نادي الهلال السعودي - شبكة الزعيم - الموقع الرسمي - علموني وش ادخل بعد الثانويه .. ارجو المشاركه .

إقتباس:

الرسالة الأصلية كتبت بواسطة نـــــــ15ــــــمر

او اي شخص دخل مثلا في الحاسب الالي ان يشرح لنا ويقول لنا عنطبيعه المنهج وعن الدوام وهل انه صعب وهلان الوظائف فيه متوفره يعني يعطينا معلومات عن التخصص الي هو فيه

عليكم السلام ورحمة الله وبركاته

أخوي نمر

تبي النصيحة s37s

إدخل بكلية المعلمين تخصص حاسب وتراك تدرس طلاب ثانوية ماهو إبتدائي ومتوسط :)

تدري ليش لأني وأنا أخوك تخصص حاسب :) ورايح أعطيك نبذة عن المقررات والمناهج من حيث الصعوبة والسهولة .

وبعدين أنا الترم القادم بإذن الله نبدأ بالتطبيق :) والمشكلة أنها مع طلاب ثانوي :D بس تصدق طلاب الثانوي أفضل من طلاب الإبتدائي والمتوسط في التعامل لأنهم على الأقل ناس فاهمين ومثقفين وجادين بنفس الوقت :thumbup: .

الزبدة s21s

يجيك ياطويل العمر والسلامة

الترم الأول 25 ساعة

1- مادة إنجليزي ساعتين سهلة بس أحفظ القطع كاملة تجيب الدرجة الكاملة .
2- مادة تلاوة وحفظ ساعتين بس أحفظ السور اللي تجيك وأبد الدرجة كاملة .
3- مادة التحرير العربي ساعتين لو أجيب طالب بثاني متوسط ينجح فيها .
4- أساسيات جبر سهلة لآخر درجة مثل ماتقول 1+1 .
5- فيزياء عامة 4 ساعات سهلة لآخر درجة وإذا أنت متذكر وش جاك بالثانوية مايحتاج تقرأ بالكلية لأن المعلومات نفسها وزيادة عليها بعض التجارب اللي تستانس يوم تسويها .
6- إنجليزي للحاسب ( 1 ) 4 ساعات أحفظ مصطلحات الحاسب الأساسية مثل www تراها سهلة لآخر درجة .
7- مقدمة إلى الحاسب 5 ساعات نبذة عن برامج الأوفيس ( الوورد - البوربوينت - الإكسل )
ويعطيك ورقة ويقول سو زيها بالوورد تلقى بالورقة جداول وصورة وأشياء تافهة أخوي الصغير يسويها .
8- تفاضل وتكامل 3 ساعات سهلة كلها جا وجتا وظا وظتا ودرستوها في الثانوية .
9- أصول تربية عامة ساعة واحدة ولأحد يسقط فيها .

الترم الأول عدا على خير وحاول تشد حيلك فيه لأن المعدل يبدأ من هذا الترم ولازم تجيب أعلى من 3 من 5 بالمعدل شان يعطونك المواد كاملة بالترم اللي بعده و3 من 5 مثل ماتقول كل مادة على الأقل تجيب فيها 70 من 100 وأعتقد أنت تطمح لأعلى من الدرجة هذي .

الترم الثاني 24 ساعة

1- الرياضيات المحددة 2 ساعتين تتكلم عن الأعداد الثنائية والثمانية والعشرية والست عشرية وكيفية حسابها ويبغالها تشغيل مخ شوي بس تراها سهلة بالحيل .
2- تقنيات التعليم ساعة واحدة جبت فيها 95 من 100 وتراني من جنبها عاد وش لون أنت يالدافور هههههه .
3- أصول التربية الإسلامية 2 ساعتين ومن مايعرف أصول التربية الإسلامية يتكلم عن التوحيد وحاول تحفظ الأدلة .
4- إنجليزي للحاسب ( 2 ) 4 ساعات إمتداد للمادة الأولى بالترم الأول وسهلة بالحيل .
5- مقدمة للخوارزميات والبرمجة لغة qb البيسك 4 ساعات وش لون تسوي برامج مادة الحقيقة تضحك .
6- تطبيقات الحاسب الشخصي 5 ساعات يتكلم عن برنامج الوورد بتعمق يعني مثلاً كيف تصمم جدول تقول من قائمة جدول يطلع لنا عدد الأعمدة ومن هالكلام يانمر وترها سهلة بالحيل بالحيل .
7- الرياضيات للحاسب 3 ساعات نفس مادة الرياضيات المحددة هذا إذا ماكانت أسهل بعد .
8- تاريخ المملكة 2 ساعتين جبت فيها 90 من 100 وسهلة لآخر درجة وأنا أخوك .
9- الخط ساعة واحدة وأعتقد المادة هذي ماتحتاج شرح .

عدا الترم الثاني على خير

أرجع وأعيد وأكرر حاول تجيب بالمعدل فوق 3 من 5 عشان الجدول يجيك كامل ولا تتكاسل وأنا أخوك :nono:

الترم الثالث 23 ساعة

1- عقيدة إسلامية 2 ساعتين سهلة .
2- قواعدج البيانات 4 ساعات تتكلم عن برنامج الإكسس فقط ومادة سهلة وإذا تبغى دروس أنا أشرحها لك كاملة .
3- الحاسب والمجتمع 3 ساعات تتكلم عن فوائد الحاسب وأضراره وخدماته ومجالاته وأعتقد أي واحد ماهو تخصص حاسب يقدر يتكلم عن الحاسب .
4- بحث تربوي 2 ساعتين سهلة ويكلفك الدكتور بعمل بحث عليه 10 درجات ويجيك بالإختبار النهائي سؤال يقول تكلم عن البحث الذي كلفت به .
5- إنتاج وسائل 2 ساعتين يتكلم عن أساسيات الرسم ومايحتاج شرح المواد اللي زي هذي سهلة بالحيل .
6- برمجة باستخدام فجوال بيسك4 ساعات ( 1 ) vb والله ترا المادة هاذي عقدتي وأنا أخوك بس تراها سهلة وبعدين تلقى بالنت برامج تعليمية عن المادة هاذي .
7- نظام التعليم بالمملكة 2 ساعتين يتكلم عن تاريخ التعليم بالمملكة وأشياء سهلة .
8- الرسم والإخراج الفني بالحاسب 3 ساعات تفيدك في مجال الرسوم خصوصاً في برنامج الفوتوشوب ومادة سهلة والحقيقة دراستها بحد ذاتها إستمتاع .

عدا الترم الثالث على خير .

الترم الرابع 23 ساعة

1- علم نفس النمو 2 ساعتين تتكلم عن مراحل النمو ومايحتاج أشرح مادة سهلة .
2- تقويم تربوي 2 ساعتين تتكلم عن كيفية وضع الأسئلة للطلاب وأسلوب تقويم الطلاب وبعد مادة سهلة .
3- إدارة مدرسية 2 ساعتين تتكلم عن أساسيات عمل المدير والموجه والمرشد الطلابي إتجاه الطلاب مادة سهلة .
4- إحصاء وإحتمالات 2 ساعتين تتكلم عن الوسط والوسيط والمنوال والله حرام ندرس المادة هاذي لأنها تعتبر زيادة عدد علينا بس تنفعك في المعدل لأنها سهلة .
5- برمجة باستخدام فجوال بيسك4 ساعات ( 2 ) vb تابعة للمادة الأولى في الترم الثالث مع شوية سهولة .
6- نظم التشغيل 4 ساعات مادة سهلة لآخر درجة تتكلم عن مميزات نظم التشغيل وأنواعها مثل نظام xp اكس بي أو نظام me ميلينيوم أو نظام ويندوز 98 ... الخ .
7- تحليل نظم 4 ساعات أخذت فيها 85 مع أني متذكر أني ماقريت غير ليلة الإختبار .
8- تقنية المعالجات والأجهزة 3 ساعات مادة عملية بحتة تتكلم عن محتويات الجهاز .

عدا الترم الرابع على خير

الترم الخامس 24 ساعة

1- برمجة قواعد بيانات 4 ساعات تشبه مادة قواعد البيانات بالترم الثالث .
2- لغة ++ c وتراكيب البيانات 4 ساعات مادة الله لايوريك نار نار بس سهلة عليك إن شاء الله .
3- اتصال وشبكات (1 ) 4 ساعات مادة عملية تتكلم عن توصيل الأجهزة ببعضها باستخدام الموجهات مادة مع التطبيق سهلة .
4- صيانة الحاسب وحماية البيانات 4 ساعات سهلة من اسمها .
5- التعليم بمساعدة الحاسب 4 ساعات اسهل مادة مرت علي بالكلية .
6- البرمجيات الحسابية والإحصائية 4 ساعات تتكلم عن برنامج الإكسل وعن كيفية القيام بالعمليات الحسابية عن طريقه وأيضاً مادة سهلة بالحيل .

عدا الترم الخامس على خير

الترم السادس 21 ساعة أصعب ترم مر علي بحياتي

1- طرق تدريس عامة 2 ساعتين سهلة .
2- برمجة4 ساعات ++c نفس البرمجة الأولى بالترم الخامس بس بها صعوبة شوي .
3- توجيه وإرشاد 2 ساعتين وأنت مغمض تنجح فيها .
4- - اتصال وشبكات (2 ) 4 ساعات تقريباً نفس المادة اللي بالترم الخامس.
5- جبر خطي 3 ساعات مادة بها صعوبة علي أنا مأدري يمكن سهلة عليك .
6- برمجة الإنترنت 4 ساعات حاول أنك تستفيد من المادة هاذي لأنها أهم مادة في قسم الحاسب .
7- الذكاء الإصطناعي 2 ساعتين تتكلم عن اسلوب تصميم الطيار الآلي وكيف يتم تجهيزه ومادة سهلة .

وعدا الترم السادس على خير

الترم السابع 23 ساعة

1- نشر إلكتروني 4 ساعات كيف تنشر على النت الصورأو صفحات الويب وأكيد أنك تعرف تنشر من الحين .
2- طرق تدريس الحاسب 2 ساعتين وفيه يوم مخصص تروح للمدرسة وتجلس مع الطلاب وتشاهد شرح المعلم في المادة .
3- وسائط متعددة 4 ساعات عن برامج الملتيميديا وكيفية تصميم مشروع ملتيميديا أو مشروع فلاش وحاول أنك تنمي قدراتك في مجال الفلاش وأنا أخوك .
4- علم النفس التربوي 3 ساعات والله العظيم اللي عطانا المدرس ماتعدا 30 ورقة وجبت فيها 85 .
5- مواضيع مختارة 2 ساعتين على حسب المعلم هو اللي يختار الموضوع ويتم دراسته في الترم مثلاً حنا أخذنا موضوع التعليم الإلكتروني مادة سهلة وش لك بالحكي .
6- تصميم وتقويم البرامج التعليمية 4 ساعات تقوم بتصميم برنامج تعليمي له مواصفات بواسطة برنامج الأوثر وير برنامج سهل للغاية .
7- مشروع التخرج 4 ساعات ( هنا لنا وقفة مع مشروع التخرج شوي )

يعطيك المعلم ورقة تعبيها فيها مواد عن تخصص الحاسب وأيضاً فيها رغبات عن مشروع التخرج الذي سوف تقوم به من الرغبات تصميم مواقع أو تصميم برامج أو تصميم قواعد بيانات أو إتصالات كمبيوتر والكثير ولازم تكون درجاتك مرتفعة في الرغبة التي تختارها .

مثلاً أنا أخترت تصميم مواقع ويب وأخترتها لأني دافور فيها وبنفس الوقت درجاتي في المادة رقم 8 في الترم الثالث 92 / 100 والمادة رقم 6 في الترم السادس جبت فيها ممتاز . وبالتالي فإن كل رغبة لها شروط يجب أن تحققها .

والترم الثامن للحين ماوصلته باقي أقل من عشرة أيام عليه وأدعولي بالتوفيق :D :D :D

هاذي نبذة بسيطة عن قسم الحاسب الآلي

شفت أنه سهل :thumbup:

على العموم تمنياتي لك بالتوفيق يالغالي وأي إستفسار أنا بالخدمة s84s

والسلام عليكم ورحمة الله وبركاته