علموني وش ادخل بعد الثانويه .. ارجو المشاركه . - صفحة رقم 2 - نادي الهلال السعودي - شبكة الزعيم

مجنون لاتسيو · #16 13/12/2004, 04:18 PM

والله شوف........

إذا كنت تخصص طبيعي... (( ودافور)) درجاتك فوق الـ 90 ..... لايفوتك الطب ولا الهندسة....
وأما إذا كنت عادي جدا في الدراسة يعني (( متوسط)) المستوى روح للكلية تخصص حاسب أو أي قسم يناسب طاقتك.. وقدراتك..

عن نفسي من يوم انا في الثانوية طوالي دخلت شرعي والحمد لله نسبتي 89 طوالي قدمت بكلية المعلمين والحمد لله تيسرت الامور... والله يوفقك من كل قلبي

@ الغـلا @ · #17 13/12/2004, 05:27 PM

والله ياخوي .... خلك وين تروح اللحين ...

فكر في الإختبارات ................

هلالي موعالبال · #18 13/12/2004, 06:54 PM

نصيحة لك اخوي القسم الذي تهواه وتحبه ادخل اليه لاتدخل الى قسم

من اجل ان ترضي فلان

فهذا مستقبلك والجدية والمثابره بالدراسه الطريق الامثل للنجاح

سهل · #19 14/12/2004, 01:08 AM

الا على فكره يالقاضي كم تبعد عنكم حقل

______________
شف اخوي انا انصحك تدرس تخصص يؤهلك للعمل في شركة بترول

تضمن المستوى ! والسكن

والقروض

العلاوات ! والانتدابات ! والترقيات ! والوفايات

وانت عاد بكيفك

القاضي · #20 14/12/2004, 07:36 AM

تبعد عنا حقل ( ) فقط ...

max666 · #21 14/12/2004, 10:56 AM

إقتباس

الرسالة الأصلية كتبت بواسطة سهل 888


	الا على فكره يالقاضي كم تبعد عنكم حقل ______________ شف اخوي انا انصحك تدرس تخصص يؤهلك للعمل في شركة بترول تضمن المستوى ! والسكن والقروض العلاوات ! والانتدابات ! والترقيات ! والوفايات وانت عاد بكيفك

على طاري حقل وراه ماتدورلك شي يوديك لراس مشعاب (يعني حول الخفجي)
الصراحة انه ونااااااسة عندهم اجازة 4 شهور بالسنة او ثلاث شهور غير البدلات اللهم ياكافي
غير السكن والفسق واسئل مطزاز ترا اخوه هناك
عندي رجل اخت هناك خذ يا فسق كل بين اجازة واجازة اجازة

HELALI 3AQEL · #22 14/12/2004, 06:35 PM

أولا :
أخوي فعلا الموضوع مهم جدا ، خصوصا اذا شفنا اعداد الخريجين والخريجات من الجامعات السنوي ومع الاسف قليل جدا عدد المتوظفين منهم

لعدة اسباب :
-عدم وضوح الرؤية بالنسبه لخريجي الثانوي (أية التخصصات أفضل ) طبعا من ناحية احتياجات سوق العمل .
-عدم وجود اية جهود مبذولة من القطاع الخاص لعقد ندوات توضح للخريجيين احتياجات القطاع خلال فترة زمنية معينة(خمس سنوات مثلا) من التخصصات والمؤهلات المطلوبة .

- عدم تعاون الجهات التعليمية (وزارة المعارف مثلا) في تنوير طالب الثانوي على التخصصات المناسبة في الفترة الحالية واحتياجات سوق العمل (الفعلية)
مثلا بالامكان اغلاق القبول في بعض التخصصات التي اكتفى سوق العمل منها (جغرافيا ، تاريخ ، لغة عبرية ، سياسة،علم اجتماع،...الخ)

وفي الجهة الاخرى زيادة مقاعد القبول في التخصصات التي لازال عليها طلب في سوق العمل (طب،هندسة،قانون،حاسب الي،صيدلة،...الخ)
ثانيا:
أما بالنسبة لطلبك الخاص بأي التخصصات أفضل ، يعتمد اولا على وضعك المادي ، اذا كان بأستطاعتك الدراسة في الخارج فهو الخيار الافضل( في بعض الدول وليس كلها)
اما اذا ماعندك الامكانية بالدراسة في الخارج ، أفضل أختيار جامعة الملك فهد (مالية،محاسبة،جميع انواع الهندسة )
بعدها جامعة الملك سعود(طب ،هندسة،صيدلة،حاسب الي،قانون،ادارةاعمال،اقتصاد) الترتيب حسب الافضل .
الجامعة العربية المفتوحة دراستها قوية جدا بس لازم يكون عندك انجليزي قوي علشان تمشي .
على العموم سوق العمل خاصة الخاص يتطلب لغة انجليزية (جدا ضرورية) .
ملاحظة : المعلومات السابقة مبنية على مجال خبرتي في التوظيف .
ارجو ان ينتفع الجميع من هذه المعلومات واسف على الاطالة .

نـــــــ15ــــــمر · #23 15/12/2004, 12:06 AM

اشكركم واحد واحد على تفاعلكم بالموضوع ومحاولتكم لنصحي واعطائي ارآكم بس المشكله انك ما فهمتو الموضوع بشكل صحيح لان المطلوب

هو باختصار اي شخص دخل مجال معين مثلا مجال الطب

فالشخص هذا الي دخل مجال الطب يتكلم عن الطب وش المواد الي يا خذونها ؟؟ وكم حصه في السبوع؟؟ ومتى التخصص؟؟ وما مدى حاجه سوق العمل الى هذه المهنه؟؟ وكم الراتب المتوقع؟وهل الماده حلوه او ممله؟؟
يعني من هذه التوضيحلت اتمنى من الجميع ان يكونوا فهمو المقصود
واقول لكل شخص شارك بالموضوع ولو بكلمه واحده

وشكرا

هلالي وان جار الزمن · #24 15/12/2004, 02:27 AM

تبي الكلام اللي ملحه فيه ..... عليك بمعهد الادارة .... ووقتها سوف تدعي لي من قلبك .....

لوحة مميزة · #25 15/12/2004, 03:08 PM

[ALIGN=CENTER] ^
وضح أكثر :p لا هنت
وش أقسامهم. وكيف دراستهم نظام ساعات ولا صباحية ولا مسائية.وهل فيه مكافآت

. ومن هالكلام .. )

أتمنى ما ثقلت عليك :p معلومات بسيطة يعني :p [/ALIGN]

تغريد · #26 15/12/2004, 03:39 PM

انا والله نفس حالة الاخ نـــــــ15ــــــمر مدري وش ادخل

يريت اللي يعررف تخصصات البنات يقلي وكم اقل نسبه للتخصص
انا علمي (طبيعي)

وتكفووون لاتجيبون طاري التدريس

وادعووووووولي اجيب نسبه حلوه......

Abduallah_9 · #27 15/12/2004, 04:36 PM

الله يوفقك اول شي ان شالله وتتخرج

انا بكلية علوم طبيه
الكليه ماتبي الا مذاكره اول بأول وبعدين عدد الطلبه دايم قليل بالتخصصات وهذا الكلام بعد ينطبق على الاخت تغريد

وكلية علوم طبيه فيها عدة تخصصات :
اخصائي تمريض يقولون انه للبنات بس بس انا شفت ورقه مكتوبه على جدران مبنى الكليه بداية من الترم الجاي بيسمحون للطلبه
اخصائي اشعه .. بحكم انه تخصصي انصحك فيه اذا انت تحب الشغل العملي والفيزياء ولا يهمونك يقولون امراض وماادري ايش خلاص الطب تطور

اخصائي هندسة اجهزه طبيه .. من أفضل الاقسام الموجوده بالكليه واصعبها ( وطبعا مافي شي صعب على الي يذاكر بس حنا نتدلع ونقول صعب

)
اخصائي تغذيه .. ناس اعرفهم تخرجوا من ذا القسم وكنا نقولهم بلا شغل مطابخ بس واللحين ما شالله ماسكين مناصب بمستشفيات

اخصائي مختبرات .. حلووو وكلها كيمياء
اخصائي علاج نطق وسمع .. ندرة بالسعوده في هذا التخصص وكان ودي فيه انا بس كان على وقتي مقفل التخصص

اخصائي ادارة مستشفيات .. تمسك ادارة مستشفى اذا كنت جيد ومتخرج بمعدل وش تبي غيرها

اخصائي بصريات .. وهذا القسم سهل مرره وشبيه بمواد دراسه الاشعه لانه يعتمد على الفيزياء والعدسات وتقعرها وماادري ايش

.. واكثر الي يتخرجون يروح لـ مصر ياخذ دوره اورل وبعدها يصير دكتور بصريات مو بس اخصائي .. ويقولون انهم بيفتحون ذا الدوره هنا والعلم عند الله ..

على العموم الكليه مستقبلها حلوو .. لان نسبة السعوده فيها قليله .. ويحتاجون موظفين بمجالات تخصص كلية العلوم الطبيه

واذا تبي معلومات أكثر .. أبشر وانا أخوك وانا حاضر بأي وقت

وصراحه ماعندي معلومات تنفعك الا عن كليتنا لاني فيها واغلب الزملاء موجودين بكل قسم بالكليه

واسف على الاطاله

وفمان الله

بــــدر · #28 15/12/2004, 06:50 PM

http://www.college-help.org/

اتمنى أن يفيدك هذا الموقع في الوصول إلى ما تصبو إليه ..

و الله يوفقك و يوفقنا ..

@اسير الهلال@ · #29 16/12/2004, 03:55 AM

هلا اخووووي نمر ,,,

الله يعينك انشالله ويوفقك في هالسنه وتجيب المعدل الي تبيه ,, وبالنسبه لي انا طالب جامعه الملك سعود

كليه الهندسه _ هندسه مدنيه _ وبعطيك نبذه عن الكليه ذا انت ناويها _ ,,,

طبعا اهم شي قبل ما تنوي او تفكر في كليه الهندسه تقيم مستواك في الرياضيات ,, لان الرياضيات هو

العمود الفقري ,,, يعني اذا انت والله شايف حالك كويس في الرياضيات فانشالله امورك تتسهل ,,

لاكن اخووي في اول متسويين في الكليه راح تاخذ مواد اعداد عام ( فيزياء _ عملي ونظري _ كيمياء

( عملي ونظري _ الانجليزي ) وكم مقرر من مقررات الريض ,, ومن المستوى الثالث راح تبدا تاخذ

مواد الهندسه العامه ,, وبعدها عاد تبدا تنزلك مواد تخصصك ,,,

اخوي طبعا الدراسه في الهندسه باللغه الانجليزيه ,,, وتقريبا راح ينزلك في كل ترم 17 ساعه ..

عموما ,,, كليه الهندسه ممتازه والدكاتره فيها كويسين ( مقارنه بغيرهم )

ومستقبلها حلو ,, لاني على ما سمعت ان خريجين الهندسه يتم تعينهم على المرتبه السابعه

عموما اخوي هذا الي حبيت اقوووله واذا بغيت اي استفسار ابشر على الماسنجر

[email protected]

وانشالله الاخوان يفيدوونك اكثر .... والله يوفق الجميع انشالله ,,,

تحياتي ....

نـــــــ15ــــــمر · #30 21/12/2004, 10:34 PM

اشكر برايه زرقاء وبدر و اسير الهلال على على المعلومات الي عطوني اياها واشكر تغريد و لوحه مميزه على تفاعلهم بالموضوع

واتمنى الزياده من المعلومااااااااااااات
تراه
مستــــــــــــــــــــــــــــــــــــــــــــــــــــــــــــــقبـــــــــــــــــــــــــــــــــ ل
مب قله حياء