اللي قلته ان اللي سنحت له الفرصة بالحضور ولم يحضر فهو خائن ....
طيب كم عدد الجمهور الهلالي ؟؟؟ وكم عدد الجمهور الهلالي الي حضر ذيك المباراة؟؟
احسبها انت وطلع النسبة
الي تبيها واعتقد الاغلبية ما يبي يحضر لاسباب عامة في محيط الكرة السعودية وتنطبق على جميع الاندية تقريبا اذا استثنينا اندية جدة
اما الجمهور الهلالي فله اسباب خاصة بمنطقة الرياض مثل بعد الاستاد والبعض يتعلل بمستوى الفريق والبعض ما يشوف له داعي يحضر مباراة موسمية مستواها ركيك ... قد نتفق وقد نختلف مع هذه الاسباب لكنها في النهاية موجودة وما حد يقدر ينكرها وعلى هذا اي واحد ما عنده عذر رسمي يعترف فيه سعادة تغيب الشمس فهو خائن
يلا جهزوا اعذاركم ولا راح تطبع على جباهكم خائن
عموما اذا النسبة مو عاجبتنك حط النسبة الي تعجبك وراح تلاقيها قريبة جدا من هذا الرقم خاصة مقارنة بعدد الجماهير الهلالية الي تشكل في اقل الاحوال اكثر من نصف عدد مشجعي كرة القدم في الرياض
اما مقارنة الهلال بالريال فما ادري ايش وجه القرابة الي تخليك مصر على وجهة النظر هذي يا عزيزي ايش دخل النقد بصبر الجماهير وحضورها ؟؟؟؟؟؟ كثيرين ينتقدون اشياء كثيرة في الفريق ويحضرون الا لو عندك قاعدة من يمدح الفريق سواء مدح حقيقي او مجرد كلام انشائي يحضر ومن ينتقد الفريق سواء نقد اصلاحي او غيره من النقد لا يحضر المباراة !!!!! عجبي وهل رأيت في كلام الغريب ما يطالب الجمهور الهلالي بعدم الحضور ؟؟؟؟؟؟؟؟؟؟؟
بالنسبة لفهد المفرج ان كنت اكذب على نفسي روح واسئله .. صحيح النقد الجماهيري كان قاسي وبعضه خارج عن الحدود لكن في المقابل كان هذا النقد يحمل العديد من اخطاء المفرج والتي تلافاها وحاول تطوير نفسه ...... باكيتا لا يمتلك عصا ساحرة ليقدم للمفرج كل هذا التطور وهو الذي لم يعايشه ولم يعرف اخطائه الا من فترة بسيطة صحيح باكيتا له دور والمفرج له دور والجهاز الاداري له دور والجمهور الي جاي تنكر دوره وتتريق عليه لما يدلي براي كان له دور كبير ... المدربين تعاقبوا على المفرج وعمره ما كان لاعب كويس زي الحين مع انهم كانوا مقتنعين فيه بالكثير كان يكمل المباراة بلا اخطاء بس في المقابل ان قطع عشر كرات تسع منهم الى الاوت او دفاع الخصم ناهيك عن الارتباك
طبعا تعيد وتكرر وتربط نقد الفريق وابداء عيوبه من اجل تطويرها وتلافيها تعتبره دعوة لمقاطعة الفريق!!!!!!!!! اي منطق هذا الذي تتكلم به ........ التلميع ليس الاشادة بالهلال والاشادة بالاشياء الجميلة
التلميع ليس الحديث بواقعية ..... التلميع باختصار هو ان تتعامى عن العيوب وتبرير كل شي غلط يصير بمبررات واهية التلميع هو ان يجاري الوحدة الهلال ويتعادل معه في ارضه وبين جماهيره وتأتي انت لتقول مستوى الفريق خرافي ... التلميع هو ان نرى لاعب سيء في المباراة ونكيل له المدح ........ التلميع باختصار هو ما كان يفعله الصحاف اثناء الحرب الامريكية العراقية
وفي النهاية تقول كل الي ابيه هو الانصاف في النقد
اكيد غلطان في الدائري كل الي تبيه هو عدم النقد وان الجمهور يكذب على نفسه ويشوف المستوى السيء ويقول لا هذي لعبة تكتيكية ..... كل الي تبيه ما دام كماتشو ابدع في مرحلة ما فهذا كفاية عسى لو وصل مستواه للصفر لا حد ينتقده ولا حد يقول عنه شي ........ هذا اذا ما كنت تشوف كماتشو لاعب بمستوى ثابت لا ينخفض مستواه ابدا ولاعب كامل لا يمكن نقده
وعلى فكرة قبل ما اختم انصحك بزيارة اقرب محل للنظارات حتى تشوف الي يختلفون معك ويكفي انك لما سمعت كلمة تلميع وتطبيل بدون اشارة لك عرفت انك المقصود
وفي النهاية تأكد اننا نختلف ولكن نتفق في حب الهلال واتمنى ان لا تعتبر ان هناك موضوع شخصي بيني وبينك بقدر ما هو اختلاف في وجهات النظر واعتقد مثل ما من حقك انك تختلف مع الغريب فانا من حقي اني اختلف معاك وهكذا ... وتمنياتي برؤية مواضيعك لكن بعد نهاية الموسم اذا الله عطانا العمر الى ذاك الوقت لاني اشوف مواضيعك انشائية اكثر منها واقعية والمواضيع الانشائية احس ان وقتها مهوب الحين لتأثيراتها السيئة سواء على اللاعبين او الادارة
باختصار ماخذ مقلب ان صوت الجمهور مسموع ... ما درى ما سمع عنه احد
أجل يدا بيد ضد الارهاب 
...
إسمح لي أقولك يالعيون الاسبانية أنك تلفق كلام ماقلته 
الوضع العادي
