الآن.. رســــوم على الـــطـــرق الـــســـريـــــعـــــة !! - نادي الهلال السعودي - شبكة الزعيم

فتى القصيم · #1 20/04/2004, 09:33 PM

جريدة الرياض: 1/3/1425هـ

حددت وزارة النقل الرسوم المالية على مستخدمي الطرق في المملكة وستكون هذه الرسوم إلزامية في حال موافقة مجلس الشورى النهائية عليها.

وتم وضع هذه التسعيرة وفق دراسة لشركة فرنسية كلفتها وزارة النقل عام 2000بدراسة مشروع فرض رسوم على الطرق.

وتحقق هذه الرسوم إيراداً كافياً لتغطية جميع التكاليف بالإضافة إلى هامش ربح بسيط وتقررت الرسوم على النحو التالي: 66هللة لكل كيلو متر للسيارات الصغيرة و 23هللة لكل كيلو متر لسيارات النقل الخفيف و 11هللة لكل كيلو متر لسيارات النقل الثقيل وقدرت المجموعة الفرنسية معدل الإيرادات والنفقات والأرباح السنوية على النحو التالي إجمالي الإيرادات 175مليون ريال وإجمالي نفقات التشغيل والصيانة 106ملايين ريال...... ليصبح الفائض 69مليون ريال;)

الــــــــــــمـــــــــــــــــصــــــــدر

وبحسبة بسيطة جداً...

طريق الرياض - الدمام: 400 كم 66X هللة = 264 ريال

طريق الرياض - القصيم: 330 كم 66X هللة = 217.8 ريال

طريق الرياض - الطائف: 800 كم 66X هللة = 528 ريال

هذا غير قيمة البنزين والببسي والفصفص والسنكرس...

يعني بالعربي.. يمدحون البعارين

تحياتي للجميع,,,

الإعصار · #2 20/04/2004, 09:43 PM

حسب ما اعرف بأن الكيلو متر الواحد سيحسب للسيارات الصغيرة بخمسة هللات وليس كما ذكرت

برق الزعيم · #3 21/04/2004, 12:56 AM

[ALIGN=CENTER]

إقتباس


	حددت وزارة النقل الرسوم المالية على مستخدمي الطرق في المملكة

اللي يشوفهم يقول هالطرق اللي تفتح النفس لامحطات زي الناس ولااستراحات عليهاالكلام,,,,,,,,,,,,,,,,الخ

كل اللي نقوله

الله يرحم الحال وبس

تحياتي وانااخوك[/ALIGN]

فتى القصيم · #4 21/04/2004, 01:07 AM

مصدر الخبر هو جريدة الرياض وهم الي يقولون ان رسوم السيارات الصغيرة ب 66 هللة !!!

الأزرق العالي · #5 21/04/2004, 01:12 AM

[ALIGN=CENTER]مرحبا ..

البلاد تعيش بـــخـــيـــر و نِــــعــــمــــة و لله الـــحـــمـــد ..

لذلك لا أجـــدُ مُـــبـــرّراً لــهـــذه الـــرســــوم !!

عمومــاً ..

لا أعتقد أن الرقم الذي ذكــر ( 66 هللة ) صحيح !!!

و إن كان صحيحــاً - و هذا ما لا أتوقعه - فهذه مُـــصـــيـــبة أخرى !!

تحياتي ..[/ALIGN]

هلالي الجوف · #6 21/04/2004, 01:32 AM

ماشاءالله تبارك الله ..
نلاقيها من وين والا من وين ؟؟

حجز طيران مافي .. قطارات مافي .. طرق زي الناس مافي .. بعارين في

وكملوها يبون يحطون ضرايب .. عفوا يحطون رسوم !!
يعني من زين هالطرق اللي كلها حفر ومطبات وحوادث ونقاط تفتيش ورادارات علشان يكملونها بالرسوم

والمشكلة من الجوف الى الرياض 1200 كيلو
ومن الجوف للشرقية 1200 كيلو
ومن الجوف للقصيم 1300 كيلو !!
ومن الجوف لمكة 1400 كيلو !!
ومن الجوف لعرعر 150 كيلو

ومن الجوف لدمشق 700 كيلو

وعليكم الحساب

وحسبي الله ونعم الوكيل

prince1111 · #7 21/04/2004, 03:49 AM

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]
^
^^
^^^
المشكلة من الرياض لدمشق 1800 كيلو

اقول يمدحون الخطوط السعودية وإلا بيحسبون رسوم جو بعد

[/ALIGN][/CELL][/TABLE][/ALIGN]

المعترض · #8 21/04/2004, 04:10 AM

8

8

8

هاذي ضرايب بعد ماشافو السكوت على تأمين الرخصه !

8

8

8

لكن يمدحون القطار والتوبيسات ...

ولا حول ولآقوة الآ بالله ...

تحياتي .

