[align=center]السلام عليكم

نادي الهلال شعبيته جارفه بين صدور ومواريد ..

بس حضور .. وش اقول ؟؟

تدري ان مباراة النصر واولمبك .. كان عدد الجماهير اكثر من 18 الف شخص ..

تدري ان مباريات الهلال السابقه مع ابها والطائي والاتفاق والقادسيه والانصار كان عدد الحضور الجماهير بالكثير 2 الفين ..

افضل مبارة جماهيريه كانت مع نادي الاهلي وتكاثف كان من اجل البطوله ..

والمبارة المتوسطه جماهيريا مباراة الهلال مع الجزم في الرس

وامس استغربت وش ذا الجمهور .. (( غريبه على نادي له بطولات والناس تشهد على ذلك ))

فأريد اسمع سبب عدم حضورك للملعب ..

اريد سبب مقنع ..[/align]

والله ظروف الدراسة وانا اخوك

بعدين انت عارف جو الرياض برررد

عاد انا فى جده والله لو المباراه فى جده العصر وانا فى الملعب

إقتباس تدري ان مباريات الهلال السابقه مع ابها والطائي والاتفاق والقادسيه والانصار كان عدد الحضور الجماهير بالكثير 2 الفين ..

وش دعوى أخوي

مباراة الهلال مع الأنصار كان الجمهور معبي الملعب وتقول 2000 حرام عليك

ومباراة الطائي يقولون كان الملعب فللللللللللللللللللللللللللللللللللللللللللللللللل

إقتباس والمبارة المتوسطه جماهيريا مباراة الهلال مع الجزم في الرس

أخوي أنت حاقد على الحزم؟
أشوفك كاتب أسمهم الجزم وهم أسمهم الحزم
مباراتنا مع الحزم الملعب كان مليان جماهيريا
جمهور الهلال وجمهور الحزم خلوا الملعب فلللللللللللللللللللللللل
وأسأل أهل الرس حتى شفنا الجمهور بالتلفزيون

لكن جمهور الرياض اللي مايحضر ما أدري ليش

أنا بجده والرياض بعيده عن جده أكثر من 700 كيلو

بس مباريات جده أحضرها

والله انا خارج الرياض
وبعدين اكثر الشباب عندهم امتحانات
والأغلب يشاهدون البرازيل الامارات

طيب شباب البروده ومباراة البرازيل والامتحانات بايقلها يومين ..

كل هذي الاشياء اهم من الهلال ..

وبعدين اخوي هلالي القرعاء .. انا كتبت الجزم بالغلط هي الحزم

امتحانات الجامعه ما لها وقت و بعدين الملعب مو مريح لو كان بالاستاد كان قلنا نحضر على الاقل كراسي مو صبات

إقتباس وبعدين اخوي هلالي القرعاء .. انا كتبت الجزم بالغلط هي الحزم

أدري واللــه بس حبيت أنكت شوي

تعرف أنا أحب أستخف دمي شوي

اخوي كل شي غلطت فيه ما عدى مباراة القادسية
هي اللي ما جاها عدد الا قليل من الجماهير

ولكن اخوي تعرف ان المباراة يوم سبت
والاجازة توها منتهيه والجيب صار شبه فاضي
هههههههههههههههههههههه

هذا عني اما عن الطلاب لا تنسى الدراسة توها بادية
والاختبارات على الابواب

ولا تنسى ان الجمهور الهلالي ما يقصر
لا جاء وقت الجد لانه يعرف من اين تأكل الكتف
هههههههههههههههههههههههههه

تحياتي

مع السلامة

للأسف الشديد

اصبح جمهور الهلال في النهائيات فقط !!

انا بصراحة في ثاني ثانوي وما عندي سيارة

واول ما اشتري سيارة

باحضر كل مباريات الهلال في الملعب

الملعب البرتقالي

معقولة جميع الاعضاء من خارج الرياض

ياجماعة .. لو عدد المشاركات اللي كتبت من اجل تسجيل الحضور كان ملينا الملعب .... ياحسافة على جماهير الرياض

وربي انكم في نعمة تحسدون عليها ..... لكنكم ما تقدرون هالنعمة ... كلها شغل سيارتك وروح الملعب .... لكن للاسف

انا بصراحة يا اخوي من ابها .... مع اني اسافر للمباريات اللي بجدة والنهائيات عاد مايحتاج اذا سمحت الضروف...
هذا عذري

<<<<<<<<<<<<<<<< قسم بالله حاضر في الملعب

أنا ناوي أحضر بس انقفل علي
باب الحمام من يومين ولا طلعوني الا تو >>>>>> مايعرف يصرف

أنا اول من حضر امزح