|
الدوخي ماطلب شيء ياللي مع الخيل يا شقراء !! [align=center]الهلالي ابوسارة يعود لكم من جديد .. سمعت عن قصة محمد بن فيصل مع الدوخي .. وعن طلب الدوخي .. وموقف ابو سلطان من طلبه ,.., كل هذا قرأته ورأيت ردة الفعل في هذا المنتدى كنت محبطاً من انتقال أحمد أو قرب انتقاله .. ولكن أكثر ما احبطني موقفكم ياجمهور الهلال أو أغلبيتكم في هذا المنتدى .. خلوني أصير وقح أو بجح معكم بعض الشيء وأطقها بوجيهكم قدام الله وخلقه: أغلبكم مع الخيل يا شقراء .. اللي يقول (( طس )) يا دوخي !! اللي يقول (( تتغلا علينا )) اللي يقول (( فارق الهلال مو واقف عليك )) اللي يقول (( أبركها من ساعه خلك مع التشاديين )) مقالي هذا مخصوص لأصحاب هذه الردود وماشابهها .. ................................... أولاً أي نادي في العالم ينتقل منه لاعب جيد فهذا يعني انحدار لابد في مستوى هذا الفريق.. ثانياً انتقال نجم لمنافس مباشر لك فهذا يعني اضعاف نفسك و وزيادة لقوة خصمك !! هل هذا دار في حسبان ادارة الهلال واعضاء شرفه !! هل يعلمون أن الدوخي طلب مليون ريال سنوياً (( أعتقد من حقه )) هل يعلمون أن الدوخي قدم للهلال مالم يقدمه نواف وأن ثقل الدوخي أهم من ملايين الغنام ؟!! نواف أخذ مليون سنوياُ وهو مصاب .. والغنام جاء بـ 12 مليون ريال والقحطاني في الطريق بـ16 مليون ريال .. والدوخي المبدع اللاندكروزر الذي له الفضل بعد الله في حسم كثير من المناسبات .. يطلب مبالغ تافهه بالنسبه لهذا المبلغ ولكن (( مـعــصــي )) ! لنكن واقعيين .. أنصاف لعيبه في الدوري السعودي أمثال .. مسفر القحطاني .. العيسى .. طلال الخيبري .. الودعاني .. ومقالب أجنبيه مستوياتهم لا تقارن بالدوخي ولكن أسعارهم تفوق ماطلب !! يا حبايبنا ياللي تقولون الدوخي باع النادي: الدوخي لو نيته يبيع النادي وافق على السبعه مليون اللي جته من البلوي مباشره.. الدوخي جاء للهلاليين وطلب زياده مليون فقط حتى يستمر في النادي اللي أحبه وترعرع فيه.. الدوخي طلب يوم يشاور نفسه ويفكر فقالوا له ربعنا الله معك .. مو بس المليون كثيره عليك يادوخي.. حتى الأيام ومجرد التفكير بالعقد أصبح كثير عليك .. لاعب خدم وخدم وخدم أكثر من تسعة مواسم .. يطرد من النادي من أجل مليون ريال وتفكير يوم واحد!! ................................... الجمعان وبلعناهاا .. لكن الدوخي لا .. وبكرة الدور على مين ؟ الشلهوب ولا سامي ؟ بيني وبينكم الطردة من النادي وتسكير البوابه في وجه اللاعبين صار لنا عااده !! ...................... كلنا قلنا (( طز )) بك يا خميس ... اذلف في اللي ماياقاك !! أصلاً أنت منتهي وكبير في السن!! وآخرتهاا قعدنا ثلاث سنين نجرب صفقات محليه واجنبيه عشان محور .. وبالأخير صفينا على 12 مليون للاعب محلي عشان يعوض خميس ! أذكركم اذا ما شرينا لاعب ظهير أيمن قريباً بسعر يعتبر طلب الدوخي بالنسبه له رمزي!! ............................ أحب أبو سلطان أحترمه كثيراً لا لأجل شيء.. إنما لأنه هلالي وخدم الهلال .. الهلال هو من جعلني واياكم نحب شخص اسمه محمد بن فيصل .. الهلال فوق كل شيء .. فوق حتى رموزنا سامي والثنيان والنعيمه .. ولانه الهلال هو من سيتضرر في انتقال الدوخي .. نقول لأبو سلطان : أعد النظر في موضوع أحمد قبل أن ينقسم الجمهور من حولك!! _____________ ليتني أعرف التطبيل والمجامله لقلت: حكيم يا ابو سلطان .. رائع يامحمد بن فيصل .. قرار جرء ينم عن فكر هائل !! لكن اسمحوا لي .. فـ التطبيل والمجامله وتدليس الكلام فن لا أجيده .. وما جاش في قلبي يجيبه لساني .. آه يا دوخيي الى اللقاء ___________________ @@ قفله @@ تمخض الجبل فأعطى نص مليون !! [/align] |
أبوسارة حبيبي الدوخي ما يبي الهلال...... |
والله اللي مايبينا مانبيه .. ولو انه يبغا يجدد مو معارض عشان مليون ريال ... ومحمد بن فيصل ما قصر .. خفض السنوات من 5 الى 4 ... وشفنا مستوى الدوخي هذا الموسم سئ سيئ جــداااااااا ... وكانه مغصوب على اللعب للهلال ... وواضح انه ملعوب برااااااسه ,,, والهلال قوي برجاله ولاعبينه ... ومو واقف على لاعب واحد .. مثل الدوخي ,,, ومشكووووووور اخوي ابو ساااااارة ,,, |
لله درك أيها المبدع أروع ماقرأت تعليقا على موضوع الدوخي سطورك عين العقل والحكمة وليسمح لي الهلاليون أن أقول " الدوخي نجم كبير ومن الصعب تعويضه ، وخلوا عنا سالفة (بكيفه، بقلعته، اللي مايبينا مانبيه ) فهذه مع احترامي حجة البليد وتكرار لسالفة الثعلب مع العنب الحامض) وكما قال الهلالي أبو سارة : قد يأتي يوم ندفع فيه على لاعب بديل للدوخي أضعاف أضعاف ماطلبه الدوخي |
يكفي أن اللي كتب الموضوع الهلالي- ابوسارة ليكون أفضل موضوع قريته في جميع المنتديات الهلالية جميعها من البارح أن لم يثبت هذا الموضوع فلايستحق التثبيت أي موضوع إقتباس:
والحين الدوخي مايبي الهلال لومايبي الهلال وقع مع الأتحاد على طول وكان رفض العقد المقدم من الهلال وطلب 20 مليون أو أكثر قالها قبلي مع الخيل ياشقراء |
الغنام والقحطاني وكل اللعبين المنتقلين السعر غالي لان ناديهم الاصلي يطلب فلوس ولكن ان لاعبك يطلب مليون سنوي هذا كثير مجرد راي |
اخوي يقول المثل : ( من عافنا عفناه لو كان سامي ) على العموم نعم من حق الدوخي ان يطلب ولكن من حق الادارة الرفض . ولكن اخو هل تعلم ان الغنام لم يصله من 12 مليون الا 3 مليون لمدة خمس سنوات . وحتى ياسر لو اتى للهلال فلن يحصل على 16 مليون التي ذكرتها (على الرغم من ان عقده لن يتعدى 10 مليون ) كاملة بل انه لن يأخذ اكثر من 4مليون . وبعدين وعلى مستوى العالم المهاجم ولاعبي الوسط اغلى من لاعبي الدفاع وبعدين هل انت متأكد من ان الدوخي قادر على العطاء لمدة خمس سنوات بنفس المستوى فاللاعب عمره حاليا 29 اي بنهاية عقده سيكون عمره 34 ولا اعتقد انه سيكون قادر على العطاء بنفس المستوى بذلك العمر . وعلى العموم الهلال غني برجاله وهناك لاعبين قادرين على تعويض الدوخي .,. |
ومستوياته في المباريات الأخيره هذي المستويات المخيبه وش تقول عليها ياأبو ساره وهذي المستويات المخيبه كان يقدمها وعقده مع النادي لم ينتهي وقصده في هذي المستويات وعقده مابعد أنتهى يعني ( شفني يالبلوي تراني مابعد أعتزلت ) الرجال واضح أن مايبي الهلال وواضح أنه يبي ملايين البلوي وهذا حقه ونقوله مع السلامه وأشكر أخوي ( أبو ساره ) ألي طرحت هذا الموضوع للنقاش فيه وفي النهايه أقول ترا الدوخي مايبينا وهذا واضح باي باي |
اولا مشكور اخوي ابو سارة على كلماتك الواقعيه والتي ضربتها في الصميم وفي مقتل أيضا انا مؤيد لكل كلمة كتبتها ويشرفني اني ارد على مبدع مثلك ان كان السبب من عرض الدوخي على لائحة الانتقالات هو المليون فقط ما اعتقد ان هذا سبب كافي لعرض اللاعب على لائحة الانتقال وعلى الادارة مراجعة انفسهم وان كان من سبب اخر ونية مبيته من اللاعب يعني حتى لو عطيناه ال 4 مليون في اربع مواسم مقبلة يماطل هذا شيء مانسمح فيه ابدا |
اخوي ابو سااااااره يا الغاااااااااااااالي :rolleyes: الدوووووخي يبي الاتحااااااااااااااد من زمااااااااان :sad: واهو حاط عينه عليهم بس يدور اي اش يبي يترك الهلال :confused: تحيااااااااااتي |
[align=center] على ايش يطلب مليون زياااده !!!! :confused: :confused: على هالمستويات اللي يقدمها !! وآخرها مباراة الشباب ..!!! :nono: يحمد ربه 3 مليون لمدة اربع سنوات !!! والله أنها كثيره عليه !! :nono: بس صاار مايقدر النعمة ..!! :nono: [/align] |
