.. معـــــاناة الخريجـــــات .. - نادي الهلال السعودي - شبكة الزعيم

هلاليه سنعه · #1 20/08/2005, 10:39 PM

[align=center].. بسم الله الرحمن الرحيم ..

.. الســـلام عليــكم ورحمــة اللــه وبركــاته ..

.. مســــاء الخير لكل زعيم وزعيمه ..

أولاً : أحب أبارك لكم على الديزاين الجديد بصراحه أكثر من رووعه الله يعطيهم العافيه على جهوودهم..

ثانياً : أبتكلم بصراحـه عن موضوع الخريجات من الجامعه..

الوحده منّا قبل ما تتخرّج من الكليه يكون عندها طموووح انها تخدم بلدها..وتستفيد من مؤهلها
.. وتكون عضـوة نافعه في المجتمع.. وتســاهم في بنائه ..

لكن بعد ماتتخرّج تنصدم وتصير في دوامه كبيره لأنها ماراح تلقى وظايف ..
وإن لقت ماراح تلقى إلا في مجال التدريس .. والتدريس هذا مايحصل لأي وحده .. :sad:

بسبب ان التعيين لوو جا كم بعد سنه رايح يكوون في قلاايع وادرين وشفتوو الحوادث اللي راح ضحيتها معلمات ..

وبعد في مدارسنا مدرسات كبــــــــار بالعامي (عرعروا في اماكنهم ) وعجّزوا وهم متمسكين فيها..

وأبشرّكم وحده من أخواتي الصغارتدرسها وحده تعكّز بعصا >> يختي ريّحي وارتاحي ..

وإذا جينا للوحده تقوول ودي بالتقاعد المبكّر .. وبالحقيقه ماتتقاعد لين تاخذ الراتب كاااااااامل ..

..وبعدين المشكله اساليب تدريسهم قديمه وماعندهم طرق وابتكار لتوصيل المعلوومه..

والله ظلم والبنات اللي فيهم حماس وقدرااات يجلسوووووووون ببيوتهم ..

وإن جينا للمدارس الأهليه ماعندهم ألا كرف والمشكله هالكرف ليته براتب زين ..يعني يحلّلون الوحده صح ..

بصراحه مشكله كبيره ... نبغــــــى مجالات ثانيه وظيفيه تفتح أمام المرأه تناسب انووثتها وموافقه وملائمه لتعاليم الشرع ..

وحتى لوو وجد مجالات ثانيه قليله ماتناسب وماتوازي الأعداد الهائله والمتكدسه والطاقات الشابه ..
وهذي طبيعي راح تكوووون من نصيب اللي معهم واسطه ..

.. حبيـت أعرض هالمشكله .. وآخذ أرائكم فيها .. ولاتقولون المرأه لها البيت اكيد لها البيت
لكن حنا في زمن غير الوحده لازم تكافح وتعاون زوجها بالمستقبل ..
نبي حلوووووووول لهذ المعاناة .... وآسفــــــــــه على الإطاله ..

وشكــــــــــراً،،،[/align]

برق الزعيم · #2 21/08/2005, 12:47 AM

[align=center]وعليكم السلام يالسنعه

إقتباس


	التعيين لوو جا كم بعد سنه رايح يكوون في قلاايع وادرين

علشان ماعندهاواسطه

الله يكون بعون الخريجين اللي مالقولهم وظايف

إقتباس


	نبي حلوووووووول لهذ المعاناة

الواسطه ومافيه غيرها

تحياتي وانااخوك

ابودانه

;) [/align]

التميميه · #3 21/08/2005, 12:58 AM

صح لسانك

انتي

power-off · #4 21/08/2005, 01:27 AM

معاناه الخريجات .....

واقع لابد منه في ضل بيوقراطيه العمل الإداري وتدخل بعض الفيتامينات المساعده مثل فيتامين " و " اللي أوجدناه في سبق علمي الى الآن لم يستطع علماء الغرب التوصل اليه

الخريجة لها الحق في ممارسة العمل ولو جلست في البيت لن تلاحقها الأعين تستفسر هل حصلت على وظيفة والا لا ...

ولكن الخريجون الذكور ........... لم يجدوا وظائف لسنين طويله مع أنهم يحملون مؤهلات جامعية للسبب السابق ذكره .....

فأقول رزقنا الله جميعا " خريجون ذكور و إناث " بوظائف تريحنا من ملاحقة أعين المتطفلين الذين حصلوا على الوظائف أيام سادس ابتدائي يتعين مدرس

فلن يحس بمشاعركن أنتن الخريجات الا الخريجون أمثالكن لأننا شربنا من نفس الكأس ....!!

