علموني وش ادخل بعد الثانويه .. ارجو المشاركه .
 

السلام عليكم ورحم الله وبركاته

اولا شيءالموضوع هاااااااااااااااااااااااااااااااااااااام وارجو التثبيت

اخواني واخواتي يا اعضاء منتدى الزعيم حنا مشكلتنا اننا ندرس ونكرف ونجيب معدلات زينه في الثانويه العامه(التوجيهي) بس المشكله اننا ما ندري وش ندخل طب ولا هندسه ولا البترول ولا المحاماه فتشوفون ان الواحد منا يقدم على كل شيء واي شيء يقبله يدخل فيه حتى ولو كان ما يحبه وحتى لو كان ما قد سمع عنه شيء فكيف تبون الشخص يجيب مجموع زين في دراسته الجامعيه ويتوظف ويفلح في عمله وينجز المطلوب منه ويتقنه
وهو داخل شيء اصلا ما يحبه
فمثلا انا طالب في ثالث ثانوي (ادعولي) والحمد لله ما شي بس المشكله لو تسالني في اي جامعه راح تدخل اقولك وبكل اسف (i Dont No) ما ادري وما فيه شيء في بالي لاكن هذا الجواب مب جوابي انا الحالي هذا جواب اكثر من 70 بالميه من الناس و20 بالميه يقولون عسكريه يعني ما فيه الا 10 بالميه هم الي في بالهم شيء لاء يكون الشيء هذا مب من اختياره فمثلا يكون الطالب درجاته ممتازه فالاهل يفرضون عليه الطب او يقولون له ادخل الطب ولك السياره الي تبيها وهذا الشيء حاصل مع احد الاشخاص المقربين لي


واتمنى واقول ان كنتم تبون ان تغيروا في امتنا شيء وتطورونها للافضل ان كل شخص عنده معلومات عن اي تخصص انه يفيدنا فيها

او اي شخص دخل مثلا في الحاسب الالي ان يشرح لنا ويقول لنا عنطبيعه المنهج وعن الدوام وهل انه صعب وهلان الوظائف فيه متوفره يعني يعطينا معلومات عن التخصص الي هو فيه

اخواني مثل ما اقول لكم الموضوع مهم بالنسبه لي ولغيري
واكرر ارجو التثبييييييييييييييييييييييييييت والمشاركه من جميع الاعضاء

والله انك صادق اخوي


هذا الحال وما ندري وش الحل له ؟؟؟؟؟


على العموم ان شاء الله يا رب يوفقك وتتخرج من الثانوية بنسبة ممتازة ويوفقك بالدنيا والاخرة

دمتم سالمين

والله اذا عزمت تمشي معي والله ما عندي مانع

معليش بس قد فاتنا القطار <<<< مسوي شايب :D

مشكور اخوي مرسول الهلال على ردك وتفاعلك بالموضوع والله يوفق الجميع
(قولوا امين)

يا شباب اتمنى من اي واحد دخل في اي تخضصص انه يتكلم عنه

ضفني ماسنجر .. وأعجبك إن شاء اللخ :d:d

اذا تبي اخوي نمر اي معلومات عن العلوم واقسامها ابشر ,,,,

وعندي بعد بعض الخلفيات عن دراسة الاداره الصحيه والتامين الصحي ,,,,

انا بالخدمه اخوي نمر والله يحيك ......

والله شف أخوي ..

أما بالنسبة لجامعة الملك سعود فاذا كنت بتدخل أحد الكليات الصحية (طب بشري- طب أسنان - صيدلة - علوم طبية) فالله يعينك على اعدادهم العام ..وطبعاً لازم تكون نسبتك أكثر من 90% والقدرات لا تقل تقريباً عن 70% وأن تجتاز اختبارهم (اختبار القبول) ولازم تجيب أكثر من 60 ..

تخيل أول ترم اعداد انجليزي لجميع الكليات الصحية ..

ثاني ترم اعداد علوم (فيزياء - كيمياء عضوية - كيمياء عامة - احصاء - بيلوجي << يشبه الأحياء ) ونفس الكلام لجميع الكليات الصحية ..

ومن بعدها يروح كل واحد لكليته ..
واذا رحت كلية العلوم الطبية فالله يعينك على اعادهم الموحد ( مواد ترفع الضغط والسكر ) بس مو صعبه ..


ومع هذا أتمنى إنك تدخل التخصص الذي كنت تهويه من الصغر ..
يعني لحد يأثر عليك أحد وتدخل قسم أنت ما هويته مثلي ..

والله يوفقك ..

اقول اذا اتبعت نصائح من هب ودب منت ماشي بحياتك

روح للقسم الذي تهويه وان شاءالله راح تعيش

لاتصير مثل مشيت مع الناس وشفن خليت الدراسه عاطل :no: نوم الي العصر جالس بالبيت الي قبل صلاه المغرب ومن ثم الا الاستراحه الي 12 او 1 ومن ثم الي النت

لكن ان شاءالله راح نشتغل ونخل العطاله لا هله


اهم شي رح للذي ترتاح له :)

المهم هو رغبتك ، فمتى مارغبت في تخصص معين ستجد نفسك متفوق ومبدع فيه حتى لو كان التخصص نظري أو غير مطلوب ..

ينبغي أن تسأل نفسَكَ ماهو الحقل الذي أبدع فيه و أحبه . ثم إذا وجدت ذلك الحقل ، و يستحسن أن يكون هناك أكثر من خيارٍ حسب الأولوية ، فابحث عن سوق العمل لهذه الخيارات. و بناءاً على ذلك أذهب للسوق الوافرة الغنية.

لابد من توفر هذين العاملين حتى تنعم بمستقبل مشرقٍ بإذن الله.

بسم الله والصلاة والسلام على رسول الله وبعد
فعلا اخوي هذه مشكله لكن ماخاب من استشار وماندم من استخار
شف اخوي احنا الان مو قضية وش التخصص الي يناسبك الي فهمته منك انك جيد ونسبتك ماشاء الله
ومادام على ها الحال فإن شاء الله ان اي تخصص بيناسبك
لكن اياك ثم اياك تخطي خطى غيرك وتجلس في البيت زي غيرك انا اعرف 3 من الشباب علمي نسبهم 93%و95% والان نايمين في البيت والسبب عدم مشورة اهل الخبره فيه واحد يقال انه تحرك وسجل بأكادمية فيصل ولقطو منه 25 الف غير المصاريف والان يطالب وكلكم عارفين
انا ابيك تحط اهداف في راسك مو تخصص
الهدف الاول
حاول تاخذ لك تخصص حساس با المناصب العاليه والقصد من هذا مو الفلوس لا اختصر عليك الطريق شف وزير التربيه وش سوا شوف فكره وشف وش سوا انا هذا مقصدي
با النقيض شوف الدكتور خالد الجبير انسان يملك منصب حساس واستخدمها بامور الدعوه والعالي والنازل يحتاجونه
الهدف الثاني حاول انك تضع بذهنك ان هذا المنصب لله وبالله ولا تريد الا وجه الله بهذا الطريقه مجرد ما تشعر انك متجه له رايح تحس بأنس ودعو الله من قلبك
منصب حساس
وتريد وجه الله
عاد شوف الام الان وش محتاجه له اذا كانت تحب الطب فختر تخصص نادر ومهم
واذا كنت تريد هندسه فختر تخصص نادر وهلم جر
رغم ان اكثر الي يتجهون الان للحاسب وهو تخصص حلو وخاصه برمجيات بس مدري عن مدى صعوبته
واذا كنت شايل الامور ذي من راسك
شف هذي االي اكثر الشباب فيها وخاصه الناعمين ممرض طق ابره وامزع ابره
عاد الله يوفقك هذا الكلام قلت لناس كثيرين وانت منهم ومنهم استجام وماشي بطريقه ومنهم من راقب هو نفسه ودرس سنه وصار يداوم عند السسترات
الله يوفقك