يا جماعة الخير وش فيكم معصبين .. أنا في اعتقادي ان الصدارة كانت شبه مستحيلة من البداية .. لأن التعادل كان يكفي الشباب
وثاني شي حتى لو خسر الشباب لازم نجيب 6 .. واحد كان يلعب بخطة 4-4-0-0-0-0-0-0-2
أربع مدافعين وقدامهم أربع مدافعين غيرهم ما كنهم لعيبة خط وسط .. أما بالنسبة للعيبة المنتخب فلا تلومهم الارهاق مأثر عليهم .. وبعدين قولتك ان مستوانا مع احد سيء وانه اذا كان هذا مستوانا كيف بنلعب مع صفوة الأندية .. أنا أعتقد ان منافسنا الوحيد في المربع الشباب ..
النصر توه من فترة منهزم مع أحد 3-0 وانتم موب عاجبكم فوزنا 2-0 أعتقد انه الهدف من مباراة احد كان الخروج بفوز خالي من الاصابات وهذا اللي صار .. وزيادة على كذا ترى الحكم ما قصر .. 3 ضربات جزاء صريحة وطرد الغامدي وغيرها يعني هدوا أعصابكم وخفوا على المدرب واللعيبة
وان شاء الله بتشوفون اللي يسركم بالمربع
ملاحظة : وش جايه الصويلح الله يهديه .. والله ياهو أمس رفع ضغطي في كم كورة .. يجب انه يعيد النظر في مستواه حتى يعود كما عهدناه ..
معليش اليوم واضح اصرار الهلال على الابداع لكن كان يواجهم دفاع عنيف ليس بقوته وانما بخشونته ..
الله ستر على ابو عبدالله ولا بغى يروح فيها ,, برضو الشلهوب بغى ينتف ..
ووالله انه ليس دفاعا عن الهلال ولكن هذه الحقيقة ..
وبعدين ياليت نتوقف شوي عن الانتقاد لأن هالوقت هو الحصاد .. ولازم نشد من همتهم ..
تحياتي
ايه يا دحيم شفتهاا .. وشفتهاا زين ..
وان كان الهلال الفريق الكبير مو قادر يفك تكتيك الفريق الهبط للثانيه فهذه كارثه !!
ويالغالي نتوقف عن الانتقاد لا ..
هذا هلالناا ونبيه في أبهى صورة ..
ولا نبي آخر الموسم نقول هذي آخرة السكوت
______________________________
إقتباس
الرسالة الأصلية كتبت بواسطة فيصل707
الله يعين لاعبي الهلال على الجمهور , , ,
والله انك غالي ياابو ساره لكن , , ,
لا تحكم على ( باكيتا ) واللاعبين من مباراه واحد لاتقدم ولا تاخر
ماقلت لنا ... وش رايك في الجمهور اليوم ؟
ياغالي .. الجمهور اذا نظرت للخصم ولقيته أحد والنتيجه مرتبطه بمباراة أخرى ..
فـ ( مقبووول ) ..
لكن كان العشم أكبر وتحياتي لك
_________________________
___________________________________
إقتباس
الرسالة الأصلية كتبت بواسطة (El nino (Torris
عادي يابو سارة هدي اللعب
وش فيك معصب يالحبيب
كذا ولا كذا ما كنا خذينا الصدارة لأن الشباب فاز اليوم
وبعدين ياخي مستوى أحد المقرف هذا ما يخلي الواحد يقدر يبدع
هلا بالغالي ..
ياخوووك هل مستوى الوحده والنصر والاتحاد والرياض والشباب أيضاً مقرف !!
هذا مستوانا في آخر خمس جولات مع هذي الفرق اللي ذكرتهاا ..
أتمنى الحال ينصلح واعلم ياعزيز اني لا تحكمني نتيجة مباراة واحده ..
أو تأخذني عاطفتي نتيجة مستوى سيء في مباراة أو ثنتين ..
اعرف ان هذا يحصل في الكورة لكن ست جولات تعني خلل واضح
تحياتي
_________________________
اقتباس من zaeemex
إقتباس
تحياتي لك ولقلمك الرائع ..
وياليت يفكوننــا من قولة خذلتونــــا .. خذلتونــــا ..
ماخذلنا إلا الداهيه وكماتشو قاتل الهجمات الناجحه واللي مايرتاح إلا لامنه فطس اللعب ..
.. لاتوجد ومضات للأســــــف .. سوى .. الله يصبرنــــا
ان شاء الله البطولة هلالية .. وماراح تندم .. واذكرك انشـــاء الله ...
تراك فقعت اذني
الله يسمع منك واذكرك وقتها واعطيك البشاره
إقتباس
وياليت اشوف ردك .. علي
أبك هذا ردي علاك
إقتباس
اخوك : غرشوب الرياض .
والله والستين نعم
________________
إقتباس
الرسالة الأصلية كتبت بواسطة أسير الوداد
ماتتوقعون أنكم مكبرين الموضوع شوي ,,,,,,
ممكن يكون في الهلال أخطاء لكم ماهو زي ماانتم مكبرينها لدرجة كبيرة ,,,,,,,
وبعدين كماتشو لاعب ممتاز لكن وجوده في الهلال اتوقع انه انتهى ,,,,,,,
لانه يميل الى المزاجية أكثر من اللعب بجدية ,,,,,,
وباكيتا اتوقع انه مر ببعض الاخطاء البسيطة لكن ماهو لهذي الدرجة الي انتو مصورينها ,,,,,
وبعدين المباراة انا من وجهة نظري عادية الهلال لم يقدم مستوا سيئ جدا ,,,,,,
والمربع انشاءالله يكون يكون فال خير علينا والانتظار حلو ,,,,,,,,
تفألو بالخير تجدوه ,,,,,,,,,,
لا ياغالي مو كبرينه ولا شيء ..
أحيي فيك تفائلك وأتمنى نكون عند حسن ظنه
وحكاية كماتشو مزاجي فما اعتقد ..
اعتقد عنده ظروف أو أن الغربه خلاص ماقام يتحملها وحن لبلده وقام يتدلع يبي السفر
_________________-
إقتباس
الرسالة الأصلية كتبت بواسطة هلالي في كندا
ابو ساره لا تنسى ان مباراتي المربع مباريات كؤوس ولاتعترف بالمستوى ,,,,,,,
ونجوم الهلال ان شاء الله يظهرون وقت الحسم ,,,,,,,, لكن لازم الاستاد يكون مليان في المباراة الاولى الي اتوقعها ضد تشاد ,,,,,,,,,, وانا متفائل كثير باذن الله
تحياتي لك
هلا ياالغالي ..
في البدايه والله انك ضيقت صدري يوم أطريت السفر ..
ياخووك فيه ناس لله في الله تحبهم ولا قد شفتهم وانت واحد منهم ..
والمربع أتمنى يكون كلامك في محله وتكون كلمتنا هي العليا ..
وفي انتظار هلالنا وقت الحسم ..
عموماً يعجبني فيك أنك مهما تغربت ورحت وسافرت تبقى متيم بالزعيم
سنايدي والله
_______________________
الغالي عالي الشان :
صحيح ان باكيتا والفريق كانوا سيئين أمس وكذا جوله لكن هذا لايعني ان باكيتا ليس داهيه ..