تحياتي
power-off

بنت الزعيم500 · #5 21/08/2005, 04:31 AM

صح لسانك وصدقت في كل كلمه

ابونوف الهلالى · #6 21/08/2005, 07:45 AM

ههههههههههههههههههههههههههه قلايع وادرين

هههههههههههه ههههههههههههه

بس انتى نسيتى معاناه الخريجين بعد

وبالنسبه للمدارس الاهليه هى كرف والراتب ياليته زين على قولتك ممكن يجي راتبها

1500 ريال بس الفروض الحكومه تفرض على المدارس االاهليه ان ترفع رواتب المدرسين والمدرسات

اقل شى ثلاثه الاف ريال

ومشكورة على الموضوع

عاشقة الزعيم15 · #7 21/08/2005, 05:35 PM

مشكورة هلالية سنعة

بس خليني اتخرج من الثانوية هذي اخر سنة لي ههههههههه

وفعلا هذا الواقع تتخرج البنت او الولد مايلاقون وظايف

القاضي · #8 21/08/2005, 06:51 PM

ماهي المجالات التي بظنك تستطيع المرأة من خلالها خدمة بلدها ؟

يجب أن نعتاد على طرح الحلول لا أن نكتفي فقط بالمشكلات.

بالنسبة للواسطة ففي تقديري أنه لا بأس بها إن لم تمنع حقاً لأحد أو تعطي أحداً بغير حق. هذه شفاعة حسنة لتسهيل أمور نسجت عليها العنكبوت خيوطها.

أسيرة الزعيم · #9 21/08/2005, 07:46 PM

[align=center]من أحد أسباب نقص فرص العمل ..
هو أن التخصصات محدودة ..
بالتالي هناك أعداد ضخمه تتخرج في كل سنة .. يقابلها أعداد بسيطة قد أحيلت للتقاعد !!
والمقاعد محدودة ..
واخص المجال التعليمي ( الاناث )

* بالنسبه لنقطة المدارس الأهلية .. فلابد من وضع حد ادنى للرواتب ..
لأن 1500 ريال في الشهر .. فيها كثير من الظلم ..
خصوصا عندما نعلم الكم الهائل من النشاطات المطالبه المعلمه بعملها .. ومن جيبها الخاص !! ..

في حين طلاب وطالبات تخصصات ( الطب - الصيدلة - العلوم الطبية ) ..
نلاحظ عدم شكواهم من عدم وجود وظائف لأن الدولة لديها نقص في هذا المجال ..

اذن هي قضية صعبه .. نتمنى أن يتم ايجاد الحلول لها ..
فلا نريد ان نظلم من يعمل .. ولا نريد ظلم من يريد العمل !! ..

إقتباس


	بالنسبة للواسطة ففي تقديري أنه لا بأس بها إن لم تمنع حقاً لأحد أو تعطي أحداً بغير حق. هذه شفاعة حسنة لتسهيل أمور نسجت عليها العنكبوت خيوطها.

اوافقك الرأي استاذي القاضي ..

شكرا لك أختي

[/align]

الفيروسه الزرقاء · #10 21/08/2005, 08:55 PM

[align=center]
وعليكمو السلامووو

إقتباس


	لكن بعد ماتتخرّج تنصدم وتصير في دوامه كبيره لأنها ماراح تلقى وظايف .. وإن لقت ماراح تلقى إلا في مجال التدريس .. والتدريس هذا مايحصل لأي وحده ..

غلط يالغلا

.. الحمدلله عندنا وظائف كثيرهـ ماهي محصورهـ فقط بمجال التدريس ع سبيل المثال [ طبيبه / ممرضه / مديرهـ / صحفيه

] .

غير كذا بإمكانك أنتي تصنعين لك مجال وتصيرين صاحبة محل أو موظفة في أقسامـ نسائيه
ع طاري الأقسامـ النسائيه ... مرهـ جتني مهمه لازمـ أروح إلى مكتب الخدمـه المدنيه من جد تفأجاءة كل اللي هناك مو سعوديات ...! أغلبهمـ أجانب وفيه عجز سعوديات والله مامعهمـ إلا سادس إبتدائي ودورة كمبيوتر ،،
قلت هالعجز مامعهمـ إلا سادس وفيه بنات شابات معهمـ بكالوريس أو دبلومـ حاسب وجالسين ببيوتهمـ , المفروض يخلون نظامـ التقاعد إجباري أي وحدهـ تمضي ع مجالها 20 سنه تحال إلى التقاعد فوراً

[ متعوبه ع كلمة فوراً ] .

إقتباس


	وبعد في مدارسنا مدرسات كبــــــــار بالعامي (عرعروا في اماكنهم ) وعجّزوا وهم متمسكين فيها.. وأبشرّكم وحده من أخواتي الصغارتدرسها وحده تعكّز بعصا >> يختي ريّحي وارتاحي ..

ياكثرررررررررهمـ

... ماودهمـ يتقاعدون هالعجز ويفتحون المجال لبناتهمـ إلا لازم الانانيه وعدمـ التقاعد ... لاوالمصيبه تجي تتشكى لك وتقول والله البنات بهذلوني والدوام مبهذلني طيب ياطويلة العمر تقاعدي ترى وربي يمشي لك راتب ... يعني ماراح تكونين ولا شي

،،،
أنتي قدمتي رسالتك وماقصرتي عطي الفرصـه لغيرك

.

إقتباس


	..وبعدين المشكله اساليب تدريسهم قديمه وماعندهم طرق وابتكار لتوصيل المعلوومه.. والله ظلم والبنات اللي فيهم حماس وقدرااات يجلسوووووووون ببيوتهم ..

صاااادقــه والله ،،،

إقتباس


	وإن جينا للمدارس الأهليه ماعندهم ألا كرف والمشكله هالكرف ليته براتب زين ..يعني يحلّلون الوحده صح ..

المفروض تكون رواتبهمـ أقل شي 6.000 حالهمـ مثل حال الحكوميه لأن والله مساكين مدرسات اللي بالأهليه خصومات + الوسائل وكل شي عليك .

إقتباس


	وهذي طبيعي راح تكوووون من نصيب اللي معهم واسطه

أفكورس وأنا أوافق ع رآي أخوي القاضي

إقتباس


	بالنسبة للواسطة ففي تقديري أنه لا بأس بها إن لم تمنع حقاً لأحد أو تعطي أحداً بغير حق. هذه شفاعة حسنة لتسهيل أمور نسجت عليها العنكبوت خيوطها.

يسلمو يالغلا ع طرح هالقضيه

الفيروسه الزرقاء [/align]

هلاليه سنعه · #11 23/08/2005, 10:22 PM

[align=center].. مشكوورين أخواني وأخواتي على المروور والردوود وتفاعلكم الطيب ..
:::
.. برق الزعيم ..
معاك حق الواسطه تدبّر كل شئ ..

:::
.. التميميه ..
أهلين تسلمين خيتوو ..

:::
..power-off..
اخوي انا ما اوافقك الرأي في أنه ماراح تلاحقها الاعين
بالعكس راح يقولوون ليش ماتوظفتي شوفي بنت فلان توظفت ومدري ايش
يحبوون المقارنات ..

وحتى شبابنا الذكوور يعيشوون بهذي المعاناة ويحتاجوون لها اكثر..
بس عندهم فررص عمل كثيره لو يبدى بشئ صغير بعدين يكبر..
اللهم آمين ..

:::
..بنت الزعيم 500..
أهلين خيتوو ولسانتس ..

:::
..أبو نوف الهلالي ..
انا خليت معاناة الشباب يقوولونها بأنفسهم
اما المدارس الأهليه تقريبا نهاية العام الماضي ..
قالو فيه قرار برفع الرواتب 2700 للتربوويه 2400 للغيرر تربوويه
وكانوا بيطبقوونه بداية السنه لكن ملاك المدارس الأهليه رفضوو
وحجتهم انهم راح يزيدوون رسووم التسجيل في المدارس..
وأولياء الاموور اشتكوو وضاااعو المدرسين والمدرساات في مهب الريح
وهالملاّك ماهمهم الا مصلحتهم..

:::
..عاشقة الزعيم 15..
اهلين خيتوو منووره وبالتوفيق يارب ..
المشوار قدامتس وان شاء الله على وقتس بتلاقين ..

:::
..القاضي..
أهلين أخوي انا ماطرحت المشكله الا عشان نتحاوور ونضع الحلوول
المجالات اللي تستطيع المرأه خدمة بلدها محدوده ..
يعني الوظيفه المنتشره في بلدنا التدريس لانها تلائم طبيعتنا
اما الطب .. والتمريض وظائف انسانيه بحكم مجتمعنا قليل الالتحاق فيها
لأنه راح يكوون فيها اختلاط والعوايل ماراح ترضى لبناتها اقتحامها..
وانا بكلامي ما اعمم بس هذا الغالب ..
اوافقك الكلام بالواسطه..
تقبل تحيتي ..

:::
..أسيرة الزعيم ..
أهلين أختي..بالفعل تخصصات محدوووده ..
وفيه تخصصات تخّرج المئات لايحتاجها سووق العمل..
راح اضرب مثال ..تخصص المكتبات والمعلوومات وحده قريبتي
راحت تقدّم على ديوان الخدمه قالووو لها بليها واشربي موويتها
شفتوو التحطيم كيف يعني تكررف وتتعب هالسنووات واخر شئ ماينزل لتخصصها وظايف
طيب مافيه وظايف اغلقوو هالتخصص لين تحتاجوونه بعدين ..
أنا معتس في نقطة المدارس الأهليه ..نورتينا يالغلا ..

:::
..الفيروسه الزرقاء..
أهلين أختي منووره ..انا ماقلت مافيه مجالات ثانيه

المجالات الثانيه على قوولتك صاحبة محل مثلا تحتاج امكانيات ويبيلها شغله تصاريح
ومدري ايش..
على قوولة جدي الأول لاعب والأخر تاعب شفتي كيف سادس وماسكات مناصب..
انا وجهة نظري التقاعد المفروض يكوون اجباري 15 سنه وتعسكر ببيتها
عشاان تتفضى لأسرتها ..
هالعجز مهوب متقاعدات من انفسهن تخاف ينقص راتبها الطمع شيين..
فيرووسه قوويه 6000 زين خلووها 3000 على قولة ابونوف الحد الأدنى..
يعطيتس العافيه على مروورك الأرووع..
[/align]