تخيل فجأه وانت بالليل وجالس في حوش بيتكم تجيك قطوة ( بسه ) صغيرة وتقولك مياو00مياو

وانت مبسوط معاه تلاعبها وتمزح وياها شوي والا يجيك قطو كبير ماادري هو ابوها والا هي امها من وراك وتقفز عليك بشكل يضيق الصدر هذا محصل لي ليلة البارحة

القصة : بعد مااقفزت علي صرخت هذيك الصرخة من الخوف قاموا كل البيت من مكانهم اللي كان نايم واللي كان يسولف وااللي كان يطالع التلفزيون وقاموا يتراكضون خير ؟!! اشفيك لاابد القطو هذاك قفز علي بشكل مرعب اللي قام يضحك علي واللي يتحمد ربه ان عندهم ولد مثلي ضايع في الدجه

المهم بعد ماارتحت ودخلت غرفتي والا نفس القطو يطل علي من الدريشه ويقول مياو عوووووومياو 00 وانا اقول ياابن الحلال ماسويت شيء كنت العب مع ولدك وهو ماعنده الا مياو عووووومياو -- المهم طلعت من الغرفه ورحت المجلس |( كانوا في شباب عند اخوي ) قلت عندهم
اطمئن اشوي ولا علي من هذا القطو (الخبل )!!!!

جت الساعة اربعة الفجر واطلع بااروح غرفتي الاهو مقابلني ونفس الشيء مياو عووو ووومياو

اقول شفيه هذا حاط دوبه ودوبي المهم لقيت فكرة حلوه رحت المطبخ واخذت كم لحمه باقيه من
الغداء ومريت من جانبه وقام يلاحقني هذه المرة مش علشاني علشان اللحم وبعدها رحت للباب الشارع ورميت اللحم وانقلع ولاشفت وجهه هذه السالفة صارت لي البارحة اشرايكم !!!