مع خالص تقديري و إحترامي للعزيز أبو سارة أعتقد أم الموضوع أخذ أكبر من حجمه بكثير سمو رئيس النادي قدم عرضا ماليا رفضه اللاعب هنا أنتهت القصة طالما الطرفان متمسكان برأيهما نعم سنخسر الدوخي اللاعب الفنان و المبدع دائما لكن ثقتنا كبيرة في الهلال بتعويضنا عن الدوخي و بكل ثقة أقول لغير المتابعين لدوري الشباب أطمئنوا فلا خوف على مركز الظهير الأيمن أبدا فهناك نجم قادم بكل قوة يدعي عبدالعزيز المفرج أنتظروه بمشيئة الله في كأس الأمير فيصل القادمة |
الزعـ الهلال ـيم ياليت تكون أكثر حضاريه ياشاطر والقعقاع الهلال قال وجهة نظره مثل ما أنت قلت وجهة نظرك وعلى فكره ترى القعقاع الهلالي كلامه فيه نوع الواقعيه فياليت تحسن الفاظك أحتراما للمنتدى |
مشكووووووووور الهلالي ابو ساره وكلامك عين العقل الجمعان نواف الغنام كل ذلولا ما قدمو نص اللي قدم الدوخي :cry: :cry: + نصيحه لابو سلطان ان ذهب الدوخي فكأنك لم تفعل شيئا لجماهير الهلال |
اخوي ابو ساره انا معك في كل كلمه قلتها والدوخي ماطلب الاحقه |
انا اعجبني شي واحد اللي هو ( اغلب الاعضاء مع الخيل ياشقراء ) والله بعضهم على حسب اول رد ان كان مدح مدحو ان كان سب سبواا يعني بالعربي مبزره وجلست قدام الجهاز !! اما بالنسبه لاتنقال الدوخي دعونا لا نستبق الامور مع اني احس انه ماراح ينتقل اصلا تخيل الهلال من غير الدوخي على العموم الخسران الاول والاخير هي الجهة اليمنى في الهلال لنكن واقعيين هل مستوى الياس يقارن في مستوى الدوخي :nono: يعني ليه نكابر ونقول خله يروح الياس احسن منه :confused: بعض الاعضاء لو ترجع ايام البطوله العربيه لما كان الياس هو الضهير كانوا يقولون الياس لايقارن بالدوخي واصلا الياس صفقه فاشله وكانوا مزعجينا وين الدوخي !! لاكن سبحان مغير القلوب قلبوا عليه بين ليلة وضحاها لييييييييييه ؟ عشان يبي حقه ياخي اقسم بالله فترة من الفترات احس ان الدوخي هو الوحيد اللي يستاهل اعلى راتب موعشانه عشان مستواه زي ماقلت انت كان شايل الفريق !! والله يستاهل هذا المبلغ بس ياليت كان طالبه من زمان لانه كان يستحق فعلا هذا المبلغ على حسب مستواه بس هذا لايمنع ان الان ايضا يستحق هذا المبلغ واذا عن المستوى صدقوني راح يرجع زي اول ويمكن احسن !! (( ياخي اقرب مثال سامي كيف كان الموسم الماضي وكيف صار الموسم الحالي )) كلمه اخيره اقولها !..!..! بعض الناس معميها الله الناس تقودها قالو زين قالو معهم قالو شين قالو معهم !! يعني مع الخيل ياشقراء وهذا ماشدني في الموضوع اخي الهلالي ابو ساره (( صدقني اثنان لاثالث لهم اطرب لكلامهم اجد في كلامهم الموضوعيه والاهم الواقعيه الا وهم :: الهلالي ابو ساره بربوس الهلال << ان ماخانتني الذاكره هذا اسمه فهنيئا لشبكة الزعيم بكم )) وفق الله اخي ابو ساره وحفض لك ابنتك ساره << قل آآآآآآمين :D تقبل تحياتي ...!! اخوك الصغير عاشق الزعيم !!! s13s |
الله والله المواضيع السنعه............. الدوخي من حقه يالدارة الهلال لايضيع كافو العرب من يدينا ........... تكفون ياناس هذا الوليد ماقصر ياخي عطوا الدوخي ....... الدوخييي خدم الهلال تسع مواسم تقولون مايبي الهلال لوه مايبي الهلال وقع مع الاتهاد ... وخلااااااااااااص هلالي ثرمداء |
إقتباس:
ماشاء الله ألي صار يقول وجهة نظره صار بزر عز الله أن وجهة نظرك أثبتت أنك أكبر واحد في المنتدى ياليت تحط هالكلام في راسك ( أختلاف وجهات النظر لايفسد للود قضيه ) وعلى حد علمي أن الردود في هذا الموضوع مختلفه يعني الكل يقول وجهة نظره بكل ديموقراطيه فياليت تتثقف بشكل أكبر وتحترم وجهات نظر غيرك يالشاطر الحمد لله والشكر الردود ألي ماتعجب حضرة جنابه قال عن أصحابها بزران |
اوفقك الراي يا ابو ساره باننا يجب ان نتمسك بالدوخي لاكن اعتقد ان 3 ملاين مقابل 4 سنوات عادل للدوخي والفريق والمبلغ منصف لهو جمعيا هذا من وجهه نظري البسيطه |
[align=center]بسم الله .. بدايةً أعزائي الكرام .. أنا متقبل أي كلمة خارجه عن الأدب .. أو نقد جارح لشخصي .. والسبب معروف .. هو: أنني لم أتبع رأي الأغلبيه ولم أطبل مع من طبل .. ............................................................................... اشكركم على ماجاء في ردودكم سواءاً اتفقتوا أو اختلفتوا معي .. ولكن أستغرب رد بعض الاخوان وكأنه مدير اعمال اللاعب : ياخي الدوخي مايبينا .. الدوخي من زمان يبي الاتحاد .. ... عزيزي والله اني اعرف احمد زين .. لو يبي الاتحاد طقها في وجه أطلق شنب هلالي .. عزيزي والكلام للجميع : لو كان الدوخي يبي غير الهلال ماجاب اخوه ونوى التوقيع .. ان كان ماطلب مليون زرياده عشان يستمر .. ان كان ماطلب يوم تفكير .. يااخوان قدامكم أدله وبراهين تدل على ان الوخي شارينا.. قبل لا تنتقدوون تعرفون ضروف الرجال : قبل لا تطبون في مندوب اللي جاب احمد تعرفون وش نيته ؟ احمد جاه عرض بالسبعه مليووون يا ساااده يا كرااام .. قال عوضوني بأربعه .. واستمر .. عطوني يا أهلي يا بيتي الثاني أربعه وطز في السبعه اللي جتني .. من جدكم تتكلموون .؟ من جدكم تقولون بايعناا ؟ البيعه تدروون كيف؟ ابراهيم سويد جاؤ للأهلاويين قال عندي عرض اتحادي وفروا فلوسكم ومقدمات عقودكم والوجه من الوجه ابيض[/align] |
قد اكون مختلفا معك بعض الشئ اخوي بوسارة والاختلاف في الرأي لايفسد للود قضية . . الهلال عرض على الدوخي 3 مليون لمدة اربع سنوات وهو يطلب 4 مليون لاربع سنوات هل يوجد لاعب هلالي حظي بعرض 3 مليون ؟ هل ترى ان مستوى الدوخي يؤهله لهذا المبلغ ؟ هل ترى ان عمر الدوخي يستحق هذا المبلغ ؟ هل عدم اختياره للمنتخب يجعلنا نرفع مبلغ التعاقد مع الدوخي ؟ اشياء كثيرة تجعلنا نفكر قليلا قبل دفع هذا المبلغ الكبير للدوخي ، جميعنا يريد الدوخي ان يكون متواجدا في الهلال ولايستطيع ان يراه خارج الهلال ولكن رفضه لهذا العرض يؤكد ان هناك شيئا ما يدور حوله وهو لم يرفض هذا العرض الا لانه يملك الاعلى منه مما جعله مستغنيا عن الهلال ومحبيه . . الهلال ماراح يدفع اكثر من 3 مليون هذا هو المبلغ الذي يستطيع دفعه الهلال حاليا وهو عالم بالظروف الهلالية والتي لاتستطيع دفع اكثر من هذا المبلغ ، للتذكير ان المبلغ تجمع بعد تبرعي الوليد بن طلال وعبدالله بن مساعد يعني زي مايقولون هذا اقصى حد يقدر يدفعه الهلال للدوخي وانت تعلم وانا اعلم بأن هذا المبلغ هو مكافآت الفريق لكأس ولي العهد واجلها الرئيس لاجل خاطر الدوخي وعلى الرغم من كذا مو عاجبه ؟؟ انت تقول يبغى مليون زيادة وانها تعتبر من حقه ولكنك نسيت ان المليون الاضافية الي يطلبها تعتبر فوق طاقة النادي ونسيت بأن المبلغ لو وصل للاربعة او بقي على الثلاثة مليون هو اعلى مبلغ سيتم دفعه كمقدم عقد للاعب هلالي متواجد مع الفريق وليس جديد العهد به . . تعويض الدوخي قد يكون صعبا ولكنه ليس مستحيلا فتواجد ياسر إلياس مع ظهير ايمن جديد من اندية الظل كفيل بإنهاء الازمة وللتذكير عمر الدوخي 29 سنة يعني تقريبا نقدر نقول اربع سنوات اقصى حد يقدر يلعبه الدوخي سواء مع الهلال او مع غيره وان تم شراء اي لاعب بأكثر من هذا المبلغ فثق تمام الثقة اخي الغالي بأنه سيخدم الهلال لاكثر من 10 سنوات كما هو الحال للغنام . . سلااااااااااااااااااااااااااااااااااااااااااااااااااااااااااااااااااام s13s |
بما أن الرئيس فشل في التوقيع مع الدوخي.... وحيث أن الرئيس قال سنوزع الثلاثة ملايين على اللاعبين .... أطالب الرئيس بأن يفي بوعده .... ويمنح اللاعبين ثلاثة ملايين مهرا للبطولة الأغلى . فشل Xفشل = فشل فشل Xنجاح = نجاح |
00000000000 [align=center]عندي سؤالين للي قلبوا على أحمد .. 1- بتقنعني انه اذا انتقل للاتحاد او اي فريق وواجهنا فريقه الجديد في مباراة .. اقول هل بتقنعني انه منتهي. وانه مايعرف الا رمية التماس؟ أو انه مافي راسه .. يالغوالي.. بتقنعوني يعني ماراح تحسبون حسابه .. اتحدىىى 2- شوفوا سامي الموسم الماضي وشوفوه هالموسم على قولة عاشق الزعيم .. ليه مانكسب احمد .. وليه مانهيئه مثل سامي .. بعدين والله عندي احساس ان الادارة لو وفرت الميلون الباقي لأحمد ماراح يوقع .. تدرون ليه ؟ لانه شاف في المنتديات الهلاليه كيف قلت الخاتمه وقلبوا عليه .. خذووا منه اللي يبون عشر مواسم ثم قالوا له طز فيك .. آه يا جمهور الهلال[/align] |
ابوسارة بردة كبدي شكرا لك :) |
الحقيقة يا أبو سارة كلامك فيه نظر :rolleyes: أنت تمدح في الأدارة و تمدح في الدوخي و هذا أمر مقبول :rolleyes: ولكن أن تحمل الجمهور المسؤولية :confused: :confused: هذا مرفوض :rolleyes: ×× المفاوضات كانت بين الأدارة و الدوخي وش دخل الجمهور في السالفة ... (( غريب أمركم )) أذا كان الدوخي لا يريد الهلال فأن أبو سلطان فعل ما يملي عليه ضميره و أذا كان الدوخي يريد الهلال فسوف نتحسف عليه كما تحسفنا على خميس .. : |
[align=center]اخوي الهلالي الثقفي : إقتباس:
من قالك أصلاً اني مدحت .. انا ضد الادارة في هالنقطه .. موضوع أحمد ورحيله ... إقتباس:
انا ألومهم على الكلام والشتم اللي طال احمد منهم .. يالشيخ يرضيك يجي من يشتم أمك والله ان تلعن سابعه وتكره فريقك [/align] |
هلا وغلا بابو ساره نحن كلنا كهلاليين لانريد ان يتركنا احمد الدوخي ولكن الدوخي هو من اراد ذلك والسبب هو الطمع في ملايين البلوي وترا اللاعب على فكره كم عمره الحين والهلال كان بيوقع 5 سنوات ومدى استفاده الهلال من هالعقد كم سنه؟؟؟ على فكره ترا الدوخي من بعد صفقه كريري والودعاني وده يلعب للاتحاد لكن احسن الله عزائنا بلاعب طماع |
ياعيني على الكلااااااااااااام ياشيخ s60s s60s s60s لكن النادي يمر بظروف الصعبه والصفقاااااات اللي تحدث عنها (المصادر الخاصه ) كلهاااااا فشوووووش والدليل زيارة الرئيس لطويل العمر (الوليد بن طلال) ولا حصلنا من وراه الا 500 الف يعني المفروض شوي تقدير للنادي اللي رفع اسهمه كثيرا واعطاااااااااه مالم يحلم به |
إقتباس:
wa ana agool rooo7 aldooke bdon rag3ah |
أخواني أعيدها وأكررها .. لا تحكمون على الدوخيو كأنكم كلكم مكان مدير اعماله .. الدوخي طلب مليون فقط زياده .. لو باعناا ماقال هالكلام ولا طلب فترة يوم تفكير لا حوووووول الله |
إقتباس:
8 طيب ليش ما تقول يا أبو سارة و بصريح العبارة أن الأدارة فشلت في التجديد للدوخي لأنه أحنا لو قلناها راح يصنفونا أننا مندسين و نحارب الأدارة : : |
الدوخي حـر ومن حقه ينتقل ومن حقه يجدد وأنا أشوف أنه لا يجدد أفضل الدوخي انتهى الهـ محمد ـلالي |
لله درك أيها المبدع |
:wallbash: اتنمىىىىىىىىى وقفة اعضاء شرف الزعيم والتكاتف مع بعض لخدمة الهلال مانبي الدوخي يروح للفريق مخلفات الحجاج نبييييييي الدوخي افضل ظهير ايمن في السعوديه !! بعد بكره نجيب الفاشل البحري بكم مليون !! صراحه شي غريب وغباء :wallbash: ثانياً انتقال نجم لمنافس مباشر لك فهذا يعني اضعاف نفسك و وزيادة لقوة خصمك !! :cry: |
0000000 [align=center]عـزيـزي الهلالي الثقفي .. ولا يهمك يالغالي .. أقولها وبكل جراءه : اذا رحل الدوخي فهذه أم الكوارث .. ولن يغفرها الجمهور لأبو سلطان. . عاجلاً ام آجلاً ً عزيزي أزيدك من الشعر بيت : سعود بن تركي حقق أنواع البطولات ولكن لا يكاد يتذكر البعض له الا بيع خميس !! أما من يصفك بالمندس فهذا مجرد متخلف يريد ان تكون في صف مقالاته والسلام[/align] |
