نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   ياهلال أنت وينك من زمـان ؟؟ + نقاط سريعه وملخص المباراة + لقطة فيديو إهداء (http://vb.alhilal.com/t252632.html)

الهلالي- ابوسارة 18/11/2005 10:30 PM

ياهلال أنت وينك من زمـان ؟؟ + نقاط سريعه وملخص المباراة + لقطة فيديو إهداء
 
الهلالي ابوسارة يعود لكم من جديد ..

اللـه حيّ أهل الصدارة والزعامه .. ومبروووك الفوز المقرون بمستوى رائعs13s ..

اليوم تحلّق أمام الشاشه كل السعوديين ..

نصفهم هلالي .. ونصفهم وحدااوي !! ويا معاند الأزرق تراك انت غلطان;)

-------------------------------------------


- المبـاراة -

بدأها الهلال بقوة .. هاجم منذ البداية وما أجمل الهلال حين يبادر الى الهجوم ..

لعبها الهلال 4- 5- 1 وتتحول مع الهجمه الهلالية الى 4- 4- 2 بدخول جلسون كمهاجم ثاني مع ياسر ..

أما الوحده فهو وكعادة أي فريق في الدوري السعودي يواجه الهلال.. كان في قمة حماسه ..

مدربهم واقف ويصارخ .. والاداريين كأنهم في ساحة محاورة.. واحد يوقف واحد يجلس:p ..

حتى رئيس رابطتهم ( الموركي ) كان من زود الحماس وده ينزل الملعب :d

من حقهم طبعا هذا الشيء .. ففوز على الهلال يعدل بطولة بحد ذاته ..

على خلاف سير المباراة .. بادرنا الوحداويين بهدف ( استروبي ) ولا احد يسألني عن استروبي لأني مدرش وش هي :d

بس الظاهر ان معنااها : هدف عايدي لا جملة تكتيكيه فيه ..

ثم بدأ الابداع الهلالي وهدر الموج الأزرق فغرق الفارس الأحمر ..

وعندما يكون الزعيم في يومه.. فـلا كويكبي ينفع ولا محياني يفيد..

أكثر ما أسعدني بهذا الفوز هو مستوى الهلال .. الجمل الرائعه في الوسط ..

اللعب الهلالي الرجولي والخالي من الخشونه ( إلأ ماندر ) لأن احمد خليل طيّنها في لقطه:confused:

شاهدوا هدفي الهلال لتروا مدى البعد الجمالي فيهم .. وأعتقد أن الموسم الهلالي بدأ الآن وليس قبل ذلك ..

عموما ألف ألف ألف مبروك وهارد لكم نصف الوطن ومبروك للنصف الآخر

-------------------------------


- كماتشو -

انتقدتوني فترة من الفترات لما انتقدت مستوى اللاعب هذا .. تحملت وقلت اخواني ويمونون:sad:

لكن اللي يدافع اليوم عن كماتشو فهو فقط يحب كماتشو حب قلب ماله دخل بالهلال !!

تمريراته 90 % للوحداويين .. حتى ركنياته اللي يتميز فيها صار يلعبها دون نفس !!

تحس أن وجهه مكشر ومو طبيعي (( يحق له مكانه الدوري الاسباني مو السعودي !! ))

أتمنى من الادارة ترفع أمه بخصم وتهديد وترى المطارات تودي وتجيب .. والزين على قفا من يشيل.

من ناحيتي عندي طلب لاخواننا الفنانيين بالتصاميم مثلي :

أحد منكم يتبرع لي ويسوي تصميم ويحط فيه صورة كماتشو وصورة أمه جنبه ويكتب :-

أمك بحاجتك والجنة تحت أقدام الأمهاات :d

--------------------------

- هلاليات ابوسارة -


** يالربع تفاريس مو طبيعي هالموسم .. أحس أنه احيان يفتقد التركيز في المباراة ..

مدري أنتم مثلي شايفين أن المرور من جنبه صار سهل أو أنا اللي شوفي شجر؟!


**جلسون البرازيلي أعجبني وأطربني وأفرحني كثيرا .. سجل هدف ثم من زود الدلع صنع هدف..

حاولت مع العيال اللي معي نعطيه لقب يستحقه فـ أطلقت عليه:

" السلقة البرازيليه " ---> والله بعد من زين الالقاب عندك:d


** يقولون - وهنا نقول العهده على وكالة يقولون - ان الشلهوب مستواه نازل ومنخفض و..و.. الخ

وانا أقول : لو كان الشلهوب يلعب وهو نايم .. فتوقع من يسراه أي شيء ..

