كيف شجعت الهلال .........؟؟؟ - نادي الهلال السعودي - شبكة الزعيم

annoz · #1 09/01/2005, 03:22 PM

سؤال باختصار كيف كانت بداية تشجيعكم لنادي الهلال؟؟
ابدأ بنفسي اولا عندما كنت صغيرا كان خالي نصراوي متعصب وكان دايم يقول شجعو نصر وكنت وقتها
ماادري وش السالفه وبعدها كبرة وعرفت وش الكوره وكنا ساكنين حنا وعمي مع بعض وكانو عياله
كلهم هلاليين وكان واحد منهم دايم يحضر مباريات الهلال وياخذ معه اخوي اللي اكبر مني بعض المرات
ومااسمع الا هات الهلال رد الهلال كل سواليفهم عن الهلال وعن بطولاته طبعا ومن بعدها شجعت الهلال (هلالي عريق) بس تراي مانب شايب

حبيت اطرح عمل هذا الموضوع كاإستفتاء (واحد فاضي مالقاله شغل)

الخير33 · #2 09/01/2005, 03:42 PM

انا والله يشهد اني مجرد شفت مباراة للهلال وشفت طريقة هجومه وكانت مباراة الهلال مع الرائد اللي جاب فيها سامي 6 اهداف وبعدها على طول حبيته مدري ليه مع اني ماكنت اشجع ولا فريق ..

وحتى الوانه دخلت قلبي والله مدري ليه

falconza · #3 09/01/2005, 04:15 PM

تمنيت لو كانت صياغة السؤال :

كيف شجع الهلال الجمهور الأزرق ..

.. ؟؟

فالزعيم هو من دغدغ مشاعرنا ..
وأغرقنا في كيانه .. !

فالهلال هو من شجعني أولاً ..
ومن باب رد المعروف .. شجعته ..

.. !

bradiالهلالي · #4 09/01/2005, 04:46 PM

8
8
8
8
ما شاء الله عليك اديب .... وروائي بحت.....

وين عبدالرحمن بن مساعد عنك.....

انا نسيت وش الى خلاني اشجع الهلال...........

ولد وايل · #5 09/01/2005, 04:54 PM

الله يخلي حضور المباريات مع الشايب ايام ماكنت ورع

بصراحه الهلال يغري كل مشجع تدري ليه لان الهلال يختلف في كل شي
اذا كان الهلال اجبر بعض الجماهير تغير ميولها الى تشجيعه فما بالك
بالمشجع اللي مايتجاوز عمره الـ 10 سنوات اكيد بيميل للزعيم والا وش رايك ؟؟
تحياتي

Nedved 11 · #6 09/01/2005, 06:10 PM

أنا واحد من يوم ما ولدت وأنا هلالي
عايش في عائلة هلالية بحتة
فكنت أشجعه أسوة بأخواني
ولكن...
دخل قلبي كنت في التاسعة وشاهدت مباراة(ماأذكر أي مباراة)
المهم من عقبها وأنا هلالي

الاسدالازرق · #7 09/01/2005, 06:25 PM

من قبل دخولي المدرسه وانا متعلق بعشقي
للهلال00

وشكرا000

abody 9 · #8 09/01/2005, 08:06 PM

والله أنا منذ نعومة أظفاري وأنا هلالي (:

بس والله ما ادري وش خلاني أموووووووووووووووووووووووت بالزعيم

لكن من عرفت نفسي أنا + ابوي + عماني+ (( أمي )) <<< بس لا يدري أحد - قسما بالله ان امي كانت تغيب عن المدرسه اذا انهزم الهلال -

يعني عائله هلاليه بحححححححححححته

zaidan · #9 09/01/2005, 08:08 PM

ولدت وأنا أعشق الزعيم

بصراحة أحس بإنتماء لهذا الكيان أكثر من إنتماء المواطن للوطن

xthe1onex · #10 09/01/2005, 08:12 PM

انا كل العيااااال الي يقربونلي هلالية فمع الخيل ياشقرا بس يوم وعيت عرفت ان الزعييم وبس

الك%100بير · #11 09/01/2005, 08:28 PM

شلون شجعت الزعيم ؟؟؟؟؟؟؟؟؟؟؟؟؟.......

كانوا عيال عمي كلهم هلاليين وأنا كنت ما أشجع شي بس يوم شفت مباراة الهلال والنصر يوم تعادلو واحد واحد شفت هدف الثنيان الفاول أعجبني اللعب

وصت أشجع الهلال

تغيب الشمس بحلم يومي · #12 09/01/2005, 10:20 PM

الف شكر اخوي الكريم على هالموضوع الشيــق المسلي.........

بالنسبة لي انا شخصيا قصة تشجيعي للهـــلال..أقل مايقال عنها أنها غريبة وعجيبة....

لاني بصراحة كنت على وشك تشجيع أحد الاندية...... ;)

بس ماراح اقولكم وشو هالنادي .. لاني مابي تسوون ثورة ضدي .....

والا اقول هونت بقولكم وش هالنادي........

لاني بطبعي جـــــرئ.. والاهم اني حاليا هلالي لا وهلالي متعصب بعد وافتخر بذلك.......

عموما النادي اللي كنت اشجعه .........

هو نادي.............

نادي...........
7
7
7
7

7
7
7
7
7
7
7
7
7
7
7
النصــــــــــــــــــــــــــــــــــــــر

إيه وراكم مستغربين ........ كنت راح اكون نصراوي .........

لكن البركة باخوي اللي انقذني .......
وحولني لتشجيع الزعـــــيم...

وذلك بعملية غسيل المخ اللي سواها لي.......
من خلال استبدال اشرطة ماجد عبدالله......

باشرطة للهلال...

حبيت الهلال وبخاصة هدافه الكبير .............
سعود الحمــــاد.....

لما كبرت شوي كان ياخذني معه لمبارايات الهلال ....

وللتمارين ..........

كان عمري 4سنوات او 5 سنوات لما حضرت اول تمرين للهلال......
ولاانسى ابدا ذلك الموقف حينما دخلنا لغرفة تبديل ملابس اللاعبين......
لاسلم على نجمي المفضل سعـــود الحماد.....

شالني سعود وعطاني بوسه..ثم سألني وش تشجع؟؟؟
قلت : الهلال..
قال :مبـــروك ....

الرزق على الله · #13 10/01/2005, 12:39 AM

أ نا عن نفسي حبيت الهلال من لاعبيه اللي أمتعوني بلعبهم وبحركاتهم .......... إضافة إلى اللون اللي دخل قلبي
وكانت بداية تشجيعي للهلال أيام المرحلة المتوسطه وزاد تعصبي له أيام الثانوية والسبب المنافسه اللي كانت بيني وبين زميلي وصديقي العزيز علي الأهـــــــــــــــلاوي .....................................................

الدبي · #14 10/01/2005, 01:18 AM

هههههههههههههههههههه اما مبروك شي

----
والله انا لي قريب كان لاعب بنادي الهلال وكل ما جا بالتلفزيون قالوا لي تعال شف هذا فلان خخخخخ.. وخوالي كلهم هلاليين بعكس عماني
لكن بما اني لخوالي اقرب جغرافيا .. شجعت الهلال
اذكر الكلام هذا اخر الثمانينات .. بس ما كنت ادري وش السالفه اذا مسك الكورة خوينا بديت اصارخ واناقز تقل الفريق جايب قول

الريــ عز ــاض · #15 10/01/2005, 01:25 AM

اما اناااااااااااا

كنت اشجع الوووووووووووحده ... طبعا لاني في مكه .... تعرفون الاختلاط الحجازي
ههههههههه

ولمن جيت لعيال عمي بالرياض ... حاااااااااسو مريري لين قلت آآآآآمين

انت لك اصل وفصل شجع الهلاااااااااااااااااااااااااال شيخ القبااااايل ...؟! << غريب

ومن بعدها عرفت الهلال اشلون يلعب وخصوصا الثنيان والجابر والغشيان والدوخي والرشيد
والسلووووومي والدعيع ..

وبس

وسلملي على الوووووووحده يااااشيخ ههههه