اعذروني !!! - نادي الهلال السعودي - شبكة الزعيم

المتميز · #1 20/07/2001, 09:06 PM

ـــــــــــــــــــــــــــــــــــــــــــــــــــــ بسم الله الرحمن الرحيم ــــــــــــــــــــــــــــــــــــــــــــــــ

السلام عليكم ورحمة الله وبركاته .....

استميحكم العذر بالغياب عنكم ماتبقى من هذه الاجازه لسفري الى خارج المملكه ويعلم الله مدى حزني على مفارقتكم ولكن سوف اتواصل معكم بقدر استطاعتي حيث انا ......

ولنا لقاء وعوده اجمل انشاءالله بعد الاجازه ترتاحون فيها مني وارتاح فيها انا ايضا من ضغوطات سنه كامله ....

<====== اللي يقرا كلامه يقول مايسافر كل شهرين هو وصاحبه (.......) تعرفونه اكيد

امل ان لااكون ضايقت احدا يوما ما وان غلطت على احد فليسامحني ........

دعواتكم لنا بالتوفيق والعوده سالمين .......................والى لقاء قريب باذن الله وشكرا

ابراهيم النجيدي · #2 20/07/2001, 09:45 PM

هذي والله الساعه المباركه وتو ماتبارك المنتدى بـ " غيابك "

,,,

أقول يالداج .... وش فايدة هالموضوع اللي مثل وجه عاشق النمر وهو توه مفطر على صحن فول وغاديات عيونه مثل صطبات بيجو 504 وهو ماسك خط الجنوب !! ,,,

يعني على بالك تبي تحزنا عليك ولا تبينا نقولك تكفى لاتروح وتتركنا ترانا مانعرف نسوي شيء من دونك ؟؟ ,,,

يالله ياشباب بالدور .... واحد واحد يقول لهالداج , تروح وتجي بالسلامه وتراك تبي توحشنا ونبي نفتقدك ومن هالخرابيط , زي مايبيكم تسوون ,,,

ولا وش رايك أثبت موضوعك الرائع والمتكامل هذا إلين ترجع بالسلامه؟؟ .... لإنه بصراحه موضوع يستاهل ,,,

أهل العقول براحه ,,,

آه ياهلال · #3 20/07/2001, 09:55 PM

تروح وترجع بالسلامه أخوي المتميز

نايف · #4 20/07/2001, 11:27 PM

=====
تروح وترجع بالسلامه..والله يحفظك.. .
-===========================

J.A.J · #5 20/07/2001, 11:49 PM

أنا مع أخوي / ابراهيم :p

يعني شوفوني مهم وبروح أجازة / خارج المملكة .... صدق نصاب ؟

راح للديره ( مسقط رأسة ) ويبي يبكش علينا مثل خويه ( سفر )

ياأخي حل عنا وأنقلع ......... يا ............ بكاش ;)

بس

؟

تروح وترجع بالسلامة ......... ياغالي

حبي للهلال · #6 21/07/2001, 12:05 AM

ترووح و ترجع بالسلامه

عاشق النمر · #7 21/07/2001, 12:45 AM

تروح وترجع بالسلامه يالمتميز

صحيح بنفقد جزء كبير من الارانب المنتشره في المنتدى لاكن ماعليه فيه رفيقك بيزودنا بالنقص الين ترجع

ولا عليك من ( مشرف الغفله ) ترا حاقد عليك عشانه بيقضي الاجازه في حارتهم
لانه كابتن الحارة ولا يقدرون يستغنون عنه <==== ريفالدو الحجاز

الذيب وبس · #8 21/07/2001, 01:16 AM

تروح وتجي بالسلامه يا الغالي

بس ترا المقاهي يمدحونها هالايام ووخاصة في السفريات ;) ;) ;) ;) ;)

الذيب وبس · #9 21/07/2001, 01:22 AM

الا يا عاشق وش فيه كابتن حارتنا هااااا

ولا ازيدك من الشعر بيت ترا جاه عرض من ( ريال مدريد بس مهوب الانجليزي الا الحجازي ومع مميزات اخرى ولكنه رفض

)

salman99999 · #10 21/07/2001, 02:08 AM

والله انت واشكالك ماعرف لك غير ابراهيموه والا العالم اللي قاعده تقول تروح وتجي بالسلامه وش يبون ذولا بس انا ابي اعرف بس .....

اللهم لك الحمد اهل العقول في راحه صدق ياابراهيم .....

الله يحفظك يامرابع الشام ....

سلالالالالالالام

محب يوسف · #11 21/07/2001, 02:09 AM

هلا باخوي المتميز الحمد للة من وين هاالمرة لاتكون سورية هههههههههههههههههههههههه
وضيعت خوينا هناك مرة ثانية الحمد للة على السلامة ومن طول الغيبات جاب الغنايم اسرع علينا
بالهدايا مع خالص تحياتي لك

سداح · #12 21/07/2001, 03:07 AM

السلام عليكم:

اخوي المتميز هل تعلم ان خراب المنتدى مابين لحظه ولحظه انت اسبابه هل ان ادارة الهلال متلخبطه اورقها ومتفرقه اعضائها انك انت اسبابه ,,,يعني لو تروح وتفكنا من وجهك الحلو يمكن تزين امورنا شوي ونقدر نشوف الشباب الي منحشهم انت من المنتدى بسخافاتك,,,يا مؤلف حلقات سبيستون.

الحين صرت انا وابراهيم والرسام مانبي رجعك الا سالم وغانم حبيبي ترانا بشتاقلك كثير حاول ان تتصل بنا من حيث ماكنت اكيد في شمال منفذ الحديثه

بس حتوحشنا كتيييييييييييييييييييييييييييييييييييييير

اخوك سداح

ماروكو · #13 21/07/2001, 12:28 PM

حرام عليكم شوي شوي عليه

ماقلت لنا يالمتميز ناوي ميامي والا سوريا

:p

تروح وترجع بالسلامه

المتميز · #14 21/07/2001, 06:59 PM

ابراهيم يارامبو الاطخم وش تبي انت ؟؟؟؟

يالحبيب فليدة هالموضوع فيه ناس شرواك (عليهم قل صح ) واذا مزحنا معهم فهموا غلط وانا ابسافر والموضوع الواحد مايدري هل هو بيرجع ولالا فلذلك نطلبكم تحللونا انت واشكالك .....

نايف ...و.....اه ياهلال شكرا لكم ....

اخوي JAJ لو تكرمت ارجو منك اختيار العبارات المهذبه قليلا وحتى لو كان مزاحا ولكن لان احترامنا للمنتدى ومافيه يحتم علينا احترام بعضنا البعض وترك الالفاظ (السوقيه ) وياليت تعدل كلمة (.......) .

عاشق النمر يارجال ابراهيم ناكر للجميل ولافيه خير مع الاسف ان وقفت معه وان وقفت ضده موقفه واحد ........... عاشق بالله اسئل ابراهيم وش صار على المعهد الجديد .؟؟؟؟؟

الذيب وبس شكرا لك

سلمان ورا ماتذكر الله ...

ياحطيئة زمانك سلالالالالالالام;)

محب يوسف اذا رحت هناك راسلني خلنا نشوفك .......

سداح .....سدحوك قل امين وش تكتبه انت يديك ولا رجليك ......

الله يسلمك

ماروكو ..... والله مااحد مقدر في المنتدى الا انتي لكن هم وش عرفهم باساليب الكتاب الكبار الحطيئه ورامبو الاطخم ................

الله يسلمكم جميعا وشكرا .......... وبخصوص المواضيع التي لها اجزاء (النصب مايقضي خبركم ) بتنزل انشاءالله قريبا بمساعدة احد النصابين الكبار في المنتدى .....وشكرا

ســ9ــامــ9ــي · #15 22/07/2001, 06:25 AM

أقووووووووووول هالمواضيع مفروض أشوتها مثل شوتة روبرتو كارلوس في فرنسا

...

يعني بتعلم الناس أنك أنت ووجهك مسافر

...

يا أخي سافر بدون تعلم تراني ما أستحمل فراقك

...

أقول بس لو سمعت أي خبر عن بعض التدخلات في الشؤؤن العسكرية والدولية الخاصة بسفر ياويلك مني :p ...

ويالله أقلب وجهك عن المنتدى

...

ولكم تحياتي ...

أخوكم / سفر المرزوقي .