انظروا للهدف الأول .. ثم انظروا لتمريراته البينيه لياسر .. ثم احكموا بأنفسكم:

من يستحق الخروج؟ كماتشو أم هـو !!

للأسف كالعاده ستنتشر في المنتدى مقالات تنتقد ابو حميد أما كماتشو راح يطلع منها !

اليوم أبدع نوعا ما محمد الشلهوب .. أما ألأخ كماتشو كان معزوم في الملعب..

تحلف بالله انه على الخط مع خالته مضاوي البرازيليه ومو في الملعب:p


** نجوم المباراة وبالترتيب : كويكبي الوحده ثم الخثران ثم جلسون ..

اللي يخالفني يطلع لي في الطلعه :nono:


** للمرة الخامسه أقول: لن أتكلم عن ياسر ولكن أقول أن كرسبو الارجنتيني انتقل للاتسيو بمبلغ قياسي ..

ولم يبدع الا في الدور الثاني من الدوري الايطالي .. يعني الصبر زين .


** اذا لعب الياس قلت يازين العصفور هجومي .. وااذا لعب العصفور قلت يازين الياس دفاعي..

واحترنا يا راشد معاك :d

** الخثران إن كانك تفهم انقليزي فاسمح لي أقول لك: آي لوف يووو ..


-------------------------------------


همسة أخيرة :-


معلق المباراة الجميل والذي لوّح للكاميرا يوم جت عليه وكأنه ليلي علوي:d قال :-

كماتشو يذكرنا بريفالينو ..

وانا أقول قاتلك الله يا هذا لقد قلت نكتة لم أسمع مثلها ولا حتى في أوساط المحششين

وسؤال : ليش ( غصّيت ) يوم جاب الهلال هدفه الثاني ---> يمكن مكبّر اللقمه !!

----------------------


نصف الوطن نايم .. ونصف الوطن سهران .. ويامعاند أزرقنا تراك انت غلطانs13s



----------------------


لقطة الفيديو :


أرجو منكم التمعن في الفراغ في الأسفل وتخيلوا أنه لقطة لتمريرة الشلهوب الهدف الأول:D











أدري طولت عليكم وهذي ظغطه على نشر الموضوع ..

د.هلالي 18/11/2005 10:31 PM

يعطيك العافيه يابو ساره

من ناحيه كماتشو فانا اوافقك تماما فتلاحظ في كثير من الاحيان انه يقوم باداء اقل من الضعيف اتمنى من الاداره تنبيه اللاعب ولو استدعى الامر الخصم من راتبه فكما ياخذ مكافاه على الفوز ياخذ خصم عند التقصير

فالغريب في الامر انه ضامن اللعب اساسي في كل لقاء رغم وجود لعبين افضل منه في دكه البدلاء ومع ذلك تراه في كل لقاء يلعب اساسيا

اما لقب جلسون فحقوق اللقب محفوظه لك

الأزرق المبدع 18/11/2005 10:33 PM

مشكور اخوي على الكلام

الأزرق المبدع 18/11/2005 10:34 PM

انا معك ان تفاريس السنة هذي نازل مستواة بشكل مو طبيعي بس يالله نقل ان شاء الله يتطور ويرجع على عهدنا

الازرق العجيب 18/11/2005 10:39 PM

مشكور اخوي الهلالي ابو سارة بس كأنك غلطت على تفاريس وتحاملت على كماتشو


بالعكس تفاريس هو شايل دفاع الهلال اما كماتشو مادري صح عليه أخطاء بس أنك تشن عليه الحملة هذي

عاشـــ sam6 ـــق 18/11/2005 10:41 PM

يعطيك العافيه أبو ساره

وعلى قولت ابراهيم حقوي

هذا خلصنا منو يا ويلك ياللي بعدو

هلالي$الدمام 18/11/2005 10:41 PM

مشكور اخوي الهلالي ابو سارة

هلالي للغااايه 18/11/2005 10:42 PM

بالنسبة لكماتشو يمدحون المطار تراه زين ذا الايام وكذلك ياسر الذي يتفنن ويستهبل مدري ويبي يجيب هدف خيالي مدري كيف اما باكيتا فقد جامل كماتشو كثيرا كثيرا كثيرا واقول له فيه احد عنده لاعب زي نواف التمياط ويخليه احتياط ؟؟؟؟؟؟؟؟؟؟؟؟؟؟؟؟؟؟؟؟؟؟ ويخلي كماتشو يحلم في الملعب, وفيه نقطه اخيره لو الصويلح اليوم مكان ياسر كان صارت هزيمة تاريخيه لكن الحمد لله على الثلاث نقاط وعلى المستوى الرائع

افتخر بالزعيم 18/11/2005 10:44 PM

اهلين ياابو سارة

كالعادة موضوع جميل لكن لي بعض التعليقات اذا سمحت:;)

بالنسبة لكماتشو صحيح كماتشو لايقارن بريفلينو لكن بعد كماتشو مهوب شين يعني تطلع منه لمسات حلوة وتفكيره لما يستلم الكورة بعد حلو

اما تفاريس فهو اللي صدق ماادري وش فيه هالسنة بالاضافة لملاحظتك انا عندي ملاحظة ثانية عليه كل مباراة بكرت مو معقول كذا ياتفاريس بالنهاية بتحطم رقم مصطفايا القياسي:p :p

ياسر انا معك 100000000000% ياسر مضغوط ياجماعة لازم نصبر عليه مو بس نصبر الا لازم نوقف معه لازم نعطيه ثقتنا واحنا عارفين ياسر وامكانيات ياسرونعرف ان ياسر لما يكون بمستواه راح يفرحنا كلنا ياسر محتاج لوقفتنا معه

نجوم المباراة

الكويكبي
جيلسون
الشلهوب


ومن محطة لمحطة شوفوا الازرق وشلون يتخطىs13s s13s s13s


مشكور ابو سارة

sami_عقبة 18/11/2005 10:46 PM

انا معك ان تفاريس السنة هذي نازل مستواة

عاشق &&& التمياط 18/11/2005 10:47 PM

يعطيكـ العافية يا " الهلالي ابو ساره "

::

أنت s60s

::


ومبروك الفوز

::


تحياتي

تايه ومن يدلني 18/11/2005 10:49 PM

مشكووووووور
الله لايحرمنا من كلامك

سامي كم انت سامي 18/11/2005 10:54 PM

يا بو سارة انت وينك من زمان

كالعادة موضيعك تحف..ياتحفة الشبكات الهلالية>>مكانك اللوفر

*********************

قلناها اكثر من مرة مادام نواف رجع فلا فائدة من كماتشو الا بالإحتياط

بس عندك ناس عندها قناعة ان الاجانب صعب تتخيلهم جالسين على الدكة..

********************

اما ملاحظتي عليك طال عمرك..

بالنسبة لنقدك للاعبين الأجانب

من خلال تعريجك على مستوى تفاريس

فأنا اعتقد انك تطبق النظرية اللي تقول ان المدرب في السعودية مستحيل ينجح موسمين متتاليين..

ولكنك طبقتها على الأجانب

لأن الصراحة تفاريس هو هو ماتغير نفس الحماس ونفس الروح ولكن مايلام صراحة لو عدى منه واحد زي الكويكبي..

وانت شفت بنفسك مهاراته..

********************

اخيرا ابسألك صراحة ماتحس ان الذيب جالس يعذبنا انتصف الدوري ولا شفنا طلته البهية..

وتسلم على مواضيعك الرايقة..

لك مني ارق التحايا...9ســــام6

ابو فارس الهلاالى 18/11/2005 10:55 PM

اول شى مبروك الفوز والصدارة وماهو غريبة على الزعيم
ثانيا شى بالنسبة لتفاريس ان اوافقك ان مستواة نازل ولكن مو تفاريس وحدة الذى نازل مستواة اغلب الاعبين

أبو خالد ـ الهلالي 18/11/2005 10:59 PM

أشهد بالله إن عيالنا اليوم ماقصروا

جيلسون خثران شلهوب


بالنسبه لكماتشو

صبركم عليه ياجماعه
جماعتنا شايلينه للعوزة الكبيرة ، لاجا المربع خل المولد يكسر العنبر ، ثم ياآخذ كرت أحمر ، وقتها يسجل بيكهام ونجددله للسنة الجاية:d


باكيتا مدلع كماتشو كثير وهذا واضح، وإذا بيبقى الولد على هالدلع
فالله يستر

أبو سعيد يسلم عليكم اليوم

بصراحة الولد ماينلام يالربع يعني
الضغوط عليه من كل جهة
الجمهور والمنتخب وباكيتا
ورنيم :d


ماقصرت يابو سارة
مبدع من يوم يومكs60s


الوقت المعتمد في المنتدى بتوقيت جرينتش +3.
الوقت الان » 01:19 PM.

Powered by: vBulletin Version 3.8.7
Copyright ©2000 - 2018, Jelsoft Enterprises Ltd