#1  
قديم 18/11/2005, 10:30 PM
زعيــم مميــز
تاريخ التسجيل: 23/10/2003
مشاركات: 1,612
ياهلال أنت وينك من زمـان ؟؟ + نقاط سريعه وملخص المباراة + لقطة فيديو إهداء

الهلالي ابوسارة يعود لكم من جديد ..

اللـه حيّ أهل الصدارة والزعامه .. ومبروووك الفوز المقرون بمستوى رائع ..

اليوم تحلّق أمام الشاشه كل السعوديين ..

نصفهم هلالي .. ونصفهم وحدااوي !! ويا معاند الأزرق تراك انت غلطان;)

-------------------------------------------


- المبـاراة -

بدأها الهلال بقوة .. هاجم منذ البداية وما أجمل الهلال حين يبادر الى الهجوم ..

لعبها الهلال 4- 5- 1 وتتحول مع الهجمه الهلالية الى 4- 4- 2 بدخول جلسون كمهاجم ثاني مع ياسر ..

أما الوحده فهو وكعادة أي فريق في الدوري السعودي يواجه الهلال.. كان في قمة حماسه ..

مدربهم واقف ويصارخ .. والاداريين كأنهم في ساحة محاورة.. واحد يوقف واحد يجلس:p ..

حتى رئيس رابطتهم ( الموركي ) كان من زود الحماس وده ينزل الملعب

من حقهم طبعا هذا الشيء .. ففوز على الهلال يعدل بطولة بحد ذاته ..

على خلاف سير المباراة .. بادرنا الوحداويين بهدف ( استروبي ) ولا احد يسألني عن استروبي لأني مدرش وش هي

بس الظاهر ان معنااها : هدف عايدي لا جملة تكتيكيه فيه ..

ثم بدأ الابداع الهلالي وهدر الموج الأزرق فغرق الفارس الأحمر ..

وعندما يكون الزعيم في يومه.. فـلا كويكبي ينفع ولا محياني يفيد..

أكثر ما أسعدني بهذا الفوز هو مستوى الهلال .. الجمل الرائعه في الوسط ..

اللعب الهلالي الرجولي والخالي من الخشونه ( إلأ ماندر ) لأن احمد خليل طيّنها في لقطه

شاهدوا هدفي الهلال لتروا مدى البعد الجمالي فيهم .. وأعتقد أن الموسم الهلالي بدأ الآن وليس قبل ذلك ..

عموما ألف ألف ألف مبروك وهارد لكم نصف الوطن ومبروك للنصف الآخر

-------------------------------


- كماتشو -

انتقدتوني فترة من الفترات لما انتقدت مستوى اللاعب هذا .. تحملت وقلت اخواني ويمونون:sad:

لكن اللي يدافع اليوم عن كماتشو فهو فقط يحب كماتشو حب قلب ماله دخل بالهلال !!

تمريراته 90 % للوحداويين .. حتى ركنياته اللي يتميز فيها صار يلعبها دون نفس !!

تحس أن وجهه مكشر ومو طبيعي (( يحق له مكانه الدوري الاسباني مو السعودي !! ))

أتمنى من الادارة ترفع أمه بخصم وتهديد وترى المطارات تودي وتجيب .. والزين على قفا من يشيل.

من ناحيتي عندي طلب لاخواننا الفنانيين بالتصاميم مثلي :

أحد منكم يتبرع لي ويسوي تصميم ويحط فيه صورة كماتشو وصورة أمه جنبه ويكتب :-

أمك بحاجتك والجنة تحت أقدام الأمهاات

--------------------------

- هلاليات ابوسارة -


** يالربع تفاريس مو طبيعي هالموسم .. أحس أنه احيان يفتقد التركيز في المباراة ..

مدري أنتم مثلي شايفين أن المرور من جنبه صار سهل أو أنا اللي شوفي شجر؟!


**جلسون البرازيلي أعجبني وأطربني وأفرحني كثيرا .. سجل هدف ثم من زود الدلع صنع هدف..

حاولت مع العيال اللي معي نعطيه لقب يستحقه فـ أطلقت عليه:

" السلقة البرازيليه " ---> والله بعد من زين الالقاب عندك


** يقولون - وهنا نقول العهده على وكالة يقولون - ان الشلهوب مستواه نازل ومنخفض و..و.. الخ

وانا أقول : لو كان الشلهوب يلعب وهو نايم .. فتوقع من يسراه أي شيء ..

انظروا للهدف الأول .. ثم انظروا لتمريراته البينيه لياسر .. ثم احكموا بأنفسكم:

من يستحق الخروج؟ كماتشو أم هـو !!

للأسف كالعاده ستنتشر في المنتدى مقالات تنتقد ابو حميد أما كماتشو راح يطلع منها !

اليوم أبدع نوعا ما محمد الشلهوب .. أما ألأخ كماتشو كان معزوم في الملعب..