من مستوياته الأخيرة واضح انه مايبي الهلال أنا أول كنت معجب فيه مرة بس من مستوياته وااااضح انه مايبي الهلال وكل مباراة نلعبها مع الإتحاد تقول الفريق يلعب ب10لاعبين مو11 |
مشكور أخوي بس ليش مانكون واقعيين ونتعامل مع الموقف صـــــح ،، يعني أنا أشوف أن الدوخي مايستحق أكثر من 3 مليون ،، وبعدين مثل ما قالوا الأخوان ترى الدوخي من موسمين ومستواه منحدرررررر بس لانه الدوخي مافيه مدرب يقدر يقووووله أجلس وذلك لانه نجم جماهير ،، وبعدين ياعزيزي ترى كل شخص وله رأي وأعتقد أن اللي يقول أننا مانبغى الدوخي ويؤيد ابو سلطان مو معناه انه مع الخيل ياشقراء وإلا أمعه وإلا يجامل ويجيد فن التطبيل :nono: ،، ياليتنا نتعلم أحترام أراء الآخرين ما دام انه تدووووور في فلك الواقعية ،، وشكـــــــــــــراً |
ابو ساره .. صحيح ان الدوخي من حقه يطلب اي مبلغ ويرفضه .. لكن ليس من حقه التخاذل وانتظار البلوي ليدلي له بالعرض الذي يريد من خلال مماطلة بادارة النادي .. ياحبيبي الدوخي الان مهوب مثل الدوخي قبل اربع سنوات حط هالشي بمخيلتك .. بعدين يابو ساره اربع سنوات بثلاثه مليون يعني الادارة تنازلت عن سنه .. ويجي برضو يماطل .. اعتقد ان وضعه على قائمة الانتقال اكبر درس له ولاشكاله .. مع احترامي لك يا ابو ساره ولكنك تجنيت على الحقيقه واعطيت احمد الدوخي ( 2005 ) اكبر من حجمه وركز على قولة (( 2005 )) وتحياتي !! |
انا مقهور ان الدوخي بيروح للاتحاد لكن مادامه يبي هالشي كيفه وعلى العموم الانسان يبحث عن مصلحته لو اعتزل بكره من وينله يصرف على نفسه ؟؟ خاصه ان ماعندنا رواتب تقاعديه للالعبين ... وعلى فكره ترا لازم فكرنا يتطور ويصير فكر محترف وكبير .. المحترف يبحث عن مصلحته ولا بالنهاية بيطيح بالبيت عاطل باطل عالة على المجتمع ... والشي المهم اللي لازم تعرفون : ترى المليون تفرق مع اللاعب وفكرو فيها زين واحكمو |
هل اداء الدوخي مقنع لك في لقاء الشباب والاتحاد اخي العزيز؟؟ انا من عشق ابداع هذا الرائع ولكن المساومة في اداء المباريات حتى يتم تجديد العقد فهذي كارثه وداعاً الدوخي من غير اسف |
ابو سارة ياحبي لك يابعدهم والله صادق في كل كلمه قلتها . والله ثم والله ثم والله تندمون يا هلاليين الدوخي ماطلب شي على قوله ابو سارة . تكفى يابوسلطان ترى تكفى تهز رجال لايروح القاطرة لفريق ثاني . ماقصرت يابو سارة والله يكثر من امثالك . بالتوفيق للجميع . |
يا أبو سارة طبعا كل الكلام اللي انكتب على احمد الدوخي مبالغ فيه كل هلالي راح يبكي دم على انتقال احمد الدوخي لكن احب اوضحلك شغلة الغنام اخذ 12 مليونبس ثلث للرعاية وثلث لنادي الشباب وثلث للاعب يعني الغنام اخذ اربع مليون لمدة اربع سنوات فارق مليون عن الدوخي ولاتنسى ان الغنام عقده ما انتهى مع الشباب يعني كان الهلال مجبر على رفع المبلغ حتى يوافق الشباب على بيعه الغنام صغير في بداية العشرين الدوخي في الثلاثين الله اعلم بعد ثلاث سنوات كيف يكون مستواه |
الدوخي لاعب كبير ومانختلف على ذلك ومستحيل نختلف في هذا الموضوع ولاعب مهم في الهلال وفي خانة الظهير الأيمن بالتحديد كيف الهلال بلا أحمد !! نحن مازلنا نريد أحمد يستمر مع الأزرق ليزيد من قوة الفريق ولكن أخي الكريم ماوصل لنا نحن الجمهور الهلالي بخلاف ماتقول ان الدوخي يريد الهلال ماوصلنا أو مافهمناه بمعنى آخر أن الدوخي رفض المبلغ كاملاً !! وهذا ماجعلنا نقول ( من باعنا بعناه ) و أعتقد الدوخي يعرف قيمته بقلوب الجماهير الهلاليه ... والجميع يعرف اننا سندفع أضعاف الرقم الذي طلبه أحمد لتعويضه و ليعلم أحمد أن حاله لن يكون أفضل من حال العويران بعد إنتقاله فهو ينتمي للهلال :) و جماهير الهلال تحبه :) مازلنا نحب أحمد ومازلنا نريده متى ما أرادنا :) ** ولكن أن تكون رغبة أحمد هي اللعب لغير الهلال فهنا تختلف الموازين !!! |
