#1  
قديم 12/12/2004, 08:00 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
سالفتي مع الجني ( قصة على اجزاء )

الحلقه الاولى


كنت في يووم من السنين جالس اداعب خصلات شعري الناعمه ... اللي تقل ليفة مواااعين في غرفتي المصونه ( لاتسألوني وش مكونات غرفتي منعاً للاحراج )... وكان يوم شديد البروده وكانت درجة الحراره 85 سنتي مكعب في الدقيقه... كنت انتظر مكالمه من جدي السابع عشر المتوفي سنة 71 قبل الميلاد ... ( ماتلاحظ انك بديت تنصب ) اقول اخلص ادخل بالسالفه .. اتصل علي واحد نفر من الشباب اسمه حضيض وقال وش رايك تطلع معي البر ... عاد انا جلست افكر بالموضوع لان طلعت البر فيها تحديد مستقبل ... قالت انت تامر أمر المهم شلنا العفش واتجهنا للبر ... وحنا في الطريق كان يسولف علي حضيض ويقول :- انا اللي كسرت خشم ابو الهول !!!! وانا اللي شلت الاهرامات من مصر الى الحوطه ... وانا اللي ذبحت عنتر بن شديد ( انا احسبه شداد ) وانا اقول في نفسي متى نوصل البر وافتك من النصاب حضيض ....
المهم وصلنا البر وبنينا الخيمه وشبيت النار وهو يصلح العشا ... وحنا جالسين اخر الليل وهو ينصب ويسولف وشوي الا يوم تغير وجه حضيض وصار وجه كنه عمارة المملكه كل شوي لون المهم يوم وصل وجهه اللون الوردي قلتله بالله ثبت وجهك على هاللون .... المهم يبي يتكلم مايقدر صارت براطمه ترجف رجف .. المهم يقوم على سرعه وياخذ لفتين بالهوى وحتى مالمس الارض ودعسه وحده على السياره ويركب ويحط رجله ... قلت يمكن يبي يروح للحمام منحشر ومستحي والحاجه هذي مافيها صبر ( اسألوا مجرب ) المهم قلت عذره معه ......

جلست ادعيله واقول الله يسهل عليه وان شاالله الولاده ماتكون عسرررره ....ا
المهم اني جلست ...



تابعونا في الحلقه القادمة
اضافة رد مع اقتباس
  #2  
قديم 12/12/2004, 08:29 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
والله انت انسان حضيض يو رحت مع حضيض

عموماً اتمنى بقية الاجزاء في هذا الموضوع حتى يكون له مرجعيه
اضافة رد مع اقتباس
  #3  
قديم 12/12/2004, 08:32 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
هلا اخوي سهل 888 ويشرفني حضورك

وان شاء الله احط الحلقة الثانيه قريبا
اضافة رد مع اقتباس
  #4  
قديم 12/12/2004, 09:22 PM
زعيــم مميــز
تاريخ التسجيل: 26/01/2004
المكان: الـريــاض
مشاركات: 2,616
أتمنى انك تنزل الجزء الثاني بسرعه
اضافة رد مع اقتباس
  #5  
قديم 12/12/2004, 09:56 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
ابشر بعزك اخوي توتي 2004

ومشكور على مرورك
اضافة رد مع اقتباس
  #6  
قديم 12/12/2004, 10:14 PM
رحمه الله واسكنه فسيح جناته
تاريخ التسجيل: 19/08/2003
المكان: الرياض عاصمتنا الحبيبة
مشاركات: 3,703
عجل علينا تكفى بالي بعده
ولو تنزلها مره وحده يكون أحسن
اضافة رد مع اقتباس
  #7  
قديم 13/12/2004, 02:07 AM
زعيــم نشيــط
تاريخ التسجيل: 16/03/2003
المكان: جـــ غيـــــر ــــدة
مشاركات: 737
لو تنزل القصه مررره وحد احسن
مو بالتقسيط والا تبي تسوووي
تشووووويق

ننتظر الجزء الثاني
اضافة رد مع اقتباس
  #8  
قديم 13/12/2004, 06:59 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
@ انا اقترح تخلي القصة ثلاث أمية حلقة ابلغ للتشويق يا خوي حضيض !!
اضافة رد مع اقتباس
  #9  
قديم 13/12/2004, 10:17 AM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
إقتباس
الرسالة الأصلية كتبت بواسطة مرسول الهلال
الحلقه الاولى

وبنينا الخيمه
تابعونا في الحلقه القادمة

الخيمة تبنا ولا تعمر


وش رايك تسردهن بحلقة وحدة يالمكسيكي
الصراحة شوقتنا
اضافة رد مع اقتباس
  #10  
قديم 13/12/2004, 01:59 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
ابشروووا يا شباب وبخليها بقصة وااحدة

بعدين الخيمة تبنا من الشفاحه اللي فينا هههه
اضافة رد مع اقتباس
  #11  
قديم 13/12/2004, 02:15 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
الحلقات الباقية


يتبع

المهم اني جلست لحالي ماالتفت لا يمين ولا يسار... وشوي امد يديني لنار ابي اتدفى ... والا يديني صارت اربع ثنتين.... فيها شيب وثنتين اعرفها من زماان وهي معي ...<<ياحمار هذي يدينك).. المهم التفت يمين ماشفت شي والتفت يسار ... وش اشوف؟؟؟؟ شوفت الشر ... واحد عمره فوق 260 كيلو متر في الساعه و عيونه بالطول وماله الا اذن وحده( تقل اذن شفالي<< نوع من الطليان ..) فوق راسه وعليه شعر ( الظاهر مايدري ان فيه اختراع اسمه مشط او شامبو) وعليه شنب تقل طرف زوليه ... المهم ان وجهي تغير صرت مره اضحك ومره ابكي ومره اطرش ومره اغني ... المهم في لمح البصر صار قدامي وشوي صار يميني وشوي وسط النار ... المهم فهمت من هالحركات انه يبي يعلمني اني مااقدر انحاش منه ... قلت في نفسي لازم اسوي اني قوي واعلمه بعض نصب حضيض الرخمه ... قلتله اس اس اس صباح الخير ( هذا اوله تبي تسلم عليه وصبحت )

المهم مارد علي .. قلتله انا اللي كسرت خشم الاهرامات وانا اللي شلت ابو الهول من الحوطه الي عنتر بن شداد ( والله من الصدق) ... المهم ناظر فين ودموعه على خده وقال :- بين انك قوي وشجاع ( ايه هين ماشاف سروال السنه وش فيه ) وانا ابي اقولك سالفتي واذا ساعدتني اطلب ماتبي ... قلت ابي صحن فول من عند ماكدونالدز .. وشوي الا الضربه على الجبهه ... قال خلني اكمل السالفه وبعدين اطلب يا الخبل ,, قلت طيب كمل سالفتك يالمسكين وشوي الا المحطه على علباي .. قال الظاهر انك ماينفع فيك ... المهم قلت كمل السالفه يا شديد .. قال انا حصلت لي سالفه من قبل مده وابي فزعتك ... قلت تبي سلف عشره ريال اكيد ... المهم قام واخذ من الحطب وقال والله لو ماتخليني اكمل السالفه اني لا اكسر الحطب على ظهرك يا اللوح .. المهم قعد يسولف وانا افكر في مسلسل مكسيكي ..

المهم قال :- انت معي ؟؟ قلت لحظه ( ابي افهمه اني متابع معه السالفه ) قلت من اللي جابك من المطار ؟؟ ... ( ترى هو يسولف عن قصة حب ) وشوي الا رجله محضّره في بطني ... قال انا لي ساعة اتكلم عن سالفتي مع الجنيه اللي احبها وانت تقول مطار !!! ... قلت :- جنيه اعوذ بالله من الجن ... عاد مالقيت الا جنيه تحبها ماكثر الله الا بنات خلق الله... قال ياحمار يا خبل يا ثور يا دلخ انا جني ولازم احب جنيّه مثلي . وشوي الا وتجيني رسالة من خويي مضواح وانا اقراها الا وتجيني رفسة في بطني نسيت بعدها اسمي !!!

المهم عرفت انه من فصيلة الجن الاحمر وهذي اللعن فصيله عندهم .... يعني من الجنون الحمر ... عاد انا ماقدرت اتحرك من مكاني ..حاولت اقوم لكن الركب خانتني قلت في نفسي وين انحاش وهو شوي قدامي وشوي وراي وشوي يسار ويمين قلت اجلس وامري لله .. المهم بدا يقص قصته .

قال الجني :- بدايت قصتي كنت العب في حارتنا قبل سنتين ( المشكله انه شايب مدري وشلون يلعب ومايستحي على وجهه ) ... وشوي اللي يوم مرت بجنبي جنيه عليها عين سودا كبر فنجال القهوه وعليها اذن تقل اذن عنز ولابسه خيشه مخصره ( احس انه يوصف خدامتنا ) ... المهم قلبي تعلق فيها وبديت اتحرش فيها واغازلها .. وفاضت قريحتي الشعريه وقلت البيتين فيها على الطاير وهي تمشي قدامي

فدوت عيونك لغدت روح مغليك **** وش عاد لو راحت لعينك عشاير ابيع مايغلى على الكون واشريك*** واسوق الى جتني علومك بشاير

المهم ناظرت فيني نظره هزت بطني وجميع الجهاز الهضمي .. وضحكت ضحكه وقف شعر راسي .. المهم حاولت اوقف ماقدرت.. حاولت امشي ماقدرت حسيت اني تغيرت . وصرت ماآكل مثل الجن ولا انام في الليل ...حالتي تغيرت .. عرفت اني طحت في الحب اللي يقولون عنه ...المهم كلمت اخوي الصغير يروح يخطبها لي ( معلومه :- الجن اذا يبون يتزوجون يرسلون اخوانهم الصغار يخطبون لهم ) المهم اخوي راح لبيتهم وكلم اخوها الصغير ... وقال انا جاي اخطب اختك الجنيه لخوي الجني ... قال اخوها مهر اختي خمسين كرتون موز ( الموز غالي عندهم اغلي من الذهب ) وعشرين خيشت بصل واربعين حزمة كراث ... قال اخوي والله لو اختك زلابيا<<< ( ملكة جمال الجن ) المهم زعل اخوها وطرد اخوي من الحصاه ( هم ساكنين في حصاه مو مثلنا في بيوت ) ... المهم حاولت اتزوجها في جميع الطرق ماقدرت .. ومره صادني اخوها الصغير وانا في حوش حصاتهم << ( بيتهم ) اكلمها ... اجتمعوووا قبيلتها وقرروا ذبحي او طردي من عالم الجن .. وانا الحين بينكم في عالم الانس وابي فزعتك ومساعدتك يا خعاخع ... وهذي كلمات بعد الغيبه الطويله عنها

ابعدوا عني هوى بالي وسيدي****** ومنعوا عني رسايله ياصلوني ابعدوني عنه في دارٍ بعيـــــدي******حسبي الله كانهم منه قطعوني صارت الفرقا لنا علم اكيــــدي****** ليتهم راحوا وانا عنده نسوني الرجا بك ياخعاخع ياعضيدي *******لاتخليني تراهم عذبونـــــــــــي

المهم وانا افز من مجلسي قلت اطلب عزك يا جني ( ايه هين والله من الخراط عندك ) قال الجني ابيك تساعدني ابيك تروح لعالم الجن وتجيب اخبارها ... فكرت قلت وشلون اروح وانا من الانس قال هذا بسيط وعلى فكره ترى الجن يخافون من الناس .. قلت خلاص انت علمني كيف ادخل لعالم الجن وانا اجيبلك اخبارها ..المهم اعطاني خاتم وقال اذا فركت الخاتم تدخل عالم الجن واذا نزلت الخاتم تطلع من عالمهم وقالي لاتخاف ترى اذا خفت منهم اذبحوك ... وقال ترى بتشوف اشكال تخوف بس جمد قلبك ... المهم توكلت على الله واخذت عنوان حبيبته وفركت الخاتم ولحظه وانا داخل ديارهم المهم صرت اتمشى في وديانهم ( الشارع عندهم وادي ) ... ترى مااحد منهم شك اني من الانس ... المهم فيه جن تطير وفيه جن يمشون بسرعه وفيه جن تزحف مثل السلحفاه ... عالم غريب واشكالهم تجيب المغص .. رحت للعنوان ولقيت حصاه دورين وشفت جنيه مع الدريشه العلويه تجيب الهم ... المهم دقيت الحصاه وطلع اخوها الجني الصغير وعرفته بنفسي وقلتله انا خعاخع من الانس جايك في امر مهم ولا زم تنفذه ..

قالي ادخل المهم جاب لي قهوة حرمل ( هذي قهوتهم ) المهم صب لي فنجال وقلت ما اشرب حرملك الا تنفذ طلبي ... قال اطلب وعيني سداده ... قلت انا جاي اخطب اختك لخويي الجني الاحمر اللي طردتوه للارض والمهر اللي تبي انا مستعد فيه ... قال طلبك مجاب واعتبر الجنيه اختي في حصاة زوجها ... والمهر جيتك تسوى الجن كلهم وبعدين يشرفني ان انسان يدخل حصاتي

.. المهم شربت حرمله ( قهوته ) ونزلت الخاتم وشوي الا انا في مكاني عند الجني ... قال بشر جبت اخبار عنها قلت لا ... وشوي الا الترفيس والتشويت قال الشرهه على اللي يرسل مثلك حمار ... قلت لا تستعجل خلني اقولك السالفه انا رحت لخوها وخطبتها لك ووافق اخوها وقال الجنيه في حصاته يعني في بيتك الحين قال انت تمزح ولا صادق قلت هذي الحقيقه ... بغى يطير من الفرحه قال اطلب وانا عند وعدي لك

المهم قلت ابي ,,,,,,,,,,,,, وشوي الا حضيض صديقي الرخمه جاي ومعه عيال الحاره وجماعتي والشرطه والدفاع المدني والجمارك ومصلحة معاشات التقاعد و شركة الاتصالات الظاهر مابقى احد في الرياض الا وجابه المهم الجني شافهم وانحاش ... وضاعت احلامي وافكاري بعد ماانحاش الجني كنت مخطط انه يعشيني في ماكدونالدز ...

معليش على الاطاله

بروفيسور خعاخع



ودمتم سالمين
اضافة رد مع اقتباس
  #12  
قديم 14/12/2004, 01:13 AM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
اسمح لي اغير ردي (( راح عليك ماكدونالدز ))

الله يعافيك اخوي على هالقصه الموحشه ( المرعبه عندهم موحشه )
اضافة رد مع اقتباس
  #13  
قديم 14/12/2004, 02:01 AM
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 14/05/2002
المكان: في صومعة الحياة ..!!
مشاركات: 9,999
مرسول الهلال
اقول

ماعندك قصة ثانية.. <------- اعجبتة القصة
اضافة رد مع اقتباس
  #14  
قديم 14/12/2004, 03:18 AM
زعيــم نشيــط
تاريخ التسجيل: 11/11/2003
مشاركات: 796
يؤ يؤ قسماً بالله عشت اجواءكم معشر الجن الاحمر
يا حبي للمحششين خيالهم يكفي الكواكب و المجرات
بس معليش فيه سؤال الحين المطافي والشرطة واهل الرياض وش يبون متأولي يا راقل
اضافة رد مع اقتباس
  #15  
قديم 14/12/2004, 02:41 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
يا هلااا فيكم

جوابا على سؤال اخوي راسن اهل الرياض والمطافي فزعات لاخونا خعاخع


تسلمون ويعيطكم العافيه للي ردوا وعقبوا على القصة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:30 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube