|
كيف شجعت الهلال .........؟؟؟ سؤال باختصار كيف كانت بداية تشجيعكم لنادي الهلال؟؟ ابدأ بنفسي اولا عندما كنت صغيرا كان خالي نصراوي متعصب وكان دايم يقول شجعو نصر وكنت وقتها ماادري وش السالفه وبعدها كبرة وعرفت وش الكوره وكنا ساكنين حنا وعمي مع بعض وكانو عياله كلهم هلاليين وكان واحد منهم دايم يحضر مباريات الهلال وياخذ معه اخوي اللي اكبر مني بعض المرات ومااسمع الا هات الهلال رد الهلال كل سواليفهم عن الهلال وعن بطولاته طبعا ومن بعدها شجعت الهلال (هلالي عريق) بس تراي مانب شايب s13s حبيت اطرح عمل هذا الموضوع كاإستفتاء (واحد فاضي مالقاله شغل) :D :D :D |
انا والله يشهد اني مجرد شفت مباراة للهلال وشفت طريقة هجومه وكانت مباراة الهلال مع الرائد اللي جاب فيها سامي 6 اهداف وبعدها على طول حبيته مدري ليه مع اني ماكنت اشجع ولا فريق .. وحتى الوانه دخلت قلبي والله مدري ليه :) |
تمنيت لو كانت صياغة السؤال : كيف شجع الهلال الجمهور الأزرق .. s13s .. ؟؟ فالزعيم هو من دغدغ مشاعرنا .. وأغرقنا في كيانه .. ! فالهلال هو من شجعني أولاً .. ومن باب رد المعروف .. شجعته .. s60s .. ! :) |
8 8 8 8 ما شاء الله عليك اديب .... وروائي بحت..... s60s s60s وين عبدالرحمن بن مساعد عنك..... :D :D انا نسيت وش الى خلاني اشجع الهلال........... |
الله يخلي حضور المباريات مع الشايب ايام ماكنت ورع :D بصراحه الهلال يغري كل مشجع تدري ليه لان الهلال يختلف في كل شي اذا كان الهلال اجبر بعض الجماهير تغير ميولها الى تشجيعه فما بالك بالمشجع اللي مايتجاوز عمره الـ 10 سنوات اكيد بيميل للزعيم والا وش رايك ؟؟ تحياتي |
أنا واحد من يوم ما ولدت وأنا هلالي عايش في عائلة هلالية بحتة فكنت أشجعه أسوة بأخواني ولكن... دخل قلبي كنت في التاسعة وشاهدت مباراة(ماأذكر أي مباراة) المهم من عقبها وأنا هلالي |
من قبل دخولي المدرسه وانا متعلق بعشقي للهلال00 وشكرا000 |
والله أنا منذ نعومة أظفاري وأنا هلالي (: بس والله ما ادري وش خلاني أموووووووووووووووووووووووت بالزعيم لكن من عرفت نفسي أنا + ابوي + عماني+ (( أمي )) <<< بس لا يدري أحد - قسما بالله ان امي كانت تغيب عن المدرسه اذا انهزم الهلال - يعني عائله هلاليه بحححححححححححته |
ولدت وأنا أعشق الزعيم بصراحة أحس بإنتماء لهذا الكيان أكثر من إنتماء المواطن للوطن |
انا كل العيااااال الي يقربونلي هلالية فمع الخيل ياشقرا بس يوم وعيت عرفت ان الزعييم وبس |
شلون شجعت الزعيم ؟؟؟؟؟؟؟؟؟؟؟؟؟....... كانوا عيال عمي كلهم هلاليين وأنا كنت ما أشجع شي بس يوم شفت مباراة الهلال والنصر يوم تعادلو واحد واحد شفت هدف الثنيان الفاول أعجبني اللعب وصت أشجع الهلال |
الف شكر اخوي الكريم على هالموضوع الشيــق المسلي......... بالنسبة لي انا شخصيا قصة تشجيعي للهـــلال..أقل مايقال عنها أنها غريبة وعجيبة.... لاني بصراحة كنت على وشك تشجيع أحد الاندية...... ;) بس ماراح اقولكم وشو هالنادي .. لاني مابي تسوون ثورة ضدي ..... :D والا اقول هونت بقولكم وش هالنادي........ :) لاني بطبعي جـــــرئ.. والاهم اني حاليا هلالي لا وهلالي متعصب بعد وافتخر بذلك....... s13s عموما النادي اللي كنت اشجعه ......... هو نادي............. نادي........... 7 7 7 7 7 7 7 7 7 7 7 7 7 7 7 النصــــــــــــــــــــــــــــــــــــــر :surprise: إيه وراكم مستغربين ........ كنت راح اكون نصراوي ......... s87s لكن البركة باخوي اللي انقذني ....... وحولني لتشجيع الزعـــــيم... s13s وذلك بعملية غسيل المخ اللي سواها لي....... من خلال استبدال اشرطة ماجد عبدالله...... s87s باشرطة للهلال... s60s حبيت الهلال وبخاصة هدافه الكبير ............. سعود الحمــــاد..... :thumbup: لما كبرت شوي كان ياخذني معه لمبارايات الهلال .... s13s وللتمارين .......... كان عمري 4سنوات او 5 سنوات لما حضرت اول تمرين للهلال...... ولاانسى ابدا ذلك الموقف حينما دخلنا لغرفة تبديل ملابس اللاعبين...... لاسلم على نجمي المفضل سعـــود الحماد..... شالني سعود وعطاني بوسه..ثم سألني وش تشجع؟؟؟ قلت : الهلال.. قال :مبـــروك .... :D :razz: :razz: :razz: :D |
أ نا عن نفسي حبيت الهلال من لاعبيه اللي أمتعوني بلعبهم وبحركاتهم .......... إضافة إلى اللون اللي دخل قلبي وكانت بداية تشجيعي للهلال أيام المرحلة المتوسطه وزاد تعصبي له أيام الثانوية والسبب المنافسه اللي كانت بيني وبين زميلي وصديقي العزيز علي الأهـــــــــــــــلاوي ..................................................... |
هههههههههههههههههههه اما مبروك شي :d ---- والله انا لي قريب كان لاعب بنادي الهلال وكل ما جا بالتلفزيون قالوا لي تعال شف هذا فلان خخخخخ.. وخوالي كلهم هلاليين بعكس عماني لكن بما اني لخوالي اقرب جغرافيا .. شجعت الهلال اذكر الكلام هذا اخر الثمانينات .. بس ما كنت ادري وش السالفه اذا مسك الكورة خوينا بديت اصارخ واناقز تقل الفريق جايب قول |
اما اناااااااااااا كنت اشجع الوووووووووووحده ... طبعا لاني في مكه .... تعرفون الاختلاط الحجازي ههههههههه ولمن جيت لعيال عمي بالرياض ... حاااااااااسو مريري لين قلت آآآآآمين انت لك اصل وفصل شجع الهلاااااااااااااااااااااااااال شيخ القبااااايل ...؟! << غريب ومن بعدها عرفت الهلال اشلون يلعب وخصوصا الثنيان والجابر والغشيان والدوخي والرشيد والسلووووومي والدعيع .. وبس وسلملي على الوووووووحده يااااشيخ ههههه |
بدأت تشجيع الهلال سنة 1406هـ انا من مواليد الشرقية .. درست في ابتدائية حكومية في القاعدة الجوية ... كانت حصة الرياضة كلها كورة ينقسم الفصل الى فريقين هلال و نصر هذيك الايام كان الهلال داعس النصر صرت اروح مع الهلاليين و ارتبط حب الهلال بطفولتي 8 8 8 8 من قالك تكتب سيرة حياتك يا كلينتون الغفلة؟؟ هههههههههههههههه وسلامتك |
إقتباس:
|
مشكووووور على الموضوع الرائع أنا بصراحة حبيت وشجعت الهلال بسبب ضربة قوية جتني في راسي @@@ هههههههههه @ طبعاً من مواليد الدمام وكنا ساكنين فيها، يوم عمري 4 أو 5 سنوات كان في مباراة للهلال وما أدري مين الفريق الثاني@!! المهم كان الوالد( الله يطول عمره) يشاهد المباراة مع ربعه في المجلس في البيت وأخوكم داخل مدرعم وفي يدي تفاحة وكان منتصف الشوط الثاني وفي نفس اللحظة اللي دخلت فيها جاب الهلال قووووووول ،،،،،،،،،، ،، ،، ، ، أبوي من الفرح شافني داخل مع الباب ويشيلني والله العظيم ويرميني بقوة للسقف ضربت السقف براسي وقعدت أبكي إلين أنتهت المباراة وبعدين أبوي وداني المستشفى،،، أنا على طول شجعت الزعيم،،،،، المهم أمي من يومها كرهت الهلال وشجعت الإتفاق والنهضة وكان أي مباراة يلعبها الهلال، كلنا في البيت نشجع الزعيم إلا أمي ( الله يحفظها) لحالها تشجع الفريق الثاني كائناً من كان ((( بصراحة إلا الفقــــــر))) وكله بسبب حبها لي !@ ولكن في مباراة الشباب الشهيرة اللي سامي سجل في نهاية المباراة على طول صارت هلالية . هذه قصتي مع الزعيم أبو يمن بيذكر قصته ،،،/ جاب قصة أمه بعد)))) #############إنتبهوا لا أحد يسب أمي @@@@@@@@ |
بنسبه لي اول ما عرفت نفسي وانا احب الهلال لحد يسلني كيف <==اصلن من بيسئلك |
مايبيلها سؤال أخوي .. الأخ فالكونزا كفى ووفى .. |
انا صراحه من اول ما انولدت هلالي ثلاث من عماني كانوا يلعبون في سلة الهلال واكبرهم كان الكابتن الا ابوي الله يهديه ما كان يلعب في الهلال أول نادي عرفته كان الهلال واول نادي شجعته و دمي ازرق واعشق هذا اللون هلالي ابا عن جد وافتخر اني هلالي |
انا من يوم عرفت الكوره ماشجع الا الهلال وحبيت الهلا ل من يوسف الثنيان(( ابو يعقوب)) وزاد حبي للهلال من محمد الشلهوب(( الشلهوب الموهوب)) |
أنا لي قصة حلوة في تشجيع الهلال :rolleyes: كنت صغير ذيك الايام :D وكان عيال خالتي هلاليين s13s وكان عيال جماعتي نصراويين :nono: وكان أحتكاكي بهؤلاء كبير :D وكانوا كلهم يحرصون على تشجيعي لفرقهم :) النصراويين يغروني بماجد :cry: والهلاليون بالنعيمة والثنيان s60s المهم كان ذاك اليوم لقاء حاسم بين الهلال والنصر في أخر الدوري كان اذا فاز الهلال ياخذ الدوري s13s واذا فاز النصر ياخذه الاتفاق :sleep: يعني النصر كالعادة يحاول يخرب على الهلال :wallbash: المهم قررت ان اللي يفوز راح اشجعه :D وفاز الهلال بهدف للثنيان من خارج منطقة الجزاء وكان الحارس سالم مروان :confused: ومن وقتها تغيـّـر مجرى التاريخ !!!!! حيث اعلن أبوريان هلاليته s60s كما اعلنت عشقي ليوسف الثنيان ... ومن ذلك اليوم كبر حب الهلال في داخلي s13s حتى غدى اليوم حبي الاكبر s13s وعشقي الابدي s13s ولن اغيّره حتى يقضي الله أمراً كان مفعولا ً :confused: |
انا كنت نصراوي بس خالي حولني لا (انقضني )الحمدالله اني حولت هلالي وانا عمري تسع سنوات وان شا الله يبقى الهلال بالقمى دائما ويعطيك العافيه على الموضوع الجميل |
الحقيقه انك فاضي لانك قبل فتره من كذا شهر نزلة مثل هذا قمت بأعادة كتابة الموضوع . |
أنا كنت شبابي ولكن يوم درا خالي قالي مايخسا إلا أنت تشجع الشباب وأبناء عشيرتك هلاليين :D :D المهم خفت منه كنت ورع ذيك الايام يعني 10 - 11 سنه واليوم الثاني النهائي الشهير بين الهلال والشباب وجا خالي يتابع المباراة عندنا وأنا أشجع الشباب وخايف من خالي وساكت واذا ضاعت هجمة سكت ولا أعبر عن مشاعري بسبب خالي :D :D المهم يوم جاب الشباب الهدفين فرحت وقلت لخالي هذا الهلال اللي فرحان فيه قال بيجيك العلم