إقتباس:
وانا اولهم والله شي يقهر عاجزين تزيدون مليون واحد بس عشان اللاعب اللي خدم الفريق طوال ال9 سنين قسم بالله من طالب الدوخي بالابتعاد انه (غير ذوق لايعرف المضار ولايعرف الدوخي ماذا يمثل للهلال بالجهه اليمنى) نعم انت غير ذوق واقولها بالملياااااااااااااااااااان طحتوما من عيني والله لا والف لا لبيع الدوخي افهموا ياعالم طيب بديل الدوخي من؟؟ هل هو معاذ الشباب ....؟ كم سيدفع الهلال لة 4 او 5 او 6 مليون طيب لدينا الدوخي افضل بكثييييييييييييييييييييير ريحنا يامحمد لاتطيح من عيننا ارجوك راجع الامر تراااااااااااااااااااااااااااااااااااااااااااااااااا الامر خطييييييييييييييييير والله خطييييييييييييييييييييير مارأيكم الدوخي بشعار الاتحاد :wallbash: :wallbash: :wallbash: هم يزيدون قوة على القوة اللي هم فيها ونحن نخسر افضل اللاعبين لاتكن مزاجي ياأبو سلطااااااااااااااااااااااان نحن نطالبك بأعادة النظر :cry: |
إقتباس:
طيب نواف اربع ملايين وماشارك ابد ابد والله انكم في عالم ثاني انتم لاتعرفون كيف هي العواقب بعد انتقال الدوخي اجل طلب كثير لو طلب كثير كان طلب 9 ملايين ومن حقة لا ولن نسمح لمحمد بن فيصل ان يبيع الدوخي |
مشكور ياالغالي موضوع كبير وانت اكبر ؛؛؛؛؛ بالنسبة لقولك ان الامير طرد الجمعان والحين يطرد الدوخي فهذي اعتقد انها ممكن تكون قلة خبرة من الامير وانا من الاشخاص اللي نقول للامير محمد انك اخطأت بحق الجمعان اولا لانه لم يفعل شيئا سوى انه قال لن العب في العصر هذا شي من حقه ومو من حقك تخلي اللاعب يلعب في اي وقت ؛؛؛؛ لكن كلامك عن الدوخي اعتقد انك قلت مافيه الكفاية لان المفروض انهم يعطونه مهلة للتفكير وموب الدعوى يله موافق والا ضف خشتك ؛؛؛ اعتقد ان هذي فاتت على الامير محمد ؛؛ وتحياتي لك يالغالي ولكن ابيك تفهم ان الدوخي ممكن والله اعلم يكون عنده عرض وعلشان كذا طلب المهلة وحتى يضغط على اللي عارض عليه يلعب له حتى يرفع العرض ؛؛ |
مبدع رائع ياكثر ما يجول بافكارنا مثل هاالكلام بس فعلاً لانستطيع التعبير ممكن نكون فاشلين في ماده الانشاء ههههههههههههههه :laugh: ياحبيبي يابوساره عادتك البداع وكلامك فعلا عين العقل والله يكثر من امثالك في هالمنتدى |
[align=center] طيب شرايك انك تلاحق لاعب اكثر من 20 يوم و الرجال يقول اصبر يوم و لما ينتهي اليوم يقول يوم ثاني ! الدعوى واضحة الرجال يساوم النادي[/align] |
سؤال للحلوين وش رايكم في مستوى راؤول هالموسم والمواسم الي فاتت مع الريال ؟؟؟؟؟؟؟؟؟ ليش النادي الملكي ما ينسقه مع انه يستلم اعلى راتب ولو طلب عيونهم قالوا ما تغلى عليك ؟؟؟؟؟؟؟ باختصار لانه رمز من رموز النادي يوسف الثنيان قبل ما يعتزل انقطع عن التمارين وضغط على الادارة الهلالية بعرض نصراوي من اجل ان يجدد عقده وبعد تجديده لم يلعب الا كم مباراة هذا رزق اللاعب واغلب لعيبتنا لا شهادة ولا شي وش تبي من اللاعب يخلص عقده وياكل ويشرب ولاء وحب نادي ؟؟؟؟؟؟؟؟؟ السالفة كلها عرض وطلب وما له داعي لا كلام ابو سلطان ولا كلامكم تجاه الدوخي خصوصا انه يا عالم ما زال هلالي وكل الي طلبه مهلة للتفكير في العرض لا اكثر ولا اقل سامي اخذ يفكر شهرين ونواف انسحب من معسكر الشرقية على عيني سامي وعلى عيني نواف وعلى عيني ابو يعقوب وهذا من حقهم لو طلبوا فلوس الدنيا بس الدوخي كمان رمز من رموزنا وش رايكم طيب في مستوى نور هالموسم تعتقدون الاتحاد راح يبيعه ؟؟؟؟؟ ولو حتى بثمانية مليون تدرون ليه لانه رمز عندهم فيه نادي يتنازل عن رموزه !!!!!!!!!!!!!!!!!!!!!!!!!!! بكرة كملوها بالدعيع وسامي ونواف وخلونا على الياس ومضواح وطق الحبل نفرط في نجوم من العيار الثقيل ونأتي بلاعبين نصف كم |
كنت ابي احد يكون له راي مثل رايي كلامك صح 100% واتمنى ينتهى الموضوع على خير |
يعطيك العافية أبو سارة والله كلامك عين العقل |
مشكوووووووووووووور هلالي أبو سارة وكلامك صح s60s |
ثلاثة مليون مبلغ ممتاااااز واعتقد ان الدوخي يماطل وبقوة ليش ما ادري ولا تقارن قيمة الدوخي بقيمة مسفر والعيسى ومدري من لان رئيس الاتحاد يدفع بهبل من غير ما يفكر |
[align=center]مشكور على موضوعك الرائع أبو سارة والله إني خايف إن مأساتنا بعد خميس تتكرر ولكـــن :: إذا هذي رغبة اللاعب الله يساعده ويوفقه وإذا كان البديل هو طيب الذكر ( الياس ) أبو الآوتات 00 فعلى الخانة الســـــــلام تحياتي ؛؛[/align] |
اللي يقول الدوخي مايستحق 3مليون مع احترامي له ما يفهم كورة لكن الدوخي لوراح للاتحاد بالذات فسافقد احترامي له ويكفيه هالسنه ان رفعة الهدف الثاني اللي هو هدف الفوز من رفعته |
ياخي اولا الدوخي مايبي الهلال... ثانيا لو الهلال حس ان الدوخي انتقاله مضر بالنادي ماخلوه يروح... ثالثا الله يعطيك العافيه وشكرا... |
الدوخي يستاهل اكثر لكن اكيد بكرة بيجيون ظهير المنتخب العصري وظهير الأتفاق بملغ لاينقص عن الخمسة ملاين وهو مع احترامي له لايقارن بالدوخي ...؟؟؟؟ تحياتي لك ابو سارة وارائك اللي كلها حكمة واستشارة |
[align=center] بسم الله .. غـريـبـ .. بعض الاخوان يكابروون ويحاولون تهميش دور الدوخي في الفريق .. وكأنه كان نزهاااناً آخر !! لما يجي الجد وينتقل الدوخي .. راح تشوف كيف الحسووفه تملأ صدورهم لأنهم يعرفون من هو الدوخي.. تمنيت منكم انصاف الدوخي وعدم الخوض في المسائل الماديه .. ولكن للأسف الأغلبيه طايحه فيه شتم !! .......... اللي يقول يالدوخي بعتنا ومن هالكلام .. انت حاط رجل على رجل .. وتلقاك ماحضرت ولا مباراة هلاليه .. بينما الدوخي عشر سنوات يخدم لهذا الكيان الأزرق .. الدوخي ألزم علينا من زعل بعض المتعصبين والمطبلين !! ___________________________ أخوي الغالي : Z3eeM_Dc منور موضوعي يالأطخم ولو أنك تختلف معي في الفكرة .. لكن لك أن تعلم أن الدوخي لما طلب يوم واحد وكان يوم حاسم وفاصل .. رفض الهلاليين هذا الأمر !! يا أخي في أوروبا يجلس اللاعب يفكر بالأشهر قبل يوقع عقد .. وحنا استكثرنا عليه يوم !! يا أخي على قولة الغالي spanish eyes : نواف (( سحب )) على معسكر الشرقيه ورجع الرياض !! ومع ذلك وقعنا له .. ااذا الأدارة وابو سلطان يفرق عندهم نواف عن احمد فـ حنا نقول : كلهم عيالنا وفي عيوننا .. على فكرة يضل اعتراض أحمد على عقده والماده مؤدب!! انتبهوا لها زين .. ________________________________ سلام[/align] |
ابو سارة كلام سليم ... صدقوني اذا رحل الدوخي سوف يدفع الهلال اضعاف اضعاف ماطلب الدوخي.. |
[align=center] إقتباس:
وعرض مغري .. وأتى للهلال يريد التفاوض والاستمرار في ناديه الأصلي .. وحتى ان طلب رفع العرض مليون فقط مو من حقه ؟ مو نجم ؟. حتى لو انخفض مستواه قليلاً يظل الدوخي أحمد هو الدوخي ____________________________________- إقتباس:
_____________________________ اخواني .. لما طرحت مثال الغنام والقحطاني .. كنت أعرف أن المبلغ مو كله لهم .. لكن اللي كنت ابي أوصله .. أنه مادام لدينام ثل هالمبالغ لماذا الأولويه ماتكون للاعبينا ؟[/align] |
| الوقت المعتمد في المنتدى بتوقيت جرينتش +3.
الوقت الان » 12:09 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd