#1  
قديم 22/04/2005, 10:34 PM
زعيــم مميــز
تاريخ التسجيل: 23/10/2003
مشاركات: 1,612
نقولها _مقدماً لكل رياضي_: أحسن الله عزاكم في اتحاد جده!! هنا التفاصيل

[align=center]

الهلالي ابو سارة يعود لكم من جديد

السلام عليكم جميعاً ..

أول شي مبروووك التأهل الرهيب الازرق ..

وعقبال الكؤؤس كلها ..

ابي قبل نخوض في أعماق الموضوع .. تدققون في الخبر اللي بثته رويترز مساء امس:

"بعد هدوء الاعصار الذي دمر الدار البيضاء.. وراح ضحيته 55ألف من جماهير الوداد الحاضره..

بالأضافه لجيش من اللاعبين والاداريين والمدربين .. مازالت الأجهزه المغربيه هناك .. في احصاء

ومساعدة ما دمر الاعصار الرهيب .." ا.هـ

لا حول ولا قوة الا بالله .. اله يصبر اخواننا في المغرب .. :sad:

خلونا نرجع للخبر اللي بثته وكالة فرانس برنس ( ماكانت رويترز من شوي يابو سارة!! ))

" هذا وتؤكد أنباء من الرصد الجوي العالمي, عن حدوث كارثه جديده خلال اليومين القادمين..

بفعل هذا الاعصار"أ.هـ


كما صرح الأعصار لوكالة بي.او.انس (( ورجاء لاحد يسألني عن هالوكاله ومقرها.. ترى ماحب الاسئلة البايخه ))

صرح الاعصار بالتصريح المقتضب التالي .:

" ما بعد الوداد .. الا الاتحاد " .. ا.هـ

ياساتر والله .. ألا يحق لنا بعد هذا أن نقدم التعازي للرياضه والرياضيين ؟!

بالأمس قال مدير هيئة اغاثة ضحايا الاعاصير.. المستر بوبي كرنكوف ( شخصياً أول مرة اسمع به وبهيئته))

قال:

" أن يذهب اعصار ما .. ويدمر منطقه بعيده عنه فهذا مألوف ..

لكن .. أن يذهب احد لمكان الاعصار .. ويقول دمرني فهذا انتحار "

عاد أنا دقيت على بوبي _ أمون عليه _ وقلت :

روق يابوب .. ترى لكل شيء دواء يستطب به * الا الحماقه أعيت من يداويها ..

حياك الله يا أتحاد في احضان الاعصار .. بين 30 الف من أنصاره .. وياهي بتكون ليله !!

__________

خلونا ناخذ نبذه أو بالأحرى "نبيذه" مصغره عن هذا الزائر الانتحاري .. المسمى اتحاد ..

هذا النادي اللي تأسس من سنة جدي !! على يد كم واحد فاضين لا شغل ولا مشغله ..

وجمع نصف بطولاته في تلك الحقبه .. عندما هزم الجاليه الاندونيسيه وغيرها من الجاليات ..

بالأضافه الى أنه كان ينافسه فقط منتخب الغربيه ..

هذا النادي الغريق .. أقصد العريق (( ترى كلها نقطه بلاش تدقيق )) !!

اللي سموه الاتحاد .. ثم صار اتي ,, ثم تحول بقدرة قادر الى عميد .. ثم نبت له ريش ورجع اسمه

اتحاد.. ثم تطور وصار اتحاد جده .. وفي روايه أخرى اتهاد !!

هذا النادي اللي تخرج منه عمالقة وجهابذة الكرة:

غراب اخوان..فوال .. بصاص .. عريج..فريج..سريج وعاشت الاسامي

هذا النادي اللي يقود صحافته (( مرتزقه )) اقصد اساتذه في الاعلام ..

المجستك جستنيه صاحب الدم الشربات ..

ساعاتي نبيه .. و جمال ابو العريف .. وعثمان ابو بكر سانجو مالي ..

والمخرف الكبير.. (( المؤرخ )) جار الله المالكي ..

والطيور على أشكالها تقع ياقلبي !!

هذا النادي صاحب النغمات ( والطيران )) المميزه :

أتي حبيبي والنصيب ..

اصفر مع اسود يابو دم خفيف (( لا يكون أحمد بدير))

اتي امي وابويا .. خالي واخويا ..

بقيادة قيثارة الشرق وسنباطي القرن الجديد صالح القرني

هذا الاتي راح يشرفنا في ملعبنا .. وحنا اهل كرم وهو يستاهل ..


هذا النادي باختصار (( باااح )) ..

يعني أحسن الله عزاكم فيه .. يوم الثلاثاء
______________________

جتني من فتره رساله خاصه .. من عضو مسجل جديد ومشاركاته ثلاث ..

يقول اسألك بالله ليه تكره الاتحاد ؟!

يالربع أنا ماأكرهه ..

بس أكذب عليكم أن قلت احبه ..

حاولت أحبه وأدخله قلبي .. تهاوش قلبي معي وقال اطلع منها !!

شربت معه سفن اب أبي أهضمه وعجزت ..

حاولت أبلعه وغصيت بـ ( شوشة) بصاص

والله حاولت وعجزت والسبب معرووف ويجيكم اثناء سرد هالقصه ..

مرة بجده في الطازج (( سويت له دعايه )) .. قابلت شخص ..

تجاذبنا أطراف الحديث.. ولما عرف اني من الرياض .. سألني :

الأخ هلالي ؟؟

قلت الله الله .. وانت الظاهر اتحادي ؟؟

قال والله والله ..

ثم خش في عيني وقال:

والله لو لعب الهلال مع اسرائيل .. كان شجعت اسرائيل ..!!! يا اني اكرهكم موووووت ّّ!!

قلت ببروود:

ياسفابكم حنا مقطعنا حبكم ..

بس خلنا من اسرائيل والسياسه ..

لو لعب الاتحاد مع تشاد .. من تشجع ؟؟

فأحسبني ألقمته حجراً لا فض فوني.. ;)

من يومها وانا اشوف الاتحادي حاقد على الهلالي ومدري ليه ..

اشوف الاعلام الاتحادي يترك فريقه .. ويتفرغ للأزرق ..

المنتديات حقتهم .. متفرغه للهلال وسامي وخذ أشاعات ,

ثم يجي من يلومني فيهم !!!

..........

قبل كم شهر .. كنت جالس بالمحطه .. أقرأ الجريده وسيارتي تحت الغسيل ..

واللي يغسلها ثلاثة أفارقه ..

سألني واحد .. وش تشجع ؟

قلت باستغراب : هلال ..

وقلت بنفسي وش عرف هالافريقي بكورتنا . شكله سؤال روتيني عشان يطيح الميانه ..

المهم ..

لما قام يمسح اللوحه وهي عباره عن ثلاث خمسات .. (( مميز يابو سارة ))

ناضرني وضحك ..

قلت : بسم الله عليك يالشيخ سلامات ؟؟

قال : انتم انهزمتوا بالخمسات .. ولا ناسي ؟ (( أخس والله يذب الافريقي )) ..

قلت انت من جدك تتابع دورينا ؟

قال .. أنا والشباب اللي تشوفهم .. كلنا أتحاديين من 22 سنه !!!

قمت أخذ معه واعطي وطلع اتحادي متعصب مو اي كلام ..

قال انتوا نادي البنات ..

أطلقت زفره وقلت آه يالبنات .. عندك مانع .؟

شوي الا قال : مايشجع الهلال الا الشياب .ّّّّ!!

قلت : حكمة الشايب وتجاربه خلته يعرف يختار صح ..

الرجال شوي الا وقلب 180 درجه .. قال:

الهلال فقط (( للبزورة )) والمراهقين ..

قلت أجل اسمح لي حتى البزران غلبوكم في الذوق

الأخ طنقر وماله داعي يطنقر وانا لحالي في المحطه وهم ثلاثه ..

صرفت نسي وقلت أجيك بعدين (( ترى ماخفت )) ..ههههههه

..........

عجيب امر الاتحاديين .. الكره في عيونهم . ويعترفون بحقدهم على كل هلالي .. بدون حياء

وخجل..

والمشكله .. ننسب في منتدياتهم ..

ثم اذا ردينا .. عاتبونا ربعنا ..

من اليوم لا عتاب .. ولا سكوت .. والثلاثاء .. الوعد .. يا اتي ..

..............

يمكن البعض يعجبه .. شعار الاتي ..

البعض يعجبه تشجيع الاتي ..

البعض الآخر .. يعجبه كم لاعب منهم ..

أنا بصراحه فيه شيء واحد عاجبني بالأتي ,,

وله قصه ..

والظاهر ماوراكم شيء .. فـ خلوني أسردها عليكم ..

واحد من العيال بالاستراحه .. مدمن مصارعه حره ..

كل يوم داخل بشريط مصارعه .. واحياناً اذا مالقى شريط ..

(فتن) بين اثنين واستمتع بمصارعتهم ..

المهم ..

قعدت اناضر معه المصارعه ذاك اليوم وانا مو من حبي لها .. بس هو أبلشني والله ..

كان فيه مصارع صغير الحجم .. لا طول ولا عرض ولا عضلات ..

كل شوي متحدي اندرتيكر ..

جاء اندرتيكر .. طقه .. طقه الين قاموا يصيحون الجماهير والحكام وخويي وانا ..

جاء من بكره .. نفس المصارع المدبوغ .. يتحدى اندرتيكر ثانيه ..

قام اندرتيكر وحاس ابو اللي جاب مندوب مريره ..

راح هالمصارع الصغير وعالج جروحه ثم رجع يتحدى اندرتيكر .. والله نشبه !!

طنشه اندرتيكر ..

راح خاش في مصارعه ثانيه يلعب فيها اندرتيكر ويقول واجهني ههههههههههه ..

المهم سالفه طويله ..

الخلاصه ..

هالمصارع الصغير والله يذكرني بالاتحاد ..

دايم الهلال يكسر راسه بالرياض وجده ..

ويرجع يتحدىىى ..

رباعيتين .. أحدهم أيام يرودانسكو .. والاخرى هالموسم ..

ومع هذا يرجع يتحدىىىى ..

خمس سنين هزمه الهلال فيها سبع وهو فاز مرة وحيده فقط والبركه بالعجلاني !!

ومع ذلك .. يجي ويحط راسه براس عمه الأزرق ..

بذمتكم ماذكركم بالمصارع الصغير ..

اايه أللي اعجبني في الاتي .. هو فقط اصراره وتحمله ضربات الهلال ..

.............

أحد الاتحاديين في منتداهم ..

نقل مقال من مقالاتي عنهم هناك ..

وجاني أنواع السب والشتم ..

بس مافيه مشكله ..

هذا أهداء صغير لهم .. وابو ريان ماقصر فيهم ..

وتسير القافله والهو هو ينبح .. ولا تضر ابو سارة خربشة الضفادع حين يسبح ( كبير يابو سارة)

............

نطلع من الاتي .. ونرجع الى عشقنا الأزرق وكم نقطه عالطاير..

** خالد عزيز.. كنت نجم المباراة .. ومع ذلك أفسدت كل شيء ..

بدخولك دخول اقشر من ماركة جميل ورفاقه

انتبه يابطل ..

** الشلهوب.. الهدف جاء بوقته .. عسى يرفع روحك المعنويه وترجع لنا سوبر.. والله فاقدينك

** كماتشو..وبالذات الشوط الأول.. اسمحوا لي القبه (بيتهوفن)..

ماكانت كور وتمريرات .. كانت أنغام يابو الكمتش (( اسم الدلع بالبرازيل ))

** سلفا .. خبري بك واصل .. وتحب اميمتك والجماعه. ماوحشوك.؟

يالله حبيبي المطار والتذكره مني .. أهم شيء البر بالوالدين

** الجمعان .. الظاهر شفت ربعك في الملعب كيف يقاتلون ..

هذا اللي يلزمنا يابو عابد .. ما يلزمنا تطنيش وغياب حضرتكم ..

شفت عزيز انطرد .. ومع ذلك تغلبنا على النقص اللي حصل بالملعب ..

ماراح يضرنا نقصك خارج الملعب ..

الهلال ماوقف عليك ولا على غيرك ..

راجع نفسك مابقى بالملاعب كثر مامضى ..

وبلاش تكابرنا على العشره..ترى مابه غيركم خسران :sad:

** باكيتا .. بأختصار .. داااهيه .. وقلت اصبروا عليه يالربع ..

** ابو سلطان .. وربي اتعب .. الله لا يحرمنا منك .. وآخر طلب .. جدد لباكيتا طلبناك .. يالغالي ..

وبخصوص مباراة الثلاثاء .. أبشر بالحضور .. ماطلبت شيء يارائع ...

** الغامدي راح اليمنى فـ تذكرنا غامدي 2000 .. أيام يوردانيسكو .

بارك الله في مباراة رجعت لنا مثلك يابطل ..

** أحمد الدوخي ..

آه يا احمد .. (طرابلسي) مين .. و(كافو) ايه .. الدوخي وبس ..

الدوخي وبس والدوخي وبس


تحياتي لكم ..

وآسف على الاطالة ..

وآسف على استخفاف دمي الثقيل ..

ولي عوده ..











[/align]
اضافة رد مع اقتباس
  #2  
قديم 22/04/2005, 10:44 PM
الصورة الرمزية الخاصة بـ فارس له جواد
زعيــم نشيــط
تاريخ التسجيل: 08/02/2005
المكان: الرياض
مشاركات: 754
مشكور على الطرح والموضوع الاكثر من رائع و الوعد يوم الثلاثاء
اضافة رد مع اقتباس
  #3  
قديم 22/04/2005, 10:50 PM
الصورة الرمزية الخاصة بـ بوبو
زعيــم نشيــط
تاريخ التسجيل: 05/12/2001
المكان: الرياض
مشاركات: 846
مشكور على الموضوع بس كنت اتمنى تبتعد عن التجريح الي ماله داعي.
اضافة رد مع اقتباس
  #4  
قديم 22/04/2005, 10:51 PM
زعيــم فعــال
تاريخ التسجيل: 04/07/2004
المكان: البيت
مشاركات: 435
حالف عليك يابو ساره تقولي وش قصت ....... لافض فوني ...
اضافة رد مع اقتباس
  #5  
قديم 22/04/2005, 10:54 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
هههههههههههههههههههههههههههه

الله يرجك بس

والله ضحكت وماودي اضحك
اضافة رد مع اقتباس
  #6  
قديم 22/04/2005, 10:55 PM
زعيــم مميــز
تاريخ التسجيل: 23/10/2003
مشاركات: 1,612
[align=center]يالغالي جمر الغرام ..

الواحد اذا قال كلام حلو .. نقول له .. لا فض فوك ..

وانا قاعد أدلع نفسي واطيرها بالعجه واقول لا فض فوني.. !!

مشكور على تشريفك المقال ..

________

بوبو هلا والله ..

يالغالي هذا بحر من نقطه .. من تجريحهم في هلالنا..

أدعوك لمنتدياتهم لترى أني ماقلت شيء ..

كل كلامي كان رد على كم قصه حصلت معي وردي على اصحابها ..

تحياتي وابشر[/align]
اضافة رد مع اقتباس
  #7  
قديم 22/04/2005, 11:04 PM
موقوف
تاريخ التسجيل: 27/03/2005
مشاركات: 114
ههههههههههههه

اخوي ابو ساره والله موضوع راااااااايق من اول كلمه لين آخر كلمه

الله يعطيك الف عافيه على هالجهد
وعلى هالموضوع الرااااااااايق

وبالتوفيق للزعيم وأحسن الله عزاء الاتحاديه
اضافة رد مع اقتباس
  #8  
قديم 22/04/2005, 11:04 PM
عضو سابق في لجنة التغطيات
تاريخ التسجيل: 09/06/2002
المكان: الرياض
مشاركات: 1,905
اخيرا يبو ساره تهورت ونسقت موضوعك
==
يعجبني فيك ثقتك الزايده
لكن اتمنى عدم استباق النتائج
وان كنت اتوقعها هلاليه ميه بالميه
وعافاك الله
اضافة رد مع اقتباس
  #9  
قديم 22/04/2005, 11:09 PM
زعيــم مميــز
تاريخ التسجيل: 18/09/2004
مشاركات: 1,684
الكبير كبير ياابوساره والله انك وسعت صدري الله يوسع صدرك بالبطولات الجايه


ويالتوفيق للازرق يوم الثلوث<<<<ثلوث طلعت اللغه ياحوطي
ههههههههه
اضافة رد مع اقتباس
  #10  
قديم 22/04/2005, 11:21 PM
زعيــم مميــز
تاريخ التسجيل: 06/09/2003
المكان: مــــكة المكــــــرمـــــــة
مشاركات: 4,718
الله يعطيك الف عافية..
يالهلالي- ابوسارة..
اضافة رد مع اقتباس
  #11  
قديم 22/04/2005, 11:34 PM
زعيــم فعــال
تاريخ التسجيل: 04/07/2004
المكان: البيت
مشاركات: 435
تسلملي والله يالغالي حلوه التركيبه ........ انا مستحيل اشوف لك موضوع ولا ادخله
ياخي اذا جيت تحط موضوع في المنتدى قلي عشان افرش الفرشه الحمراء قبل موضوعك بأسبوع
اضافة رد مع اقتباس
  #12  
قديم 22/04/2005, 11:43 PM
موقوف
تاريخ التسجيل: 01/01/2004
مشاركات: 229
شكراً لك يابو ساره على هذا الموضوع

لافض فوهو <<=== الضمير هنا يعود على ابو ساره
اضافة رد مع اقتباس
  #13  
قديم 22/04/2005, 11:53 PM
زعيــم فعــال
تاريخ التسجيل: 19/03/2002
المكان: السعودية
مشاركات: 440
يعطيك العفية أبو سارة ... والله بردت قلبي بالإتحاديين و عقبال ما اللعيبة يوم الثلاثاء يكملوا على لعيبتهم ..

بس صراحة أحلى مافي الموضوع .. ((أبو الكمتش)) ..

بس تكفى ياليت تعطينا مواقع وكالات الأنباء اللي تستقي منها أخبارك ..

ومشكوووور
أخوك /
بــــــدر
اضافة رد مع اقتباس
  #14  
قديم 23/04/2005, 12:02 AM
زعيــم مميــز
تاريخ التسجيل: 07/11/2004
المكان: تبوك الورد
مشاركات: 3,664
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههه

الله يرجك يأبو سارة والله وسعت سدري وهو ضايق

وبالتوفيق للهلال أنشالله قدام الأتهاد
اضافة رد مع اقتباس
  #15  
قديم 23/04/2005, 12:15 AM
زعيــم مميــز
تاريخ التسجيل: 07/09/2003
المكان: JIZAN
مشاركات: 2,333

موضووووووع رووووووووووعة يعطيك الف عااااااااااافية


وانا دافع 640 ريال تذكرة ذهاب واياب من جازان الى الرياض عشان اكون في الملعب يوم الثلاثاء
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube