|
نقولها _مقدماً لكل رياضي_: أحسن الله عزاكم في اتحاد جده!! هنا التفاصيل [align=center] الهلالي ابو سارة يعود لكم من جديد السلام عليكم جميعاً .. أول شي مبروووك التأهل الرهيب الازرق .. وعقبال الكؤؤس كلها .. ابي قبل نخوض في أعماق الموضوع .. تدققون في الخبر اللي بثته رويترز مساء امس: "بعد هدوء الاعصار الذي دمر الدار البيضاء.. وراح ضحيته 55ألف من جماهير الوداد الحاضره.. بالأضافه لجيش من اللاعبين والاداريين والمدربين .. مازالت الأجهزه المغربيه هناك .. في احصاء ومساعدة ما دمر الاعصار الرهيب .." ا.هـ لا حول ولا قوة الا بالله .. اله يصبر اخواننا في المغرب .. :sad: خلونا نرجع للخبر اللي بثته وكالة فرانس برنس ( ماكانت رويترز من شوي يابو سارة!! )) :D " هذا وتؤكد أنباء من الرصد الجوي العالمي, عن حدوث كارثه جديده خلال اليومين القادمين.. بفعل هذا الاعصار"أ.هـ كما صرح الأعصار لوكالة بي.او.انس (( ورجاء لاحد يسألني عن هالوكاله ومقرها.. ترى ماحب الاسئلة البايخه )) :D صرح الاعصار بالتصريح المقتضب التالي .: " ما بعد الوداد .. الا الاتحاد " .. ا.هـ ياساتر والله .. ألا يحق لنا بعد هذا أن نقدم التعازي للرياضه والرياضيين ؟! بالأمس قال مدير هيئة اغاثة ضحايا الاعاصير.. المستر بوبي كرنكوف ( شخصياً أول مرة اسمع به وبهيئته)) :confused: قال: " أن يذهب اعصار ما .. ويدمر منطقه بعيده عنه فهذا مألوف .. لكن .. أن يذهب احد لمكان الاعصار .. ويقول دمرني فهذا انتحار " عاد أنا دقيت على بوبي _ أمون عليه _ وقلت : روق يابوب .. ترى لكل شيء دواء يستطب به * الا الحماقه أعيت من يداويها .. حياك الله يا أتحاد في احضان الاعصار .. بين 30 الف من أنصاره .. وياهي بتكون ليله !! s13s __________ خلونا ناخذ نبذه أو بالأحرى "نبيذه" مصغره عن هذا الزائر الانتحاري .. المسمى اتحاد .. هذا النادي اللي تأسس من سنة جدي !! على يد كم واحد فاضين لا شغل ولا مشغله .. وجمع نصف بطولاته في تلك الحقبه .. عندما هزم الجاليه الاندونيسيه وغيرها من الجاليات .. بالأضافه الى أنه كان ينافسه فقط منتخب الغربيه .. هذا النادي الغريق .. أقصد العريق (( ترى كلها نقطه بلاش تدقيق )) !! اللي سموه الاتحاد .. ثم صار اتي ,, ثم تحول بقدرة قادر الى عميد .. ثم نبت له ريش ورجع اسمه اتحاد.. ثم تطور وصار اتحاد جده .. وفي روايه أخرى اتهاد !! هذا النادي اللي تخرج منه عمالقة وجهابذة الكرة: غراب اخوان..فوال .. بصاص .. عريج..فريج..سريج وعاشت الاسامي :D هذا النادي اللي يقود صحافته (( مرتزقه )) اقصد اساتذه في الاعلام .. المجستك جستنيه صاحب الدم الشربات .. ساعاتي نبيه .. و جمال ابو العريف .. وعثمان ابو بكر سانجو مالي :D .. والمخرف الكبير.. (( المؤرخ )) جار الله المالكي .. والطيور على أشكالها تقع ياقلبي !! هذا النادي صاحب النغمات ( والطيران )) المميزه : أتي حبيبي والنصيب .. اصفر مع اسود يابو دم خفيف (( لا يكون أحمد بدير)) :D اتي امي وابويا .. خالي واخويا .. بقيادة قيثارة الشرق وسنباطي القرن الجديد صالح القرني :laugh: هذا الاتي راح يشرفنا في ملعبنا .. وحنا اهل كرم وهو يستاهل .. هذا النادي باختصار (( باااح )) .. يعني أحسن الله عزاكم فيه .. يوم الثلاثاء ______________________ جتني من فتره رساله خاصه .. من عضو مسجل جديد ومشاركاته ثلاث .. يقول اسألك بالله ليه تكره الاتحاد ؟! يالربع أنا ماأكرهه .. بس أكذب عليكم أن قلت احبه .. حاولت أحبه وأدخله قلبي .. تهاوش قلبي معي وقال اطلع منها !! شربت معه سفن اب أبي أهضمه وعجزت .. حاولت أبلعه وغصيت بـ ( شوشة) بصاص :D :D والله حاولت وعجزت والسبب معرووف ويجيكم اثناء سرد هالقصه .. مرة بجده في الطازج (( سويت له دعايه )) .. قابلت شخص .. تجاذبنا أطراف الحديث.. ولما عرف اني من الرياض .. سألني : الأخ هلالي ؟؟ قلت الله الله .. وانت الظاهر اتحادي ؟؟ قال والله والله :D .. ثم خش في عيني وقال: والله لو لعب الهلال مع اسرائيل .. كان شجعت اسرائيل ..!!! يا اني اكرهكم موووووت ّّ!! قلت ببروود: ياسفابكم حنا مقطعنا حبكم :laugh: .. بس خلنا من اسرائيل والسياسه .. لو لعب الاتحاد مع تشاد .. من تشجع ؟؟ فأحسبني ألقمته حجراً لا فض فوني.. ;) من يومها وانا اشوف الاتحادي حاقد على الهلالي ومدري ليه .. :confused: اشوف الاعلام الاتحادي يترك فريقه .. ويتفرغ للأزرق .. المنتديات حقتهم .. متفرغه للهلال وسامي وخذ أشاعات , ثم يجي من يلومني فيهم !!! .......... قبل كم شهر .. كنت جالس بالمحطه .. أقرأ الجريده وسيارتي تحت الغسيل .. واللي يغسلها ثلاثة أفارقه .. سألني واحد .. وش تشجع ؟ قلت باستغراب : هلال .. وقلت بنفسي وش عرف هالافريقي بكورتنا . شكله سؤال روتيني عشان يطيح الميانه .. المهم .. لما قام يمسح اللوحه وهي عباره عن ثلاث خمسات .. (( مميز يابو سارة )) :D ناضرني وضحك .. قلت : بسم الله عليك يالشيخ سلامات ؟؟ قال : انتم انهزمتوا بالخمسات .. ولا ناسي ؟ (( أخس والله يذب الافريقي )) .. قلت انت من جدك تتابع دورينا ؟ قال .. أنا والشباب اللي تشوفهم .. كلنا أتحاديين من 22 سنه !!! قمت أخذ معه واعطي وطلع اتحادي متعصب مو اي كلام .. قال انتوا نادي البنات .. أطلقت زفره وقلت آه يالبنات .. عندك مانع .؟ شوي الا قال : مايشجع الهلال الا الشياب .ّّّّ!! قلت : حكمة الشايب وتجاربه خلته يعرف يختار صح .. الرجال شوي الا وقلب 180 درجه .. قال: الهلال فقط (( للبزورة )) والمراهقين .. قلت أجل اسمح لي حتى البزران غلبوكم في الذوق :D الأخ طنقر وماله داعي يطنقر وانا لحالي في المحطه وهم ثلاثه .. صرفت نسي وقلت أجيك بعدين :D (( ترى ماخفت )) ..ههههههه .......... عجيب امر الاتحاديين .. الكره في عيونهم . ويعترفون بحقدهم على كل هلالي .. بدون حياء وخجل.. والمشكله .. ننسب في منتدياتهم .. ثم اذا ردينا .. عاتبونا ربعنا .. من اليوم لا عتاب .. ولا سكوت .. والثلاثاء .. الوعد .. يا اتي .. .............. يمكن البعض يعجبه .. شعار الاتي .. البعض يعجبه تشجيع الاتي .. البعض الآخر .. يعجبه كم لاعب منهم .. أنا بصراحه فيه شيء واحد عاجبني بالأتي ,, وله قصه .. والظاهر ماوراكم شيء .. فـ خلوني أسردها عليكم .. :razz: واحد من العيال بالاستراحه .. مدمن مصارعه حره .. كل يوم داخل بشريط مصارعه .. واحياناً اذا مالقى شريط .. (فتن) بين اثنين واستمتع بمصارعتهم :D .. المهم .. قعدت اناضر معه المصارعه ذاك اليوم وانا مو من حبي لها .. بس هو أبلشني والله .. كان فيه مصارع صغير الحجم .. لا طول ولا عرض ولا عضلات .. كل شوي متحدي اندرتيكر .. جاء اندرتيكر .. طقه .. طقه الين قاموا يصيحون الجماهير والحكام وخويي وانا .. :D جاء من بكره .. نفس المصارع المدبوغ .. يتحدى اندرتيكر ثانيه .. قام اندرتيكر وحاس ابو اللي جاب مندوب مريره .. راح هالمصارع الصغير وعالج جروحه ثم رجع يتحدى اندرتيكر .. والله نشبه !! طنشه اندرتيكر .. راح خاش في مصارعه ثانيه يلعب فيها اندرتيكر ويقول واجهني ههههههههههه .. المهم سالفه طويله .. الخلاصه .. هالمصارع الصغير والله يذكرني بالاتحاد .. دايم الهلال يكسر راسه بالرياض وجده .. ويرجع يتحدىىى .. رباعيتين .. أحدهم أيام يرودانسكو .. والاخرى هالموسم .. ومع هذا يرجع يتحدىىىى .. خمس سنين هزمه الهلال فيها سبع وهو فاز مرة وحيده فقط والبركه بالعجلاني !! ومع ذلك .. يجي ويحط راسه براس عمه الأزرق .. بذمتكم ماذكركم بالمصارع الصغير .. اايه أللي اعجبني في الاتي .. هو فقط اصراره وتحمله ضربات الهلال .. ............. أحد الاتحاديين في منتداهم .. نقل مقال من مقالاتي عنهم هناك .. وجاني أنواع السب والشتم .. بس مافيه مشكله .. هذا أهداء صغير لهم .. وابو ريان ماقصر فيهم .. وتسير القافله والهو هو ينبح .. ولا تضر ابو سارة خربشة الضفادع حين يسبح :D ( كبير يابو سارة) ............ نطلع من الاتي .. ونرجع الى عشقنا الأزرق وكم نقطه عالطاير.. ** خالد عزيز.. كنت نجم المباراة .. ومع ذلك أفسدت كل شيء .. بدخولك دخول اقشر من ماركة جميل ورفاقه :D انتبه يابطل .. ** الشلهوب.. الهدف جاء بوقته .. عسى يرفع روحك المعنويه وترجع لنا سوبر.. والله فاقدينك ** كماتشو..وبالذات الشوط الأول.. اسمحوا لي القبه (بيتهوفن).. ماكانت كور وتمريرات .. كانت أنغام يابو الكمتش (( اسم الدلع بالبرازيل )) :laugh: ** سلفا .. خبري بك واصل .. وتحب اميمتك والجماعه. ماوحشوك.؟ يالله حبيبي المطار والتذكره مني .. أهم شيء البر بالوالدين :D ** الجمعان .. الظاهر شفت ربعك في الملعب كيف يقاتلون .. هذا اللي يلزمنا يابو عابد .. ما يلزمنا تطنيش وغياب حضرتكم .. شفت عزيز انطرد .. ومع ذلك تغلبنا على النقص اللي حصل بالملعب .. ماراح يضرنا نقصك خارج الملعب .. الهلال ماوقف عليك ولا على غيرك .. راجع نفسك مابقى بالملاعب كثر مامضى .. وبلاش تكابرنا على العشره..ترى مابه غيركم خسران :sad: ** باكيتا .. بأختصار .. داااهيه .. وقلت اصبروا عليه يالربع .. ** ابو سلطان .. وربي اتعب .. الله لا يحرمنا منك .. وآخر طلب .. جدد لباكيتا طلبناك .. يالغالي .. وبخصوص مباراة الثلاثاء .. أبشر بالحضور .. ماطلبت شيء يارائع ... ** الغامدي راح اليمنى فـ تذكرنا غامدي 2000 .. أيام يوردانيسكو . بارك الله في مباراة رجعت لنا مثلك يابطل .. ** أحمد الدوخي .. آه يا احمد .. (طرابلسي) مين .. و(كافو) ايه .. الدوخي وبس .. الدوخي وبس والدوخي وبس s60s s60s تحياتي لكم .. وآسف على الاطالة .. وآسف على استخفاف دمي الثقيل .. ولي عوده .. [/align] |
مشكور على الطرح والموضوع الاكثر من رائع و الوعد يوم الثلاثاء |
مشكور على الموضوع بس كنت اتمنى تبتعد عن التجريح الي ماله داعي. s13s |
حالف عليك يابو ساره تقولي وش قصت ....... لافض فوني ... |
هههههههههههههههههههههههههههه الله يرجك بس والله ضحكت وماودي اضحك :laugh: |
[align=center]يالغالي جمر الغرام .. الواحد اذا قال كلام حلو .. نقول له .. لا فض فوك .. وانا قاعد أدلع نفسي واطيرها بالعجه واقول لا فض فوني.. !! مشكور على تشريفك المقال .. ________ بوبو هلا والله .. يالغالي هذا بحر من نقطه .. من تجريحهم في هلالنا.. أدعوك لمنتدياتهم لترى أني ماقلت شيء .. كل كلامي كان رد على كم قصه حصلت معي وردي على اصحابها .. تحياتي وابشر[/align] |
ههههههههههههه اخوي ابو ساره والله موضوع راااااااايق من اول كلمه لين آخر كلمه الله يعطيك الف عافيه على هالجهد وعلى هالموضوع الرااااااااايق وبالتوفيق للزعيم وأحسن الله عزاء الاتحاديه |
اخيرا يبو ساره تهورت ونسقت موضوعك :D == يعجبني فيك ثقتك الزايده لكن اتمنى عدم استباق النتائج وان كنت اتوقعها هلاليه ميه بالميه وعافاك الله |
الكبير كبير ياابوساره والله انك وسعت صدري الله يوسع صدرك بالبطولات الجايه ويالتوفيق للازرق يوم الثلوث<<<<ثلوث طلعت اللغه ياحوطي ههههههههه |
الله يعطيك الف عافية.. يالهلالي- ابوسارة.. |
تسلملي والله يالغالي حلوه التركيبه ........ انا مستحيل اشوف لك موضوع ولا ادخله ياخي اذا جيت تحط موضوع في المنتدى قلي عشان افرش الفرشه الحمراء قبل موضوعك بأسبوع |
شكراً لك يابو ساره على هذا الموضوع s60s لافض فوهو <<=== الضمير هنا يعود على ابو ساره :D |
يعطيك العفية أبو سارة ... والله بردت قلبي بالإتحاديين و عقبال ما اللعيبة يوم الثلاثاء يكملوا على لعيبتهم .. بس صراحة أحلى مافي الموضوع .. ((أبو الكمتش)) .. بس تكفى ياليت تعطينا مواقع وكالات الأنباء اللي تستقي منها أخبارك .. ومشكوووور أخوك / بــــــدر |
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههه :D الله يرجك يأبو سارة والله وسعت سدري وهو ضايق :D s13s وبالتوفيق للهلال أنشالله قدام الأتهاد s13s |
موضووووووع رووووووووووعة يعطيك الف عااااااااااافية s13s s13s وانا دافع 640 ريال تذكرة ذهاب واياب من جازان الى الرياض عشان اكون في الملعب يوم الثلاثاء s13s s13s |
الله يعطيك الف عافيه كثر من استخفاف الدم هذا s60s |
صح لسانك s60s s60s |
هههههههههههههه الله يرجك يا ابو سارة موضوع راااااااائع يعطيك العافية ما قصرت |
هههههههههههههههههههههههههههههههه يعطيك العافية يا ابو سارة s60s |
:laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: هههههههههههههههههههههههههههههههههههههههههههههههههههههههههههههههههههه.... الله يرجك ياشيخ والله العظيم اني ضحكت ضحك ماضحكته لي سنوات تقريبا(عاد لاتصدق اما سنوات ذي) :confused: على العموم موضوعك كان اكثر من رائع والله يعطيك العافية وننتظر جديدك يالغالي... ولك تحياتي وأشواقي. |
[align=center]اخواني الغاليين .. مشكووور على مرروووركم .. والله يجعل هالضحكه دوووووووم .. مو بس يوووووووووووم .. ولي رجعه مع ردود الاخوان قريباً .. اخوي البارق والله وستين نعم بالحوطه وماجاء منهاا تحياتي اخوكم ابو سارة[/align] |
يابعدي والله يابو ساره <-- الله يخليها لك :razz: ياخي سواليفك ماتنمل .. ودي يطول موضوعك أكثر وأكثر الله لايرحمنا هالطلة s13s الوعد الثلاثاء ;) |
ههههههههههههههههههههههههههههههههههههه الله يرجك يااااشيخ :d اقووووووووول الا الاتحاد تراه هبيبنا :d :d :d والله انك تجيب الرررررررررررررررربش ياااااااااااااااااهوووووووووووووو والهلال يجيب الررررررررررررررربش يااااااااااااهوووووووووووو |
يعطيك العافية |
الكلام حلو وجميل بس انه طويل شوووي ولو اختصرته كان احلى سوووري وجهة نظري لاغير s13s |
[align=center]هلا باابوسارة صراحة موضوع s60s وزمان ماشفت موضوع به الحلوه وخفت الدم ياشربااااااات :D والويل كل الويل لهم بس بشرط الملعب يكون فل s13s [/align] |
[align=center] إقتباس:
|
مشكوور إخووي ابوو سارهـ على المووضووع الاكثر من رااائع وانشاء الله الاتهاد يلحق الوداد s13s لكن عندي تعقيب الوكـاله هذي مقرهـا الرئسي رمـاح صح :D :D :D ومشكوور إخووي ابو سارهـ إخووك رمـ هلالي ـاح :) |
الله يعطيك الف عافية.. يالهلالي- ابوسارة.. |
هههههههههههههههههههههه والله منت سهل شكلك موظف في الأرصاد الجوية ههههههههههههههههههه بس والله حلوووووووووووه ابو بكر سانجو اسم حركه واله هههه ويعطي امل لسانجو العين الأماراتى بالجنسية الخليجية...؟؟؟ ويعطيك الف عافية ابو سارة |
مشكور اخوي على موضوعك الرائع تحياتي |
الله يعطيكـ العافيه |
هههههههههههههههههههههههههههههههه والله كبير يابو ساره الله يسعدك يارب والله ضحك وانا اقرا الموضوع اسلوبك روعه وانشالله الوعد المدرجات مع انتصار هلالي جديد باذن الله s13s s13s |
ياناس حر1111111111111111111م عليكم اول نضحك على مشجعين النصر وان مافيه لهم هم غير الهلال وسيرة الهلال.....والحين صرنا مثلهم ومالنا سيرة غير الاتحاد.......!!!!!!!!!!!!!!!!!!! ياناس خلونا نهتم بفريقنا ونترك الاخرين...... |
إقتباس:
خير يابو الشباب وش فيه فريقنا الهلال او الزعيم عال العال ونحن مباراتنا المقبلة مع الأتحاد وطبيعي نتكلم عن الأتحاد اجل نتكلم على الرفاع البحريني ؟؟؟؟ ورووووق بالك نحن مو مثل النثراوويين نحن نعرف كيف ومتى تحمى الزعيم والدليل كبوة العام الماضي وسرعة العودة وهذا نادر ما يحدث في جميع اندية العالم |
يا حبنيلك يا ابو ساره اذا كنت رااايق وقعدت تفصفص كلماتك حبه حبه لك احلى تحيه ابو ساره |
يالـلــه انك تحيي أبـوســارة .... يعـطيـك اربـع عوافي <== يحب الرقم 4 مـوضــوع رااااائــع وخفـيف دم مثـل صـاحبــه :D بالنسبـة للـنــادي الاتهـااادي ... العـميــد التـشــادي s60s إلا على طاري تشـاد يحلفـون بالله انهم جو السعـودية بـ 450 ريـاضي ورجـعــوا 35 ريـاضي لتشــاد <<=== هذول عيال بطرة في تشــاد معهم سياكل ويلبسون ملابس بديارهم :D :D والآن نعـرج للإتـهاااد .... عـزيـزي أبـوســارة أنــا اتفق معـك في جميـع مـاذكـرتــه ؛؛؛ ولكن أريــد سـرد بـعـض النقـاط <== أدري منتب جاهلـها وتبي تستر عليــهم :D وعـندي بعـض الإضـافات .. ((وذلك لأمـانة التاريـخ)) :D يذكـرون أن بـدايـات الإتهـاااد بعـد قـدومـهم للهج << أعـدوه :D :D مثـل ماحـدث الآن بالضبـط لمنتخـب تشــاد ؛؛؛ ((وإن اتفقوا في التنفيـذ واختلفـوا في الأسلـوب)) وقـد امتهنـوا عـدة مـهــن وبما انها كانت خااارجة عن عاداتنا وتقاليـدنا فقد كـان لهـم الإخوان (( إخـوان بدوة)) لهم بالمرصــاد نذكر منها مثلا على سبيل المثال لا على سبيل الحصـر <<< الجملة ذي طلعت بعد تعصر وقلة حيا :D سـرقة الوزر الملونــة <=== يحلفون بالله ماكان عندهم غير الاحرامات اللي هجوا فيـها ((مادري بعد هم هجوا ولا لا؟؟)) سرقـة التنـك <==== وذلـك لجـعـلهــا طيــران وطبــول (( مايعرفون جلود الابل)) :razz: وعندمــا حجرولهم اخوان بـدوة .... امتهـنــوا بيـع الزرافيل (جمع زرفال =وهو حديدة على حرف تي لاقفال الابواب في تلك الحقبة من الزمن).... وصاروا يبيـعون حبوب الكيـرم واحجار الضومنة بالقهاوي .... وكان شهبندر حبوب الكيرم في ذلك الوقـت هو شخبطلي جستنيه ((جد خوينا ماغيره)) :D ومـع تـطــور الأحـداث المتعاقبــة عـرفوا كـرة القــدم في تلك القهـاوي ..!! بس ان العرق دســاس :razz: بعـد سنيـن عديــدة عن تلك الأيــام الخـوالي .... غـاب اخوان بـدوة .... فظنــوا انه لم يعـد هنالك رقيـب عليــهم ... فامتهنـوا تشليـح اسطـوانات الغــاز .... ولكن حكومتنا الرشيدة كانت لهم ايضا بالمرصـاد ..... فتم القبض على محمد الصهفي والآن هو مـوجود في السجـن العـام في مدينـة جدة << عاد ذي صدق والله :D مانبي نطيـل في الــرد ...... وأدري ابوســارة انك شايل بخاطرك الحيـن ... تبيني استر عليهــم ..... بس ابوسـارة هذول فشلـونا حتى في قطر .... صـاروا اي واحـد سعـودي يشوفونـه ينادونـه هج ولم يعد <<== ماقولكم اعـدوه :D لا ونلـوم السليطي بعد ...!! الله يلــوم اللي يلـومــــــه أخيــرا ........ مــــــــــبــــــــــــــــــروك لــــلـــزعــــــــيـــــــــــــــــم والوعد يوم الثلاثــاء |
ابو ساارة الله يعطيك العافيه والله يكثر من امثالك بس عندي لك سؤال ؟ وشهو عشاكم في الطاازج ؟ ههههه ( وش دخلك الحين في عشاء الرجال ) ياجعله بالعافيه يارب يابو ساارة الكبير كبير يابو ساارة وماعليك منهم هالاتحاديه يوم ينتقدونك الشجرة المثمرة تقذف بالحجارة يابو سارة دايم راسك مرفوع وراح يضل مرفوع طول عمرك يابو ساارة ومازال للمجد بقيه. بالتوفيق جميعا |
مشكووووووووووور على الموضوع والوعد يوم الثلاثاء |
الهـــــــــــــــــلالـــــــي أبو ساره [frame="7 90"] دائماً مبدع والله موضوع في قمة الروعه وبصراحه ماهو غريب عليك ولا على اي عضو فـي منتديات الهلال،بــــــــس بصراحه والله انـــي انبسطت ويــــــا موضوعك لا وقريته مرتين(ابي اضحك اكثر)لكن يابو سـاره ثق في ناديك المفضل وفي لعيبته وفي باكيتا وفـــي الاداره وفي s60s أبــو سلطان s60s رموز الهلال بانهم لن يقفوا فقط علـى مباراة الوداد بل سيكملون المشوار عــــــــن طريق هذا النادي(الاتهاد)[/frame] |
يعطيك ألف عافية يا بو سارة... لا فض فوك على الكلام الجميل والرائع... والوعد يوم الثلاثاء إن شاء الله |
مشكور يا بوسارة. |
الله يعطيك الف عافية.. يالهلالي- ابوسارة.. |
[align=center] مـــوضــوع رائـــع رائـــع ... يعطيــك العافيـــة يـــا الغـــالـــي .. والله الله فــي الحضــور يــوم الثــــلاثـــاء .. وبــاذن الله ربـــاعيــة جــديــدة .. ونحسمهـــا مــن الذهـــاب .. بالتوفيـــق للزعيـــم .. والــف شكــر يالغــلا .. تحياااتي ؛؛[/align] |
[align=center]الاخ العزيز [glow=FFFFFF]أبو ســــارة[/glow] ... بعد السلام والتحية ... أحس انك إستنزفت كلامي يالغالي ... يعني ماعاد عندي جديد أقوله لك .. غير الله يحفظك بحفظه ... دخلت النت وماكنت في كامل روقاني ... لكن بصراحة يوم قريت موضوعك التحفة ... أنقلب مزاجي فوق حدر ... وكالعادة لي وقفة مع بعض النقاط ...[/align] إقتباس:
أن من بعض شروط المهن .. أن يكون الشخص لائقا من جميع النواحي ومنها اللوك او المظهر ... لكن انا بصراحة مانيل شايف هالشئ ... وخاصة اخر وحدة ذكرته .. الي كنه حارس زريبة بعارين ...[/align] إقتباس:
إقتباس:
إقتباس:
:razz: لكن انا بمسلخ خرفان :razz: ...[/align] إقتباس:
إقتباس:
:razz: دايم يكسر راسي بالاربعه والخمسة :razz: ... :D وارجع اتحداه :D ...[/align] إقتباس:
:D لو تواجه داسيلفا بمكان عام كيف تبي تكون ردة فعلك :D ... تحياتي لك ياغلاهـــــــــــم ... والوعد الثلاثاء بإذن واحد أحد ...[/align] |
مشكور يابو ساره |
هلا بك والله ابو ساره والله الله يعين الاتهاد يوم الثلاثاء في الاستاذ والله عاد اللي عجبني خويك و شريكه حق المصارعه و تشبيهك للاتهاد بالمصارع خويك |
راح اقول لك سر .. ياخي ادمنت مواضيعك وخصوصا من هذا الصنف .. يا بو سارة صرت تنافس كتاب الجزيرة احمد الرشيد و عبدالله العجلان .. تكفى شب عليهم و عطهم القاز .. |
أخوي أبو سارة أسلوبك ظريف و رائع و كوميدي و جذاب للغاية لكن يا ليتك تبتعد عن الكلام الجارح و اللي يخدش في هيبة المنتدى لأنك أحد أهم الكتاب وتعتبر قدوة للبعض و أن قلت أن جماهيرهم تسبنا و تشتمنا فلماذا لا تكونوا أنتم نموذجيون في الرد عليهم و التصدي لأفكارهم بأسلوب منطقي و مو ضوعي بعيداً عن التلفظ بمثل هذه الكلمات ثم أنكم تزعلون و تثور حفيظتكم عندما يسبونكم ثم تدعون المثالية في تعاملكم ،،،،،،،،، عجبي |
هههههههههههههههههههههههههههههههههههههه اخوي بو سارة انت خطيررررررررررررررر اللة لايحرمنا منك عساك على القوة يالغالي وانشاء اللة الفوز للزعيم ..يــــــارب سلامي لك ياشلهوب s13s |
الف شكر لك على الموضوع الرائع وبالتوفيق لزعيم أمام الاتهاد |
مشكور اخوي ابو سارة أنا معك في كرهي للأتحاد لإني عايشتهم وعرفت حقدهم الدفين على الزعيم واللي يقول ماله داعي السب حنا نقول لا يحطون رؤوسهم برأس سيدهم الزعيم و لا راح نقول لهم شيء |
يعطيك العافيه يوم الثلاثاء سنعلم الاتهاد الكره كلامك كله عسل وانا غاسل يدي من جماهير الاتهاد من دورة التضامن يشجعون التشاد :clap: :kicking: تحياتي لك. |
[align=center]حيا الله بني هلال كلهم .. وغيرهم ممن قرأ الموضوع .. في البداية.. أبي ألفت انتباهكم لشيء مهم .. يالربع انا ما (جرحت) في الاتحاد .. هذي بعض المواقف صارت لي مع بعضهم ورديت عليها امامكم .. يعني العين بالعين والسن بالسن والجرووح قصااص .. هذا الكلام أوجهه لحبيبي الثقفي .. وأتمنى يقتنع فيه .. ووالله يالحبيب لا انا قدوة ولا هم يحزنون .. ورحم الله رجلاً عرف قدر نفسه ... _______________ عادل أمام الشبكه .. وأنا هنا أقصد دبل كيك الزاحف .. قلت لك من فتره: رجك الله رجاً لاشفاء بعده ... وياخوك الظاهر ربي استجاب .. :razz: إقتباس:
لكن سمو حضرة جنابكم .. الوعد يومياُ في الشبكه هنا وتتحفنا بمعلوماتك يالجهبذ .. تحياتي لك يالغالي والله الله بالتواصل _________ عزيزي الباريسي .. أحرجتني والله .. وما اقول الا تسلم يالغالي .. s60s __________ أخوي المبدع المرح صاحب الطله الخفيفه الممزوجه بالأبداع المركز: أكيد عرفتوووه .. ومن غيره تغيب الشمس .. هلا والله .. هلا بـ هالطله .. حيا الله سديقي .. بيني وبينك ولا يدري أحد .. فيه ملعقتين كره للأتي :D وبصرااحه أحرجتني بسؤالك وش اقول لسلفا لو شفته .. هنا بالنت .. بأجيب الأولي والتالي .. طاب فيه يعني طاب فيه الله لايعوق بـ شر .. بس ان قابلته .. ونضراً لفارق الامكانات البدنيه .. راح أطالبه بالاستمرار في الهلال .. وأنه احسن من ادريانو :D ليش تبيني آكلها بلحالي ههههههههه .. تحياتي لك وثانكس على المداخلة الظريفه والكلام اللي جاملتني فيه .. _________- حبيبي mams وين انا ووين الرشيد والعجلان .. لا تطيرني في العجه ثم أنشب لكم بهالمنتدى كل يوم قصه وسوالف .. :D مشكور ويسعدني تواصلك معي ولي الشرف .. ___________ أنا الهلالي وبس.. هلا يالغالي .. وصدقني متفائل وواثق بحول الله .. والوعد بعد المباراة هنا نبارك لبعض .. بس طبعاً عقب مانجي من الملعب .. تحياتي ياغالي ________________ باقي الاخوان يعطيكم العافيه .. ومشكورين على كلمه قلتوها .. وعلى فكرة .. كنت أحسب المباراة في الملز .. وقلت 30 الف من أنصار الاعصار ,, لكن لما عرفت انهم غيروا مكان المباراه للأستاد .. فـ تصبح الجمله: وسط 55 ألف من انصار الهلال (( أقدر أقور 60 ألف .. بس ذابحني التميز )) :D تحياتي اخوكم الخالدي: الهلالي ابو سارة [/align] |
مبدع يابو ساره |
الله يعطيك الف عافيه والوعد الثلاثاء ان شاء الله |
إقتباس:
ابشرك تطورنا وصرنا نعرف :d تحياتي |
اشكرك واشكرك واشكرك واشكرك.و........................................................................................ صراحة طريقة كتابتك للموضوووووووع جميلة جدا s60s وخفة دمك ضحكتني :laugh: :laugh: :laugh: :laugh: :laugh: :laugh: :laugh: :laugh: والله يعطيك العافية على موضوعاتك الرائعة والله لا يحرمنا من موضوعاتك وابداعاتك أقولها مرة ثانية:اشكرك واشكرك واشكرك واشكرك.و......................................................................... وشكرا s60s s60s s60s s60s s60s s60s |
مشكور اخوي |
موضوع روووووعه .. يعطيك ألف عافيه .. |
| الوقت المعتمد في المنتدى بتوقيت جرينتش +3.
الوقت الان » 05:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd