قصة مرعبة حقيقية صارت لي البارحة !!!!! - نادي الهلال السعودي - شبكة الزعيم

هلالي صميم · #1 26/07/2001, 06:40 PM

تخيل فجأه وانت بالليل وجالس في حوش بيتكم تجيك قطوة ( بسه ) صغيرة وتقولك مياو00مياو

وانت مبسوط معاه تلاعبها وتمزح وياها شوي والا يجيك قطو كبير ماادري هو ابوها والا هي امها من وراك وتقفز عليك بشكل يضيق الصدر هذا محصل لي ليلة البارحة

القصة : بعد مااقفزت علي صرخت هذيك الصرخة من الخوف قاموا كل البيت من مكانهم اللي كان نايم واللي كان يسولف وااللي كان يطالع التلفزيون وقاموا يتراكضون خير ؟!! اشفيك لاابد القطو هذاك قفز علي بشكل مرعب اللي قام يضحك علي واللي يتحمد ربه ان عندهم ولد مثلي ضايع في الدجه

المهم بعد ماارتحت ودخلت غرفتي والا نفس القطو يطل علي من الدريشه ويقول مياو عوووووومياو 00 وانا اقول ياابن الحلال ماسويت شيء كنت العب مع ولدك وهو ماعنده الا مياو عووووومياو -- المهم طلعت من الغرفه ورحت المجلس |( كانوا في شباب عند اخوي ) قلت عندهم
اطمئن اشوي ولا علي من هذا القطو (الخبل )!!!!

جت الساعة اربعة الفجر واطلع بااروح غرفتي الاهو مقابلني ونفس الشيء مياو عووو ووومياو

اقول شفيه هذا حاط دوبه ودوبي المهم لقيت فكرة حلوه رحت المطبخ واخذت كم لحمه باقيه من
الغداء ومريت من جانبه وقام يلاحقني هذه المرة مش علشاني علشان اللحم وبعدها رحت للباب الشارع ورميت اللحم وانقلع ولاشفت وجهه هذه السالفة صارت لي البارحة اشرايكم !!!

RAID2001 · #2 26/07/2001, 06:48 PM

بسم الله عليك بسم الله

احمد ربك ان ما صارلك زيي

مره من المرارريت طبت علي قطوه من الزباله ( وانت والملائكه والاعضاء بكرامه)

والغريبه ان الثوب كان نضيف

هلالي صميم · #3 26/07/2001, 06:53 PM

يااخوي انت ماشفت شكله اول مره اشوف قطو اكبر مني

الصبحي · #4 26/07/2001, 07:54 PM

اقول اكيد ها لبس يعزك بس خير انه قالك ميااااو حنا البسوس عندنا تقول ميججججااااااوووووووو

الحب المستحيل · #5 26/07/2001, 09:21 PM

احمد ربك يا هلالي صميم

مره انا كنت رايح اصلي المغرب
وفي الطريق مريت بجانب زباله وانت والقراء بالكرامه والا يطمر على راسي ذاك القطو وينشب الشماغ في مخلب القطوه وتركض والشماغ عالق في رجلها

فتى الذهب · #6 26/07/2001, 09:31 PM

حسبي الله عليك انت وياه‍‍‍‍‍

أنا يوم قريت انها قصه مرعبه واجيك ماشي مليون وبالاخير قطو‍

أجل لو يطلع لك أسد مثلي وش بتسوي؟؟
تدري وش سويتله؟

قلتله تعال يابابا لنتدى الزعيم فيه عندنا مشرفين يحبون المناقر !

فيه عندنا رامبو مسويلي فيها

وفيه عندنا واحد مايصدق يلقى شي يحذفه

المهم الأسد والله ماقصر جاء معي وشوتهم كلهم

والى يومك المشرفين ضايعين مدري وينهم !! واكبر دليل ان صارلي يوم ونص ما انحذف لي شي

يعني أدبهم الأسد

=======================
لايزعلون المشرفين والله أمزح خصوصاً الغالي سلمان999999(والله مدري كم تسعه باسمه بس الظاهر انها كذا)

الذيب وبس · #7 26/07/2001, 10:08 PM

ياربي لك الحمد والشكر

الحمدالله على نعمة العقل

الحين انا يوم سمعت قصة حقيقيه ومرعبة صكيت لنمبة الغرفة وسميت بالله وخشيت على الموضوع ولقيته على قطوة

الا اانت يا بيزا ( فتى الذهب )

الاسد الي طلعلك هذا مهوب اسد هذا الله يسلمك فاار

بس باعرف ليه مطيت عيونك كوذي

جار القمر · #8 26/07/2001, 10:28 PM

بسم الله عليك