ألف مبروووووووووووووك - نادي الهلال السعودي - شبكة الزعيم

خارج الخدمه · #1 14/10/2004, 04:19 AM

أولاً .. أبارك لكم إحظار اللاعب الكبير في السن واللعب Alexander Mostovi لاعب منتخب روسيا ..

أنا أعد هذه الصفقه من الطراز الثقيل .. وأن اللاعب سوف يحل مشكلة الهلال بإذن الله ..

السن ياجماعة الخير موب عيب .. أنا بأرجع معكم ورى شوي .. أول مامسك الأمير عبدالله بن مساعد الهلال .. تذكرون من جاب في الوسط الأيمن .. كان اللاعب كنشلكش .. كان كبير بالسن .. تقريبا عمره زي Alexander Mostovi .. لكن كان شايل الفريق .. وحقق معه بطولة كأس ولي العهد .. بس أتمنى إن اللاعب في الفتره الماضيه كان مواظب على التمرين .. عشان يكون في قمة عطائه ..

فيه فرق كبير بين اللاعب السعودي أو الخليجي .. وبين اللاعب الأوربي .. لو تلاحظون إن اللاعب الأوربي يبقى في الملاعب لمده أطول .. وهذا يرجع لنوع التمرين .. لأن عندهم مبدأ الإحتراف يطبق على أصوله .. تخيلوا إن اللاعب عندهم يدخل النادي الساعه 8 الصبح .. ويطلع 5 المغرب .. ويكون وقتهم مقسم بين تمارين الحديد واللياقه والساونا والتكتيك .. أيضاً .. مشاهدة المباراة السابقه للفريق .. وتصحييح الأخطاء .. غير إنهم يسمعون بالسهر ..

أما عندنا .. التدريب يكون بين ساعه وساعتين .. واللاعب بين الشيشه والدخان والجراك .. وسهر .. وتدريب دلع .. وصالة الحديد في الشهر مره .. كيف تبغى اللاعب يستمر في الملاعب .. خاصة إن عندنا طبيعتنا تختلف عن طبيعتهم .. عندهم اللاعب يهتم بنفسه ويحاول على تطوير ذاته ..

صدقوني متى ماكان اللاعب جاهز لياقيا .. يبي يبدع عندنا في الدوري السعودي ..

ابو عبـــــــــدالله · #2 14/10/2004, 04:23 AM

اخوي اليساندرو مستوفوي من اللاعبين الي يتمتعون بقلت الحركة وكثرة البركة بمعنى انه كل كورة تطلع من رجله تعني فرصة هدف ,,,,

اما بالنسبة للياقة هو لايتميز بلياقة عالية جدا ولكن من يستطيع اللعب 70 دقيقة بدوري مثل الدوري الاسباني فمعنى هذا انه يستطيع لعب 700 دقيقة بالدوري السعودي ...

الشاخط · #3 14/10/2004, 04:33 AM

ان شاء الله يكون صفقة رابحة
واتمنى بأن لايكون لكبر سنه
تأثير على مستواه
تحياتي

الهاوس · #4 14/10/2004, 04:39 AM

يعطيك العافية اخوي

اتمنى ان يستفيد الفريق من اللاعب وان يفيد اللاعبيين الشباب بالنصائح الفنية

وان متأكد من انه سيقدم للفريق الهلالي الكثير .

بالتوفيق للاعب مع الفريق .

هلالي أصيل13232 · #5 14/10/2004, 01:45 PM

تمام عليك
تعجبني

الهلال & ايطاليا · #6 14/10/2004, 01:54 PM

ان شاء الله يكون صفقه رابحه وموفقه

وان شاء الله يبدع مع الهلال

ومشكور على الموضوع

الــهــايــم · #7 14/10/2004, 02:00 PM

انشاء الله تكون صفقة ناجحة ونتفائل خير

Nedved 11 · #8 14/10/2004, 02:04 PM

بإذن الله يكون صفقة ناجحة

وكل الشكر للأمير الشاب محمد بن فيصل على الصفقة الحلووووووه

عاشق &&& التمياط · #9 14/10/2004, 02:07 PM

ان شاءالله تكون الصفقة ناجحة . .

وان شاءالله ينفع الزعيم . .

الهيمان · #10 14/10/2004, 02:15 PM

انا ما اقول الا انه صفقه رابحه بأذن الله

ابوبدر الهلالي · #11 14/10/2004, 06:33 PM

نجاح الصفقة بيد الجمهور

يجب علينا احساسه بعالميته لاجل ان يبذل العطاء الكامل ويبدع ويحس بالمسؤلية

خارج الخدمه · #12 14/10/2004, 10:26 PM

أشكر الجميع على الرد والتفاعل ..

ابو عبـــــــــدالله

الشاخط

الهاوس

هلالي أصيل13232

الهلال & ايطاليا

a512

Nedved 11

عاشق &&& التمياط

الهيمان

ابوبدر الهلالي

أشكركم على الردود .. وأعتقد أننا يجب أن نقف مع اللاعب كما قال أخوي ابوبدر الهلالي لأن اللاعب لاعب عالمي ويجب أن يحس بعالميته حتى يبدع .. حتى لا تصبح لديه أزمة ثقه كما حدث لغيره ..