الحين أنا حسبت أنه بيصكني بكف محترم المهم وما أدري إلا وبلنتي للهلال وجابه الذيب وأقعد شوي إلا وجايبين الثاني واتحطم وخالي يضحك بمكر :D :D المهم يوم جات الأشواط الإضافيه وجاني النوم :sleep: :sleep: ونعست وقمت على صراخ خالي وقال الهلال جاب الثالث وقعد يصارخ ويطامر فرحان قلت في نفسي والله أليت أبوي فيه كان ما سمعت صوتك ( الوالد كان مسافر ) المهم يوم جاء اليوم الثاني أنا ما أستوعبت إن الهلال فاز نسيت إن النهائي أمس :D :D بزر ما أنلام المهم جاء خالي قال هاه أنا وش قايلك ما قلت أن الهلال بيفوز قلت والله إنك صادق ومن يومها أعلنت هلاليتي واسف على الإطالة |
طبعا انا كنت مشجع شبابي وكان عمري 6 سنين................ طبعا السنين الماضية كان الصغير يشجع عكس الايام هذي واحد عمره 15 يشجع بالاسم وكان عمي يقول لي سعد عد لي لاعبين الشباب وأقوله : عواد العنزي خالد الزيد عبدالله الحارثي سعيد العويران فهد المهلل فؤاد أنور سعود السمار السويلم رمزي العصيمي وبعد ين عمي أثر فيني لحبه للزعيم ومن بعد ذلك اليوم والى ا لأن أموت بالزعيم وانا عشقي هلالي ودمي أزرق |
عادتنا نطالع فوق . . وعادتنا ما نشوف الا القمر . . هلالي وما قد شفت غيره |
الف شكر لصاحب الموضوع بصراحة أحسن ما فيه الذكريات الجميلة والحلوه بالنسبة الى نفسي فأنا قصتي قصة تقولون كيف أقولكم كيف بدايتي بالتشجيع كبداية أي واحد يدخل عالم الكرة المستديرة المهم نخش فى الموضوع طبعاً أول ما شجعت شجعت الاتفاق بحكم سكني بالمنطقة الشرقية وبحكم أيضاً واحد من الشباب كان اتفاقي بحت وتذكرون ذيك الايام كان الاتفاق وين محد قده على قولتهم المهم قعدت أشجع الاتفاق لفترة من الزمن وشوي انقلب المخ 180 درجة وأشجع النصر الله يكرمكم بس الحمد الله ما طولت والى خلاني أشجع الهلال هو حضوري لاحد المناسبات العائلية فى منطقة الرياض ووقتها كانت فى مباراه الهلال × الرائد 8-0 وكانوا اعمامي هلاليين للنخاع وشوي ويقولون تعالوا نشوف المباراه فى الملعب ونروح نشجع الزعيم الهلالي وعيونكم ما تشوف الى النور وتعرفون وش صار طبعاً بعد المباراه ومن يومها وانا هلالي وسامحونا على الاطالة وسلامتكم |
انا اللي اذكره اني اشجع الهلال وانا عمري سبع سنوات, قبل كذا عمتي الله يطول لي بعمرها عندها شريط كاسيت في تسجيل لي والى الان عندها الشريط يوم عمري ثلاث سنوات كان عمي يسألني هذا منهو اقوله هذا بابا وهاذي منهي اقول هاذي جده ويسألني من تشجع اقول الهلال. يمكن شي مهوب الواحد يفتخر فيه مره لاكن انا اول ثلاث كلمات نطقتهم ماما , بابا , هلال s13s (وعلى فكره انا ولدي الحين قاعد ادربه على كلمة الهلال) :D |
مشكورين على الردود و التواصل في هذا الموضوع |
أما أنا فأول يوم شجعت فيه الهلال على ما أذكر كان عمري 6 سنوات وبالتحديد مع بداية نظام المربع الذهبي وأذكر خسرنا مباراة الشباب بالنهائي بركلات الترجيج يوم الحكم يعيد اكثر من مرة ركلة شويش الثنيان ..... ومن يومها وانا هلالي |
خالي هو هلالي متعصب مع انه مطوع ماتجي صح بس كانت اروح معه الملعب من يوم كان عمري تقريبا ً 10 سنوات من يومها وانا هلالي |
اما أنا سالفتي سالفة كنت ايامها في الثاني ابتدائي ولا اعرف الكورة الا باسمها عشان حنا بدوووووو المهم اخوي اللي يدرس بالرياض الحين دكتور ما شا الله وعضو في شبكة الزعيم جاب لنا فنايل ( هدايا) لكل الاندية راح اخوي اللي اكبر مني وأخذ فنيلة النصر عشان كان يحب ماجد وكان نصراوي (( الحين صحفي نصراوي تكرهونه كلكم!!!!)) اخذت فنيلة الهلال عنادا فيه....... ومن يومها ادمنت الهلال صارلي 20 سنة |
و الله موضوع حلو لكن انا قصتي اخــــــــــوي الكبير نصراوي والثاني هلالي بس النصراوي كان غاسل مخي ،،يمدح النصر ويسب الزعيم،،(هذا الكلام قبل الدراسه) لكن يوم دخلت المدرسه وعرفت الخــــير والشـــــــــــر،، عرفت ان الزعيم هو الخيــــــــــــــــــــــــــــــــــــــــــــــــــــــر ،،، والنصر هو الشـــــر،، م ش ك و ر |
تقريبا كلها كانت بسبب تأثير الاقارب. |
كل مولود يولد على الفطرة |
صراحة موضوع حلو .............امما انا سالفتي مثيره للدهشة >>> حلوة الدهشة هههههههههه السالفة طال عمركم اني يوم كنت بصف رابع كان عندي حصة (بكرة) بس ماعندي طقم واخوي نفس المشكة ماعنده طقم تمام ؟ المهم وش نسوي وش نسوي مافي الا حل واحد دقيت على ابوي الله يحفظه وقلتله بكره عندنا حصة رياضة بكرة وماعندنا طقوم جبلنا معك طقمين المهم جا ومعاه طقمين عاد ابوي الله يستر عليه جاب طقمين نفس المقاس بس واحد اخضر وواحد ازرق انا كذا من ربك طبيت ع الازرق وانا يومها مدري وش الهلال وش الاهلي وش الدوري بس عشانه ازرق المهم اخوي قالي الهلال يلبس ازرق والاهلي يلبس اخضر انا قلتله هاه مدري شالسالفه طبعا خخخخخخخ وهنا ارتبط قلبي باللون الازرق والهلال واخوي المنحوس تورط مع الاهلي اللي من لما شجعه ماخذا الا بطولتين والهلال قاعدد يجمعها زي اغطية البيبسي هههههههههههههههههههههههههههههههه المهم رحت اليوم الثاني المدرسة وكاشخ بالطقم الازرق الجديد وكلهم يقولون شعنده فلان هلالي بس للاسف للاسف طلعت حصة فنية المدرس الكلب قال طلعوا الكراريس والالون قهرني الله لايرده ومالعبنا وسلامتكم ...........! |
يالله ... تكبرون أعمارنا بهالسوالف أول ماعرفت الكورة كنت زي الوالد أشجع الوحدة ألين جاء أخوي الكبير الله يطول بعمره على طاعته من الديرة للدراسة في الكلية الحربية وكان ولا زال هلالي من قمة رأسه إلى أخمص قدميه ... من أكثر من 25 سنة بحي الوزارات جاب لي علم الهلال وشريط حفل الهلال ... سعدون جابر ... وعبادي والشاعر اللي يقول أبوشنب ريفو وميدالية من أحد لاعبي النادي حقت كأس الملك والله ياجماعة أني إلى هلحين محتفظ بالميدالية والعلم وفرحان فيهم كأن أخوي مهديهم لي أمس |
أنا أشجع الهلال من ايام ريفالينو وأذكر نهائي الكأس بين الهلال والشباب أعتقد 1400 أو 1401 لما فاز الهلال 4/1 أتمنى ان تكون معلومتي صحيحة لان الكبر شين والشوف شجر والذاكرة لكم عليها تحيتي |
انا من زمان والله مااذكر المهم إني أحب الهلال |
انا كنت اعيش مع عائله وطنيه كلهم حماس وجد وما كان يرفع الراس الا الهلال ..... وكانت جارتنا خاله الوالد ولها ثلاث عيال كل واحد اكثر من الثاني حماس وحب للهلال وكانت مباراه للهلال منقوله بالتلفزيون ( وريفالينو لاعب ومسوي الهوايل ) وكنا عندهم انا وبعض اخواني نلعب ومسوين ازعاج وشوي واسمع ذاك الكف ما ادري من وين جاء بس ولدهم الصغير يصيح وانا من الروعه وقوه صوت الصفقه واقضب الأرض وما تحركت من مكاني حتى انتهت المباراه وفاز الهلال والرجال مبسوط ويطامر ونطامر معه وعقبها اي شي اسمه الهلال او لونه ازرق اموت فيه . كل ماشفت هالرجال قلت له الله يبارك بالكف اللي عطيته اخوك فلان ذاك اليوم واللي خلاني هلالي ثم نضحك على الموقف . |
أنا وشلون شجعت الهلال .. الحب يدخل قلب المرء دون أستئذان فالزعيم عشقته وعشقني وبكيت من أجله وبكى من أجلي .. عموماً السالفة لي 3 اخوان أكبر مني ومعهم خالي اثنين منهم مع خالي هلاااااااااااااااااااااااااااااااااليين أما الثالث شبابي <<( وش يبي ذا ) وكان دايم يحاول يجرن أشجع الشباب أيام عزه وهو من أشد الحاقدين على الهلال ( مت بغيضك) حتى ولوكنت أخوي , المهم يحاول ويحاول وعجز , والمباراة التي لن أنساها وهي عربون المحبة بيني وبين الزعيم هي مباراة الهلال والنصر 3/0 التخيفي والبيشي والحبشي , وكنت في أول ابتدائي << يعني توي صغير شباااااااااب بعمري ماني شبابي , على فكرة اخواني الصغار ثلاثة بعدي ( ماشاء الله ) واحد أهلاوي و واحد هلالي والاخير اتحادي << يسمع بالمباريات توه طايح بالكورة , بس حلوة العائلة لاصرت كوكتيل يصيربه هواش ومناقر ولحق ولحيق ونعلة رايحة ونعلة جاية والملحلق يشهد << على فكرة ثاني مرة (( خالي)) كان يموووووت بأبو يعقوووووووب ويوم اعتزل الثنيان شجع الاتحاد <<< الله من زين الامور ماله داعي انتماء وسلااااااامتكم . |
أنا والله عايش في بيت هلالي بحت فطرة نمت في داخلي..على قولة الشلال |
اما انا فالله يخليلي اخوي كنت اشوفه يشجع الهلال وانا مادري وش الطبخه وقالي شجه الهلال واخذني اول مرة مبارة الهلال وحبيت لعبهم وبديت اشجعهم |
اللي خلاني أشجع الهلال أبو يعقوب وأبو اثنين والتيما وسامي |
ولدت وأنا أعشق الزعيم |
هلاليييييييييييي من يوم عمر 8سنوات وبدون مبالغه اول ما عرفت الكوره كنت اهلاوي وما ادري وش الاهلي بس كذا اشجع مع الخيل يا شقرا لاكن يوم وعيت على الدنيا عرفت ان هذ الفريق الي لازم اشجعه والحمد لله اني هلالي |
انا يا طويل العمر حبيت الهلال وعشقته من يوم مباراة الهلال والشباب على نهائي كاس الملك عام 1418 كان عمري وقتها 11 سنه يعني كنت في ذاك الوقت مالي بالكوره كثير لكن يوم شفت روح الهلال ودموع الذيب سامي بعد الهدف الثاني وانا من ذاك اليوم صرت المحامي حق الهلال وكنت دكتاتوري على اخواني والعيال والحاره كلهم كان فيهم الشبابي والنثراوي لكن اسبوعين بس وانا مخليهم كلهم هلالين وبسسسسسسسس |
أنا من البحرين و كنت منذ الصغر دائما اتابع مباريات الفريق على شاشة التلفاز أحب الهلال لأنه ممتع |
انا اكبر واحد في اخواني الوالد اتفاقي من 27سنة والى الحين متعصب للاتفاق والوالدة(بس لاحد يدري) شبابية وبصراحة انا كنت شبابي الين كاس العالم 94 بعدها صرت هلالي واذكر المباراة اللي خلتني افتح عيوني واصحى كانت في 1994 بين الشباب والهلال وانتهت 1-1 جاب هدف الهلال يومها خميس العويران (قبل لايفقد الذاكرة ويصير نحلة) |
والله ياني بفضحي عمري بتقولون شايب ما علي منكم المهم اني بعلمكم كيف بديت اشجع الهلال ... اخواني الاكبر متفرقين يعني واحد هلالي وواحد اتحادي وواحد نصراوي وواحد ماله بالكوره ابد بس يميل للهلال المهم اتذكر كان فيه نهائي كأس الملك عام 1404 هـ بين نادي الهلال والاهلي واتذكر المباراة جيدا وانتهت باربعة اهداف هلاليه مقابل هدف واحد واتذكر اللي جابوا الاهداف فهودي ،، والظاهر عبادي الهذلول ،، وكان ماني واهم فهد المصيبيح ،، والرابع الله والعالم صالح خليفه ههههههههههه صالح خليفه مين .... لا الرابع نسيت منهو ... المهم من يومها وانا هلالي ومتعصب و احب كل شئ لونه ازرق الا اسرائيل ... <<<< انا بكره اسرائيل ... |
كان.. يا ما.. كان :) كان فيه انسان :) عطشان في ارض.. :sad: ما فيها للحياة عنوان.. :confused: كلها -هم :cry: -غم :cry: -حرمان :cry: فكر وقال : كيف ابلقى الامان؟ :confused: فجأة## زاره ..دفا ;) زاره..وفا ;) زاره..حنان ;) مصدره الـــــــــــــــــــــــــــــــهـــــــــــــــــــــــــــــــــــــــــــــــــــــــلال s60s وانا كنت هذاك الانسان. :laugh: ...................................................................صارت قصه ولا رساله :sleep: |
بسبب نهائي أمام النصر أتوقع عام 1406 أو 1407هـ كان المبدع بتلك المباراة يوسف الثنيان وكان عمري وقتها ست أو سبع سنوات المهم من تلك اللحظة مسكت فنيلة بيضاء وكتبت عليه رقم 15 ومع الزمن حُفر بقلبي حب هذا الصرح ,, تحياتي ,, |
أنا عن نفسي شجعت الفريق الهلالي لسبب واحد وجود يوسف الثنيان وبعدها حبيت الفريق حب لاينقطع |
لون السماء لون البحر |
اممممممممممم بصراحه مدري :p صحيت من النووم قلت لازم اصير مشجع كووره بدون مااختار لقيت نفسي هلالي سحرني هالفريق |
أذكر أني شفت نادي يلعب لابس أزرق وأنا أموت بالإزرق وسألت وش ذا الفريق قالولي الهلال وبعدها عينك ماتشوف إلا النور أطقم هلالية وكل شي أزرق في أزرق الكلام هذا وأنا صغير مرة يعني توي ست خمس سنوات تقريبا وعندي صورة بالطقم الهلالي وأنا صغير بس ما أعرف أحطها (خخخخخخخخخ) علموني كيف؟؟؟؟؟؟ |
انا اقولك وشلون شجعت الزعيم والحمد الله اني شجعته . سلمكم الله عائلتي واقاربي يكرهون شيء اسمه الهلال حتى لو الهلال يلعب مع اسرائيل بشجعون اسرائيل وكان عماتي هم اللي يشجعون الهلال مو علشان الهلال علشان اللاعبين وكان ذاك اليوم مباراة الهلال والنصر ماادري في بطولة لكن الهلال فاز 2 وكنت يومها عمري 9 - 10 كانوا عماتي يقولون لي شجع الهلال واقاربي الثانيين شجع النصر عاد كنت بزر وماافهم قلت اللي بيفوز بشجعه وفاز الهلال وشجعته والفضل يعود بعد الله الى عماتي . بعدين اعتزلوا عماتي الكورة وصرت انا بدل منهم والأن انا الوحيد اللي اشجع الهلال والباقي مشكل .=== > حلوة ذي مشكل . لكن الحمد الله انا دايم منتصر عليهم واني هلالي . |
الشكر مره اخرى للتفاعل مع الموضوع |
| الوقت المعتمد في المنتدى بتوقيت جرينتش +3.
الوقت الان » 09:57 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd