انا عندي اختبار يوم الاثنين ولي ثلاث ايام مريض لكن ابشروا بمباراة الاهلي

اول شي
الملعب سيء <<يقصد ملعب البرتقاله
صبات ياخوي تبي تصكنا البواسير والناسور
ثاني شي مستوى الهلال سيئ السنه هذي وهذا كله من بركات باكيتا الي لاعب معه الحظ وهو من جنبها
اجل فيه مدرب في العالم يلعب بثلاثه محاور
هذي ماسمعناها لا في التاريخ ولا الجغرافيا
ثالث شي الفريق المقابل مايشجع الواحد يروح يشوف المباراه اكيد الفريق الثاني زلابه وبيقفل الملعب وبيشوت ويعتمد على المرتدات
اذا جت المباراه في استاد الملك فهد+مستوى الهلال يرجع مثل اول وافضل بعد+ الفريق المقابل قوي او مباراه هامه = سجلني اول الحضور مع اخوياي في استاد الملك فهد

أنا بكتب العذر الي عندي وقلي رايك فيه :
1_ أنا في ثالث ثانوي وتعرف ظروف الدراسه.
2_أنا داومت أول يوم السبت مواصل وتعرف الراس وش يصير له في هالحاله
3_وهذي أهم وحده أني كنت ناوي أرجع من المدرسة وأنام ((لكن)) صار لي ظرف ضروري منعني من النومه :sad: ولا نمت الا الساعة 5 وقمت بعد بداية المباراة ب10 دقايق وحمدالله اني قمت.

لا بعد ترا الشوط الثاني كله نايم ما قمت الا مع دخول الجمعان.



أتمنى يكون العذر مقبول ;) شكرا....

انا احاضر من بعد المغرب ولكن الجمهور فشلنا

أنا في الرياض بصراحة .. وما عندي أي نية أروح للمباريات ... أحب الهلال وأتابعه بكل صراحة .. لكن ما ودي أروح للمباريات ... والمحبة لا تثبت بالحضور وسط المدرجات وترديد الأهازيج أو حتى الجلوس هناك .
أنا ودي أستمتع بالهلال من خلال الشاشة الفضية .. أشوف الإعادات وأتبع التحليلات والتعليقات وعندي المعلق اللي براسي سواءً الرياضية أو أوربت أو art يعني يالله لك الحمد ليه أتعب نفسي وأروح ... أنت طلبت رأينا يا جمهور الرياض بكل صراحة ، يمكن إذا طرت مباراة نهائية أو إنعزمت بقوة فيه احتمال أغير قناعاتي وأجي لكن أكرر وأقول بكل صراحة حب الهلال ما يثبته حضوري للملعب و لا ينفيه عدم حضوري ، وإذا كان فيه جمهور يحب الحضور والمشاهدة فـ فيهم الخير والبركة والله يعطيهم العافية وكثر الله خيرهم .

أكرر : أنت طلبت الصراحة ... وأنا كنت معك صريح ... وسامحوني .

انا كنت في الجامعه

وسحبة على المحاضرة الاخيرة ويالله لاحقت على المباراة طبعا في التلفزيون


اول مادخلت البيت كانت الدقيقه 85 وعقبه 7 دقليق جاء الهدف



وش رايك بعذري

المشكله كل مباريات الهلال اللي في الرياض يالسبت او الاحد

يا خي التذاكر غالية

قط وادفعلنا أنا والجماعه يبيلنا ثلاثمية ريال علشان ندخل

عاد تكفى يا مبارة ميلان ويفنتوس

كلها الهلال والقادسيه لعب حواري خسارة عشرين ريال في لعب زي كذا

الجبيل الصناعية