الأخ العزيز طلال ( ابو فيصل )

اولا احب ان اشكرك على جهودك انت والإخوان المشرفين

ثانيا ابتعادك يعتبر خساره كبيره لهذا المنتدى وبصراحه هذا الخبر احزنني شخصيا واتمنى ان نراك في اقرب فرصه

ثالثا بالنسبه لماطرحته بخصوص تشحيع اللاعبين على حساب النادي فهذه تعتبر كارثه لأن اللاعب ذاهب والنادي هو الباقي وهو الأصل ونحن لا نريد مشجعين لاعب واحد مثل مشجعي النادي المجاور الذين يشجعون لاعبهم المحنط على حساب ناديهم بل ان بعضهم تخلى عن تشجيع هذا النادي بعد اعتزال لاعبهم 00 نحن نريد مشجعين لهذا النادي العظيم الذي لايتوقف على شخص واحد سواء كان لاعب او رئيس او حتى عضو شرف 0 فالهلال بنى امجاده بجميع رجاله ولم يقتصر على شخص واحد ونحن احببنا الهلال الكيان الشامخ الذي ذاع صيته في ارجاء المعموره 0
اما بخصوص بعض الأعضاء وخصوصا العضوات وانهن ابتعدن عن هذا المنتدى فأنا بصراحه اتمنى عودتهن لأننا رأينا منهن مشاركات جميله ورائعه وابداعات لايمكن وصفها واعتقد ان بعضهن لايزال يواصل الإبداع في هذا المنتدى وان شاء الله نرى باقي المبدعات بيننا 0
اخي الغالي نتمنى منك عدم مقاطعتنا وان شاء الله لا تبعدك مشاغلك عنا ولا تحرمنا من ابداعاتك

ولك تحياتي يالغالي

اخوك الموج ،،،( ابو محمد )

السلام عليكم ..

شيك على ايميلك يا أبو فيصل

تحياتي ..

طلال

اخوي طلال كاتبنا المبدع و صحفينا الرائع و . . . و . . . و . . . . .

مقال رائع من شخص رائع . اللاعب فاني و الاداري فاني و المدرب فاني و يبقى النادي إلى ماشاء الله .

مهما كان الخلاف بين اللاعبين أو بين الجماهير يجب ان تكون مصلحة النادي في المرتبة الاولى .


اكبر خسارة غيابك خلال هذه الفترة , نرجوا ان تزول الاسباب و لا تطول المدة , و لا تحرمنا من مشاركاتك الرائعة .

نرجوا لك التوفيق اينما كنت . و اينما ذهبت .

اخوك / عبدالله

مشرفنا الغالي طلال...... والله انا معاك بكل اللي قلته وكل كلامك صحيح

ولاتطول الغيبه يابو فيصل تروح وتجي بالسلامه

الموضوع ولا اروع يا ابو فيصل

بس خاتمته لم تكن رائعه

وين ناوي تتركنا وتروح انسيت العهد الذي اتفق عليه وهو رفع اسم المنتدى والهلال عاليا

الله يوفقك يا طلال وين ما رحت بس عاد لا تتركنا

اللي مثلك ينشرون لو بالروح ما نبيعهم برخيص وماراح نخليك تروح يالغالي

أبو فيصل

والله يعز علينا فراقك يالغالي

وانت بالفعل شمعة منتدنا

ويكفي تعبك كل صبحيه انت ومحترف توقعات

ويعزعلينا اننا ماراح نشوف اسمك كل صبحيه

لكن الظروف كذا

والله يوفقك ان شاء الله

الغالي طلال مااعرف كيف راح يكون المنتدى من دونك و انا اتمنا
انك ما تقاطعنا مدة طويلة .. طيب يالغالي..
وبالنسبة لموضوعك هذا بصراحة اغلب الناس صاروا يشجعون الفريق عشان الاعب الفلاني
ماهو عشان الفريق نفسه .

والله يا ابو فيصل إنك جيت على الجرح..
واحد من الربع عزيز علي بالحيل..ما يشجع الهلال إلا علشان التمياط والشلهوب..والباقي ما يهمونه..
صحيح انه يفرح لفوز الهلال ويزعل لخسارته..بس انه يهتم بلاعبينه المفضلين..
التمياط والشلهوب على العين والراس وغالين علينا..وما حبيناهم إلا من حب الهلال..
ما أقول إلا الله يهديه..
---------------------
أما عن غيابك...بنشتاق لك واااااجد..
وتكفى..لا تطول الغيبة..
---------------------
أخوك الصغير،،،فهد

الاستاذ العزيز طلال .
ماقصرت والله وفعلا كلام جميل اتركوا التعصب وشجعوا الهلال .
الهلال هو الثابت واللاعب هو المتغير .
اخي طلال سنشجع الهلال وسنحب من يحب الهلال وسنترك مادون ذلك .
اخي نحب اللاعبين بدون تفريق لانهم يرتدون فانلة الهلال . نحب من يقف في صف نادينا وسنقف بقوة ضد من يريد المساس بالهلال او لاعبي الهلال .
اخي انني اؤيدك في كل ماقلته وارجوا ان لايفرق احد بين اللاعبين فكلهم خدموا الهلال وبوجودهم في النادي سيجدون حبنا اما اذا رحلو فنحن هلاليون وباقين لمؤازرة الزعيم وشكرا .
محب الهلال
عبود

شكراً للجميع للمشاركة في الموضوع وابداء الرأي..

و شكراً للجميع على شعورهم النبيل تجاهي وأن فراقكم صعب وان شاء الله لي لقاء قريب وسفري سيكون في الغد (( يوم الأربعاء )) وادعوا الله سبحانه أن نلتقي في أقرب وقت ممكن والخير والبركة في جميع أعضاء المنتدى ليكون المنتدى زعيم المنتديات العالمية...

وتحياتي للجميع...

أخوكم
أبو فيصل

أخوي الغالي أبو فيصل ,,,

في لحظات الحزن على فراق الأحباب يصعب الحديث والنقاش في أمور أخرى ,,,

من هذا المنطلق حبيت أقول إن غيابك عنا راح يترك فراغ كبير في نفوسنا لواحد من أكثر أعضاء هذا المنتدى طيبة وأريحيه ,,,

أسلوبك الأنيق في التعامل مع الأعضاء وإحترامك الشديد لجميع الأعضاء فرض علينا إحترامك وتقديرك والأعجاب الشديد بأخلاقك العاليه , ناهيك عن خدماتك الكثيره والواضحه لهذا المنتدى ولجميع أعضاءه بلا إستثناء ,,,

أخوي الغالي طلال ,,,

غيابك راح يكون محزن لنا جميعا ولي أنا بصفه شخصيه وأتمنى من الله العلي القدير أن لايطول هذا الغياب كثيرا ونستمتع بوجودك اللطيف والخفيف جدا كنسمه هواء بارده على قلوبنا ,,,

مقدرين مشاغلك الجديده ولكننا لن نرضى بأقل من عودتك السريعه ,,,

تحياتي الخالصه والصافيه لك يابوفيصل ,,,

أخوك : ابراهيم النجيدي

خساره كبيرة أن نفقدك ولكن !!!

نتمنى أن نراك في أتم صحة وعافية قريبا وقريبا جداااااااااااااااااااااا .

أخوك
عبقري الهلال

السلام عليكم
موضوعك يااخ طلال جدا رائع بس مخليتني استمتع فيه
علطول جبت خبر تركك للمنتدى....
بس إن شاء الله ترجع لنا باقرب وقت وماتنسانى ....
والله يوفقك في دنياك واخرتك...
وكل مالقيت نفسك فاضي سير علينا اخوي طلال...;)
اختك هلاله

اولا .. موضوعك صحيح ورائع على الرغم من انه مايمنع ان الواحد فينا يميل للاعب معين لكن بعقلانيه وليس بالطريقه اللتي ذكرتها
ثانيا..يعز علينا رحيلك واذا جات الفرصه لاتبخل علينا ومااقدر اقول غير الله يوفقك ويوفق الجميع

أخي الاستاذ طلال:

مقالة رائعة جداً منك يااستاذ طلال ونتمنى المزيد ... وحراااام تترك المنتدى وتسيبنا .