[align=center]


يا هلا والله بـ الجاحظ ..

حركات الخطوط السعودية كثيرها وقصصها يحتاج لها مجلدات .. التأخير شئ طبيعي .. وخصوصاً رحلات جده .. اللي يسمونها رحلة الواسطات ..
صحيح انهم تأخروا عليكم لكن وش رأيك بـ أنك تكون راكب الطيارة وتنتظر الرحلة تقلع شوي الا ينزلونك ويقولون رحلتكم تبي تتأخر لها شوي ويتركونك فوق الـ 4 ساعات وانت في المطار من دون اي كلمة أسف !! والسبب تتوقع وش ؟؟ لأن فيه احد الكبار محتاج للطيارة هو واللي معه !!
يعني وش تتوقع أكثر من كذا بجاحه وقلة حيا :sad: !!

لكن وش نقول دام ما فيه بـ البلد إلا هـ الولد !!

وكان الله في عون اللي يسافرون لـ جده بـ كثره !! [/align]

مشكور

.............................................زز

[align=center]
الجاحظ ..

معليش يالغالي على النشبة بالموضوع ..

إقتباس اذكر انه تم الغاء رحلتي على الخطوط البريطانية لسبب ما، هل طلبوا مني ان ازاحم على قائمة الأنتظار او ان انتظر على جنب حتى يتنازل احدهم ان يخبرني ماذا حصل والى متى سأنتظر؟ لا .. بل تم تعويضي بحجز على درجة الأعمال في الرحلة التي تليها بساعتين ..

لأن هناك يخافون على سمعتهم بين الشركات ;) !!
لأن هناك يقدرون الزبون وانه هو راعي الحق !!
لأن هناك تقدر تقاضيهم ان صار شئ !!
لأن هناك فيه من يسمع لك ;) !!
لأن هناك يخافون انك تتسب في خسارة ما كانت على البال ;) !!
لأن هناك فيه امور وقوانين تحكمهم ;) !!
لأن هناك يقدرون أختيارك لهم !!
ولأن هناك ينظرون لك على أنك صاحب حق دائماً !!
ولأن هناك ينظرون على انك انسااااااان !!



أما هنا يالغالي وش يخافون منه ؟؟

يخافون انك تروح شركة ثانية ؟؟ مالك إلا الله ثم هم !!
يخافون انك تشتكي !! يقولون " الله يقويك " !!
يخافون انك تقاضيهم !! هم القاضي والحكم ;) !!

وأشياء كثيرة بس خلها على ربك ..

كتبت رد طويل وطار وهذا جزء منه ..


تحياتي لك يالغالي .. [/align]

يعطيك العافيه ياغالي.. والف حمدالله على السلامه.. وان شاء الله اجر وتكفير ذنوب اللي صار فيكم..


بصراحه معاناه .. معاناه .. معاناه..

المشكله ما بالبيد حيله.. لانهم ان فتحوا خطوط جديده للرحلات الداخليه بيهشون ذبان

والمشكله ليست فقط بالخدمه..ايضا.. نوع الطعام المقدم..الاسعار..

ايضا مشكلة المطار الملك فهد الدولي بالدمام .. وكيف ان المطار خاوي على عروشه عكس مطار البحرين .. واهل المنطقه الشرقيه يحسون بمعاناة بعد المطار ..


امس صار لي موقف في رحله من جده الى الدمام..

انا قاطع تذكرة الصعود للطائره قبل 24 ساعه وحاجز بالمقعد 31 اول مقاعد درجة الضيافه..اقلاع الطائره كان السادسه والنصف وطبعا مافتحت ابواب الطائره الا السادسه والثلث..

المهم .. فتحوا بوابات الطياره وانا كلي ثقه انتظر الزحمه تخف وبعدين ادخل.. وبالفعل بعد مادخل اغلب الركاب دخلت الطائره وانا كلي ثقه ان المقعد ينتظرني واتفاجا ان المقعد محتله راكب وبعد ماتوجهت للمضيف جاوبني ببرود المقاعد حره وكل واحد يجلس بالمكان اللي يعجبه ..ومالقيت الا كرسي باخر الطياره وانواع الازعاج والرجه..



ياغالي مالك الا الصبر.. والله يعوضك بالوقت اللي راح..

تحياتي لك

[align=center]هلالي الظهران


اهلا وسهلا والله يسلمك وجزاك الله خير على دعواتك



يبدو ان حركة "المقاعد حرة" هي اخر ابداعات الخطوط السعودية ضمن برنامجها "نعتز بخدمتكم"، او كما افادتنا الفيروسة "نجتهد لرضاكم"


فمن منطلق ايمانها بالديمقراطية والمساواة بين حقوق المسافرين، لماذا يحق لك لمجرد انك نظمت حجزت مبكرا ان تختار المقعد الذي تريد؟ ما ذنب الراكب الذي يزاحم وينافس لتكون قدمه اول من تطأ سطح الطائرة؟

هل نسيت اول يوم دراسي من كل عام حيث ان من يجلس اولا يحق له الأحتفاظ بالمقعد الى نهاية العام؟

هذه اساليب خدماتية جديدة علينا التكيف معها ....


كلمة حق، حتى لا نتهم بالتحامل الأعمى على الناقل الجوي الوطني، فأن وضع المطارات في السعودية (بما فيها حالة مطار الشرقية الأقتصادية التي يرثى لها) هي من مسئولية رئاسة الطيران المدني وليس للخطوط في الأمر علاقة، وان كان الحال من بعضه ،،،


شكرا لك عزيزي على مرورك وتعليقك ،،

في امان الله ...[/align]

طيب واللي تضيع شنطته او بالأصح تنسرق ووالله والله والله ماأكذب عليكم ان فيها حوالي تقريبا 50 ألف ريال من ذهب للأهل وفلوس والله العظيم ..


ولين اللحين ماعطونا وجه من بداية الاجازه وحنا ندور الشنطه



مالك الا السعوديه خخخخخخخخخخخخخخخخ




اخوكم



راشد ..

[align=center]شفشينكووو7

مرحبا بك أخي الكريم ...


عليك العوض !! :sad:


اعتقد انه يجب اجراء مسابقة لصاحب اسوأ تجربة مع الخطوط السعودية،،، ولن يكون من السهل ابدا اختيار الفائز !!!


ربما عليك التأكد من هذا، ولكن اعتقد ان نظام الطيران يعطيك الحق في طلب تعويض مالي عن العفش الضائع ..


بالطبع لن يكون بمقدار الخمسين ألف ...بس شيء أحسن من لا شيء !



شكرا لك على مشاركتنا في مآسينا


في أمان الله ،،، [/align]