[align=center]الهلالي ابوسارة يعود لكم من جديد ،،

صباح الخيررات والمسررات ..

هارد لكم الفوز الذي أتى بطعم الخسارة .. وهارد لكم شيء اسمه صدارة .

مثل المستوى الذي شاهدناه أمام الفريق الذي ودع الأضواء إلى غياهب الثانيه ..

لا يستحق مناا تحليل أو حتى نقداً وتعاليل ..

فـريقنا يا ساده أتى اليوم لا لكي يلعب كرة ..

إنما ليقدم فناً اسمه : رفع الظغط وجلب السكر ويا قلب لا تحزن ..

لا اعتقد ان لاعبي الزعيم اليوم كانوا نجوماً ..

لا احد منهم يستحق هذا اليوم ان نهتف له ونتغنى بإسمه ..

جميعهم كانوا في سبات عميق ..

ومدربهم كان فيه صاحب الرياده..

ويقول للجمهور .. هل كفاكم ارتفاع الظغط أم تريدون زياده ؟؟ أجيبوا يا ساده !!

........................................

لم يحزنني أن تذهب الصداره من ايديناا ..

لم يحزنني أن ارى لاعبي أحد يتمكنون من نجومنا في عقر دارهم ..

أكثر ما احزنني روح الانهزاام واللا مبالاة هذا المساء ..

لم ارى روحاً تريد الانتصار أو حتى تقديراً لمن حضر لهم في ليله خميسيه كهذه ..

حزنت كثيراً هذا اليوم على سوء اعدادنا لهذه المباراة السهله ..

كيف الحال اذا حمى وطيس المربع ؟

حزنت كثيراً على العك الكروي أمام فريق احد المتواضع ..

كيف حالنا أمام صفوة فرق الدوري بعد اسبوعين؟.

لست متشائماً ولكن ليالي العيد تبين من عصاريهاا ..

.........................................................

لماذا كان باكيتا واقفاً مكتوف اليدين أمام المستوى الضعيف لفريقه ..

لا أدري ..

هل هو اقتناع بما يراه من مستوى ..

أم أنه يخطط للمركز الثاني ..

أتمنى ذلك حتى لا أفقد ثقتي فيه ..

.................................................

كماتشو وماادراك ماكماتشو ..

يبدو ان تسريب خبر عدم تجديد عقده له جعله (( يعاقب الفريق )) بمستوى هزيل ..

مبارك لو كان اليوم موجود كان أفضل ..

أخشى ما أخشاه ان يخرج علي أحدكم ويقول لا كماتشو كان مبدع وقشر كور لين مل !!

هذا اللاعب مدعووم من الهلاليين أنفسهم أكثر من دعمهم لنجومهم المحليين

كان سيئاً اليوم واعذروني..

............................

فهد المفرج ..

غلطة منقاا بلعناهاا ..

لكن تكسر أكثر من تسلل أمام مهاجمين اثنين أحديين فقط فهذه كارثه ..

أخشى أن يكون هذا استعدادك للمربع وأهواله ..


______________

سامي وهدفين ..

لكن هل أنت سامي المنتخب ؟

االخثراان هل هذا مستواك مع المنتخب .؟

والحال ينطبق على الشلهوب ..

يا ساده يا ثلاثي المنتخب المونديالي..

لولا الله ثم الهلال لما وصلتم لمنتخب بلدكم وكفى !

..........................................

هل كفاكم أم أزيد ؟

الموضوع انحسم والصدارة طارت ..

مو مهم ..

طيب مستوانا كان سيء في آخر جولات الدوري .؟؟

هل هذي بعد تدخل تحت بند مو مهم ..

عجبي .. :

الله يستر يا ساده


________________

من سوء الهلال اليوم استمد هذا الحكم سوءه ..

لم يفعل شيئاً سوى اغفال ضربتي جزاء ..

وطرد ظالم ظلماً بواحاً في كرتين متوالين لعمر الغامدي . .

وجراءة في غير محلها وظلم يحسبه انصافاُ ..

عموماً لو كان الحكم اليوم مطلق بيه لما كان عذراً لما رأيناه من عك كروي أمام أحد الهش !!


_________________

يا ساده تكلموا بمنطقيه ..

هل كماتشو يستحق التجديد ..

أم هل باكيتا كان رائعاً اليوم ؟

هل تريدون أن نتغنى بالفريق في كل حال ..

ثم ننصدم في النهايه ونقول ليت اللي جرى ما كان ..

لا يا ساده كل مافينا اليوم كان سيئاً ..

واعذروني والسلام [/align]

عادي يابو سارة هدي اللعب
وش فيك معصب يالحبيب
كذا ولا كذا ما كنا خذينا الصدارة لأن الشباب فاز اليوم
وبعدين ياخي مستوى أحد المقرف هذا ما يخلي الواحد يقدر يبدع
غير كذا الضغط وإنك لازم تجيب 6 أهداف مو سهلة أبدا
صدقني لو المباراة عادية وكانت بدري شوي كان جبنا الستة بالراحة
غير كذا الإرهاق
سامي والخثران والشلهوب 4 مباريات في أسبوع ونص
وكلها مباريات قوية وحاسمة

هذه إن شاء الله عربون للكأس
ولا تشيل هم
خليك مرح ومتفائل كعادتك يابو سارة
تحياتي لك

إقتباس الرسالة الأصلية كتبت بواسطة الهلالي- ابوسارة [align=center]الهلالي ابوسارة يعود لكم من جديد ،، . مثل المستوى الذي شاهدناه أمام الفريق الذي ودع الأضواء إلى غياهب الثانيه .. .. .. . كماتشو وماادراك ماكماتشو .. [/align]

[align=center]بإختصار :

حضرت المباراة وليتني ماحضرت .. وياحسافة طرتي لـ اخوياي ..

وخاصه واحــــد نصرواي متعصب مره مره .. طلبته وجــا ..

وياحســـافة صوتي اللي إنبــح ..

وكلها ترجع لهالسببين .. اللي قلت

مع سبب ثالث ساعد في دبلة التسبد

وهو .. الحكم الشريف : الشريف ..












تحياتي لك ولقلمك الرائع ..
وياليت يفكوننــا من قولة خذلتونــــا .. خذلتونــــا ..
ماخذلنا إلا الداهيه وكماتشو قاتل الهجمات الناجحه واللي مايرتاح إلا لامنه فطس اللعب ..


.. لاتوجد ومضات للأســــــف .. سوى .. الله يصبرنــــا [/align]

اول شئ هاردلك على روحة الروحة الرقم المميز :p

اما كماتشو فكا ن اليوم يؤخر اللعب بشكل غير طبيعي

واداء الهلال ىاليوم اتوقع انه يسمى الهدوء الذي يسبق العاصفة

يارجل وسع صدرك انا اليوم رايح للمبارة معنى أني تعبان ولكن الحمد لله

بس سؤالي متى الهلال يلب مبارة المربع لاني شفت الدوخ تعمد ياخذ كرت هو وي الخثران

وتحياتي لك......................

كأس خادم الحرمين هلااااااااااااااااااااااااااااالي بإذن اللي ماتنام عينه

بغض النظر عن ان الهلال لازم يسجل 6 او10 او تصدر ولا ماتصدر

تبون الصراحة مشكلة الهلال الآن في نوعية بعض اللاعبين اللذين لا يملكون مهارة كاملة وهم :
المفرج >> قلب دفاع لكنه ليس بقلب الدفاع الذي يعتمد عليه مثل زكريا الهداف والمنتشري وادعوا بسلامة تفاريس الذي يعد افضل قلب دفاع حاليا .
الياس , فهد المبارك , احمد الصويلح هؤلاء واعلنها بكل صراحة لاعبين لن يعيدوا لنا ايام الجيل الذهبي الهلالي واحب اقول للمطلبين لأحمد الصويلح ان اكثر ما يعاب هذا اللاعب هو البطئ وعدم اجادة المراوغات مثل صالح بشير او ياسر القحطاني او ناجي مجرشي او حتى حارثي النصر !!! شاهدوا مباراة احد وانظروا الى سرعته ومهاراته الضعيفة والتي لابد يمتلكها المهاجم وقارنوه مثلا بصالح بشير !!!!! الذي نتمنى ان ياتي مع القحطاني للهلال عندها سيحل العقم الهجومي !!
الموري ونظل نردد وينك يا هنري العرب ؟؟؟
كماتشو ليس بصانع الالعاب المميز صحيح انه خدم الفريق لكنه ليس بذلك السوبر قارنوه مثلا بسيزار او موسى صائب او كاريوكا ولو من ناحية الجسم ؟؟؟ فهناك فارق كبير حتى بقيادة وسط الملعب ؟؟
المدرب باكيتا دائما ما يرقع الخطة بعدما يتقدم الفريق المقابل ؟؟؟ واكثر ما يرفع ضغطنا اذا لعب ب3محاور او مهاجم واحد ؟؟؟ بعدين يبدا يعدل اذا جت على وجهه؟؟

الله يلوم اللي يلومك اخوووي .. من جد الفريق كان ككل سيء

.
والدوخي قدم مستوى احسن من المباريات الي فاتت ..

لا يابو ساره تفائل بالخير انشأالله الكاس هلالي

الله يعين لاعبي الهلال على الجمهور , , ,



والله انك غالي ياابو ساره لكن , , ,


لا تحكم على ( باكيتا ) واللاعبين من مباراه واحد لاتقدم ولا تاخر




ماقلت لنا ... وش رايك في الجمهور اليوم ؟

معليش اخوي ,,

انت شفت المبارة زين .. ياخوي شفت وشلون يدافعون .. راس الحربة حقهم عند السنتر ..

معليش اليوم واضح اصرار الهلال على الابداع لكن كان يواجهم دفاع عنيف ليس بقوته وانما بخشونته ..

الله ستر على ابو عبدالله ولا بغى يروح فيها ,, برضو الشلهوب بغى ينتف ..

ووالله انه ليس دفاعا عن الهلال ولكن هذه الحقيقة ..

وبعدين ياليت نتوقف شوي عن الانتقاد لأن هالوقت هو الحصاد .. ولازم نشد من همتهم ..

تحياتي

إقتباس الرسالة الأصلية كتبت بواسطة (El nino (Torris عادي يابو سارة هدي اللعب وش فيك معصب يالحبيب كذا ولا كذا ما كنا خذينا الصدارة لأن الشباب فاز اليوم وبعدين ياخي مستوى أحد المقرف هذا ما يخلي الواحد يقدر يبدع غير كذا الضغط وإنك لازم تجيب 6 أهداف مو سهلة أبدا صدقني لو المباراة عادية وكانت بدري شوي كان جبنا الستة بالراحة غير كذا الإرهاق سامي والخثران والشلهوب 4 مباريات في أسبوع ونص وكلها مباريات قوية وحاسمة هذه إن شاء الله عربون للكأس ولا تشيل هم خليك مرح ومتفائل كعادتك يابو سارة تحياتي لك

اضم صوتي لك

ابوسوسو لي رجعه