله هالعالم الي هم اعداء النجاح المرض
في نفوسهم يصلحون اكثر من كذا ولا تقولون ان كلامي هذا
من باب اعجابي اوتعاطفي مع الذئب بلعكس يمكن ا نا
سمعت شي عن سامي مااضن كثيرين اسمعوه من هالمنطلق
اتوقع رح يشوف شي الله يستر بس اسف على الاطاله
تحيات لكم

هلا
 

اخوي الغالي: يا قاهرهم يا سامي
يوم بعد يوم..يزداد اعجابي بك..وبقوة طرحك..
موضوع رائع..وفي وقته..وخصوصا سالفة:ابو سكسوكه<ابي اعرف من وين جبتها>...:) :) :)
اما بخصوص قنوات الضفادع..:D :D فابشرك مالي خبر فيها..

وبسردك الجميل والسلس..لهذه النقطه بالذات..اجدت الوصف<الواقعي لما يحدث>..

اما من ناحية< ارثر والزعيم>..
فانا اؤيدك بشدة...في عدم الاستعجال..بالتعاقدات مع اللاعبين الاجانب..
والتى اصبحت..<مثل الشحم في الجريش>..:eek: :eek: :eek:
فالتروي في مثل هالامور الحساسه..افضل واعم..
وادارة الزعيم بقيادة الامير الشاب سعود بن تركي..
قادر باذن الله على قيادة دفة الزعيم..والسير به الى الافضل باذن الله..
مستشهدا بقولك:<
يجب ان نثق بان ارثر هو الانسب .. والامير سعود هو الافضل .. والمصيبيح هو الاهم .. >
تحياتي لك..وهنيئا لنا بك وبامثالك...
وتقبل تحيات اخوك المحب.

حبيب قلبي يا قاهرهم يا سامي

الله يعطيك العافيه

الله يعين من االي جاي

أذكر يالغالي على طاري الشرقي في أحد الفضائيات يجادل سامي على وضع

الهجوم السعودي وسلبيته

فأجابه سامي ان المشكله في الوسط

يبدو ان مشكلة منتخبنا في وسطه

يالغالي الحارس سوفى يعود الدعيع ويحمي المرمى

ولكن اين لعب مثل خميس وعلى زماننا عبادي الهذلول

اين اللاعب الذي الذي يفترض ان يكن حلقة وصل بين الدفاع والهجوم

كذلك اين الوسط المتقدم بعد نواف

اين الوسط ألأيمن وألأيسر وماهو دورهم

حسب وجة نظر خاصه مشكلتنا مثل ماقال سامي (((( الوســط ))))




الغالي يا قاهرهم يا سامي لك الحب وألأحترام

تسلم اناملك ياقاهرهم يا سامي

وبالنسبه لاستوديو ((المركاز)) هذا شئ مو جديد عليهم اعداء النجاح

وشكرا لك على هذا الموضوع الرائع:)

الله يعطييك العافية

‌‌‌‌‌‌‌‌‌# القناة الفاشلة ما دام رئيسها ............. فلا ترجي منها خير ، و اصلا ليش تعذب نفسك وتشترك فيها ، وما كانك نسيت المحلل العالمي جاسم العثمان لو سمحت عطه حقه :D :D

# سامي احسن ما فيه انه قاهرهم ورافع ضغطهم .:D :D

# الله يالدعيع ارجع بسرعة

# بالنسبة لارثر فاعتقد ان الموسم القادم اصعب موسم له
نظرا لغياب لاعبي المنتخب

وهذه حبة خشم على ذي الجملة


بس ما كنك هذه المرة طولت الغيبة :rolleyes: :rolleyes:

تحياتي لك

عواكيس ... الله يحييك .. حللت اهلا ووطأت سهلاً .. :)
شكرا لك ولمداخلتك ..

وبانتظار شله المركاز .. وخرابيطها ..

@@

سور الصين .. هلا بك .. ونوم العوافي ياغالي ..

@@

نايف .. هلا بك .. بالعكس .. خلهم يستمرون لا تحرمنا من الضحك عليهم .. وخلهم يكشفون عقلياتهم للعالم كله حتى اللي بميامي :)

@@

المنسي .. شاكر مداخلتك .. وتوقيعك للبيع .. بصراحة حلو :)

@@

محترف توقعات .. هلا والله بك .. انت المبدع ماشاء الله عليك وعلى احبارك ومواضيع .. واخرها لقاء اليوم :)

روعة الله يعافيك ..

وشاكر لك ردك ..

@@

ابو سليمان .. هلا بك واتفق معك :)

@@

الزير الهلالي : هلا ياغالي ..

@@

الهلالي محمد : بالخيرات .. ما ابطيت ابد .. بس انت من زمان عن الشبكة ;)

تحياتي لك ياغالي ..

ههههههههههههههههههههههههههههههههه
هههههههههههههههههههههههههههه

حلوووووه الزربات الركنيه قسم بالله فطستني من الضحككككك :D

بس والله صدقت اخوي ياقاهرهم هذا تحليلهم بالضضضضبط

بس فيه سؤال لدكتور مدني اذا قدرت توصله له

لو سامي هو اللي يلعب الزرباات الركنيه :D وش رأيه في هالنقطه ؟؟

من جد اعجبتني الزربااات الركنيه :)

اما باقي الموضوع فوفيت وكفيييت ولااقدر ازيد على كلامك كلاام

هلا اخوي ياقاهرهم أنا صراحة قريت بس موضوع الاستديو التحليلي:D

ما أقدر اقول الا انك وصفت فأبدعت الوصف صدقني أقرأ وأحس اني قدام الشاشة واسمع سخافاتهم :mad:

تحياتي لك ههههههههههههههه الله يرجك:D

قاهرهم ومعمي عيشتهم...........

سامي في الملعب وإنت في الإنترنت......ماشاء الله عليكم...

يازينها ........................ الشرقي ......والله إنك صادق

تحياتي لك وإستمر والله يوفقك يامبدع ......ومع أطيب المونا;) ;)

مشكور اخوي ياقهرهم على ردك وعلى اعجابك بالتوقيع
على العموم يفداك التوقيع وراعي والتوقيع لكن اضن
انك فهمت وش يعني الصور الي بتوقيع انت الوحيد الي
انضن انه فاهم واش اقصد انا بالتوقيع وش معنا الصور
الي بالتوقيع بالمختصر المفيد التوقيع شوفه مره ثانيه وتعرف
ان فيه شي يعني يحكي قصه على الطاير يعني اول مايبدا التوقيع
تشوف سامي يهرول ويحرث الملعب وبعد هالتعب شال الكاس
وبعدين يرحب بالجمهور على تهناتهم له على الكاس والانتصار
ادري بتقولون وش هالمتفلسف لكن المغذره
اخوي ياقهرهم زي ماقلتك اذا تامر اصلح توقيع
ابشر من عيوني الثنتين ورح يعجبك ان شاء الله
بس انت امرررررررررررررر اخوك المنسي

مساك الله بالخير حبيب الكل ابو هيا

اولا موضوعك فيه خطأ شنيع جدا
ابو سكسوكة اول ما يبدأ يقول وهكزا سيداتي انساتي سادتي .... ويكمل النصب
ولا تنسى ان ولده محمد ممكن يتصل او نسيبه حنفي يمكن يعقب
ونسيت الفاكسات اللي يسب سامي يقولها واللي يمدح سامي يقول شكرا على شعورك (المشاهد يحسب ان صاحب الفاكس يمدح ابو سكسوكة )
والله العظيم انا ارسلت فاكس مدح بسامي وقالي شكرا على شعورك .. وش دخلك بشعوري اقرى الفاكس وإلا لازم اسب بسامي علشان تقراه


المهم ابو هيا لا زلت اتذكر اتصالك الجامد والقوي على الإستديو ابو سكسوكة بعد اول مباراة في التصفيات واضاع سامي ضربة جزاء وكان منتخبنا متغلب باكثر من هدف ومع ذلك سمعنا سب وشتم علني حتى كان اتصال ابو هيا اللي قفل عليهم الباب

ولأول مرة في تاريخ البرنامج يقفلون الخط في وجه واحد كان يبي يسب وقال ابو سكسوكة خلاص غيروا الموضوع بعد دش ساخن جدا وجه لمدني والشرقي

ولازلت اتذكر كلمات سامي هو من صدر المرض للغير وسامي ليس بحاجة للعلاج كما تدعي يامدني من يحتاج للعلاج هم من كرموا بكاس العالم

لله درك يا ابو هيا