أولاً .. أبارك لكم إحظار اللاعب الكبير في السن واللعب Alexander Mostovi لاعب منتخب روسيا ..
أنا أعد هذه الصفقه من الطراز الثقيل .. وأن اللاعب سوف يحل مشكلة الهلال بإذن الله ..
السن ياجماعة الخير موب عيب .. أنا بأرجع معكم ورى شوي .. أول مامسك الأمير عبدالله بن مساعد الهلال .. تذكرون من جاب في الوسط الأيمن .. كان اللاعب كنشلكش .. كان كبير بالسن .. تقريبا عمره زي Alexander Mostovi .. لكن كان شايل الفريق .. وحقق معه بطولة كأس ولي العهد .. بس أتمنى إن اللاعب في الفتره الماضيه كان مواظب على التمرين .. عشان يكون في قمة عطائه ..
فيه فرق كبير بين اللاعب السعودي أو الخليجي .. وبين اللاعب الأوربي .. لو تلاحظون إن اللاعب الأوربي يبقى في الملاعب لمده أطول .. وهذا يرجع لنوع التمرين .. لأن عندهم مبدأ الإحتراف يطبق على أصوله .. تخيلوا إن اللاعب عندهم يدخل النادي الساعه 8 الصبح .. ويطلع 5 المغرب .. ويكون وقتهم مقسم بين تمارين الحديد واللياقه والساونا والتكتيك .. أيضاً .. مشاهدة المباراة السابقه للفريق .. وتصحييح الأخطاء .. غير إنهم يسمعون بالسهر ..
أما عندنا .. التدريب يكون بين ساعه وساعتين .. واللاعب بين الشيشه والدخان والجراك .. وسهر .. وتدريب دلع .. وصالة الحديد في الشهر مره .. كيف تبغى اللاعب يستمر في الملاعب .. خاصة إن عندنا طبيعتنا تختلف عن طبيعتهم .. عندهم اللاعب يهتم بنفسه ويحاول على تطوير ذاته ..
صدقوني متى ماكان اللاعب جاهز لياقيا .. يبي يبدع عندنا في الدوري السعودي ..