البارق · #9 21/04/2004, 05:33 AM

والله النشبه ..

يعني محلوف عليهم إن مايبقى ولا ريال من الراتب

..

على كذا الواحد يشتري له ( همر ) ويخلي الطريق بري أحسن

..

والله على كذا وبالسعر هذا الطيارة على غلاها أرخص !!!!..

أقول يا فتى القصيم ...اخلص تخرج بس قبل ما يعتمد الموضوع

..

تحياتي ،،،

ريفيلينو · #10 21/04/2004, 09:27 AM

سلاااااااااااااااااااااااام

تعقيب بسيط

اولا: الخبر كما ورد بالجريده غير واضح ففي اسفل الخبر ورد التالي :

إقتباس


	وكانت لجنة مكونة من وزير النقل ووزير الاقتصاد والتخطيط ووزير المالية قد عقدت عدة اجتماعات توصلت من خلالها إلى إقرار مبدأ قيام القطاع الخاص بالاستثمار في الطرق السريعة. أن يكون مقدار المقابل المالي الذي يمكن تحصيله من مستخدمي الطرق على النحو التالي 5هللات لكل كيلو متر للسيارات الصغيرة و 10هللات لكل كيلو متر للسيارات المتوسطة و 15هللة لكل كيلو متر للسيارات الثقيلة وأوضحت اللجنة الثلاثية أن هذا المقابل في حدود المعايير المطبقة في أغلب دول العالم.

وش فهمتوا بالله

ثانيا: من داخل مجلس الشورى وصلني التالي:
اثناء مناقشة وزير النقل في قضية الرسوم.... كان اعضاء المجلس معارضين وبشده وطالبوا الوزير ان يوفر البديل قبل ان يفكر في وضع الرسوم.... اي ان الامر يجب ان يكون اختياريا وليس الزاميا.

ومن هنا الى ان يتم توفير البديل يحلها الحلال
يعني وسع صدرك

وسلااااااااااااااااااااااااام

الممنوع · #11 21/04/2004, 09:31 AM

أقول كيف الحال
المشكله وهي ماهي الاسس التي تعتمد عليها هذه الرسوم الم ينظرو الى رواتب بعض الموظفين وكيف هيا متدنيه الذي راتبه اقل من 4000 ريال وساكن الرياض ويذهب الى أهله بإي منطقه فكم يبقا من راتبه اذا كان يذهب في الشهر مرتين فهم الان سيحرمونه التواصل مع أهله
والاخرى اذا كان شخص ساكن الرياض ويعمل بالخرج ويذهب كل يوم فكيف سيحاسب
طيب انا ساكن بالرياض واروح لسدير حب قلبي كم ادفع او هات حق الطرق الى القصيم يجب ان تكون هناك أليه للعمل حيث توضع نقاط للعبور فمثلاً طرق الرياض توضع فيه أكثر من نقطة للعبور في أخر الرياض وفي المنتصف قرب المجمعة و بعدها قرب القصيم فقط للعدل
ياليتهم ذهبوا الى ماليزيا وشرق أسيا ليشاهدو الرسوم البسيطة على الطرق ومع هذا يوفرون كل الخدمات
بس عندنا هات وأنس الخدمات جمع قريشات
وجعلها فبطونهم نار اذا ماصرفت في وجه حق
والله ماأسامح من سرق او أخذ شي منها
أخوكم / ابوالبنات
حصه
شموخ
سلاف

عــــ الهلالي ــارف · #12 21/04/2004, 11:01 AM

من الساحل الشرقي الى اقصى الجنزب اكثر من 1800 ...!!!

عساني ما اطب الجنوب ابد ...

فتى القصيم يمال العافيه على الخبر الشين ...

السلماني · #13 22/04/2004, 12:32 AM

إقتباس


	إقتباس من مشاركة الإعصار حسب ما اعرف بأن الكيلو متر الواحد سيحسب للسيارات الصغيرة بخمسة هللات وليس كما ذكرت

ومع ذلك تعتبر غاليه وخاصه للي يسافر كل مره لديرته يعني ياهل سدير وياهل القصيم ماهو لازم كل اسبوع تروح للحرمه يعني اسبوع واسبوع وتراهم يقولون على شان نحافظ على صحة الشباب من الـ...... الزايده. واللي عرفه ايضا ان مجلس الشورى رفضها ولكن الله يستر.

بو وليد · #14 22/04/2004, 12:43 AM

إقتباس


	إقتباس من مشاركة المعترض 8 8 8 هاذي ضرايب بعد ماشافو السكوت على تأمين الرخصه ! 8 8 8 لكن يمدحون القطار والتوبيسات ... ولا حول ولآقوة الآ بالله ... تحياتي .

ملك الإنترنت · #15 22/04/2004, 12:57 AM

بـــصـــراحـــة الـــرســـوم رخـــيـــصـــة