السلام عليكم ورحمة الله وبركاته
من العايدين وكل عام وانتم بخير
اليوم في جريدة الرياضيه مقابله مع الي يسمونه البلوي هذه وبصراحه انا قعدت اضحك من هذه المقابله لعدة اسباااب
1// البلوي يقول ان البطوله الاسيويه هذه تعتبر اقوى من البطولات السابقه ( اللي ماقدر يحققها ناديه) لانها تسمى بطولة ابطال اسيا. وبيصير في اسيا بطل واحد بدل ما كانوا ثلاثه ابطال في السنه.
طيب يا اخ بلوي انت ما تدري ان البطوله هذه يشارك فيها ابطال الدوري والكاس من دول اسيا مع احتمال مشاركة الوصيف اذا اعتذر بطل الكاس او بطل الدوري عن المشاركه يعني احتمال كبير يكون وصيف بطل الكاس ماهو في مستوى البطوله مثل ما حصل عندنا صبل كم السنه مثل الطائي والتعاون مع احترامي لهم وهذا وهم من السعوديه كيف عاد من الدول الثانيه الله واعلم كيف بيكون الوصيف يمكن زي بوسان
اما البطولات اللي قبها فكانت بطولة ابطال ادوري هي الاقوى لانه يشارك فيها بطل الدوري فقط والمعروف ان بطولات الدوري اقوى من بطولات الكاس يعني بطل الدوري يعتبر اقوى من بطل الكاس
الا اذا كان الفريق محتكر البطولات كلها مثل الهلال عندنا
يعني بطولة كاس اسيا ابطال الدوري
اقوى البطولات الاسيويه حققها الهلال مرتين
وبطولة السوبر الاسيويه اللي عجز عن تحقيقها فريقك الاتحاد كانت تجمع بين اقوى فريقين في اسيا بطل ابطال الدوري وبطل ابطال الكاس يعني الابطال بس وحققها الهلال مرتين
لااااااااا والمشكله انه يقارن البطوله الاسيويه هذه ببطولة اوربا
ثانيا// يقول انه مايهمه زعل الهلاليين
يعني احنا اللي مهمومين عشان زعلك ولا فكرنا فيك اصلا راضي او زعلان.
ومن قالك اصلا ان احنا زعلانين منك ولا نفكر نزعل منك احنا زعماء اسيا مانزعل من امثالك
ثالثا// يقول انه حقق من صفقة القحطاني ما يريده
قصده انه زاد في السعر عشان يتعب الهلال
وهذا اعتراف منه انه يسعى لتخريب الصفقه
بس ياقهرك يابلوي ياسر اصبح هلالي وسيظل هلالي.
وكفايه كلمته( هلاليتي لا تساوم بثمن)
رابعا // قعد يمن على الانديه اللي دعمها مثل الحزم واحد ويقول انا زعلان من احد لانهم وافقوا للاعبهم ينقل للاهلي وانا اللي كنت ادعمهم
:
خاااااااااااااااااص للبلوي وامثاله//
انت ماتدري ان الهلال حقق كاس اسيا ابطال الدوري البطوله الاقوى ومن امام فريق قوي جدا وهو الاستقلال الايراني عام 1412 وفي ذلك العام كان الاتحاد يقبع في المركز السابع في الدوري
وحقق الهلال كاس اسيا ابطال الكؤوس عام 1417 وهو العام الذي بداء فيه الاتحاد معرفة المنافسه على الدوري بعد 18 سنه من انطلاق الدوري السعودي
واكمل الهلال الثلاثيه الاسيويه مع بداية عام 1418 وهو العام الذي يفرح فيه الاتحاد باول بطوله للدوري
والبطولات العربيه غيييييير
حقق الهلال بطولتين لابطال الدوري وواحده لابطال الكؤوس وواحده للنخبه قبل الاتحاد
الذي حققها العام الماضي وهو الفريق الذي تعدى عمره السبعون عاما
هذا غير البطولات الخليجيه اللي ححق الهلال الاولى منها عام 1406 .
يابلوي الاتحاد لم ولن يصل لما وصل اليه الهلال زعيم اسيا حتى وان حقق كاس اسيا هذا العام وشارك في كاس العالم فلن يصل لما وصل الهلال.
فاذا كان الاتحاد حاظر
فالهلال ماضي وحاظر ومستقبل.
يابلوي يامدعي الوطنيه ابسالك؟؟؟
ايش اخبار الاراضي اللي وعدت فيها لاعبي المنتخب بعد تاهلهم لكاس العالم2006 ولا خاصه بس للاعبي الاتحاد مثل الطائره الخاصه
يامدعي الوطنيه كيف تتدعيها وانت تسعى لتحطيم اكبر ناديين في السعوديه الاهلي القلعه قاهركم ومبكيكم وداق خشومكم سابقا.
والهلال الزعيم قاهركم ومبكيكم وداق خشوكم ماضيا وحاظرا ومستقبلا
والله انك وهقت نفسك لان تحطيم عملاقين مثل الاهلي والهلال صعب وبعيد على شاربك
فهم لهم عراقتهم وانجازاتهم ورجالهم وجماهيرهم
يامدعي الانسانيه اين حقوق خميس الزهراني وهادي الدوسري
وحقوق مشاري العويران
انصحك يابلوي ان تذهب بعيدا عن الرياضه لعدة اشياء
اولها لانك حققت الشهره التي تريدها.
ثانيهما لانك لن تستطيع تحقيق ما تصبو اليه وهوانهاء اسطورة الزعيم
ثالثهما// لان فكرك تجاري كما يقولون وليس رياضي فدع الرياضه لمن يفهم فيها
واسف عالاطاله يامحبي الزعيم
ودمتم سالمين
الوضع العادي
