13/10/2005, 10:03 PM
|
زعيــم متألــق | | تاريخ التسجيل: 21/04/2005 المكان: بجوار الزعيم
مشاركات: 1,012
| |
[align=center]حبيب قلبي ابو ساره
ما الومك على انفعالك لكن الومك على ان انفعالك كان لازم يكون اكبر
مدينه عملاقه مثل الرياض فيها حوالي 5 مليون نسمه ما ابالغ اذا قلت ان 70% منهم هلاليين
وفي الاخير يحضر للملعب 500 مشجع والله شي يفشل
لو قلنا ان الهلال ما يقدم بطولات كان عادي
لو قلنا ان الهلال ما فيه نجوم كان عادي
لو قلنا ان الهلال ما يمتع كان قلنا عادي
لو قلنا ان الاجانب مستواهم متواضع كان قلنا عادي
لو قلنا ان المدرب مافي راسه كان قلنا عادي
لو قلنا ان الاداره ما تضحي ولا تتعب ولا تذل نفسها لاعضاء الشرف كان قلنا عادي
لكن القهر ان كل شي على اكمل وجه
لكن القهر ان كل الانديه تغار منا ومن نادينا حتى اتحاد جده السعودي صاحب الملايين يغار منا
جيت ادور عذر عشان اتعذر لك فيه يابو ساره مالقيت
جيت ادور دفاع عن هالجمهور عشان ما تزعل عليهم مالقيت
صح ان فيه مشاكل تخلي الواحد ما يفكر يروح الملعب لكن هذا مو عذر مقبول
واللي يقول ان الماده عذر فأقول له شف كل اللي يتعذرون بالماده وين يشوفون مباريات الهلال
فيه صدقني كلهم في المقاهي ويصرفون اكثر بكثير من سعر التذاكر .
اما اعضاء الشرف فهذي سالفه ثانيه
انا عضو شرف حلو ابي شهره منكم يالهلاليين حلو ابي حب منكم حلو ابي تمجيد لاسمي
في منتياتكم حلو [glow=33FF00]لكن[/glow] ادفع لا اسف ما عندي فلوس ولا تدقون على جوالي لاني خارج التغطيه
خاتمه :
مثل ما قال احد اللي ردوا قبلي الخصخصه هي الحل الوحيد
واي حلول غيره مصيرها الفشل واسألوا ابو سلطان اللي سوا كل شي ولا لقى شي
خاتمه ثانيه :
اخوي فيصل 707 طلعت كل اللي في قلبي . ومن جد هالمزره مصخوها ويوم عن يوم أتأكد
اننا نحتاج لثقافه تشجيع ووعي واحترام للناس اللي نشاركهم المكان
ابو ساره اااااااااااااسف على الاطاله لكن اعرف انك ماراح تمانع الف شكر[/align] |