انا هلالي ابا عن جد

انا من يوم كنت صغير كان حولي عماني وعيالهم وكانوا رياضيين ونصهم هلاليين ونص نثراويين
انا كنت على الريحه يقولون شجع الهلال اشجع الهلال شحع النثر الشجع النثر الى ان وعيت
وعرفت الكوره والدوري والأنديه فا ملت للهلال على طول واللي زاد الميول انا نقلنا بجانب النادي
وكل اللي حولينا من الجيران هلاليين فزاد تمسكي وحبي للزعــــــــــــــــــــــــــــــــــــــــيم

طبعا اناااا لي قصه مع تشجيع الهلال

اخوي الكبير هلالالالالي والي اصغر منه نصراوي وعندي ولد عم جااي عندنااا من حائل نصراوي والثنين طااايحين بخوي الكبير لو فاز الهلال اتفقووووا عليه واذا فاز النصر جابوله الجنااان ...
وكانو أذا هااااااااااوشوه . يجيني خوووووف غير طبيعي وأحياانا ا :sleep: هههههه طبعا كاان عمري تقريبا ثماان سنين . وصرت أحقد عليهم وأذاا شفت ولد عمي انحاااش منه ولالالالا احبه
وأتذكر ان مدرس الرياضه في مدرسه علي بن أبي طاالب الابتدائيه بشارع الغنم القديم بالريااض المتقاطع مع شارع الاعشى كان نصراوي متعصب والفريق حق المدرسه طقمه اصفر كنت ماحبه لانه نصراوي زي ولد عمي ومن الطلبه الذي اتذكرهم أبراهيم البصيص لاعب السله النصراوي وكابتن المنتخب .
كااان لي زميل أسمه عبدالله سااكنين جنب بيتنااااااااا احيانا اروح عندهم بالبيت وغاالبا روحتي لبيتهم بعد العصاري وعنده اثنين من اخوااانه هلالالاليييين ولهم صديق بعد هلالالي والله مااا انساهم طول حياتي اقعد معهم وتفرج وناا ساكت ولالا كلمه واذا فاز الهلال يدلعوني انا واخوهم وبخششونااا بفلوووس :razz:
وأحياانا اسئل عبدالله عن وقت المباريات عشاان اجي اتفرج مع أخوانه ومره قالي المبارت اليوم الفلاني واجي امشي الف وجيت البيت بس للاسف اخوانه كانو بالملعب تفرجنااا على المباراه وكااانت بين الهلالال والشباااب وفاز فيها الهلال واتذكر المعلق كاان سليماان العيسى .
ومن بعد هذي المباره جااني شغف اني اشوف الهلالالال على الطبيعه وكنت اروح للملعب بدوون علم اهلي ومره صاادوني اخواان صديقي عبدالله وسئلوني جااي مع مين قلت لحالي بباص خط البلده ومن ذيك اليوم أذاا راحوا للملعب أروح معااهم اناا واخوهم.:D ومن المباريات التي لن انساها كاانت بين الهلال والشباااب الي سجل فيها خالدالغانم هدف التعااادل في الدقيقه43 برجله اليسرى على ماااااااا أعتقد وكانت على يساار الحارس وكنت حاضرها بالملعب s13s ...

وأتذكرايام المتوسطه درس معي منصور بشير في متوسطه ابن خلدون بالرياض ويأني اقدر هذا الرجل كثييييير s60s ... لانه حببني بالهلال كثيررررررر


تحياتي canada2002 s13s s13s

اما انا عشت مع اخواني الاهلاويين وهم طبعا اكبر مني وانا كنت وقتها صغير وكنت احب اعاند واولها كنت ماخذ الشغله عناد لكن مع مرور الايام ومشاهدت مباريات الهلال ولاعبينه حبيت الهلال وصرت اعشقه بجنون ولاارضى لاحد ان يتكلم عنه بسوء




تحياتي.

بالوراثه ولله الحمد والمنه..
كانوا الاهل كلهم يجتمعون عند التلفزيون اذا جت مباراة الهلال..

لازلت اتذكر هدف المدرعات في النصر..
وكنت وقتها ثغير بالثن هههههههههههههههههههههه..

سنين سنين..

انا من يوم ماعرفت الكوره وانا هلالي يعني مالي قصه معينه والله اتذكر يوم اني صغير تقريبا 6او7 سنوات كانت اشجع الزعيم بهبال وبجنوووون .. وكبر الهبال والجنون يوم كبرت هههههههههههههههه


بس الهلال يخليك تشجعه غصب ..


وهذي كلمه قالي اياها واحد من الشباب بعد مااالله هداه والتزم ومازال هلالي لحد الان ويحضر مباريات الزعيم ..

قال الهلال فريق يخليك تشجعه بلاشعور فريق يسحرك فريق غير عن الفرق كلها .. (( تبون الصراحه الرجال صادق )) ..


مشكوووور اخوي


اخوك


راشد ..

من اللي حصل مع بداية تشجيعه موقف طريف

من خلال الردود ارى ان الجميع بدأو في تشجيع الهلال وهم في سن صغيره.

مبارياته عجبتني وانا عمري 8 سنوات وعجبني لعب سامي والشلهوب ونواف وكنت قبل هذا العمر أشجع الهلال بالإسم عشان تتعادل المعادله في العائلع 3 هلاليين * 3 إتحاديين <<<< مو نصراويين

بسم الله الرحمن الرحيم
أما أنا بصراحة
والدي إتحادي وكان يحضر الصحف وبمجرد أن ينتهي منها آخذها وكنت وقتها في الصف الثاني الإبتدائي
وكنت اتهجا الكلمات واطالع الصور وأقرأ ماتحتها وكانت صور النعيمة وهو يرفع كأس الخليج للأندية وصور أخرى للمصيبيح وللثنيان وسعد مبارك فتأثر بهذا الفريق وأيقنت بأنه الفريق الذي يجلب البطولات فشجعته ولازلت الى الآن والى الأبد بإذن الله

والله السالفه طويله
ان كان عمري 5سنين كان خالي يموت في شي اسمه الهلال وكان يجيب زملاءه عندنا فيالبيت ويتابعون المباريات دائما عندنا ومره كان فيه بطوله فاز فيها الهلال بالبلنتيات على الشباب وكنت انزل العشاء ولكن كلهم جالسين عند التلفزيون وكنت اقول يله يا خال العشاء يبرد وفجأه سمعت صياح يهز البيت ويوم خشيت عليهم شوفت كل واحد طاب في الثاني ويسلمون على بعض وانا خاش معهم شالوني فوق وبعدها حبيت الهلال وما ادري ايش الي تغير في تركيب قلبي بدل ما يضخ دم احمر صار يضخ دم ازرق
وشكرا

بالنسبة لي انا فوالدي كان كابتن الهلال والمنتخب لكرة السلة في فترة من الفترات

وطبعا هذا الشي اثر فيني وخلاني احب الهلال

و بعد ماكبرت ووعيت تاكدت تماما اني فعلت الشي الصح

شكرا على الردود وكل عام وانتم بخير ((وعيدكم مبارك مقدما))

?????????????????????????
 

oooooooooooooooo\
خخخخخخخخخخخخخخخخخخخ
وربي اوووووول ما شفت المووووووضوع مت من الضحك
تدرون ليش
لاني يوم اني كنت صغير كنت اميل للنصر عشان اقهر خوي الكبير الي كان على الصغيره والكبيره يضربني
المهم جيت يوم من الايام وكانت فيه مباراه بين الهلال والنصر وعيال عمي والعيال متجمعين واكثرهم نصراوووين
سجل النصر هدف جيت اصيح وانطط عشان اقهر خوي والا مالي بالكورة كنت صغير
جاء خوي وعطاني كف ماشي مليونين الا وانا طاير عشرين متر ورىخخخخخخخخخ
بعدين ترجلت وصرت احب الهلال قلبا وقالبا
بااااي