[align=center]اخواني واخواتي الزعماء
السلام عليكم ورحمة الله وبركاتة ............................ وبعد[/align]



ترجمة .. نظــــــــرات

تكلّم بغضب :
هيه أنت ياللي خذيت القلب من ضلعه **** مجنون تاخـذ قلوبٍ مانت عارفــها
والله لو ما ترد القـلـــب فـي وضعــــه **** ليجيك ضربه بعمرك مانت شايفها

تكلمت بسخرية :
وش فيك ثاير وقلبك ضاق من وسعه **** وش فيك حتى حدودك صرت عايفها
انته تكلم عيونٍ ... مالها ...... طمعـه **** وش ذنبها لو جروحك صرت نازفها

تكلم بكل الم :
انا اكـــلم عيونٍ خلفـــــت فجعــــه **** وقبور الأمــوات جابتني مشارفــها
نزفت من همها دمعه ورى دمعــه **** ما ترحم الناس لاهبــت عـواصفها
تبدي بعينٍ برمح الموت مندفعـــه **** وتقول وش ذنـب عيني يامزيفـــها

تكلمت بكل قسوة :
انتـم كــذا يالشبــاب قـلوبكم سلعـــه **** كلٍ على مايبـي يقــدر يصرفــها
وان كان خلفت في قلب العنى وقعه **** يستاهل القلب من عينٍ يصادفها

تكلم يدافع :
إحنا كــذا يالشباب قـلوبنا شمعـــه **** لاعميت ابصار بعض الناس نكشفها
واكثر بنات الزمن ماعد لهم نفعه **** طموحــها ذاتـــها واعذب سوالفــها

تكلمت بلغة التحدي :
مادام نفسك على شوفاتها جزعـه **** لـد النظر والعيون احزم طوارفـها
وان كان ودك بفزعه مابها فزعه **** جنايتك وانــت تتحـمـل كلايفــــها

تكلم ببرود :
يا بنت من عاش لا منهج ولا شرعه **** ماهـي غريـبه دروبه لو يحرفــها
مثلك يعيش الزمان ويجرعه جرعه **** ويموت والنفس ما يلحق حسايفها

تكلمت بغضب :
إلزم حدودك ترى الخفّاق في هجعه **** حـدودك احـذر لسانك لا يخالفـها
وش دخّل الناس فالصنّاع والصنعه **** ابعد تـرى العين تخنقني ذرايفها

تكلم ببرود :
وش لون بالزم حدودي وانت بك نزعه **** طبيت داخل حدودي في نواصفها
وانا حــدودي فـضــا وجبال مرتفعــــه **** ياويل طـيـرٍ يعــدي فـي نوايفــها

تكلمت تريد الانصراف :
وخّــر ترى النفس ماهي للحكي سنعه **** بروح ادوّر على دنيا واشرّفـــها
ودي مــع الكــل تصبح بيننا وزعــــه **** اشوف ناسٍ تناصفني وانا صفها

تكلم يحذّر :
روحي ويا ليتها روحه بلا رجعـــه **** يا ليتها روحـــةٍ نعــدم نكايفــــها
انتي حياتك على ما قيل بالفــزعــه **** حطـي ببالك ونفسك قبل اكتفــها
بنتٍ تغفّل خفــوقـي قبلــها ردعــــه **** لا انتي ولا هي ولاحتى طوايفها

الحقوق محفوظة لصاحب القصيدة


[align=center]اخواني واخواتي اطل عليكم بهذا النص الذي اتمنى
ان يحوز على رضاكم
ولكن السؤال المهم :
هل صحيح ان النظرات قد تؤثر على مشاعر الشباب؟
وان نظرةً واحدة قد تصيب الرجل في مقتل؟
خصوصاً وان اغلب الشعار كتبوا عن النظرات والعيون وما إلى ذلك
ام انها احاسيس وخواطر شاعر!!
اتمنى ان اجد إجابة لديكم وماهو رايكم في الموضوع
وآسف على الاطالة
ودمتم في رعاية الله[/align]

مشكوووووووووور يالغالي
وأكيد (حسب وجهة نظري) بأن النظرة تسبب المقتل وهي السبب الأول والرئيسي للحب .

[align=center]الغالي عاشق الزعيم من اليمن
الشكر لله والله يسلمك

وتبقى وجهة نظر احترمها
والله يعين على النظرات القاتلة



والف شكر على المرور والرد الرائع[/align]

[align=center]كيفي كويتية

الرائع هو مرورك على الموضوع والتعليق الجميل

لكن الله يبعدنا عن المطفوق والمطفوقة
هذا مجرد احاسيس وبس


وشكراً مرة ثانية على المرور[/align]