تحلف بالله انه على الخط مع خالته مضاوي البرازيليه ومو في الملعب:p


** نجوم المباراة وبالترتيب : كويكبي الوحده ثم الخثران ثم جلسون ..

اللي يخالفني يطلع لي في الطلعه


** للمرة الخامسه أقول: لن أتكلم عن ياسر ولكن أقول أن كرسبو الارجنتيني انتقل للاتسيو بمبلغ قياسي ..

ولم يبدع الا في الدور الثاني من الدوري الايطالي .. يعني الصبر زين .


** اذا لعب الياس قلت يازين العصفور هجومي .. وااذا لعب العصفور قلت يازين الياس دفاعي..

واحترنا يا راشد معاك

** الخثران إن كانك تفهم انقليزي فاسمح لي أقول لك: آي لوف يووو ..


-------------------------------------


همسة أخيرة :-


معلق المباراة الجميل والذي لوّح للكاميرا يوم جت عليه وكأنه ليلي علوي قال :-

كماتشو يذكرنا بريفالينو ..

وانا أقول قاتلك الله يا هذا لقد قلت نكتة لم أسمع مثلها ولا حتى في أوساط المحششين

وسؤال : ليش ( غصّيت ) يوم جاب الهلال هدفه الثاني ---> يمكن مكبّر اللقمه !!

----------------------


نصف الوطن نايم .. ونصف الوطن سهران .. ويامعاند أزرقنا تراك انت غلطان



----------------------


لقطة الفيديو :


أرجو منكم التمعن في الفراغ في الأسفل وتخيلوا أنه لقطة لتمريرة الشلهوب الهدف الأول











أدري طولت عليكم وهذي ظغطه على نشر الموضوع ..
اضافة رد مع اقتباس
  #2  
قديم 18/11/2005, 10:31 PM
زعيــم نشيــط
تاريخ التسجيل: 18/11/2003
مشاركات: 858
يعطيك العافيه يابو ساره

من ناحيه كماتشو فانا اوافقك تماما فتلاحظ في كثير من الاحيان انه يقوم باداء اقل من الضعيف اتمنى من الاداره تنبيه اللاعب ولو استدعى الامر الخصم من راتبه فكما ياخذ مكافاه على الفوز ياخذ خصم عند التقصير

فالغريب في الامر انه ضامن اللعب اساسي في كل لقاء رغم وجود لعبين افضل منه في دكه البدلاء ومع ذلك تراه في كل لقاء يلعب اساسيا

اما لقب جلسون فحقوق اللقب محفوظه لك
اضافة رد مع اقتباس
  #3  
قديم 18/11/2005, 10:33 PM
زعيــم فعــال
تاريخ التسجيل: 12/10/2005
مشاركات: 208
مشكور اخوي على الكلام
اضافة رد مع اقتباس
  #4  
قديم 18/11/2005, 10:34 PM
زعيــم فعــال
تاريخ التسجيل: 12/10/2005
مشاركات: 208
انا معك ان تفاريس السنة هذي نازل مستواة بشكل مو طبيعي بس يالله نقل ان شاء الله يتطور ويرجع على عهدنا
اضافة رد مع اقتباس
  #5  
قديم 18/11/2005, 10:39 PM
زعيــم مميــز
تاريخ التسجيل: 20/04/2002
المكان: من جِبآل أجـَا وسلمىَ
مشاركات: 1,688
مشكور اخوي الهلالي ابو سارة بس كأنك غلطت على تفاريس وتحاملت على كماتشو


بالعكس تفاريس هو شايل دفاع الهلال اما كماتشو مادري صح عليه أخطاء بس أنك تشن عليه الحملة هذي
اضافة رد مع اقتباس
  #6  
قديم 18/11/2005, 10:41 PM
زعيــم جديــد
تاريخ التسجيل: 24/10/2005
المكان: الـــريـ RiYaDh ـــاض
مشاركات: 41
يعطيك العافيه أبو ساره

وعلى قولت ابراهيم حقوي

هذا خلصنا منو يا ويلك ياللي بعدو
اضافة رد مع اقتباس
  #7  
قديم 18/11/2005, 10:41 PM
زعيــم مميــز
تاريخ التسجيل: 01/05/2004
المكان: الدمام
مشاركات: 6,691
مشكور اخوي الهلالي ابو سارة
اضافة رد مع اقتباس
  #8  
قديم 18/11/2005, 10:42 PM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
بالنسبة لكماتشو يمدحون المطار تراه زين ذا الايام وكذلك ياسر الذي يتفنن ويستهبل مدري ويبي يجيب هدف خيالي مدري كيف اما باكيتا فقد جامل كماتشو كثيرا كثيرا كثيرا واقول له فيه احد عنده لاعب زي نواف التمياط ويخليه احتياط ؟؟؟؟؟؟؟؟؟؟؟؟؟؟؟؟؟؟؟؟؟؟ ويخلي كماتشو يحلم في الملعب, وفيه نقطه اخيره لو الصويلح اليوم مكان ياسر كان صارت هزيمة تاريخيه لكن الحمد لله على الثلاث نقاط وعلى المستوى الرائع
اضافة رد مع اقتباس
  #9  
قديم 18/11/2005, 10:44 PM
زعيــم مميــز
تاريخ التسجيل: 02/09/2005
المكان: الرياض
مشاركات: 3,545
اهلين ياابو سارة

كالعادة موضوع جميل لكن لي بعض التعليقات اذا سمحت:;)

بالنسبة لكماتشو صحيح كماتشو لايقارن بريفلينو لكن بعد كماتشو مهوب شين يعني تطلع منه لمسات حلوة وتفكيره لما يستلم الكورة بعد حلو

اما تفاريس فهو اللي صدق ماادري وش فيه هالسنة بالاضافة لملاحظتك انا عندي ملاحظة ثانية عليه كل مباراة بكرت مو معقول كذا ياتفاريس بالنهاية بتحطم رقم مصطفايا القياسي:p :p

ياسر انا معك 100000000000% ياسر مضغوط ياجماعة لازم نصبر عليه مو بس نصبر الا لازم نوقف معه لازم نعطيه ثقتنا واحنا عارفين ياسر وامكانيات ياسرونعرف ان ياسر لما يكون بمستواه راح يفرحنا كلنا ياسر محتاج لوقفتنا معه

نجوم المباراة

الكويكبي
جيلسون
الشلهوب


ومن محطة لمحطة شوفوا الازرق وشلون يتخطى


مشكور ابو سارة
اضافة رد مع اقتباس
  #10  
قديم 18/11/2005, 10:46 PM
زعيــم نشيــط
تاريخ التسجيل: 10/10/2005
المكان: ـق ـلب ـالزـعـ ي ـمـ !
مشاركات: 601
انا معك ان تفاريس السنة هذي نازل مستواة
اضافة رد مع اقتباس
  #11  
قديم 18/11/2005, 10:47 PM
زعيــم مميــز
تاريخ التسجيل: 13/09/2003
المكان: !! KSA !!
مشاركات: 9,870
يعطيكـ العافية يا " الهلالي ابو ساره "

::

أنت

::


ومبروك الفوز

::


تحياتي
اضافة رد مع اقتباس
  #12  
قديم 18/11/2005, 10:49 PM
زعيــم جديــد
تاريخ التسجيل: 09/07/2005
مشاركات: 6
مشكووووووور
الله لايحرمنا من كلامك
اضافة رد مع اقتباس
  #13  
قديم 18/11/2005, 10:54 PM
زعيــم متواصــل
تاريخ التسجيل: 13/07/2005
المكان: Nottingham
مشاركات: 92
يا بو سارة انت وينك من زمان

كالعادة موضيعك تحف..ياتحفة الشبكات الهلالية>>مكانك اللوفر

*********************

قلناها اكثر من مرة مادام نواف رجع فلا فائدة من كماتشو الا بالإحتياط

بس عندك ناس عندها قناعة ان الاجانب صعب تتخيلهم جالسين على الدكة..

********************

اما ملاحظتي عليك طال عمرك..

بالنسبة لنقدك للاعبين الأجانب

من خلال تعريجك على مستوى تفاريس

فأنا اعتقد انك تطبق النظرية اللي تقول ان المدرب في السعودية مستحيل ينجح موسمين متتاليين..

ولكنك طبقتها على الأجانب

لأن الصراحة تفاريس هو هو ماتغير نفس الحماس ونفس الروح ولكن مايلام صراحة لو عدى منه واحد زي الكويكبي..

وانت شفت بنفسك مهاراته..

********************

اخيرا ابسألك صراحة ماتحس ان الذيب جالس يعذبنا انتصف الدوري ولا شفنا طلته البهية..

وتسلم على مواضيعك الرايقة..

لك مني ارق التحايا...9ســــام6

اخر تعديل كان بواسطة » سامي كم انت سامي في يوم » 18/11/2005 عند الساعة » 11:24 PM
اضافة رد مع اقتباس
  #14  
قديم 18/11/2005, 10:55 PM
زعيــم جديــد
تاريخ التسجيل: 09/07/2005
مشاركات: 26
اول شى مبروك الفوز والصدارة وماهو غريبة على الزعيم
ثانيا شى بالنسبة لتفاريس ان اوافقك ان مستواة نازل ولكن مو تفاريس وحدة الذى نازل مستواة اغلب الاعبين
اضافة رد مع اقتباس
  #15  
قديم 18/11/2005, 10:59 PM
زعيــم متواصــل
تاريخ التسجيل: 22/05/2005
مشاركات: 119
أشهد بالله إن عيالنا اليوم ماقصروا

جيلسون خثران شلهوب


بالنسبه لكماتشو

صبركم عليه ياجماعه
جماعتنا شايلينه للعوزة الكبيرة ، لاجا المربع خل المولد يكسر العنبر ، ثم ياآخذ كرت أحمر ، وقتها يسجل بيكهام ونجددله للسنة الجاية


باكيتا مدلع كماتشو كثير وهذا واضح، وإذا بيبقى الولد على هالدلع
فالله يستر

أبو سعيد يسلم عليكم اليوم

بصراحة الولد ماينلام يالربع يعني
الضغوط عليه من كل جهة
الجمهور والمنتخب وباكيتا
ورنيم


ماقصرت يابو سارة
مبدع من يوم يومك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube