إسمح لي أقولك يالعيون الاسبانية أنك تلفق كلام ماقلته ...

ومع الاسف تتقول علي باشياء اتحداك ان تثبت اني قلتها ...

إقتباس الرسالة الأصلية كتبت بواسطة spanish eyes برايفت للغالي تغيب : ما دام سامي اصبح افضل من رونالدو وكماتشو افضل منفذ للاخطاء الثابتة في العالم ولو اعطي عشرة اخطاء سجل تسع وواحدة في العارضة ومستوى الهلال خرافي امام الوحدة ومباراة الرائد تكتيك من المدرب و95% من جماهير الهلال خونة

الاولى والثانية لازلت مصر عليها ...

اما مستوى الهلال امام والوحدة ووصفي له بالخرافي يمكن من زود الحماس طلعت هالكلمة ...

لكن ابي اسالك من وين جبت هالنسبة الرقمية اللي ذكرتها انت ... ياخي ليش تفتري علي وتتقول علي ...

اللي قلته ان اللي سنحت له الفرصة بالحضور ولم يحضر فهو خائن ....

إقتباس الرسالة الأصلية كتبت بواسطة spanish eyes فلا تستغرب ان يكون الهلال افضل من الريال

والله ياسيدي العزيز على قولة عبدالرحمن بن سعود ...من خلال مطالبكم هذي .. اتوقع ان ذلك اعتراف ضمني بافضلية الهلال عليه ...

ياخي ريال مدريد خرج من الكاس ومن دوري ابطال اوروبا وفي طريقة لفقد لقب الدوري ...
مع ذلك جماهيره صابرة عليه .. وتحضر بعشرات الالاف ..

إقتباس الرسالة الأصلية كتبت بواسطة spanish eyes تكتيك باكيتا الي سلم الخيط والمخيط للوداديين خاصة في الشوط الثاني وتكتيك باكيتا الي خلانا نحتاج للحظ باعترافه !!!!!!!!!!!! عجبي الزعيم يحتاج للحظ للفوز على فريق لم يستطع عمل هجمة تستحق الذكر خلال 90 دقيقة وقت المباراة الاولى

ياعزيزي اتحداك ايضا ان تاتي لي بفريق يلعب خارج ارضه ومطرود منه واحد ومتقدم .. وتلقاه يلعب بغير التكتيك اللي لعب به باكيتا ...

ياعزيزي كرة القدم ليست نواحي تكتيكيه .. كرة القدم تحكمها النواحي النفسية .. يعني فريق مهزوم وعلى ارضه من البديهي انه راح يتستنفر قواه الهجومية .. والفريق المتقدم اكيد بيدافع حتى لو المدرب ماطلب منهم ذلك ...

إقتباس الرسالة الأصلية كتبت بواسطة spanish eyes فهد المفرج كمثال هل تعتقد انه كان راح يتطور لو ان الجمهور كذب على نفسه وقال المفرج كويس

ياعزيزي تكذب على نفسك انت ...

ياعزيزي الجماهير الى مابعد مباراة الافريقي التي بالرياض والتي كان المفرج احد ابطالها .. كان الجمهور يطالب بطرده ...

وانا اذكر اني اشدت به واحد رد يقول لاتستعجل نكبات المفرج جايه ...

ياعزيزي من اعاد الثقة للمفرج هو اصرار باكيتا على اشراكه ...

وتحديه للجميع ...

إقتباس الرسالة الأصلية كتبت بواسطة spanish eyes فلا تمنعنا من ان نرى العيوب وننتقدها اما التلميع قبل الحصاد فنحن نعرف بعدم فائدته ولو كان له فائدة كان فاد النصراوييين الي من ثمان مواسم يلمعون في فريقهم ولعيبتهم وانهم احسن لعيبة المملكة والحلوي افضل من الدوخي والحارثي افضل من سامي والثقفي افضل من الشلهوب لكن ما هي النتيجة ؟؟؟؟؟؟؟

أجل نقول للجمهور لايحضر ولا يشجع .. لان حضورهم معناه تلميع للفريق .. وتشجيع لاستمرار الاخطاء اللي موجودة ...

عموما سأظل المع واطبــــــل للهلال .. واللي مو عاجبه لا يكلف نفسه ويقرا مواضيعي ...

وعلى فكرة انت تقول اكبر دليل على عدم منطقية كلامي عدد اللي يختلفون معي ...

وانا اقول ترى ماشفت احد يختلف معي الا انت ولحظة تفكير ...

إقتباس الرسالة الأصلية كتبت بواسطة spanish eyes اما بعد الحصاد ان شاء الله ان تحقق ما تريده ويريده كل هلالي فلك من الغريب وعد ومن الجزيرة وعد بان ترى اجمل المواضيع الي تتغنى بالانتصار الهلالي وتمجد لاعبينه

ياعزيزي انا مابي شئ من احد كل الي ابيه هو الانصاف في النقـــــــــد ...

تحياتي ...